عمري مشكلتي [الأرشيف] - منتديات الجلفة لكل الجزائريين و العرب

مشاهدة النسخة كاملة : عمري مشكلتي

مشكلتي

2013-07-20, 19:08

~~نهال~~

2013-07-20, 22:49

ياو نورمال
نتا ربي وفقك في باكالوريا سي نورمال يوفقك ربي في حياتك
ماتفقدش امل
وين علابالك ممكن تاخير في سنين هاذو فيهم حكمة لا يعلمها الا الله
تفائلوا خيرا تجدوه
كاين لحد الان مازال ماكملوش
نتا دير النية و ربي يوفقك

sali-sali

2013-07-20, 22:51

بصراحة تخمام البنت هكدا
يا اخي مزالك صغير و نفس نصيحتي نرجع نقولهالك
ولما تدخل للجامعة تلقا اكبر منك في السن بكثير
ومدام انك ولد فالامر عادي دراسة الطب
ربي يوفقك

amine0007

2013-07-20, 22:54

عادي يا اخي كي تتخرج وعمرك29 سنة مزالك صغير باش يكون في علمك حتى ادا درت تخصص تاع 3 سنوات دير في بالك الليسانس معادتش تنفع ورايح تلقى روحك تكمل للماستر يعني تقريبا كيف كيف واللي كتبهولك ربي هاداك هو

***star***

2013-07-20, 22:56

السلام عليكم
ادرس الطب ولا تلتفت للماضي.للعلم دراسة 3سنوات تتخرج بليسانس حظوظك قليلة في التوظيف فتكون مجبر على اكمال الماستر اي 5سنوات
تم مسلسل المسابقات . ..غادي تلقى روحك ادور في 7 سنين او اكتر.
توكل على الله ولاتتردد
اما السن عاد جدا لا ارى الفرق ..

maya bouharoun

2013-07-20, 23:04

انا زوجي 31 سنة خطبني في عمرو 29 سنة و عرسي نشالله بعد رمضان 29 سنة العمر المثالي للرجل باه يتزوج هذا رايي

سرور

2013-07-20, 23:09

نورمال وراح مشكل ناس حتي تكون روح باه تتزوج 29سنة مزال ضغير

khawlita.dz

2013-07-20, 23:09

السلام عليكم

لا اعلم لما كل الردود صنفتني على انني انثى

انا شاب

انتظر نصائحكم

لان الردود السابقة لم تفدني الكل ركز على انني بنت و ان الزواج غير مهم

بعد تجاربي الفاشله مع البكالوريا و الدراسة ككل

استطعت بفضل و توفيق من الله ان احقق مبتغاي هذا العام و التغلب على كل الصعوبات و تحقيق معدل ممتاز يؤهلني لدراسة التخصص الذي اريده

لكن مشكلتي و سبب حزني هو عمري نعم انا الان في 22 امثالي قد تخرجو منذ سنه

و انا لم التحق بالجامعه بعد

و قد اخترت ر طب اسنان 6 سنوات لاكون قد تخرجت ان شاء لله و في عمري 29 سنة بعدها الزواج مباشره

احس انني كبرت و ضيعت عمري في الدراسة

29 سنة هناك من تزوج و كون عائلة

ما رايكم اخوتي هل اواصل في الطب ام اختر تخصص ذو 3 سنوات و انتهى الامر

كيف كيف الاخ مافيهش فرق والدراسة مالهاش عمر بل احلى السنوات:19: ومادا عن 29 تكوم نتخرج انشاء الله ك طبيب و تبنى حياتك:19:
وما فى دلك كل واحد و كتوبو و رزقو و ما تقارنش نفسك ب احد لان كل انسان هو فرد فريد ولكل مكتوب و رزق
اظن الدراسة ليست تضييع وقت وانما بناءه وان لم تمضى هدا الوقت فى الدراسة ففيما ستمضيه’ اكيد اى شىء اخر لن يكون اهم من بناء مستقبلك:19:
اما الزواج و تكوين عائلة فهو اجل و مكتوب قد يحدث فى هدا السن قبله او بعده مثلما كتبه الله ولكل انسان مكتوبه ولا مجال للمقارنة
ارى ان تواصل الطب احسن و افضل ومادمت ستتعب فى دراستك فالاولى ان تتعب على الافضل و براييى الطب افضل:19: اما بخصوص تخصص ل.م.د ف ليسانس لا يعنى شىء ولا يمكنك من شىء ادا لم تكما الماستر :19: يعنى طاعة كيف كيف ادا تفكر بالاختصار
هدا راييى و بالتوفيق وعفوا لانى اجبتك على انك بنت لم انتبه
بالتوفيق

