جاني زيتون مالح واش العمل [الأرشيف] - منتديات الجلفة لكل الجزائريين و العرب

تسجيل الدخول

مشاهدة النسخة كاملة : جاني زيتون مالح واش العمل

chemsse01

2013-07-20, 12:50

Agro34

2013-07-20, 12:55

اختي سي ما تزديش الملح كي تناولي وزيد لكان الدجاج تاعك دريه ماهوش مالح
صح فطورك

chemsse01

2013-07-20, 13:14

اصلا انا مانطيبش بالملح شاحال من خطرة نشري الزيتون غير طبخة و لا زوج يمشي الملح ومبعد نزيد الملح

زنجبيل11

2013-07-20, 13:18

ديريه في الماء بدون ما تغليه مدة ساعة مثلا بعدها غيري الماء من فترة لفترة حتى يروح الملح

عصفور الجنة

2013-07-20, 14:47

دريه في ماء يكون بارد مقلص وخليه وحد الساعة ولا زوج مبعد اطبخيه

صح رمضانكم

manels

2013-07-20, 16:00

السلام عليكم

كي جي ديري زيتون غليه شوية برك في الماء وزيديلو شوية قارص اذا ناعندكش شوية خل وشوية سكر يغلي غير وحد 5د وصفيه وانصبي مرقتك لكن بدون ملح

واكيد مايجيكش مالح

تحياتي

شمس 15

2013-07-20, 16:08

ختي ليلة من قبل ما تطيبيه قطعي حبه زرودية دوائر وحطي الزيتون والماء طبعا تنقصو لملوحية ديالو.

لميس العلمية

2013-07-20, 16:08

انا نبيتو في الماء ليلة كاملة و غدوة نطبخو نورمال

lina200

2013-07-20, 16:30

zidi 7aba batata kitaybi bih hia tamtas lmil7

أم محمد تاج

2013-07-20, 16:47

حبيبتي بدلي الماء تاع الزيتون كامل وعاوديلو ماء واحد آخر ضرك يخرج الملح على خاطر الملح راه في الماء تاع الزيتون فهميني ختي

yara djoumana

2013-07-20, 18:47

انا طريقتي كي نجي نطيب بالزيتون نرنخو الصباح في الماء امعاه الفرينة و انكثر شوي تجي كي لعجينة و لعشية نغسلو مليح مليح تروح منو الفرينة و الملح يبقى مافيهش الملح كانك ما كانتش فيه ذرة ملح عن تجربة هذه هي طريقتي الوحيدة مع الزيتون بالتوفيق لكي

نور الهدى06

2013-07-21, 01:02

طريقة يارا تاع الفرينة هايلة شكرا لها ولكل الاخوات
يمكن تحطي لزيتون كامل اي البيدون ماء عادي من العين وكل مرة تبدلي وذوقي حتى يروح الملح عدة مرات في اليوم وشليه حنا كنرقدو الزيتون ويجي مالح نديرو هذ الطريقة

ام دعاء ومارية

2013-07-21, 11:21

السلام عليكم اختاه طريقة سهلة جدا

ومجربتها هزيتها من منتدانا الغالي

دري الكمية لي تحتجيها في ماء بارد جدا

وحطيه في التلاجة مدة ساعتين اوثلاثة لا تجدي ريحة الملح

kika85

2013-07-21, 11:50

انا سمعت انو الزيتون لما تحطيه في ماء فيه فرينة يروح منو الملح جربيه ممكن ينفعك

samado100

2013-07-22, 16:21

اختي غليه فالماوديري معاه 1/2جبز يابس وخليه45 دقيقة وعاودي بدلله الماء دري فيه1/2حبة ليم والخبز اليابس (هنا بدللز الماء3مرات)
ولاتاني هذي طريقة ديريه فالفرينة ولامايزينة مع الماء البارد وخليه ساعة ونص

chemsse01

2013-07-23, 03:10

شكرااااا لكن افادتوني و افدتوا المشاركات اما عن طريقة الفرينة لاخت يارا انا جربتها بصح غير كيف كيف الملح غير هوا .................شكرا

أم اسيل

2013-07-23, 11:26

اختي بيتيه في مغارف من المايزينة وماء بارد الصباح تلقاي الماء الي بات فية ولا لونه اخضر لان المايزينة تمتص الملوحة وطريه اغسليه مليح وغليه مرة واحدة لانه طري وماشي مالح مع حبة زرودية ونصف حبة قارص صدقني يجي روعة

anfel22

2013-07-23, 11:57

حنا فاللغلية اللولة نديروله شوية من الباب تع الخبز ومن بعد تعاودي تصفيه و دريه يغلي عادي
صح فطورك

Hinda25

2013-07-23, 12:08

اختاه انا مع الاخوات الي قالولك ديريلو الفرينة. انا نبيت الزيتون في الماء و الفرينة راح الفرينة تمتص الملح والمرورة تاع الزيتون و ان شاء الله تنجحي في هذي الطريقة صح فطوورك

ام دعاء ومارية

2013-07-26, 18:50

السلام عليكم اخواتي لماذا العناء هي طريقة واحدة

وعن تجربة انا دائما اضعه في ماء بارد جدا

مدة 3ساعات في الثلاجة ويينتهي الملح تماما

جربوه وردو عليا دعواتكم

اسماء منار

2013-07-26, 19:41

السلام عليكم اختاه طريقة سهلة جدا

ومجربتها هزيتها من منتدانا الغالي

دري الكمية لي تحتجيها في ماء بارد جدا

وحطيه في التلاجة مدة ساعتين اوثلاثة لا تجدي ريحة الملح

انا مجربا هذه الطريقة راهي مجربة وناجحة مئة بالمئة بالتوفيق ان شاء الله

chemsse01

2013-08-01, 12:02

شكرااااااااااااااااااااااااااااااااااااااااااااااا ااااااا

louisa20

2013-08-01, 13:40

السلام عليكم و صح رمضانكم قبل رمضان شريت بدون زيتون اخظر و جاني مالح مانعيا نطبخو في الماء شحال من خطرة و غير كيفكيف مالح مالح و زدت طبختوا في الماء و السكر و زاد جاني مالح واش العمل ساعدووووووووووووووووونننننننننيييييييييييييييييييي ي صاح فطوركم

كي تشري الزيتون شليه بالماء و عاودي حطيه في ماء جديد وزيدي معاه الفرينة مشي بزاف يعني اذا كان كيلو حطي 2 او 3 مغارف و خليه لغدوة تصيبيه حلو شليه مليح من الفرينة و غليه في الماء وتقدري تستعمليه مباشرة اذا كان الزيتوت مليح يعني يطيب بسرعة نتمنى نكون افدتك :19: