ساعدوني في هذا اليوم الكريم و الشهر العظيم و الا ضاعت عائلتي

[walid chihab]

السلام عليكم و رحمة الله تعالى و بركاته
اولا انا اكتب مكان زوجي، انا مغربية متزوجة من جزائري و لنا ابن. الاحد الماضي بينما كنا عائدين من جيجل بعد عطلة حكمو زوجي في مطار جيجل لأنه لم يؤدي الخدمة الوطنية و هو للان محجوز في لبريكاد الامير عبد القادر في جيجل و سينقل يوم الاثنين الي بليدة للمحاكمة يوم الثلاثاء. انا عاجزة عن فعل اي شي و المشكل العويص اني غريبة لاني مغربية كما قلت و مقيمة في الجزائر منذ عامين فقط و لا يوجد من يوعيلوني و اذا حكمو زوجي لاضطر للعودة لبلادي و افقد بطاقة اقامتي هنا و يضيع كل شي.
قال لنا شخص انه لازم نخدمو ملف كفالة للأم او شهادة طبية من عند طبيب نفساني، مع العلم ان زوجي استمن مواليد 1986و ابوه قد توفي: المشكل كما قلت انا لا اعرف اي شي و لا احد يساعدوني و قالو ملف الكفالة لازم ندخل عن مير القبة و هذا مستحيل,
ارجوكم افيدوني و ما مصير عصاة من حال و في مثل وضع زوجي.
و لكم الشكر

[walid chihab]

و لا رد ارجوكم ساعدوني

[souzie]

ان شاء الله يساعددوك اعضاء

[walid chihab]

شكرا اختي ان شاء الله و الله ربي وحده يعلم بحالتي

[amine eco]

ممكن تسخرحي ملف الكفالة الاتي في اقرب وقت و تديلو عقد الزواج معاك للمحكمة العسكرية باش يدافع على روحو في اقرب و قت و انشاء الله يعطولو الاعفاء

ممكن تطلبي من احد اقاربه يساعدك
الملف موجود في الرابط التالي

http://www.djelfa.info/vb/showthread.php?t=1285244

[walid chihab]

شكرا خويا بالصاح هذا الملف فيه وثائق بزاف و قالولي هو لازمك معرفة باش تدخل عند المير و تقول لو مستعجل باش يخدمها لك بزوج شهود و بدون وثائق، صح؟

[jil18]

اختي لازمك معرفة في جهاز الدرك بادن الله يطلقوه من غير محاكمة ولا شيء حاولي مع عائلتو يبحثو عن شخص يعمل في سلك الامن العسكري او الدرك راح يساعدوك اختي

[walid chihab]

ان شاء الله خويا، بالصاح احنا درنا كل جهدنا و والو قالو ما كاين حل لأنه دخل في السيستسم لما تسجل في المطار و خلاص تحددت محاكمته نهار الثلاثاء ان شاء الله و الي نعرفهم قالوا لنا هذا هو الحل نستخرجو ملف كفالة بأنه متكفل بيماه بالصاح بطريقة مستعجلة من خلال المير.

[walid chihab]

ان شاء الله خويا، بالصاح احنا درنا كل جهدنا و والو قالو ما كاين حل لأنه دخل في السيستسم لما تسجل في المطار و خلاص تحددت محاكمته نهار الثلاثاء ان شاء الله و الي نعرفهم قالوا لنا هذا هو الحل نستخرجو ملف كفالة بأنه متكفل بيماه بالصاح بطريقة مستعجلة من خلال المير.
خويا امين تعيش فهمني كيف نستخرج ملف الكفالة هذا من البلدية في ظرف يوم واحد فقط لأن لازمني يوم الاثنين نديه لزوجي للمحكمة العسكرية في البليدة,

[harague]

دريلو شهادة عمل وكشف راتب وشهادة عائلية نتاعكم وشهادة ميلاد و بطاقة اقامة هذو يمكن تخرجيهم في نهار ودفعليهم يعطوك الكفالة في ظرف يوم او يومين

[صالح القسنطيني]

ملف الكفالة و شهادة وفاة الاب و العقد و قدميهم للمحكمة العسكرية

[walid chihab]

ملف الكفالة و شهادة وفاة الاب و العقد و قدميهم للمحكمة العسكرية
شكرا خويا لكن يعني شحال احتمال اديوه مباشرة بعد المحاكمة؟

[walid chihab]

دريلو شهادة عمل وكشف راتب وشهادة عائلية نتاعكم وشهادة ميلاد و بطاقة اقامة هذو يمكن تخرجيهم في نهار ودفعليهم يعطوك الكفالة في ظرف يوم او يومين



ان شاء الله ادعيو لنا تعيشو، مؤكد يعطيوها او لازم وقت لان لازم تكون واجدة نهار الاثنين صباحا باش نعطيها لو لما يجيبوه للبليدة؟ و شكرا جزيلا

[amine eco]

خويا امين تعيش فهمني كيف نستخرج ملف الكفالة هذا من البلدية في ظرف يوم واحد فقط لأن لازمني يوم الاثنين نديه لزوجي للمحكمة العسكرية في البليدة,

