اخي يضربني

[كريمة 118]

السلام عليكم
جيت نحكيلكم اليوم هبطت لتحت لسكنى نتعنا كان بابا واخي وابن اختي موجودين عيطلي بابا قالي اغلقي الباب نتاع شمبرتوا غلقت وجيت رايحة دخلت لشمبرة 2 لقيت اخي يلصق في التاقة ولا ماعلابليش واش كان يدير قالي روحي جيبيلي المفتاح تاع الشمبرة 2 قلت اوكي ارجا نخرج كابتي من الدار باه ماتتغبرش قالي اخرجي عليا الماصو راه جاي وهو مازال مجاش خلاص ثم دمرني على الحيط و اضربني وبدا يقرص فيا عيطت لبابا وهو يجرني ويدمرني على لزيسكالي وطحت انا غير نبكي على الي ضربني بدون سبب وظلمني مع انو الطبيبة قالتلي انو ممنوع عليك التقلاق لانوا حالة الصحية متدهورة قولولي ولا انا راني ظالماتوا ياناس انا كرهت دايمن يضربني وحاقد عليا بدون سبب وكي جا بابا قالوا هده علاه راك تضرب فيها قالوا حبت تتلاقا مع الماصو وهو اصلا مكانش هنا وانا كون الماصو راه هنا نلقاه واش حسبني قليلة حياء دايمن يقلو متزيدش تهدر معاها وهو غير يتبلا فيا انا كرهت قلولي واش ندير
حسبي الله وحده نعم الوكيل

[اميرة07ميرا]

يا اختي حلك هو انك تتجنبيه
تلقايه في الصالة بدلي طريقك
تلقايك في الشمبرا روحي للصالة
وهكذا هذا احسن شيء

[naamane3]

علا حساب كلامك خوك راه يغير عليك من الماصو ولا واحد خلاف
قوليلو باللي راكي محافضة على نفسك وانت لن تكوني الا للذي قصد بابك
وانت لست ممن يبيع نفسه من اجل كلمات معسولة او بضعة دراهم
وانك تكرهين العلاقات العابرة وعديه بانك لن تفعلينها ابدا
وسينصلح حالك وسيحترمك في ما هو آت ان شاء الله

[Assouma 93]

يا اختي اصبري و خلاص هذا هو حال شباب اليوم راهم طايرين الله يهديهم

[بسمة تحدي]

لا تقومي باي حركة تغيضه وحببيه ليك

وكوني فتاه صالحة وساعدييه بصدق

وحاولي ان تجلسي معه وتفهمي لماذا الضرب؟

وكي يكون زعفان تجنبيه غيري المكان حتى يهدى ويولي لطبيعتو

ايمكن يكون ستك صغير صح؟؟

[mamy hammamet]

sur kach masma3 alik

[wafa16]

شوفي عزيزتي الحل الوحيد بالنسبة لي هو ان تتعلمي رياضة دفاعية

المرة الجاية ......يقولك كلمة برك بالغلطة .......كسريلو صحتو ..............بعدها لا اعتقد .....أنه يوف يفكر في ظلمك

طبقي نصيحتي و سو ف ترين ...النتيجة .....

و نقولك عزيزتي .....شخصيا لما كنت صغيرة ....كنت أضرب ظلما ....لكن ادافع عن نفسي ...لآخر لحظة .....يعني أخسر المعركة بشرف .....هههه هههههه

و الله فكرتيني بأيام الصغر ............



فكري في الموضوع
عجبتني تع نخسر المعركة بشرف فكرتيني في روحي بكري ههههههه
لكن هاد الحل فعال و خرج عليا
اما صاحبة الموضوع نقوللها بالاك زدتي في الهدرة معاه
تعرفيه يحوس على المشاكل تجنبيه
و كي قالك اخرجي راه جاي الماسون ارفدي كابتك و اخرجي جابلي ربي كاش ما قلتي
و حتى ادا كان الموضوع هكدا ما عندوش حق يضربك بهاد الطريقة و الغلطة تعلا باباك بدل ما يعطيه كف و يقولو بنتي انا نحكم فيها قاعد يهدر معاه و يسقسي فيه
اختي ربي يهدي خوك في هادا رمضان لانو والف فيك و اهلك مستهترين

[imene12]

اهدري مع باباك يوقفو عند حدو .. و ما تزيديش معاه الهدرة حاولي تتجنبيه كيما قالولك الاخوة

[مريم الصابرة]

السلام عليكم اختي
إسمحيلي نقولك كلمة والله يا ريت عندي خويا يعاملني هاك نقولك علاه الحمد لله خوك راجل ما راهش ديوث أي نعم ممكن زاد فيها شوية لكن يغير على ختو وكرامتو وموسوس لازمك تعذريه لازم طيعيه وتكسبيه الله غالب الوفت صعاب والنسا صعابو وخوك شاب وراه يسمع القصص من رأي ما تكبريش الموضوع لو بالإمكان لما يكون هادي حكي معاه أما إذا ماكانش حوار بيناتكم من رأي تجنبيه لما يكون مقلق ولما طيعيه محال يجي يضربك ديركت ما تتقلقيش

[كريمة 118]

شكرا لنصايحكم انا والله مزدت معاه في الهدرة وكيما قلتلكم هو لتبلاني لانو هو في عمرو 34سنة وانا 20سنة والله غير محترماتوا وديرتلوا قيمة هو لي دايمن يتعامل بالعنف ويهدر غير بيديه + راهوا حاقد عليا ملي دخلت نقرا في الجامعة وهو مشنف مني هو قالي متقرايش و بابا قالوا مدام بنتي عاقلة و متدينة ومتحجبة وحاجة مسمعتها عليها وانا الحمد لله دايمن نمشي غير الحد ونفكر في غضب الله قبل والدي لكن دايمن عندي مشاكل ادعولي بصلاح الحال +والاخ لي قلي راهو يغير عليك مكانش منها زوجتوا ترقب في النافذة ووو والله مايهدر معاها

[عبد الله 22]

السلام عليكم للاسف هذا حال الكثيرات العتف ،حولي اتجنبه فكرة بأنه مراهق بصح كي عاد 34 يعني راه هو في مشكل، الله يلطف بك قليل من الاحتك معه وزيد اظهر حسن النية حتي يجعل الله لكي مخرج

[كريمة 118]

بالعكس انا مع زوجته متفاهمين وعلاقتنا جيدة معندنا حتى خلاف
وكي قلت لما يدي راهي تسطر كيما ضربني قالتلي انا خاطني علما انو انا لست شقيقته انا بنت اخته ومربيه عندهم ونقول لاخوالي اخواتي ولجدي وجدتي امي وابي انا كرهت كرهت حتى واحد محب يفهمني لماذا هذا الظلم لم يكفني حتى حرمت من الحب والحنان وزيد حت الضرب حسبي الله وحده نعم الوكيل

[sarl02]

جاهل ومعتوه ويستحق تكسار الراس ...لانو ليس هناك سبب يستدعي ضربك وان شاء الله ربي يصلح الاحوال.

[djamel123]

أنا مش قادر نتصور أن هناك من يضرب انسانة كل هذا الضرب وهي بهذا السن 20 سنة ....وفوق هذا مريضة.
أنت ماتطاولتي عليه ولا جلبتيلو عار ولا جلبتي لأهلك كارثة حتى يبقى فيه كل هذا الغل.
الحل أن يتكلم معه معاه أبوك مثلا ويقوله أن مسألة الضرب هاذي انساها فقد كبرتي.. و أن ضربه لك سببلك مشاكل صحية (ولو تكذبي عليه) حتى يعمل حسابه ولا يضربك، أوعلى الأقل يضربك بدون مبالغة... رغم انه لوكان جا يفهم ماكان ضربك هذا الضرب حتى لو كنت بصحتك سليمة فيمكن أن تسببلك ضربة من هذه الضربات في أشياء.....لايحمد عقباها
أيضا حاولي تجنبه قدر الامكان ومحاولة مسايرته وارضاءه
وربي يعينك و يهديه ويرجع الانسانية لقلبه

[khawlita.dz]

