مشكل في سيارة أكسنت جيال 2008

[فؤاد77]

عندي سيارة أكسنت جيال 2008 فيها وحد التطقطيق كي تكون نايضة رغم أن الميكانيسيان قالي الدورة تاع الموتور مليحة,أوتاني تبان لي ما عندهاش لا روبريز سورتو في الديماراج باه نوصل للدوزيام لازم نعصر مليح أو كون ايكون الي قدامي ماشي بالعقل يهبط الرجيم تاع الدوزيان ليه ليه وتتحتم اعليا نمشي بروميار خاطر كون انفورصي دوزيام اديراطي, راني شكيت في ليبوجي أوبدلتهم أوبدلت الفيلتر تاع ليصانس قالو لي ممكن الديسك دامبرياج هو السبب ,كيفاش نعرف الديسك دامبرياج إذا مليح ولا لا لا؟ وشكرا لكم

[الواثقْ بالله]

الديسك دومبراج كي يكون خالص خلاص يدير بزاف الحس

و تعرفها في كاش طلعة و السيارة مشارجية

مي من واش فقلت السيارت تاعك ماعندهاش مشكل في الديسك

و الله اعلم

[الواثقْ بالله]

هل كانت من قبل هك

و هل بدلتلها لاشان ديستغيبيسيون chaine distribution

ولا لا ممكن تديرهالك لاشان كي ماتكونش مكاليا مليح

شوف كاش ميكانيسيان يعاود يكاليها من جديد

[z.abdo]

عندي سيارة أكسنت جيال 2008 فيها وحد التطقطيق كي تكون نايضة رغم أن الميكانيسيان قالي الدورة تاع الموتور مليحة,أوتاني تبان لي ما عندهاش لا روبريز سورتو في الديماراج باه نوصل للدوزيام لازم نعصر مليح أو كون ايكون الي قدامي ماشي بالعقل يهبط الرجيم تاع الدوزيان ليه ليه وتتحتم اعليا نمشي بروميار خاطر كون انفورصي دوزيام اديراطي, راني شكيت في ليبوجي أوبدلتهم أوبدلت الفيلتر تاع ليصانس قالو لي ممكن الديسك دامبرياج هو السبب ,كيفاش نعرف الديسك دامبرياج إذا مليح ولا لا لا؟ وشكرا لكم

اظن اخي عندك صوبابة رايحة هي سبب الطرطيق وفي نفس الوقت هي سبب الرجيم

وهذا المشكل ليس مشكل التساهل معه لأن ممكن الصوبابة تدخل في غرفة الإحتراق وهكذا تخسر كل المحرك

اقول لك إحتمال 70 بالمائة صوبابة رايحة .........والله اعلم
راه عندني موضوع لمشاكل السيارات انظر لتوقيعي