وكيلهم ربي هد الجمارك ... فى الشهر المبارك

[اسحاق2]

السلام عليكم

صح رمضانكم وكل عام وانتوما بألف خير .
خاوت رانى حاصل انتاع الصح ..
شريت تليفون galaxy s3
والشحن fedex
راه فى سمانة


Clearance in progress



http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://im32.gulfup.com/AxKVp.jpg
كلمت المؤسسة قالولى , راه عند الديونة ,

وقالولى راه مايفوتش .
ماعرفتش .. وش يصرى اسكو نخلص , باش يفوتوه

ورانى خايف اندير روتور البائع مايرجعليش دراهمى . :o

وهنا اكبر مشكل .
بلاد ميكي
حسبنا الله ونعم الوكيل فيهم ...

[Ali04]

أحسن شيء أرسله إلى عائلة في الخارج فقط..

[سارةالتلمسانية]

rabi yehdihom man jiha we ye3awanehom man jiha akhera rouh ahedar me3ahom we ida 3andek lema3erifa kolchi raho yekheroj fi beladena bel ma3erifa

[Mohamed.Bel]

راه الي يجي يقول بلاد ميكي، انا راني غبي لازم تفهموني واش هي بلاد ميكي هادي

ياكل في الغلة و يسب فالملة ، الي راجل يجيب حقوا بذراعوا ماشي يطيح لدولة كاملة، راه كاين رجالة و زيد أكثرية الشعب الي ميكي ماش الدولة كاملة.

[azizo18]

يا اخي رووووح ليهم للعاصمة نورمال علي جال خقك متسمحش لانه لا يوجد اي قانون يمنع الهواتف من الدخول روح ليهم و قول للاستعمال الشخصي وقولهم اعطيوني القانون اللي يمنع دخول الهواتف والي كان عندك كاش معريفة فالديوانة شوف المعريفة هدي هي بلادنا نحبوو و لا نكرهوووووووو

[bobsat017000]

كاينة كاينة كاينة كاينة كاينة كاينة كاينة كاينة كاينة كاينة كاينة

[الاخ الكريم]

اسحاق2
السلام عليكم اخي نفس المشكلة حدثت معي هذا /س ك اي ب/ نتاعي نقولك كيفاش حليتها
le-hic1

[GranD_AmjeD]

ياو حتى انا اكسبوكس من المانيا راو الان في 22 يوم المشكل بدون رقم تتبع

[HAMID120]

راه الي يجي يقول بلاد ميكي، انا راني غبي لازم تفهموني واش هي بلاد ميكي هادي

ياكل في الغلة و يسب فالملة ، الي راجل يجيب حقوا بذراعوا ماشي يطيح لدولة كاملة، راه كاين رجالة و زيد أكثرية الشعب الي ميكي ماش الدولة كاملة.

بلاد مكي بلاد .........:mad: كيما تسيميها تجي

رجالة كيما انت

[اسحاق2]

راه الي يجي يقول بلاد ميكي، انا راني غبي لازم تفهموني واش هي بلاد ميكي هادي

ياكل في الغلة و يسب فالملة ، الي راجل يجيب حقوا بذراعوا ماشي يطيح لدولة كاملة، راه كاين رجالة و زيد أكثرية الشعب الي ميكي ماش الدولة كاملة.
خويا ,,, ايا اللى انت راجل ,
دير روحك فى بلاصتى وس رايح اتدير برك ؟ ناكل الغلة ونسب الملة ,,انديروك رجلة وكلش ايا ورينا وش رايح اتدير برك .

[اسحاق2]

rabi yehdihom man jiha we ye3awanehom man jiha akhera rouh ahedar me3ahom we ida 3andek lema3erifa kolchi raho yekheroj fi beladena bel ma3erifa
ختى العاصمة بعيدة عليا ب 680 كيلو ...
كنت نخمم هد التخمام , بصح رمضان .والصيام .