السلام عليكم
جيت نحكيلكم اليوم هبطت لتحت لسكنى نتعنا كان بابا واخي وابن اختي موجودين عيطلي بابا قالي اغلقي الباب نتاع شمبرتوا غلقت وجيت رايحة دخلت لشمبرة 2 لقيت اخي يلصق في التاقة ولا ماعلابليش واش كان يدير قالي روحي جيبيلي المفتاح تاع الشمبرة 2 قلت اوكي ارجا نخرج كابتي من الدار باه ماتتغبرش قالي اخرجي عليا الماصو راه جاي وهو مازال مجاش خلاص ثم دمرني على الحيط و اضربني وبدا يقرص فيا عيطت لبابا وهو يجرني ويدمرني على لزيسكالي وطحت انا غير نبكي على الي ضربني بدون سبب وظلمني مع انو الطبيبة قالتلي انو ممنوع عليك التقلاق لانوا حالة الصحية متدهورة قولولي ولا انا راني ظالماتوا ياناس انا كرهت دايمن يضربني وحاقد عليا بدون سبب وكي جا بابا قالوا هده علاه راك تضرب فيها قالوا حبت تتلاقا مع الماصو وهو اصلا مكانش هنا وانا كون الماصو راه هنا نلقاه واش حسبني قليلة حياء دايمن يقلو متزيدش تهدر معاها وهو غير يتبلا فيا انا كرهت قلولي واش ندير
حسبي الله وحده نعم الوكيل


لا حول ولا قوة الا بالله امازال فى زماننا من يمد يده على اخته
الله يهدينا و يهديه
يا اختى هدا اكيد تعود يضربك و تعودتى تسكتيلى وابوك امك اهلك:confused: اين هم من كل هدا
الا يستطيع احد ان يضع له حدا
يا اختى شوفيلك حل ولو مع اخوالك او اعمامك او احد يهابه
ولا تسمحى لاحد ان يتجرا و يلمسك حتى ان اضطررت وهو اسوء الحلول لتقييد شهادة طبية و ارمى به فى السجون
هل نحن فى زمن الرق ام مادا والله اسفة لغضبى
ادعو الله ان يهديه و يهديك انت لسكوتك عنه و يهدى اهلك

[biologie2001]

اختي الكريمة لازم على باباك يوقفه عند حده و يفهمو باللي انت بنتو وهو المسؤول عليك

[samira135]

الحل انك ماتخلطيش فيه وماتهدريش معاه وماتقعديش معاه في نفس الغرفة "تجنبيه" انا ثاني عندي خويا كان دائما يضربني بدون سبب مي عدت كامل مانهدرش معاه عاد ما يخلطش فيا واذا ظلمك ماتهدريش معاه خلي باباك يجي وقوليلو باش يوقفو عند حده

[صفــاء]

نفهم أنه خالك وليس أخوك؟؟؟

اختى ربي يفرج عليك ويكون معاك

والأهم هو باباك او جدك راهو واقف معاك

وانت تجنبه نهائيا ومتكثريش معه الهدرة وين يكون انت اخرجي

وربي يهديه ويبعدو عليك

وربي يفرج عليك اختى ويعوضك ان شاء الله

صبرا اختى

[SELMA.]

inchalah ujibel rabi mektoub w yerzkek b zawj saleh

[SELMA.]

hakdh tethnay mn mshakel hadhou

[ام محمد تقي الدين]

بالعكس انا مع زوجته متفاهمين وعلاقتنا جيدة معندنا حتى خلاف
وكي قلت لما يدي راهي تسطر كيما ضربني قالتلي انا خاطني علما انو انا لست شقيقته انا بنت اخته ومربيه عندهم ونقول لاخوالي اخواتي ولجدي وجدتي امي وابي انا كرهت كرهت حتى واحد محب يفهمني لماذا هذا الظلم لم يكفني حتى حرمت من الحب والحنان وزيد حت الضرب حسبي الله وحده نعم الوكيل

كان لازم عليه يقول بلي انت امانة عندهم ولازم يحافظ عليك ماش يضربك
واذا كان هو اخر العنقود في دار جدك بلاك حاس بلي ادتيلوا بلاصتو وتكون غيرة ، مثل غيرة الاخ الكبير من الاخ الصغير

[AMINA.Z]

هذا يغير منك ماش عليك

ماتزيديش تشبعيه هدرة خلاص

وين تلقايه اخرجي و بعدي عليه

و مام يضربك خلي عينك ديمافي عينو و حاولي ماتبكيش خلاص

خليه يعرف قيمتو واش يسوا في هاديك اللحظة

و كي يكمل قوليلو نوكل عليك ربي و خليه ياكل بعضاه

كوني قوية و عمرك ما تسمحي لواحد يذلك

الراجل عمرو ما يمد يدو على امراة

[بنت اولاد نايل]

هو دايما الاخ يحقد على الاخت الى تكون ترجع لو دايرة
راسها براسو انتى تجنبيه وماترجعيش الهدرة
هذا هو الحل وخلاص راح تلاحظى مع الوقت بدأ يتبدل معاك

[it me]

سامحيني اختي بصح هاد كلش بسبب بوك لوكان هو يعيط عليه و يقولو جامي تلمسها مدامني حي مراحش يدنا ليك ربي يهديه

[benameur nadjib]

يا أختي إبتعدي عنه لا تعطيه أهمية

إنشاء الله ربي يهديه في هدا الشهر الكريم

[BOUNIF KAMEL]

السلام أختي الكريمة أكيد هاذا أخوكي ليس بانسان

[bibimoto6]

يا اختي ممكن سمع كانشي حاجة
مالا روحي سقسيه
خوك راه علابالو بالعلاقة نتاعك اذا عندك و اذا ماعندكش اسمحيلي سقسيه علاش يضربك

[pharmajsk]

حنونة مهما كان هذا خوك ممكن راه عنده حاجة مقلقاته ومدام قلتي راكي مريضة حاولي تتجنبيه هذي الفترة حتى يتفهم الامر وحاولي تبينيله بلي انتي فتاة متخلقة ومحافظة هذا لي ننصحك بيه وهو ربي يهديه

[غربة أهل السنّة]

و عليكم السّلام و رحمة الله و بركاته

أعانك الله أختي,,, لا حول و لا قوّة إلا بالله

[biti]

لازم تتجنبيه ثانيا كلمي الوالد تاعك يوقفو عند حدو انما روحي عند امك الحقيقية وابقاي لتم حتى يعقال

[كريمة 118]

لازم تتجنبيه ثانيا كلمي الوالد تاعك يوقفو عند حدو انما روحي عند امك الحقيقية وابقاي لتم حتى يعقال

كيفاش نروح عندها وهي من تخلت عني وبسببها انذليت و دعست على كرامتي وبكيت ليالي وذرفت دموع وكرهت حياتي وانظلمت من ناس حسبتهم لحمي و دمي حسبي الله وحده نعم الوكيل:(:(:(

[biti]

كيفاش نروح عندها وهي من تخلت عني وبسببها انذليت و دعست على كرامتي وبكيت ليالي وذرفت دموع وكرهت حياتي وانظلمت من ناس حسبتهم لحمي و دمي حسبي الله وحده نعم الوكيل:(:(:(

عذرا اختي لكت انا ماكانش علبالي بضروفك مع امك ربي يفرج عليك و ينجحك في قرايتك ومتنسايش الدعاء

[كريمة 118]

عذرا اختي لكت انا ماكانش علبالي بضروفك مع امك ربي يفرج عليك و ينجحك في قرايتك ومتنسايش الدعاء

كل هده الظروف والناس مايعدروكش شكرا لك اختي

[zaki4]

1/اختي اخوك يحبك حبا لاتتصوريه ويغار عليك
2/لو كان احمق وتائه لما غار عليك
3/ فانا ذكر ولي اختي واعرف ما اقول

[bouchra1010]

1/اختي اخوك يحبك حبا لاتتصوريه ويغار عليك
2/لو كان احمق وتائه لما غار عليك
3/ فانا ذكر ولي اختي واعرف ما اقول

بصح ماشي لهاد الدرجة توصل بيه يمد يدو على ختو نقولو حنا غلط وضربها بصح على الاقل يجي يطلب منها السماح

[zaki4]

بصح ماشي لهاد الدرجة توصل بيه يمد يدو على ختو نقولو حنا غلط وضربها بصح على الاقل يجي يطلب منها السماح

لا لم تفهمي قصدي ربما انا ضد الضرب اصلا .لكن ضربها له كان لغيرتها عليها اين انه يحبها ولم يضربها مثلا على لم تعطيه نقود او....

[أسير الطموح]

حاولي تجنبه قدر الامكان و ربي يفرج ان شاء الله