Katy Pretty girl

2013-07-20, 23:29

الحمد لله على انك ما زلت تدرس
فهناك اشخاص اوقفوا دراستهم و انشغلوا باشياء تافهة
و اضاعوا مستقبلهم مما جعلهم في ندامة و كابة فتوجهوا الى المخدرات و ما جاورها
انا يا اخي ارى انه من الحكمة ان تتخصص في الطب
فكونك كرست وقتك للدراسة و حصلت على معدل جيد و بتقدير عالي
فانا شخصيا لا اريد ان يذهب تعبك سدى
فانا حلم حياتي ان اصبح طبيبة
و لا تقلق على مسألةالزواج
فهي بالنسبة للرجل امر لا يجب ان تطيل التفكير به
فيمكنك ان تتزوج مهما كان عمرك
المشكلة في البنات
فلهن سن محدد للزواج و لا يجب على اي بنت ان تتاخر عن ذلك السن لانها ستسبب لنفسها المشاكل و المتاعب
ابن جارتنا طبيب و تخصص في الجراحة و كان نابغة و حاد الذكاء و لم يكن يشغل باله ابدا باي امر اخر غير الدراسة و تثقيف نفسه
و قد تزوج عن عمر يناهز 32 بفتاة عمرها 25 جد مأدبة و ذكية و هي تعمل ممرضة معه في العيادة و هما الان والدين جد مثاليين و رائعين ل4 أطفال
أرأيت هذا خير مثال يجعلك تطمأن
اتمنى من كل قلبي ان تكون اقتنعت
الله يرزقك ببنت الحلال
قول اااااميييييييييييين
------------اختك في الله كوثر-----

it me

2013-07-20, 23:32

اهلا اخي اعلاه 29 مزالك صغير تقدر تقرا و تتخرج و تخدم و تزوج عادي وين المشكل دورك الرجال يزوجوا في ثلاثينات نورمال تقبل مروري

أم رمزي

2013-07-20, 23:48

]مبروك عليك الباك برافو , قعدتي عقابو حت جبتيه T B واش هدا وليدي ما زالك صغير و نفرحو بيك و نزوجوك, بعروسة

تهبل أخدم برايي, قراي و اللي طبيب انتاع أ سنان الله يبارك, و هات العيش و الهناء, و نزوجوك , المرأة ماهرباش ولقراية

تفوت و مازالك صغييييييييييييييير با وليدى لعزييييز[/T]http://www.djelfa.info/vb/images/smilies/sdf.gif

أم رمزي

2013-07-20, 23:50

مبروك عليك الباك برافو , قعدتي عقابو حت جبتيه t b واش هدا وليدي ما زالك صغير و نفرحو بيك و نزوجوك, بعروسة

تهبل أخدم برايي, قراي و اللي طبيب انتاع أ سنان الله يبارك, و هات العيش و الهناء, و نزوجوك , المرأة ماهرباش ولقراية

تفوت و مازالك صغييييييييييييييير با وليدى لعزييييز[/

أسماء22

2013-07-20, 23:58

29 ans mazalak sghire w madirhache prb kra hadi spésialité w kamale fiha kayan ali rab7o bac kablak w balak ykamlo m3ak wala morak prsq kol inssane w droufah w ngoulak 7aja akhir ana kamale krayti w f 3omri 25 ans bkite 3am bla khadma w rani nkhamame n3awade bac bah ndire chirurgie dentaire ila jabtah mli7 prsq lkite bali fat 1 ans ma 7yati w madarte walo w matandamche 3la 3wamak prsq rak takra f spécialité chaba w ana nkoun nal7ag w ndirha wlh mayhamni age w nzide 7aja tkhafe tkamale hadi kraya takamal hadi kraya ta3 ans w tag3od chemage w tandame 3la medcine w tgoule ya rite dartha w rabi ysahalk w yama na3raf des medcin tkharjo kbare foug 30 ans alors rabi ysahalak

hajour

2013-07-21, 00:25

و الله عرفتك شاب من هذه العبارة " بعدها الزواج مباشره " ضامن تزوج، و الله نحن الإناث لم نعد نفكر بالسن و أنا تقريبا في مثل السن التي ذكرتها لكن ما تحيرتش أخي، المهم أنني راضية على حياتي و يخصني رضا رب العالمين. أدرس و توكل على الله فطب الأسنان جيد للذكور.