[اسحاق2]

راه الي يجي يقول بلاد ميكي، انا راني غبي لازم تفهموني واش هي بلاد ميكي هادي


ياكل في الغلة و يسب فالملة ، الي راجل يجيب حقوا بذراعوا ماشي يطيح لدولة كاملة، راه كاين رجالة و زيد أكثرية الشعب الي ميكي ماش الدولة كاملة.
وصح غبي مع احتراماتنا ..
ادا انت راك باباك مسؤوول فى الدولة , ولا حاجة اااه مقواك تدافع عليها ..
المشكلة ماهيش فى الدولة المكشلة فى الناس اللى تسير فيها ...
والمشكلة الاكبر فينا حنا اللى ساكتين على حقنا وداربين النح ... ونقولو بلادنا بلاد العزة والكرامة ...ونحشو لرواحنا ديما واقفين .... ههههه مزال ماناش فايقين ,,,
رانى رديت عليك قبيلة عاود زدت قريت زجعنى قلبي وقلت والله نفرغ وش كاين ...
صحيح هيا بلادى ,على العين والراس . وكون يغلط في حقها اي انسان من برة والله غير نعرف كي ندير نعدمو ,,


مي انا واحد منيش عايش فيها ماعندى والووووووووووووووووووو , فيها







والحاجة اللى نقولهالك فييييق لروووحك .:19:

[jalil41]

و االه راني زيك اخي عندي هاتف راه من 13 جويلية عند الديوانة )السراقة( رانا صابرين كون ماجاش رمضان نروح ليهم انا تاني بعيدة عليا العاصمة 750 كلم
ما لقيت ما نقول نسكت خير و زيد راه نرفاني لي داير روحوا وطني هذاك
ربي يصبرنا برك
http://www.djelfa.info/vb/showthread.php?t=1364474

[اسحاق2]

و االه راني زيك اخي عندي هاتف راه من 13 جويلية عند الديوانة )السراقة( رانا صابرين كون ماجاش رمضان نروح ليهم انا تاني بعيدة عليا العاصمة 750 كلم
ما لقيت ما نقول نسكت خير و زيد راه نرفاني لي داير روحوا وطني هذاك
ربي يصبرنا برك
http://www.djelfa.info/vb/showthread.php?t=1364474
خويا قريت موضوعك قبل مانكتب موضوعي:mad:
والله غير غايظنى حالك ,,,
ورانى نحس وش راك تحس رانا فى نفس الموقف .
البعد تانى والله غير مشكلة ماتقدر تروح ماوالو , وزيد رمضان :34:
وش لينا غير الدعاء وان شاء الله ربي يهديهم .

[الاخ الكريم]

يا اخي عن تجربة شخصية
جماعة فيديكس نتا تهدر معاهم و هوما يشوفولك مع جيبك

[samir25ar]

السلام عليكم أنا كدلك اشتريت غلاكسي s2 ولم اجد له اتر اضنه عند الجمارك مالعمل

[اسحاق2]

السلام عليكم أنا كدلك اشتريت غلاكسي s2 ولم اجد له اتر اضنه عند الجمارك مالعمل
العمل اننا نتسناو ونتوكلو على ربي سبحانو ,,, وادعى ربي رانا فى رمضان.
ودعوة المظلوم مستجابة ,.


وادا كانش ماوحد من الخاوة يعطينا كانش تجربة فاتت مع الجمارك ,, ويعطينا الحل

[اسحاق2]

اسحاق2
السلام عليكم اخي نفس المشكلة حدثت معي هذا /س ك اي ب/ نتاعي نقولك كيفاش حليتها
le-hic1
ربي يحفطك خويا لوكان تتحطلنا كيفاش حليت المشكلة ...
لاختر رانى حالف على ميكرويا مايدخلو حتى برنامج نتاع محادثة لا ***** لا يهو لا امسن .
من غير الفيس بوك ...

[samir25ar]

السلام عليكم اخي نفس المشكلة حدثت معي هذا /س ك اي ب/ نتاعي نقولك كيفاش حليتها
le-hic1
اخي ممكن تعطينا الحل مع الجمارك شكرا

[chekroud43]

أخي من أي ولاية أنت ؟
قد تكون تابع لجمارك قسنطينة
اطهب للجمارك واستفسر عندخم أحسن لك

[الاخ الكريم]

لنتكلم عللا فايس

[اسحاق2]

فايس بوك ... Ishakdz 10 نح الاسباس ولا ishak moualy

[الحجيلية]

اللي تابعين لجمارك قسنطينة ربي يجيبلهم
واللي تابعين لسطيف كي تشري طائرة كوبتير توصلك

[اسحاق2]

اللي تابعين لجمارك قسنطينة ربي يجيبلهم
واللي تابعين لسطيف كي تشري طائرة كوبتير توصلك
المشكلة راهى فى الجمارك انتاع العاصمة ادا فاتت من عندهم تقدر تفريها عادي .

[الحجيلية]

المشكلة راهى فى الجمارك انتاع العاصمة ادا فاتت من عندهم تقدر تفريها عادي .

جماعة بزاف شدولهم الكاميرات
انا مارحت للجمارك ماوالو جات حاى لباب الدار

[اسحاق2]

جماعة بزاف شدولهم الكاميرات
انا مارحت للجمارك ماوالو جات حاى لباب الدار
لالا موالف نشرى من النت عادى والحمد لله ,
اكبر حاجة شريتها هى ميكرو بورتابل . والحمد لله , فات عادى غير الجمارك انتاع الولاية فى غرداية دارولى شوية مشكل
لكن الحمد لله شوية هدرة , وفتولي سلعتى ,

[li_storm]

وقالولى راه مايفوتش .
ماعرفتش .. وش يصرى اسكو نخلص , باش يفوتوه

ورانى خايف اندير روتور البائع مايرجعليش دراهمى . :o

وهنا اكبر مشكل .
بلاد ميكي


لا تيأس اخي جرب الاتصال بجمارك العاصمة ان كنت لا تستطيع الذهاب
او اسأل من قام بالتجربة من قبل وحل الاشكال


mohamed.bel
راه الي يجي يقول بلاد ميكي، انا راني غبي لازم تفهموني واش هي بلاد ميكي هادي

ياكل في الغلة و يسب فالملة ، الي راجل يجيب حقوا بذراعوا ماشي يطيح لدولة كاملة، راه كاين رجالة و زيد أكثرية الشعب الي ميكي ماش الدولة كاملة.

وين راهي الغلة لرانا ناكلو فاها ؟ والا كان انت تاكل فاها مش معناها حتى نحن كيفك
كلنا رجال خويا لكن مش كلنا عندنا معريفة باش نحلوا مشاكلنا
كان عطاك ربي ماتجيش طيح فينا حنا

[اسحاق2]

السلام عليكم خاوتى راه تبدل معرفتش وش معناها ؟

http://im40.gulfup.com/OGQ73.png


ارجو الشرح ..

[اسحاق2]

ممكن اللى عندو معلومة ,,, يفيدنا...

[the mentalist]

ربي يجيب الخير

[jalil41]

السلام عليكم خاوتى راه تبدل معرفتش وش معناها ؟

http://im40.gulfup.com/ogq73.png


ارجو الشرح ..

هاذي معناها راهو عبر و انتقل ممكن جدا فات على الديوانة
اخي ربي يجيب الخير و من فضلك ابلغنا بالجديد

[اسحاق2]

ايا الحمد لله يا ربي...
فات عليهم اللهم لك الحمد كثيرا طيبا مباركا فيه ...
http://im38.gulfup.com/58kX3.png


3 ايام من امريكا الى الجزائر , و9 عند الجمارك ,
بصح مزال ماكلمت فيدكس ماعيطلولى
لاختر مع 1 كنت راقد :p

[الاخ الكريم]

اسحاق2
انصحك بالاتصال بهم لانه للاسف مازال محجوز عند الجمارك حتى و ان كتب dilivried

[nadineisraa]

انا شريت سكاي ويفي ب 7000دج
بعثولي اشعار قالك ارواح للعاصمة بقالو يومين يعني فات 13يوم باش صفاني
باه نروح للعاصمة ونجي لازم نهار كامل ومبلغ باكثر من قيمة السلعة يعني كاني مسافر لدولة اخرى واحتمال نبات في عاصمة الذل والعار على جال جهاز
سمحت فيها الله غالب
بلاد الهم والغم وجهنم
والي راه يقولك تاكل في الملة ماكلينا والو رانا ضيعنا عمارنا في خدمة لبلاد وماعطاتنا غير الحقرة
والي يقولك جيبها بذراعك ياخويا ماعندي حتى ذراع انا شريت بدراهمي حابها توصل ماتسرقش
زيد يرحم باباك واحد يسكن بعيد على العاصمة ب 700كلو يبعثولو اشعار فات عليه 10ايام لازم تحضر للعاصمة في ظرف 15يوم ؟واش من تمسخير بلاد الحقرة يحسبونا ساكنين في العاصمة ولا عندنا طيارات
الله يذلهم ويخزيهم ....
واش نقول اتصلت بيهم برقم دايرينو للناس
والله غير خروطي لاواحد يجاوبك او من مصلحة لمصلحة تدي غير الهف والكذب
بلاد ال....
الي صايب هربة يهرب

[jonon89]

احتمال كبير يكون مزال محجوز عندهم لانو فيديكس يكتبو delevered ليس بالضرورة انو سلموهلك او وصلهم
يكتبو هاك بعد مدة معينة من دخول السلعة الى البلد المرسل اليه سواءا وصلوهالك او شدوها الجمارك المهم هما مهمتهم انتهت
ننصحك تكلم مكتب الفيديكس تتاكد ادا راهو عندهم او شدوه الجمارك
ان شاء الله ما يكون غير الخير اخي
مبرووك مقدما

[prokureur]

les batard

[اسحاق2]

احتمال كبير يكون مزال محجوز عندهم لانو فيديكس يكتبو delevered ليس بالضرورة انو سلموهلك او وصلهم
يكتبو هاك بعد مدة معينة من دخول السلعة الى البلد المرسل اليه سواءا وصلوهالك او شدوها الجمارك المهم هما مهمتهم انتهت
ننصحك تكلم مكتب الفيديكس تتاكد ادا راهو عندهم او شدوه الجمارك
ان شاء الله ما يكون غير الخير اخي
مبرووك مقدما
والله غير صح كلمت البيرو انتاع fedex قالولي مانقدروش نرسلوه ,
بدليل ان الجمارك راهم شادينو ,

[alisamo]

يا جماعة انا ارى الحل في مراسلة المسؤول الاول في الجمارك الجزائرية وطلب توضيحات في هذا الشان الى متو وافواهنا مكممة

[Ali04]

يا جماعة انا ارى الحل في مراسلة المسؤول الاول في الجمارك الجزائرية وطلب توضيحات في هذا الشان الى متو وافواهنا مكممة

ربي يعينا خوياا
والله خسرولنا النية تاع الشراء :mad:

[DTInfo]

يا خويا الحل ساهل جدا لوكان نتفاهمو نشوفو جريدة وطنية

تجربة شراء عادية و قانونية و هوما يتبعوها كمواطن عادي بدأ من الشراء الى الوصول
والله غير خممت فيها و تصلح نورمال

+
جارئد اليوم تفركت على الحصرية واهد موضوع والله لا يستهان به تقرير واحد من جريدة عمومةي يحبسهم عند بلاصتهم

[djsamzazi]

مازال محجوز عند فيد إكس أحي العزيز أنا شريت أيفون 5 و لكلاب حبوني ندفع تشيبا ولات الكلاب مالا عاودت رديتو لماريكان و البائع ردلي دراهمي 80 بالمائة وبعد شريتو منا الله يحرقهم

[norodz]

السلام عليكم أنصح اخواني بشراء السلع الالكتونية الغالية التمن من امريكا و الشحن بال usps priority mail لن يكون الحجز لأنهم يخافون من أمريكا

[adsense]

أنا مشكل سلعتي توصل للجزائر و تتجمرك,, و ديوانة انتاع الشعر ميرسلوليش حتى اشعار بالوصول و الجمركة
أنا شريت gmate skyroam و تجمرك
لاقط ويفي وقالولي ممنوع
هاتف آيفون 4 مستعمل قالولي ممنوع
إكس بوكس مستعملة قالولي ممنوعة

واش هي السلعة المسموح بيها في الجزائر؟
زطلة و الخمر مثلا؟

الله ينعلهم الى يوم الدين
بلاد ميكي

[adsense]

السلام عليكم أنصح اخواني بشراء السلع الالكتونية الغالية التمن من امريكا و الشحن بال usps priority mail لن يكون الحجز لأنهم يخافون من أمريكا

نوافقك في هذي

بصح usps تلقاها في ebay فقط

وحنا رانا نشرو من مواقع الصينية لي تعتمد على الشحن المجاني hongkong and china post

[اسحاق2]

راهى وصلني avis d'arrivee
معليش وش عليا صحيح خسارتى قريب فى 4 ملاين ونص ,,,
وش باغيني اندير ,, نوكل ربي هو اللى مايضيعليش حقى ,,,
تكلمت مع البائع قلتو راهى رايحة ترجع سلعتى ماردش عليا كامل ,,,
المهم انا نوكل ربي عليهم هدا وش اندير ...

وسلام ..
وهد الدولة والله اللى يلقى هربة غير يروحها منها ,
هو مايعيشش بصح ولادك يعيشو ,,, فى بلاد الغربة خير ليهم من هد البلاد ,,,
ربي يهدي ماخلق .

[أكرم مسلم]

حسبي الله ونعم الوكيل