لا يا اختي صحيح اعلم انه ليس من السهل الحصول علة ملف كفالة في ظرف ثلاثة ايام لكن استخرجي ما تمكنت من اوراق ملف كفالة الان هذه محاكمة وليس مكتب تجنيد يتم دراسة ملف .....ممكن توجدي شهادة وفاة الاب و العقد و شهادة عائلية للحالة مدنية .طلب خطي . شهادة بطالة للوالدين مع شهادة تقاعد الأب اذا كان متقاعد والأم....يعني استخرجي ما تيسر و ادي ملف للمحكمة العسكرية و حسب الظروف لي وصفتيها اظن ان قاضي التحقيق قد يحكم عليه بالبرأة و الاعفاء نسبة 70 % بالتوفيق

[abdou2320]

السلام عليكم و رحمة الله
الأخت ممكن تعطينا الاسم و اللقب و تاريخ الميلاد تاع الزوج و يلي فيها خير ربي اقدمها انشاء الله.

[walid chihab]

السلام عليكم و رحمة الله
الأخت ممكن تعطينا الاسم و اللقب و تاريخ الميلاد تاع الزوج و يلي فيها خير ربي اقدمها انشاء الله.



شكرا خويا بزااااااف

[walid chihab]

انا انتظر ردك اخي الكريم و شكرا

[المرسم]

انا انتظر ردك اخي الكريم و شكرا

اختي الكريمة البليدة محكمة مليحة ما تخافيش انت دي الوثائق اللازمة خصوصا عقد الزواج+فيش فامليال تاعكم يكفي باش يبرأروحو اختي الكريمة

[walid chihab]

اختي الكريمة البليدة محكمة مليحة ما تخافيش انت دي الوثائق اللازمة خصوصا عقد الزواج+فيش فامليال تاعكم يكفي باش يبرأروحو اختي الكريمة


ان شاء الله خويا ربي يخليك و الله راني خايفة بزاااااااف ربي يستر و ادعيو لنا ارجوكم

[walid chihab]

السلام عليكم و رحمة الله تعالى و بركاته
صح رمضانكم اخواني، أنا اليوم شفت زوجي جابوه الى بوفاريك و هو الان في كزيرنا دو ترونسفير في انتظار المحاكمة غدا ان شاء الله في المحكمة العسكرية في البليدة. الحمد لله ربي وقف لي ناس حلال و ساعدوني و البارح خدمت لو شهادة الكفالة في البلدية. ادعيو يقبلوها و يخرج غدا ان شاء الله ارجوكم

[صالح القسنطيني]

شكرا خويا لكن يعني شحال احتمال اديوه مباشرة بعد المحاكمة؟

لم افهم سؤالك

فاذا كنت تقصدين زوجك فهو سيبقى تحت حكمهم سجينا حتى يصدر الحكم

و اذا كنت تقصدين الملف سيقبل منك مباشرة

[محب الرياضيات]

شكرا خويا بالصاح هذا الملف فيه وثائق بزاف و قالولي هو لازمك معرفة باش تدخل عند المير و تقول لو مستعجل باش يخدمها لك بزوج شهود و بدون وثائق، صح؟



علاه لازم معرفة .............سوى شهادة كفالة وشاهدين وتعمري شهادة بالاشخاص المتكفل بهم ويتم توقيعها


انا درتها عادي في البلدية تاعنا

[nacerbba]

هل من جديد حول حالتك

[walid chihab]

السلام عليكم و صح صيامكم و عيدكم ان شاء الله
الحمد لله خرج بعد المحاكمة و طلب منه و الوثائق المتبقية و اليوم اودعها في المحكمة و اعطي ورقة لاجراء البحث الاجتماعي. شكرا لكل من ساعدنا في هذه المحنة و ارجو ان يسوي الجميع وضعيتهم حتى لا يعيشوا نفس كابوسنا.

سؤال هو البحث الاجتماعي هما يجيونا للدار؟ و دوك واش نقدروا نسافروا في الطائرة ام سيقع نفس المشكل و زوجي ما زال مبحوث عنه ؟ و شكرا

[nacer8]

ربي يجيب الي فيه الخير

[المرسم]

السلام عليكم و صح صيامكم و عيدكم ان شاء الله
الحمد لله خرج بعد المحاكمة و طلب منه و الوثائق المتبقية و اليوم اودعها في المحكمة و اعطي ورقة لاجراء البحث الاجتماعي. شكرا لكل من ساعدنا في هذه المحنة و ارجو ان يسوي الجميع وضعيتهم حتى لا يعيشوا نفس كابوسنا.

سؤال هو البحث الاجتماعي هما يجيونا للدار؟ و دوك واش نقدروا نسافروا في الطائرة ام سيقع نفس المشكل و زوجي ما زال مبحوث عنه ؟ و شكرا

الحمد لله اختي على خروج زوجك على 20يوم من يوم خروجه يبعثولو تحقيق الى الدرك الوطني ليحققو معه ان الكفيل الحقيقي للعا ئلة