assou22

2013-07-21, 01:22

السلام عليكم شد انتباهي هاذا الموضوع ,,,,,,,انصحك بان تدرس طب الاسنان فهو مجال جد رائع مع عدم مقارنة نفسك مع الاخرين فانت الان في موقف يجب تتخذ فيه قرار مصيريا فاما ان يكون عمرك 25 سنة بشهادة دراسية لا تاهلك لاي عمل و لما ان تتخرج بعمر 29 سنة و تكون طبيب و عنصر فعال في المجتمع و هاذا هو السن تاع الزواج بالنسبة للرجل ......هاذا نجاح راك تحقق فيه و هاذ الوساويس نحيها من بالك (عندي خالي طبيب ناجح و عمره40 سنة حتى هاذ العام باغي يتزوج و مايبانش كبير و الف وحدة تتمناه ) اختر طب الاسنان خيرما تندم الاعوام راهم يفوتو بلخف هذه نصيحة اخت و الله ولي التوفيق :19::19::19::19::19:

آنثى آلمطر

2013-07-21, 01:25

ييياااااااااااااا نورمال خويا والله نوووورمال انت واش دخلك في الناس نتاع 29 سنه

مزوجين

لي كاتبهالك ربي توصلك يا اخي

طبيب الله يبارك

حكيم خذ الهمة و مبروووووووك عليكم من دوووووووووووووك

كل تاخيرة فيها خيرة

و راه عندي 2 ضرووووووس مكسرين

سلام

tinza

2013-07-21, 02:42

يا أخي في عمري 33 سنة
شيخ هرم و لازلت أدرس لدي شهادتين و الحمد لله و أحضر في الثالثة
و حلمي أن أدرس الطب و سأعمله له جاهدا بعدما شاهدت غطرسة أشباه الأطباء

أسير الطموح

2013-07-21, 03:08

عادي اختر دونتيست و بالتوفيق

بسمة تحدي

2013-07-21, 04:26

يا حصرااا كي عاد انت شاب

نورمال يا اخي روح تقرى وعينيك مغمضين

تخيل رك قريت 3 سنوات تخرج متلقاش خدمة

خير تكمل 3 سنين وحد اخرين وتلقى خدمة مضمونة

oussama-30

2013-07-21, 06:08

ya akhi ana fraht ki lgitak ma fkadatach amal wa k3adt tjawaz fi bac hata dito ya khoya wa lah dito roh kamal krayatak hata wa law tkamal wa fi omrek 50 ans normal ya khoya denya marahich harba kamal wa zwaj marahch harab kamal kraytak fi fac nchallah wa rabi ywafkak nchallah wa madirhach kamal probleme hadi ya khoya wa bn courage

زهرة الاحلام

2013-07-21, 09:08

بالعكس خويا انت راجل و لازمك لقرايا و شي الفايدة يعود راجل مش قاري يا خويا كمل قرايتك و فوض امرك لله و راك مزلت صغير مش تع زواج حتى كتتزوج درك مزال عقلك مش تع زواج كتعود في 29 احسن تعود تحكم عقلك في كل شيء مش تحكم في مشاعرك

assia81

2013-07-21, 10:29

السلام عليكم رحمة الله وبركاته
ماهذا التفكير العقيم يا اخ هل مايهمك هو المال والزواج فقط قولك حاجة ماكالاه تقرى اصلا حبس وروح اخدم خدمة تجيب منها المال واحسن حاجة روح اخدم في الممنوعات ستذر عليكم مال حمر وتتزوج وعمرك 25 سنة
يااخ اليس لديك طموح اليس لديك هدف هل هدفك في هذه الحياة هو الزواج وفقط ربي يهديك الزواج جاي جاي كاينين لي حتى 40 سنة باش تزوجوا ولاباس عليهم

ام اولادي

2013-07-21, 10:41

يا اخي توكل على ربي و ادرس الطب نتاعك انت مازلت صغير و29 ينة هي بداية المشوار كي تخلص تلقى خدمة بربي ماشي تخلص صغير و تبقى تجوز فالمسابقات و بخصوص الجامعة انا عندي زوج خاوتي واحد عندو باك1995 مادار بيه والو و في 2007 كان متزوج عاود جاب الباك و قرى و اتخرج عمرو35 سنة واخي الثاني حبس القراية فالثانوية و مبعد كمل و جاب الباك و كمل وعمرو 32 سنة و مبعد العيد يتزوج ومولاها ربي

leila ben

2013-07-21, 10:47

ألف مبروووووووك على نجاحك أخي الكريم نقولك الدراسة عمرها ماعندها سن معين كي تدخل للجامعة تلقى من هم أكبر منك بكثير من بعد تلوم روحك على تفكيرك السلبي وثاني دير في بالك أن الإنسان كل مايرتقي في علم أو يكبر في السن تتغير طموحاتو وترتقي شوف روحك برك من قبل مكنتش حارس على قرايتك لكن بعد تحصلك على البكالوريا ندمت على الأعوام اللي ضيعتهم وهذا الشي صار معايا وتااني نهار كان في عمري 18 سنة كان داخل في راسي الvيس تاع الزواج لكن بمجرد شفت أخواتي البنات ولاو جامعيات تغيرت نظرتي وليت نجري مور قرايتي حتى حققت هدفي والأن راني متخرجة من الجامعة عندي 26 سنة عندي شهر برك مين تخطبت والحمد لله وخطيبي عندو 29 سنة وهو السن المثالي للزواج ونعرف ناس بزاف تحصلو على البكالوريا في سن 24 و أطلع لذا ننصحك تكمل قرايتك وتبع الطب ماتكونش كيما شيء ناس قراو تخصصات عشوائية وفي نهاية المطاف لقاو هذه التخصصات مرفوضة في جميع الميادين وبالتالي ولاو نادمين اللي مخموش في النتيجة واللي يقرى طب ماشي كيما اللي يقرى 3 سنين وإن شاء الله كي اليوم تولي طبيب مشهور واللي تتمناها زوجة ليك تقبل وهي فرحانة بيك

maria maryoma

2013-07-21, 10:59

نتا ربي وفقك في باكالوريا سي نورمال يوفقك ربي في حياتك
ماتفقدش امل

عبد الله 22

2013-07-21, 12:30

السلام عليكم المشكل ماهوش في 29 المشكل في الإرادة لان تعود طبيب واو مهندس او كلهم ومهم كان التخصص سهل أو تافه يحتاج إرادة وسنوات من العمر قيم روحك مليح وجوب على الاسئلة هل فعلا راك قدر على البرنامج نتاع طبيب، عندك الحوافز، صح هو الهدف نتعك مش معاند صديق او جار تره ناجح، خاطر كثير من ضيع أكثر من 7 سنوات في النتقل بين التخصصات و المعهد ، امرة مع صاحبو مرة مع جاروا أما عن العمل الف الناس تخدم في تخصصات لا تعنيها الله يعونك

kaderkader1541

2013-07-21, 12:59

أولا بودي ان احيي فيك ارادتك في الحصول على البكالوريا
فمبروك لك اخي الكريم
اما عن مسألتك و ما تعلق بعمرك و الدراسة التي تود متابعتها " طبيب جراحة الاسنان "
فهو تخصص ممتاز و أسأل الله ان يوفقك في ذلك
لكن فقط ابتعد عن العلاقات غير شرعية و تجنب الحرام قدر ما استطعت
فنحن في زمن الفتن
و انت الان تمشي بنصف دين
و الزواج هو تكملة نصف الدين الباقي
فأكمل نصفك متى ما سمحت اليك الفرصة لذلك
الزواج ستر و تحصين للفرج و غض للبصر و سكينة و استقرار و هي سنة الخلق
اني أرى ان تتزوج و انت شاااب يااااافع في عز شبااابك و قوة عطاااءك
و أولادك يكبرون معك و ليس بينك و بينهم فارق في السن كبير و يسعدون معك و تسعد معهم
فقرب السن بينك و بين ابنك يجعل منكما صديقان
و لا اريد لك ان تؤخر زواجك الى ما بعد 35 سنة لما فيه من مساوئ كثييرة و يكون قد فاااتك خير كثييير

hamza touazi

2013-07-21, 13:19

صافي انا نروح ننتحر عمري 22ةماجبتش الباك وراح نعاودو لعام لجاي على حسابك منشقيش روحي نجوز

أمة الله 12

2013-07-21, 14:17

لا لا يا خويا رد بالك تسمح في طب الاسنان, شعبة باهية يااااااااااااااااااااااااااااااااسر

و اذا على حكاية السن عادي جدا, ما فيها حتى مشكل, توسويس دايرو انت لروحك برك

راك راجل الحمد لله, بالنسبة لك سن الزواج مازال بعيد

المحب للجزائر

2013-07-21, 15:58

يا أخي العبد في التفكير و الرب في التدبير ، أنت استخر الله
و استشر هنا ،و لا تتدخل في قدر الله ، فما يدريك أنك متمم
29 سنة ،فلايدري العبد هل يعيش بعد لحظات ؟
هذه أسباب كونية لا دخل لنا فيها ، أنت اجتهد و ثابر
و اختر ما يريحك و شاور و المستقبل في يد الله
فلا ندري ما يخبئه لنا المستقبل ، وفقك الله لمرضاته