قعدة في قسم المجتمع ج 8..قعدة خاصة

[ويناروز]

http://im36.gulfup.com/R10tl.png
السلام عليكم جميعا
في هذه الليلة وفي هذا العدد من موضوع القعدة
في صالون مريم



http://4.bp.blogspot.com/-YjO3xlh61dY/T3COk-fD5tI/AAAAAAAAIZs/FL1mE21laCg/s1600/15.jpg


وها نحن من جديد على بساط من الاخوة الصادقة نلتقي ....

نلتقي لنجدد عهود الوفاء لمن هم أوفياء لهذا القسم....

نعود ونحن نحمل معنا أزاهير روض لم تزل

....

اليوم نستضيف شخصيتان لامعتان في قسم المجتمع..

الضيفة الأولى

شخصية عزيزة على قلوبنا جميعا...

طيف يتلألأ ضياءه فى سماء منتدانا

قلم هادف...

فى كل الاقسام لهـا بصمة.. بمواضيعهاـ ومشاركاتهـا

شعلة من النشاط والحيوية فى المنتدى

مع ضيفتنا الغاليـة
http://im36.gulfup.com/K6QXl.gif


مريم الصابرة (http://www.djelfa.info/vb/member.php?u=366232)

http://im36.gulfup.com/K6QXl.gif
صاحبة السلسلة الشهيرة تصرفات طائشة

والسلسلة الرمضانية التي لاقت اعجاب الجميع



قعدة في قسم المجتمع



اما الضيفة الثانية


فهي الشخصية المرحة التي تميزت بمواضيعها المميزة والردود الجريئة



والتي بزغ نجمها في قسم المجتمع

لكنها غابت عنا وقل نشاطها

نتمنى من خلال هذه القعدة تكون لها العودة

ومصالحة مع قلمها الذي طال هجره انها

http://im36.gulfup.com/NRNUm.gifhttp://im36.gulfup.com/NRNUm.gifhttp://im36.gulfup.com/NRNUm.gif



الضيفة sososirin (http://www.djelfa.info/vb/member.php?u=396315)

http://im36.gulfup.com/NRNUm.gifhttp://im36.gulfup.com/NRNUm.gifhttp://im36.gulfup.com/NRNUm.gif

صاحبة الموضوع المميز الضرب في المؤسسات التربوية

نتمنى حسن الإقامة لضيفتي الكريمتين
وهي فرصة للتعرف عن قرب من نظرة ضيفتينا لاهم القضايا
الاجتماعية

http://im36.gulfup.com/1EbyF.gif

http://t3.gstatic.com/images?q=tbn:ANd9GcTizUwpNRdFly9LpFJNP3WqQodgbdZuX-E2Jokug2c47MlwJbpo

http://im36.gulfup.com/NbSmw.jpg


http://im36.gulfup.com/9c5cd.jpg

شكرا للجميع وأرجو الإلتزام بالإسئلة الإجتماعية على الضيفتين
الكريمتين

صح فطور الجميع

http://im36.gulfup.com/R10tl.png

[ويناروز]

السلام عليكم ورحمة الله وبركاته

صح فطوركم وتقبل الله منا ومنكم صالح الاعمال
واول سؤال مني للضيفتين

مريم من خلال المواضيع المطروحة في قسم المجتمع هل هي انعكاس لواقع مرفوض

ومساحة حرة للتعبير عن مكبوتات واقعية تجد هذه المساحة الافتراضية للتعبير عنها؟؟؟؟

أما سؤالي لسوسو سيرين باعتبار انك كتبت عن الضرب المدرسي
هل ترين ان منع ضرب التلميذو معاقبته من قبل الاستاذ هو سبب غير مباشر
لتمرد التلاميذ وانتشارظاهرة العنف في الوسط المدرسي

اتمنى ان يلقيا سؤاليا الصدر الرحب

[اسلام انس]

السلام عليكم ورحمة الله تعالى وبركاته وصح فطــــــــوووووركم وصح رمضانكم

1-هل توافقونني الراي ان سبب فشل و التسيب في مدارسنا هو راجع لعدم وجود الضرب في المؤسسات

التربوية..؟؟؟


2-هل توافقونني الراي ان كثيرا من الاساتذة اليوم هم في سن المراهقة فكيف نميز بينهم ويين تلاميذتهم...؟؟؟


3-هل توافقونني الراي اي 80بالمئة في المنتدى او في مواقع التواصل الاجتماعي لا يظهرون بشخصياتهم

الصحيحة ومتسترين تحت شخصيات غير شخصياتهم......؟؟؟

4-لماذا المراة لا تحب الرجل الفقـــــــــــــير........؟؟؟


الى اسئلة اخري ان شاء الله تقبلـــــــــــــــوووووووووو مـــــــــــــــــرووووووووري

[عبد الرؤوف24]

السلام عليكم

سؤال لمريم
اليوم نقولك اهديلنا موضوع من مواضيعك الكثيرة لنا نحن الرجال ولماذا ممكن تعطينا رابط الموضوع(مع انى عارف مسبقا اى موضوع سوف تضعين)
فى رأيك لو نطبق فكرة الخطبة فى الاتجاه المعاكس لكى سو ف
تنقص العنوسة
أسئلة لكما
لو كنتما تملكان عصى سحرية لتغير ضاهر فى المجتمع سيئة ماهى ولماذا
يقال ان المراة مثل الكرة فى رجل الرجل فى لعبة كرة القدم فى رأيكما هل هذا صحيح
السؤال الاخير
الصورة تتحدث



http://t3.gstatic.com/images?q=tbn:ANd9GcT4G5jPsNNAfkXWeUgfEryeOvg3rQlUf 6A2DA1G3XqD4MlG1y6H

[ويناروز]

وبانتظار دخول الضيفتين والاجابة على اسئلة الأعضاء

يبدو مريم القعدة راهي تعرضت للقرصنة:1::1:

[sali-sali]

اهلا بضيفتينا الكريمتين
مريم ممكن تدخل بعد قليل
اما سوسو استناوها بزاااااااااااااف

سؤال لكما :

لمادا تشاركان في قسم المجتمع اكثر من الاقسام الاخرى ؟؟
من من الاعضاء يعجبك مواضيعه ؟؟
ما القضية الاجتماعية الاكثر اهمية في هاته الايام في نظركما؟؟

[جوهرة الوسط]

سادة و أئمة في العالم الافتراضي و سفلة و منحطين في العالم الواقعي
نساء كمن جائت من عصر النبوة في العالم الافتراضي و متبرجات وبدون فكر في العالم الواقعي
تعلو المبادئ و القيم الاخلاقية في المنتديات فالذكر في العالم الواقعي يصبح رجلا شهما اما الانثى فحدث و حدث و حدث...... نتخيلها فاطمة النسومر او رابعة العدوية.....
هل تشاطرانني الرأي؟؟؟؟؟

[ويناروز]

مريم تعتذر لعدم تمكنها الدخول لان الجهاز اصيب بعطب

ستحاول الدخول غدا ان شاء الله

اتمنى ان تكونيي بخير

شكرا للاعضاء الذين شرفونا بحضورهم

بانتظار دخول الضيفتين غدا

سلام

[اسلام انس]

سادة و أئمة في العالم الافتراضي و سفلة و منحطين في العالم الواقعي
نساء كمن جائت من عصر النبوة في العالم الافتراضي و متبرجات وبدون فكر في العالم الواقعي
تعلو المبادئ و القيم الاخلاقية في المنتديات فالذكر في العالم الواقعي يصبح رجلا شهما اما الانثى فحدث و حدث و حدث...... نتخيلها فاطمة النسومر او رابعة العدوية.....
هل تشاطرانني الرأي؟؟؟؟؟

الف الف تحية لك يا اختي الفاضلة اثلجتي صدري وقلبي انا معك 100بالمئة بارك الله فييييييييييييك وجزاك الله كل خير يا جوهرة الوسط صح فطوووووووورك وصح رمضانك

[ويناروز]

الف الف تحية لك يا اختي الفاضلة اثلجتي صدري وقلبي انا معك 100بالمئة بارك الله فييييييييييييك وجزاك الله كل خير يا جوهرة الوسط صح فطوووووووورك وصح رمضانك


اخي بن عميرة لا يجوز التعميم

كل واحد يعرف نفسه من يكون

[soso sirin]

السلام عليكم و صح فطوركم سمحولي بزاااااف على التاخير وليت خفاشة ماندخلش الا مع الليل.شكرا جزيلا على الضيافة يا نيروز هذاك الصالون القعدة فيه ترد الروح فيه و الحاجة الشابة انو راني ضيفة مع لالة مريومة و الضيافة في داري الزاوجة معنتها رانا حنا في حنا.ان شاء الله نكون عند حسن ضنكم و نكون ضيفة خفيفة عليكم.و كيما قالت نيروز مريم راهي تقلكم سمحولي الميكرو جاتو حالتو غدوة ان شاء الله تدخل للموضوع.و انا راح نرد عليكم ان شاء الله و نبداو القعدة الحلوة معاكم

[ويناروز]

السلام عليكم و صح فطوركم سمحولي بزاااااف على التاخير وليت خفاشة ماندخلش الا مع الليل.شكرا جزيلا على الضيافة يا نيروز هذاك الصالون القعدة فيه ترد الروح فيه و الحاجة الشابة انو راني ضيفة مع لالة مريومة و الضيافة في داري الزاوجة معنتها رانا حنا في حنا.ان شاء الله نكون عند حسن ضنكم و نكون ضيفة خفيفة عليكم.و كيما قالت نيروز مريم راهي تقلكم سمحولي الميكرو جاتو حالتو غدوة ان شاء الله تدخل للموضوع.و انا راح نرد عليكم ان شاء الله و نبداو القعدة الحلوة معاكم

وعليكم السلام وسيلة اهلا وسهلا بخفاشة المنتدى

المهم حضورك موفقة غاليتي

صح فطورك وسحورك

[soso sirin]

أما سؤالي لسوسو سيرين باعتبار انك كتبت عن الضرب المدرسي
هل ترين ان منع ضرب التلميذو معاقبته من قبل الاستاذ هو سبب غير مباشر
لتمرد التلاميذ وانتشارظاهرة العنف في الوسط المدرسي
من وجهة نظري انا نقدر نقول انو منع الضرب ادى الى الانفلات و التسيب في المؤسسات التربوية لانو التلميذ حس روحو انو ولات عندو حصانة و القانون راه في صفو و راهي لحقت وين الاستاذ ولى هو الي يتضرب من طرف التلميذ..مع انو انا ضد استعمال الضرب مع اي شخص كان حتى و يكون تلميذ الا انو مرات لازم يستعمل في شي حالات لانو مش كل التلاميذ يفهمو بالكلام كاين الي بالضرب و اذا فهم لكن الضرب يكون خفيف ماشي تقول راه في معتقل غوانتانامو.في الحق يا نيروز العنف المدرسي الي راه منتشر سبابو تاني الوالدين و الفشوش الزايد لولادهم و انو مهما يدير يجي في صفو بكري كان الطفل يخاف لما يقولو جيب ولي امرك ضروك ولي الامر يجي و يزيد يمد الحق لوليدو حتى و هو غالط زيد كاين شي اساتذة ربي يهديهم ماعندهمش شخصية و مايقدروش يتحكمو في حصصهم كيما لازم يكون..كاين اساتذة ماشاء الله عليهم بلا ضرب و فارضين احترامهم على التلاميذ..الوضع راه كارثي و يلزم نفضة تاع صح لانو لو تبقى الحالة هكا راح نولو نسمعو بجرائم تصرا يكون ابطالها تلاميذ

[soso sirin]

وعليكم السلام وسيلة اهلا وسهلا بخفاشة المنتدى

المهم حضورك موفقة غاليتي

صح فطورك وسحورك

صحيتي نيروز و سمحيلي بزاف .الله يسلمك ان شاء الله نكون عند حسن ظنكم

[مسلم سني]

سادة و أئمة في العالم الافتراضي و سفلة و منحطين في العالم الواقعي
نساء كمن جائت من عصر النبوة في العالم الافتراضي و متبرجات وبدون فكر في العالم الواقعي
تعلو المبادئ و القيم الاخلاقية في المنتديات فالذكر في العالم الواقعي يصبح رجلا شهما اما الانثى فحدث و حدث و حدث...... نتخيلها فاطمة النسومر او رابعة العدوية.....
هل تشاطرانني الرأي؟؟؟؟؟
السلام عليكم
وأنت ما ضرك في ذلك كل شخص مسؤول عن نفسه أمام ربه قبل نفسه
ومن يتظاهر بما ليس فيه فهو لا يضر أحدا ولا ينفع آخرا
وإنما هو يمضي الوقت ويضحك على نفسه قبل غيره
ولا أجده سؤالا اجتماعيا يعالج قضية اجتماعية بل هو حديث عن الأعضاء
وحتى صفة النفاق التي تلمحين لها لو صغتها بشكل عام وفي سؤال بعيد عن الأعضاء لكان أفضل
يبقى مجرد رأي
أرجو تقبل مروري أختي جوهرة الوسط
احترماتي

[مسلم سني]

السلام عليكم
ما رأيكما في ترك المرضى عقليا في الشوارع بالرغم من أننا ندرك ما يتعرضون له من إساءات؟؟؟؟؟؟؟؟

[ويناروز]

صحيتي نيروز و سمحيلي بزاف .الله يسلمك ان شاء الله نكون عند حسن ظنكم


لا داعي للاسف وسيلة المهم دخولك واجابتك عن الاسئلة

موفقة مع الاسئلة القيمة للاخوتنا الافاضل

اما انا فقد غلبني النعاس

ونقولكم تصبحون على خير

وصح سحور الجميع

غدا ان شاء الله

[الفولاذ الحي]

بارك الله فيك على الموضوع

[soso sirin]

السلام عليكم ورحمة الله تعالى وبركاته وصح فطــــــــوووووركم وصح رمضانكم

1-هل توافقونني الراي ان سبب فشل و التسيب في مدارسنا هو راجع لعدم وجود الضرب في المؤسسات

التربوية..؟؟؟
هو سبب مي ماشي سبب رئيسي لانو كاين اسباب اخرى و الي هي الفشوش الزايد تاع الوالدين لابناءهم الادارات ماراهيش دير في خدمتها كيما يلزم كاين اساتذة مع كل احتراماتي ليهم اساتذة مستهترين و ماشي مسؤولين .لو كان الضرب هو السبب الرئيسي كيفاش كاين اساتذة نعرفهم مايضربوش نهائيا الا انهم فارضين احترامهم على التلاميذ

2-هل توافقونني الراي ان كثيرا من الاساتذة اليوم هم في سن المراهقة فكيف نميز بينهم ويين تلاميذتهم...؟؟؟
حقيقة هناك اساتذة كلمة استاذ لا تليق بهم نهائيا لا شخصية لا عقلية ني يديك ني يجيبك. الهيئة تاعو تاع مراهق.كاين شي اساتذة انا مانقدرش نخلي بنتي تقرا عندو لانو لا يؤتمن جانبه.مستقبلا و مع هذا الوضع من الاحسن انو الاستاذات يولو يقرو لبنات و الاساتذة يقرو لولاد هكا رايحين نايفيتو مشاكل بزاف لانو والله كاين اساتذة تلقاه داير قسرة مع تلميذاتو وحتى العكس كاين استاذات و مرات ممكن تلحق حتى انو تكون علاقات بين الاستاذ و التلميذ.ربي يهدينا ان شاء الله و ماتزعفوش مني يا اساتذة لكن هذا واقع مي هذا ماينفيش انو كاين اساتذة والله نضربلهم تعظيمة سلام على اخلاقهم و مستواهم

3-هل توافقونني الراي اي 80بالمئة في المنتدى او في مواقع التواصل الاجتماعي لا يظهرون بشخصياتهم

الصحيحة ومتسترين تحت شخصيات غير شخصياتهم......؟؟؟
كاين و كاين بالنسبة ليا انا انسان غير طبيعي و يحتاج علاج نفسي الي يظهر للناس شخصية غير شخصيتو لانو واش هي الفايدة اذا انا خليت الناس كامل تشوفني ملاك و انا انسان مانصلحش .في المنتدى ممكن ماتقدرش تمد رايك نيشان لانو مرات شي مواضيع انا الصح يخلعوني كي يولو يناقشو فيهم تقول الناس ماراهيش تغلط كامل على هكا مرات مانردش على شي مواضيع .و هنا في المنتدى ماتقدرش تهدر بحرية اكبر لانو رد و موضوع برك معنتها لازم الكلمة تكون محسوبة ماشي كيما الفايس او ال***** ممكن يكون حوار و يكون النقاش اوسع.و الانسان المختل نوغمالمون بلاصتو السبيطارات ماشي يدخل يكونيكتي في النت .و مع هذا ربي يشافي كل واحد و ربي يهدينا
4-لماذا المراة لا تحب الرجل الفقـــــــــــــير........؟؟؟
كيفاش الانسان الفقير كل واحد و كيفاه يشوف الفقر.راح نهدر على روحي انا اذا كان راجل خدام و قادر يسرف على دارو مكانش مشكل مي باه تقولي راجل ماراه قادر يسرف حتى على روحي و يغبن في بنت الناس هاذي مكانش منها

الى اسئلة اخري ان شاء الله تقبلـــــــــــــــوووووووووو مـــــــــــــــــرووووووووري
راح نستناو منك اسئلة وخدخرا و ان شاء الله نكونو ردينا على واش سقسيت

[soso sirin]

أسئلة لكما
لو كنتما تملكان عصى سحرية لتغير ضاهر فى المجتمع سيئة ماهى ولماذا
يقال ان المراة مثل الكرة فى رجل الرجل فى لعبة كرة القدم فى رأيكما هل هذا صحيح
السؤال الاخير
الصورة تتحدث والله يا خويا كاين ظواهر بزاف مي اكثر حاجة باغية نحيها من قاموس الجزايريين ظاهرة الرشوة و العرف باه كل واحد يدي حقو و مايضيعش حقوق ناس بزاف مي يبقى حلم فقط .كل راجل يشوف المراة على حسابو اذا كان هو جوار يشوفها بالون و اذا كان سوكارجي يشوفها سيف اما اذا كان ملك راح يشوفها تاج فوق راسو معنتى هذي راجعة لشخصية كل راجل و كل واحد و كيفاه يشوف روحو انا خاطيني.ههههههههههههه الصورة معبرة جدا على واش راه صاري فكرتني بوحد القصة قالك واحد الشيخ كبير راح عند امام قالو باغي نتزوج مع وحدا صغيرة باه نسترها قالو ذاك الامام وكون تمد ذوك الدراهم لجون صغير و يتزوج معاها ماشي راح تكسب اجرهم للزوج..كاين شي رجال كي يبغو يعاودو الزواج و يعددو يجيبو وحد الاعذار كيما يقولو عذر اقبح من ذنب .شكرا على الاسئلة و ان شاء الله نكون رديت نيشان

[عبد الرؤوف24]

أسئلة لكما
لو كنتما تملكان عصى سحرية لتغير ضاهر فى المجتمع سيئة ماهى ولماذا
يقال ان المراة مثل الكرة فى رجل الرجل فى لعبة كرة القدم فى رأيكما هل هذا صحيح
السؤال الاخير
الصورة تتحدث والله يا خويا كاين ظواهر بزاف مي اكثر حاجة باغية نحيها من قاموس الجزايريين ظاهرة الرشوة و العرف باه كل واحد يدي حقو و مايضيعش حقوق ناس بزاف مي يبقى حلم فقط .كل راجل يشوف المراة على حسابو اذا كان هو جوار يشوفها بالون و اذا كان سوكارجي يشوفها سيف اما اذا كان ملك راح يشوفها تاج فوق راسو معنتى هذي راجعة لشخصية كل راجل و كل واحد و كيفاه يشوف روحو انا خاطيني.ههههههههههههه الصورة معبرة جدا على واش راه صاري فكرتني بوحد القصة قالك واحد الشيخ كبير راح عند امام قالو باغي نتزوج مع وحدا صغيرة باه نسترها قالو ذاك الامام وكون تمد ذوك الدراهم لجون صغير و يتزوج معاها ماشي راح تكسب اجرهم للزوج..كاين شي رجال كي يبغو يعاودو الزواج و يعددو يجيبو وحد الاعذار كيما يقولو عذر اقبح من ذنب .شكرا على الاسئلة و ان شاء الله نكون رديت نيشان

شكرا بارك الله فيك أعجبنى ردك جدا فىما يخص الصورة

[soso sirin]

سؤال لكما :
صحيتي يا لالة والله ستناوني بزاف و سمحولنا على التاخير مي راكي عارفتني راني خفاشة ههههههههه
لمادا تشاركان في قسم المجتمع اكثر من الاقسام الاخرى ؟؟قسم المجتمع نصيب في راحتي اكثر و هو اول قسم شاركت فيه عندي معاه علاقة خاصة ههههههه.مي نبغي نشارك فيه لانو نبغي نسمع مشاكل الناس و نتعلم منهم و الواحد كي يسمع خيرمن تطفر فيه و يجرب .و للامانة يعجبوني ناسو اعضاء ماشاء الله تلقايهم يمدو النصيحة بلا مجاملة حتى و مرات تكون قاسية
من من الاعضاء يعجبك مواضيعه ؟؟كاينين بزاااااااااااااااااااااااااااااااااااااااااااااااا ااااااف و مانقدرش نكتبهم نخاف ننسى كاش واحد و كاين اعضاء و عضوات ربي يحفظهم و يخليهم للمنتدى لانو المنتدى محتاجهم
ما القضية الاجتماعية الاكثر اهمية في هاته الايام في نظركما؟؟القضية الاجتماعية الاهم في هذا الوقت و على حساب المواضيع الي راهي في المنتدى هي الزواج و مشاكلو ههههههههه .مي بالنسبة ليا كاين قضايا بزاف مي اهم قضية هي نقص التربية و الانحطاط الاخلاقي في مجتمعنا مع كل اسف راني خايفة راح يجي نهار علينا نولو ولادنا نسجنوهم باه مايخالطوش و مايخرجوش للزنقة

[soso sirin]

سادة و أئمة في العالم الافتراضي و سفلة و منحطين في العالم الواقعي
نساء كمن جائت من عصر النبوة في العالم الافتراضي و متبرجات وبدون فكر في العالم الواقعي
تعلو المبادئ و القيم الاخلاقية في المنتديات فالذكر في العالم الواقعي يصبح رجلا شهما اما الانثى فحدث و حدث و حدث...... نتخيلها فاطمة النسومر او رابعة العدوية.....
هل تشاطرانني الرأي؟؟؟؟؟

يا اختي يا جوهرة الوسط مايهموش واش يكونو في الواقع ربي يسهل على كل واحد الي باغي يكون امام في المنتدى و هو سوكارجي انا ماراحش يضرني راح يضر روحو هو.انا يهمني لما ندير موضوع يردو عليا و بطريقة مليحة لما الواحد يتجاوز حدو و نحسو بلي راح يولي قاضي عليا او انو دار رد تحسب هذا المشكل ماشافوش كامل او انو راه عايش في المدينة الفاضلة نحبس الهدرة معاه نقولو صحيت و ربي يخليك و نقطة و انتهى.انا نكره حاجة وحدا لما الانسان ينسى روحو معايا في الهدرة و يتجاوز حدودو تقول هو الملاك الطاهر و الناس لخرين شياطين الانس اما انو يهدر هدرة عادية و الله ماعلابالي و حتى و نعرفو بلي شخصيتو عكس ماراه يهدر.حاجة وخدخرا شوفي يا اختي المنتدى و الواقع راه كيفكيف انتي لما تعرفي انسان اول مرة ماتحكيلوش على شي حوايج تحكيلو غير على الحاجات المليحة برك يولي يشوفك ملاك و انسانة ماتغلطيش و هذا راه الغلطة تاعو لانو انتي انسانة و عندك اخطاء منبعد كي تعرفيه مليح تحكيلو على حاجات خاصة وممكن اخطاء درتيهم في حياتك .انا وحدا من الناس الي يعرف سيرين هنا ماشي كيما الي يعرفني نيشان لانو ماشي كل حاجة تنحكى هنا.و باه مايغيضكش الحال انتي شحال من واحد تعرفيه نيشان في التالي بانلك مايصلحش.ربي يهدينا ان شاء الله و يسترنا دنيا و اخرة

[soso sirin]

السلام عليكم
ما رأيكما في ترك المرضى عقليا في الشوارع بالرغم من أننا ندرك ما يتعرضون له من إساءات؟؟؟؟؟؟؟؟

و عليكم السلام .المرضى العقليين هذا راه مشكل كبير سوغتو مع المدة الاخيرة راهم في تزايد مستمر و ممكن اكثريتهم كانو مرضى نفسيين كون تلقاو العلاج المناسب كون اندمجو عادي في المجتمع مي للظروف القاسية تاع عايلاتهم خلاو حالتهم تزيد تدهور كثر.في مجتمعنا لما يكون في عايلة شخص كيما هذا يعتبر عالة عليهم و المستشفيات من الضغط ماراهيش تحكمهم و مرات هوما مايقدروش يريحو فيها و يهربو و مرات العايلات مايدخلهمش اصلا.والله حالتهم تشف و مع الشتا و الصيف والله يغيضو و كيما قلت انت مانهدروش على شي ناس يستغلوهم اسوء استغلال.المشكل من الضغوطات الي رانا نعيشو فيها اي شخص راه معرض انو يفقد سلامتو النفسية و ممكن تطور الحالة و يفقد عقلو ربي يجيب الخير برك.كاين مرضى عقليين تلقاهم مسالمين لدرجة كبيرة مايغبنوش مي كاين منهم الي تلقاه عدواني جدا و هذا راه خطر على روحو و على الناس.و كاين الي مسكين الغاشي هوما الي خلاوه يرجع عدواني لانو تعرض لابشع المضايقات.انا نلوم مالين الشخص هذا لانو هوما المسؤولين عليه و ربي يهدي شي ناس تلقاهم كبار مي في عقولهم تاع ذراري المهابل و ماطلقوهمش..

[مسلم سني]

و عليكم السلام .المرضى العقليين هذا راه مشكل كبير سوغتو مع المدة الاخيرة راهم في تزايد مستمر و ممكن اكثريتهم كانو مرضى نفسيين كون تلقاو العلاج المناسب كون اندمجو عادي في المجتمع مي للظروف القاسية تاع عايلاتهم خلاو حالتهم تزيد تدهور كثر.في مجتمعنا لما يكون في عايلة شخص كيما هذا يعتبر عالة عليهم و المستشفيات من الضغط ماراهيش تحكمهم و مرات هوما مايقدروش يريحو فيها و يهربو و مرات العايلات مايدخلهمش اصلا.والله حالتهم تشف و مع الشتا و الصيف والله يغيضو و كيما قلت انت مانهدروش على شي ناس يستغلوهم اسوء استغلال.المشكل من الضغوطات الي رانا نعيشو فيها اي شخص راه معرض انو يفقد سلامتو النفسية و ممكن تطور الحالة و يفقد عقلو ربي يجيب الخير برك.كاين مرضى عقليين تلقاهم مسالمين لدرجة كبيرة مايغبنوش مي كاين منهم الي تلقاه عدواني جدا و هذا راه خطر على روحو و على الناس.و كاين الي مسكين الغاشي هوما الي خلاوه يرجع عدواني لانو تعرض لابشع المضايقات.انا نلوم مالين الشخص هذا لانو هوما المسؤولين عليه و ربي يهدي شي ناس تلقاهم كبار مي في عقولهم تاع ذراري المهابل و ماطلقوهمش..
السلام عليكم
بارك الله فيك على الإجابة
احترماتي

[SOUSOU. DZ]

السلام عليكم :mh92::mh92:

اوووووووه صحباتي لهنا وانا ديما روطار :1::1:

دوكا ندخل فيكم اسئلة هيا:D:D:D


مي نيوز لوكان غير لميتيني مع شلة لمجرمة هادي:o:o


نفكر ونرجع

بارك الله فيك نيوز

[soso sirin]

السلام عليكم :mh92::mh92:

اوووووووه صحباتي لهنا وانا ديما روطار :1::1:

دوكا ندخل فيكم اسئلة هيا:d:d:d


مي نيوز لوكان غير لميتيني مع شلة لمجرمة هادي:o:o


نفكر ونرجع

بارك الله فيك نيوز

و عليكم السلام .ههههههههههههههه ولينا شلة المجرمين صح يا لالة .راح نستناو اسئلتك سقسي على راحتك

[soso sirin]

تصبحون على الف خير و صح سحوركم سلام

[sarl02]

سادة و أئمة في العالم الافتراضي و سفلة و منحطين في العالم الواقعي
نساء كمن جائت من عصر النبوة في العالم الافتراضي و متبرجات وبدون فكر في العالم الواقعي
تعلو المبادئ و القيم الاخلاقية في المنتديات فالذكر في العالم الواقعي يصبح رجلا شهما اما الانثى فحدث و حدث و حدث...... نتخيلها فاطمة النسومر او رابعة العدوية.....
هل تشاطرانني الرأي؟؟؟؟؟

والله معك حق وانا معك مائة بالمائة ...وحتى الفرد الذي يحاول ان يكون واقعي في ردوده وتدخلاته يصبح شاذ عن قاعدة المثالية التي ضربت اطناب جل اقسام هذا المنتدى .

[جوهرة الوسط]

اعتذر منكم ان كانت كلمات سؤالي جارحة لكن هي الحقيقة التي لمستها في عالم المنتديات و حديثي هذا يشملني انا ايضا لاني عضوة في هذا المنتدى

[ويناروز]

السلام عليكم :mh92::mh92:

اوووووووه صحباتي لهنا وانا ديما روطار :1::1:

دوكا ندخل فيكم اسئلة هيا:d:d:d


مي نيوز لوكان غير لميتيني مع شلة لمجرمة هادي:o:o


نفكر ونرجع

بارك الله فيك نيوز
وعليكم السلام

وفيك بارك الله

اسماء يبدو راكي دايما روتار ماتعلمتيش من العرضة الماضية

وفيك بارك الله

مرحبا بك القعدة قعدتكم

[ويناروز]

السلام عليكم شكرا لك وسيلة على الردود الشكر الموصول للاخوة على الاسئلة القيمة


نتمنى دخول مريم واصلاح جهازها

[ويناروز]

اعتذر منكم ان كانت كلمات سؤالي جارحة لكن هي الحقيقة التي لمستها في عالم المنتديات و حديثي هذا يشملني انا ايضا لاني عضوة في هذا المنتدى

والله اختي لم ندعي اننا ملائكة ومعصومين من الخطأ لكن باعتقادي تربية كل واحد منا

وقناعاته تجسد من خلال ردوده ولسنا قطاع طرق لان وصفك هذا

بصفات اسمحيلي لم تعجبني .

ولا ازكي نفسي لاننا ببساطة بشر كاين المليح وكاين الحاير

واصطدامنا بعينة لا يجوز التعميم عليها

[reiad999]

سادة و أئمة في العالم الافتراضي و سفلة و منحطين في العالم الواقعي
نساء كمن جائت من عصر النبوة في العالم الافتراضي و متبرجات وبدون فكر في العالم الواقعي
تعلو المبادئ و القيم الاخلاقية في المنتديات فالذكر في العالم الواقعي يصبح رجلا شهما اما الانثى فحدث و حدث و حدث...... نتخيلها فاطمة النسومر او رابعة العدوية.....
هل تشاطرانني الرأي؟؟؟؟؟


لم افهم القصد من كتابة هذه الجمل

اتريدين ان يكون كل اعضاء المنتدى ملائكة
هذا غير ممكن لا في الافتراضي و لافي الحقيقي
فسبقي الخير اولا بارك الله فيك
تقبل الله منا ومنكم الصيام و القيام

[(الانسان الوفي)]

السلام عليكم ....مرحبا يالضيفتين الكريمتين ........وعودة ميمونة للأخت مريم ...وتحية للأخت نيروز - سابحث عن معنى هذا الاسم -

سؤالي : الى أي مدى يكون للأسرة التأثير البالغ في شخصية الفرد؟

[libanarim]

السلام عليكم
بودي أن أرحب بالضيفتين الكريمتين
سؤالي هو : مارأيك في الإخوة والأخوات الأعضاء ممن يتهمون بالمثالية لمجرد أنهم يستعينون في ردودهم بآيات وأحاديث، فتجد شلة من القوم تتهمهم بالمثالية
في نظري ، لا ينبغي على الانسان أن يكون مثالي في حياته حتى يسدي نصيحة أو يستعين بآية في رده

[soha1987]

اهلا بالضيفتين الكريمتين
مريومة وسوسو بصحتكم القعدة
سؤالي لكما
مارايكم في المناهج الدراسية بالنظام الجديد ؟
كيف تفسرون انخفاظ نسبة النجاح في البكالوريا هذاالعام ؟
احقا الغش في البكالوريا امر مدبر ام الا ؟
جاوبوني ولا تشوفو واش ندير فيكم هههههههههههه

[(الانسان الوفي)]

اهلا بالضيفتين الكريمتين
مريومة وسوسو بصحتكم القعدة
سؤالي لكما
مارايكم في المناهج الدراسية بالنظام الجديد ؟
كيف تفسرون انخفاظ نسبة النجاح في البكالوريا هذاالعام ؟
احقا الغش في البكالوريا امر مدبر ام الا ؟
جاوبوني ولا تشوفو واش ندير فيكم هههههههههههه



هل لي الحق في النقاش ؟؟ :1::1:

[طماح الذؤابة]

السلامُ عليكم و الرحمة ..

مرحباً بالضيُوف و في الأصلِ هم أصحابُ الدارْ ..

مَرَاماَ و سِيرين ..

سؤال واحد :

ما محَل مُجتمعِنا من الإعراب في مقُولة :

مَن كان يعبُد رمضان فـإن رمضان قد ماتْ و من كانَ يعبُد ربّ رمضان فإن ربَ رمضان

حيٌ لآ يمُوت .


لي عَودة إن تطّلبَ الأمرُ ذلك .

دُمتُم سالمين :)

[ويناروز]

السلام عليكم ورحمة الله وبركاته

يبدو دخول مريم اصبح مستحيل

وكما يقول المثل في عرس اليتيمة فسد الميكرو

شكرا وسيلة لا ادري ماهي اخبار مريم ريثما نشارجي الهاتف
شكرا لكم جميعا

[ويناروز]

السلام عليكم
الضيوف ماجاوش رانى نستشفى مريم ههههههههههههههههههها (كيما المرة ليفاتة انا قلت هادى الكلمة ونلقى الضيوف دخلو ....باش تدخلى يامريم)
وعليكم السلام اخي
والله عملت لها الموضوع لكي تكون هي ووسيلة تحت مجهر القضايا الاجتماعية وهناك هدف من وراء تبني الفكرة
لكن للاسف لم ينجح الامر وتجري الرياح بما لاتشتهي السفن
اتمنى دخول وسيلة ومواصلة الاجابة على الا عضاء
بدون تعليق
صح فطوركم

[ويناروز]

لم يعجبك تعليقى .......عليك بحذف الاقتباس لقد حذفته

لالالالالا والله ما قصدتك انت
وانما كان تعبير عن رغبتي في الوصول الى شيء ما
فانت اخي المهتدي تعليقك لا غبار عليك
وانما اقتبسته لاضم صوتي اليك وتخرج لالا مريم
مابك اخي والله ما قصدت شيئا من اقتباسك
لا تسيء الظن بي

[عبد الرؤوف24]

لالالالالا والله ما قصدتك انت

وانما كان تعبير عن رغبتي في الوصول الشيء ما

فانت اخي المهتدي تعليقك لا غبار عليك

وانما اقتبسته لاضم صوتي اليك وتخرج لالا مريم

ماب اخي والله ما قصدت شيئا من اقتباسك

لا تسيء الظن بي
شكرا لم أسىء الضن لكن مربم أعرفها عندها حساسية من القوى الشريرة التى أحملها ...رانى فرحان :Dرانى نستشفى يامريم أخرجى :mad:
سوف تاتى حتى لو أخترعت جهاز كميوتر جديد:1:

ممكن أن تجعلى الموضوع مفتوح لمدة يومين اذأ لم تحضر الاخت مريم
شكرا

[ويناروز]

شكرا لم أسىء الضن لكن مربم أعرفها عندها حساسية من القوى الشريرة التى أحملها ...رانى فرحان :Dرانى نستشفى يامريم أخرجى :mad:
سوف تاتى حتى لو أخترعت جهاز كميوتر جديد:1:

ممكن أن تجعلى الموضوع مفتوح لمدة يومين اذأ لم تحضر الاخت مريم
شكرا






يبدو حالة الجهاز خطيرة جدا راهو في الاستعجالات
معقول هي الضيفة وماتحضرش :mad:
شكرا لك اخي على تفهمك

[عبد الرؤوف24]

سؤال أضافى
ما رايكما فى طريقة الافراح المكلفة الان فى زمان مضى كان الطعام واللحم والان وروود تقدم وشيكوللاطة وفرقة وسيار ليموزين وأطباق جديدة وغيرها.....
تصور الان مصاريف عرس لقريب لى مثلا فى حدود 70 مليون يوم الزفاف فقط

[soso sirin]

السلام عليكم .راني جيت و ان شاء الله نقدر نرد على الاسئلة و سمحولنا على التاخير رمضان راه ماثر فيا.ليليا قاتلك يا المهتدى بنور الله راهي جاية راه قريب يتصنع الميكرو

[soso sirin]

السلام عليكم ....مرحبا يالضيفتين الكريمتين ........وعودة ميمونة للأخت مريم ...وتحية للأخت نيروز - سابحث عن معنى هذا الاسم -

سؤالي : الى أي مدى يكون للأسرة التأثير البالغ في شخصية الفرد؟

بالنسبة ليا انا الاسرة تاثر بشكل كبير في شخصية الفرد و تاثر فيه على الجهتين بالسلب و بالايجاب.اي فرد هو ابن اسرته الا في حالات خاصة و الي تحيد على العادي والانسان يكتسب اهم الصفات من الوالدين و يطبع بطبايعهم و الاسرة هي الارضية الحقيقية الي تبني شخصيتو .لما يفتح الطفل عينيه اول ناس يحتك بيهم هو الاسرة تاعو مي هذا لا ينفي انو المجتمع ياثر عليه و حتى وسائل الاتصال على هكا يلزم على الاسرة انو تزيد تتحكم اكثر في ولادها لانو الانسان لما يتربا على الصح مهما يبعد على الطريق راح يرجع ليه

[مريم الصابرة]

السلام عليكم ورحمة الله وبركاته

صح فطوركم وتقبل الله منا ومنكم صالح الاعمال
واول سؤال مني للضيفتين

مريم من خلال المواضيع المطروحة في قسم المجتمع هل هي انعكاس لواقع مرفوض

ومساحة حرة للتعبير عن مكبوتات واقعية تجد هذه المساحة الافتراضية للتعبير عنها؟؟؟؟

أما سؤالي لسوسو سيرين باعتبار انك كتبت عن الضرب المدرسي
هل ترين ان منع ضرب التلميذو معاقبته من قبل الاستاذ هو سبب غير مباشر
لتمرد التلاميذ وانتشارظاهرة العنف في الوسط المدرسي

اتمنى ان يلقيا سؤاليا الصدر الرحب



السلام عليكم نيروز آسفة على التأخر في الرد راكي عارفة السبب
شكرا على الموضوع والقعدة الرائعة
والله نشوف العالم الإفتراضي الذي انا ارفض الكلمة هاته هو مجموعة تعابير عن واقعنا أي نعم هناك من يحاول تزييف الأامور او التعبير هنا عن ما لا يستطيع التعبير عنه خارجا او لا تمنح له الفرصة اصلا
لكن عن نفسي اكتب مواضيع من أرض الواقع وأي رد هو ردي الشخصي
شكرا لك

[soso sirin]

السلام عليكم
بودي أن أرحب بالضيفتين الكريمتين
سؤالي هو : مارأيك في الإخوة والأخوات الأعضاء ممن يتهمون بالمثالية لمجرد أنهم يستعينون في ردودهم بآيات وأحاديث، فتجد شلة من القوم تتهمهم بالمثالية
في نظري ، لا ينبغي على الانسان أن يكون مثالي في حياته حتى يسدي نصيحة أو يستعين بآية في رده

و عليكم السلام .ماضنيتش الاعضاء يقصدو انو الي يستعمل الايات و الاحاديت بالذات يتهموهم بالمثالية و كل واحد واش يقصد على هكا انا راح نرد باسمي برك.شوف خويا مرات لما اي واحد يكتب موضوع اجتماعي و موجود في مجتمعاتنا تلقى شي ردود نتخيل انو رانا عايشين في عصر الرسول او المدينة الفاضلة اما انو العضو يستعين بالقران او الحديث فهذا شي مليح مي الي مايعجبش انو تتلقى هجوم كانو درت موضوع تقول جبتو من الفضاء الخارجي.رانا كامل عايشين في مجتمع واحد سواء كنا في الغرب او الشرق نفس الظواهر الاجتماعية رانا معايشينها امالا الواحد يعترف بالظاهرة و يقول انو ظاهرة ماشي طبيعية و يستدل بالقران و السنة ماشي يدير روحو انهو مايغلطش كامل و صاحب الموضوع شرير و باغي الفتنة او حتى انو يشككو في نياتو و في دينو هذا الشي بينو و بين مولاه حنا واش دخلنا فيه.على هكا مكانش الي مايبغيش النصيحة بلعكس حاجة مليحة مي قدم النصيحة و انت تنصح ماشي باه تبين لصاحب الموضوع او شي اعضاء انهم غالطين و مايصلحوش و انو هو المثالي و الي مايغلطش.كان هنا عضو مشارك اسمو الواثق مع انو كلامو مرات كان قاسي مي الصح كانت هدرتو ماشاء الله لانو عندو اسلوب في النقاش ماشاء الله. و مكانش انسان مثالي رانا كامل عندنا اخطاء و الواحد يعرف كيفاش يرد برك

[مريم الصابرة]

السلام عليكم ورحمة الله تعالى وبركاته وصح فطــــــــوووووركم وصح رمضانكم

1-هل توافقونني الراي ان سبب فشل و التسيب في مدارسنا هو راجع لعدم وجود الضرب في المؤسسات

التربوية..؟؟؟


2-هل توافقونني الراي ان كثيرا من الاساتذة اليوم هم في سن المراهقة فكيف نميز بينهم ويين تلاميذتهم...؟؟؟


3-هل توافقونني الراي اي 80بالمئة في المنتدى او في مواقع التواصل الاجتماعي لا يظهرون بشخصياتهم

الصحيحة ومتسترين تحت شخصيات غير شخصياتهم......؟؟؟

4-لماذا المراة لا تحب الرجل الفقـــــــــــــير........؟؟؟


الى اسئلة اخري ان شاء الله تقبلـــــــــــــــوووووووووو مـــــــــــــــــرووووووووري
السلام عليكم اخي بن عمير شكرا لك على المشاركة
1- انا نشوف لو كان هناك ضرب فسيكون للمعلمين :1:
لا تحل المشاكل بالعنف اخي بن عمير هناك لغة تسمى لغة حوار لست أفهم لما لا تكون هناك في المؤسسات التعليمية حوار بين الإدارة والطلبة من وجه لوجه والنظر بمصداقية لمشاكلهم
2- هناك مراهقة متأخرة شيخوخة مبكرة أيضا لبعض الأساتذة وكيف نميزهم لما ينصح التلميذ الأستاذ او تجد تلميذة تعطي درسا في الأخلاق لأستاذتها
3- في المنتدى او المنتديات ككل الظهور بالشخصية الحقيقية قد يسبب مشاكل خاصة النساء اما عن الرأي الحقيقي وهذا ما تقصده فمن رأي من اخطأ يقول اخطأت ا تهمنا خصوصياته لا بل عندما يرى مشكلة هو يوما مر بها فلا يتظاهر انه النبي المعصوم
4- و من قال انها لا تحب الرجل الفقير هناك حالات وهناك رجال يركضون وراء العجائز فقط لأانها تملك المال اوليس هذا باع رجولته بالرخيص
شكرا لك

[مريم الصابرة]

السلام عليكم
سؤال لمريم
اليوم نقولك اهديلنا موضوع من مواضيعك الكثيرة لنا نحن الرجال ولماذا ممكن تعطينا رابط الموضوع(مع انى عارف مسبقا اى موضوع سوف تضعين)
فى رأيك لو نطبق فكرة الخطبة فى الاتجاه المعاكس لكى سو ف
تنقص العنوسة
أسئلة لكما
لو كنتما تملكان عصى سحرية لتغير ضاهر فى المجتمع سيئة ماهى ولماذا
يقال ان المراة مثل الكرة فى رجل الرجل فى لعبة كرة القدم فى رأيكما هل هذا صحيح
السؤال الاخير
الصورة تتحدث

http://t3.gstatic.com/images?q=tbn:and9gct4g5jpsnnafkxweugferyeovg3rqluf 6a2da1g3xqd4mlg1y6h
السلام عليكم أهلا وسهلا بلغني أنك إستشفيت فيا لكن انا هنا
لو اهديكم موضوع ساهديكم تصرفات ظائشة بكل أجزائه وهذا وين دخلت وضرك نكمل الردود نجيبلك الروابط لكل الاجزاء
بٍأي لو ترمكنا الحساسيات والمرأة خطبت الرجل لما وصلنا لما وصلنا إليه
المرأة ليست لا كرة ولا ملعب هي كل حياة الرجل وفقط تتظاهرون بالقوة أليست امط من تطبخ وهي إمرأة اليست الاخت من تكويو تغسل الثياب وتقوم بكل شي
أليست الزوجة من تتحمل الحياة معكم وهي إمرأة
الصورة بالنسبة ليا الرجل من بكري يحب النسا ويعدد دارو العنوسة سبب ومبرر فقط جاتكم على قلبكم شكرا لك

[مريم الصابرة]

وبانتظار دخول الضيفتين والاجابة على اسئلة الأعضاء

يبدو مريم القعدة راهي تعرضت للقرصنة:1::1:
السلام عليكم
شكرا كل نيروز اناه نا حاضرة لا قرصنة لا والو مجرد تاخير بارك الله فيك شكرا

[مريم الصابرة]

اهلا بضيفتينا الكريمتين
مريم ممكن تدخل بعد قليل
اما سوسو استناوها بزاااااااااااااف

سؤال لكما :

لمادا تشاركان في قسم المجتمع اكثر من الاقسام الاخرى ؟؟
من من الاعضاء يعجبك مواضيعه ؟؟
ما القضية الاجتماعية الاكثر اهمية في هاته الايام في نظركما؟؟
السلام عليكم اهلا اختي
أشارك في قسم المجتمع لأنني اركز كثيرا على المشاكل وحلولها لست خيالية انا واقعية أعلم هناك مشاكل نحاول التغيير منها ولو بالنقاش ومعرفة افكار بعضنا
انا كل الأعضاء نتبع مواضيعهم وكل موضوع نلمس فيه الواقعية يعجبني والحمد لله هناك اقلام مميزة لا داعي لذكر اسماء نخاف ننسى ونظلم البعض
القضية الإجتماعية المهمة الحالية هي عمل الشباب العمل هو اساس كل المشاكل وتاخر الزواج والمستقبل
شكرا لك سالي

[مريم الصابرة]

سادة و أئمة في العالم الافتراضي و سفلة و منحطين في العالم الواقعي
نساء كمن جائت من عصر النبوة في العالم الافتراضي و متبرجات وبدون فكر في العالم الواقعي
تعلو المبادئ و القيم الاخلاقية في المنتديات فالذكر في العالم الواقعي يصبح رجلا شهما اما الانثى فحدث و حدث و حدث...... نتخيلها فاطمة النسومر او رابعة العدوية.....
هل تشاطرانني الرأي؟؟؟؟؟
السلام عليكم اختي
رأيت جملتك هاته في الضيافة الأخرى وهنا
والله يا اختي لا ارى احد يدعي النبوة هنا لأان الأمر خطير كاتن تعرفي معناها واللي منحطة برا ما عندهاش الوقت تدخل تنحط هنا مع ناس راه كل واحد في ولاية وبرأيك المنحطة تخلي جوها الخارجي وتجي للنت الله يهديك
اما نسومر والعدوية سواء برا او هنا ما نوصلوهمش
لا اشاطرك الراي كل وحدة ربي يسهل عليها هنا جمعنا صرح للأفكار وما رانش هنا نحللو شخصيات لو هكذاك راه المنتدى معمر مهابل الله يشفي شكرا لك

[soso sirin]

اهلا بالضيفتين الكريمتين
مريومة وسوسو بصحتكم القعدة
سؤالي لكما
مارايكم في المناهج الدراسية بالنظام الجديد ؟
كيف تفسرون انخفاظ نسبة النجاح في البكالوريا هذاالعام ؟
احقا الغش في البكالوريا امر مدبر ام الا ؟
جاوبوني ولا تشوفو واش ندير فيكم هههههههههههه

يسلمك حنونة .المنهج الدراسي بالنظام الجديد فيه حاجات ملاح و فيه حاجات ماشي ملاح مي الحاجة الي ممكن راهي ماثرة على التلميذ هي لاشارج الي راه يعاني منو اذا باغيين تكون نتيجة مليحة لازم تكون معاونة بين الاسرة و المدرسة و التلميذ لازم يكون واقف مع روحو لانو التلاميذ تاع ضروك راهم يغمو في القلب ماراهمش يبغو يتعبو و تكون نتيجة مليحة .هذي سياسة الوزير الجديد و الي الله اعلم واش يقصد بيها و من جهة حاجة مليحة على الاقل ينقصو الضغط على الجامعات رانا نشوفو جامعات مكتضة و ناس متخرجين شادين الحيطان راه عندنا الكمية بلا النوعية. مشكلة الغش هذا العام دارت فوضى كبيرة صرالهم كثر ملي راهم يطالبو بالعمل مي الحاجة الي تغيض هي انو ممكن راهو ناس في الرجلين و الحاجة لخرى علاش لما تعاقب التلميذ مايتعاقبش الاستاذ الي كان يحرس و حتى رشيس المركز لانو مكانش منها باه ذراري و متمدرسين يقدرو يديرو رايهم في اساتذة و هوما علابالهم بلي حالة غش اقصاء من البكالوريا .انا هنا نلوم كثر رئيس المركز و الاساتذة لوكان مالقاوش التلاميذ الحرية ماراحش يكون غش جماعي والله اعلم .راني رديت يا سهى حنونة مي والله ماعرفت حتى كيفاش رديتلك راكي عارفة الريزو مع النهار يولي مايحكمش نيشان

[مريم الصابرة]

الف الف تحية لك يا اختي الفاضلة اثلجتي صدري وقلبي انا معك 100بالمئة بارك الله فييييييييييييك وجزاك الله كل خير يا جوهرة الوسط صح فطوووووووورك وصح رمضانك

السلام عليكم
ما فهتمش علاه الترحيب الحار والزرنة حضرت فيها
وبارك الله فيها لو تعرف بارك الله فيها يا اخي بن عمير ما تتهموش اعراض الناس لا الي منحطة او سيئة عندها عالم واقعي فالخارج واسع ما تجيش هنا وهنا راهم محترمات وسيدات وامهات محترمات والحمد لله شكرا لك

[مريم الصابرة]

السلام عليكم
ما رأيكما في ترك المرضى عقليا في الشوارع بالرغم من أننا ندرك ما يتعرضون له من إساءات؟؟؟؟؟؟؟؟

السلام عليكم اخي
والله انا ضد الفكرة هذي تماما المريض العقلي مكانو المستشفلا ستر لحالتو أفضل ربي يشفي كل مريض وفعلا يتعرضون لإهانات كثيرة ربي يهدي ما خلق بارك الله فيك

[مريم الصابرة]

والله معك حق وانا معك مائة بالمائة ...وحتى الفرد الذي يحاول ان يكون واقعي في ردوده وتدخلاته يصبح شاذ عن قاعدة المثالية التي ضربت اطناب جل اقسام هذا المنتدى .
السلام عليكم
كل واحد يعرف روحو اخي شكرا لك

[مريم الصابرة]

اعتذر منكم ان كانت كلمات سؤالي جارحة لكن هي الحقيقة التي لمستها في عالم المنتديات و حديثي هذا يشملني انا ايضا لاني عضوة في هذا المنتدى
السلام عليكم اختي
تمدي رأيك أنك حرة طبعا ومرحب بك بيننا وكيفما كان رأيك لكن إختيار الألفاظ كلمات منحطات وكذا كذا ه
ا اصلا ضدك أنت فهل تقبلين أن يقال عنك منحطة عندما يقال هذا هنا انا اعتبر الكلام موجه لي فالمنتدى أنت وانا ورجال محترمون معنا ونساء سيدات بيوت وأمهات يعني عيب في حقهن تقبلي ردي وأرجو أن تفهميه شكرا كل

[soso sirin]

السلامُ عليكم و الرحمة ..

مرحباً بالضيُوف و في الأصلِ هم أصحابُ الدارْ ..

مَرَاماَ و سِيرين ..

سؤال واحد :

ما محَل مُجتمعِنا من الإعراب في مقُولة :

مَن كان يعبُد رمضان فـإن رمضان قد ماتْ و من كانَ يعبُد ربّ رمضان فإن ربَ رمضان

حيٌ لآ يمُوت .


لي عَودة إن تطّلبَ الأمرُ ذلك .

دُمتُم سالمين :)

و عليكم السلام خويا و مرحبا بيك حتا انت .رمضان في وقتنا و مع عبادنا حوايج بزاف راحو منو رمضان ربي دارو باش نحسو بالي ماعندوش باش نصفو القلوب باش تزيد الرحمة في قلوبنا و باش يكون صفحة جديدة في حياتنا مي واش رانا نشوفو العكس تماما كلشي تبدل الرحمة راحت من القلوب ناس تاكل و ماراهيش عارفة حتا اذا جارها كلا او لا .ولينا نهتمو بالاكل اكثر مانهتمو بالصلاة و العبادات .و الزعاف و القلق و راهي تصرا جرائم باسم رمضان مع انو رمضان راه بريئ منهم.مي هكاك و مازال الخير فينا و ان شاء الله ربي يهدينا.والله ماعلابالي اذا رديت عليك نيشان انا هذا الي فهمتو من سؤالك و اذا كان الرد ماشي نيشان معليش راح ندخل منبعد و نشوف .و حاجة وخدخرا الخير و العبادات و الصلاة و الحاجات المليحة الواحد يولف روحو باه يديرها في كل وقت ماشي غير في رمضان و غير يكمل رمضان نرجعو كيما كنا و ننساو كلشي .ان شاء الله يكون رمضان ليا و ليكم الا باب نفتحوه على اصلاح انفسنا

[مريم الصابرة]

لم افهم القصد من كتابة هذه الجمل

اتريدين ان يكون كل اعضاء المنتدى ملائكة
هذا غير ممكن لا في الافتراضي و لافي الحقيقي
فسبقي الخير اولا بارك الله فيك
تقبل الله منا ومنكم الصيام و القيام



السلام عليكم
بارك الله فيك اخي وجزاك كل الخير نعم الكلام شكرا

[مريم الصابرة]

السلام عليكم ....مرحبا يالضيفتين الكريمتين ........وعودة ميمونة للأخت مريم ...وتحية للأخت نيروز - سابحث عن معنى هذا الاسم -

سؤالي : الى أي مدى يكون للأسرة التأثير البالغ في شخصية الفرد؟

السلام عليكم
الاسرة لها دور كبير في تكوني شخصية الفرد فالطفل يتعلم من امه ومن الجو العائلي وكل عائلة وتربية أفرادها وسلوكاتها وهذا من الأسرة شكرا لك

[مريم الصابرة]

السلام عليكم
بودي أن أرحب بالضيفتين الكريمتين
سؤالي هو : مارأيك في الإخوة والأخوات الأعضاء ممن يتهمون بالمثالية لمجرد أنهم يستعينون في ردودهم بآيات وأحاديث، فتجد شلة من القوم تتهمهم بالمثالية
في نظري ، لا ينبغي على الانسان أن يكون مثالي في حياته حتى يسدي نصيحة أو يستعين بآية في رده

السلام عليكم اخي شكرا لك
والله اخي انا نشوف المثالية لما شخص يعرف الواقع اللي عايشين فيه كلنا جزائريون ونعرفو واقعنا ونجو هنا نقراو مشطلة لفتاة او شاب تعرض لقصة فاشلة ويطلي نصيحة ناكلوه وكلنا نرجعو انبياء وحرام وحلال علاش الهروب من الواقع كلنا معرضون للخطأ ويجب النصح من باب مررنا بتلك التجربة او قد نتعرض لها اما فالواقع نفسه هنا اي موقف اعطي نصيحة وكلمة طيبة او الصمت افضل الحلول شكرا

[(الانسان الوفي)]

بالنسبة ليا انا الاسرة تاثر بشكل كبير في شخصية الفرد و تاثر فيه على الجهتين بالسلب و بالايجاب.اي فرد هو ابن اسرته الا في حالات خاصة و الي تحيد على العادي والانسان يكتسب اهم الصفات من الوالدين و يطبع بطبايعهم و الاسرة هي الارضية الحقيقية الي تبني شخصيتو .لما يفتح الطفل عينيه اول ناس يحتك بيهم هو الاسرة تاعو مي هذا لا ينفي انو المجتمع ياثر عليه و حتى وسائل الاتصال على هكا يلزم على الاسرة انو تزيد تتحكم اكثر في ولادها لانو الانسان لما يتربا على الصح مهما يبعد على الطريق راح يرجع ليه


السلام عليكم ...شكرا اختي الكريمة ....الحقيقة توجد حالة ناقشتها أنا وأحدى العضوات هنا وهي أن أخويها ...تربيا في أسرة محافظة ودينة والآن هما خارج نطاق تغطية الاسرة ..فقد حادا عن الطريق ...شكرا أختي

[soso sirin]

سؤال أضافى
ما رايكما فى طريقة الافراح المكلفة الان فى زمان مضى كان الطعام واللحم والان وروود تقدم وشيكوللاطة وفرقة وسيار ليموزين وأطباق جديدة وغيرها.....
تصور الان مصاريف عرس لقريب لى مثلا فى حدود 70 مليون يوم الزفاف فقط

والله يا خويا هذا التكاليف كل واحد و كيفاش يشوفها كاين الي هو يبغي يكلف روحو فوق طاقتو باه يولي خيرمن الناس و تلقاه كيما قلت انت خصهم غير يجو يدو نساهم في طيارات و الزوخ مانهدروش عليه يخسرو ميزانية عام و لا عامين في نهار واحد و كون غير دراهمهم اكثريتهم دين منبعد الزواج يقعد يرجع فيهم و ممكن مايجي يرجعهم حتى يزوج وليدو .كل حاجة بالمعقول مليحة صح هو نهار في العمر مي تاني ماشي هذا النهار الواحد يكسر ظهرو و يقعد حياتو كامل و هو يخلص فيه و مانهدروش على المشاكل و الضغوطات الي تاثر على حياتو الزوجية .ماناش نقولو الواحد مايفرحش بلعكس انا وحدا من الناس نبغي نهار عرسي يفوت هايل مي ماشي معنتها هذا نخلي بابا غارق في الديون و نروح عند السي السيد نلقاه غارق في الديون .و ربي يجيب الخير ان شاء الله و والواحد يعيش قيسو قيس روحو و مايهموش الناس واش دارت لانو كون نجو نشوفو دراهمنا في العروسات رايحين غير في الصوالح الي جوتابل .

[مريم الصابرة]

اهلا بالضيفتين الكريمتين
مريومة وسوسو بصحتكم القعدة
سؤالي لكما
مارايكم في المناهج الدراسية بالنظام الجديد ؟
كيف تفسرون انخفاظ نسبة النجاح في البكالوريا هذاالعام ؟
احقا الغش في البكالوريا امر مدبر ام الا ؟
جاوبوني ولا تشوفو واش ندير فيكم هههههههههههه
السلام عليكم اختي
والله المناهج الدراسة من جهة انا نظنها مليحة لأنو صراحة مقارنة بالدول الأاخرة ما عندناش تعليم صراحة ولابد من مواكبة الدول الاخرى في التعليم
انا نظن نسبة النجاح راجعة للمستويات ونوعية الإختبارات فمرات كانت الأسئلة في المستوى العام الماضي وكانت نسية نجاح عالية اما هذا العام تغير الوضع ونظن الأامر عادي
انا نزن موضوع الغش غير مدبر ولما يدبر لما نبرر فشلنا دوما ولا نواجه الأامور نحن غير الدول الاخرى نصنع أساليب الغش لا تخطر في بال الشيطان هذا واقع لابد من الإقرار منه
رانيب جاوبتك ولو عرفت فيها تهديد ما نجاوبش نحب التحدي نشوفك واش ديري :1: صحا فطورك

[(الانسان الوفي)]

أهلا بعودة مريم ....الصابرة ...المثابرة....هل صنعتي الميكرو ..أم أشتريتي آخر ....

[مريم الصابرة]

السلامُ عليكم و الرحمة ..

مرحباً بالضيُوف و في الأصلِ هم أصحابُ الدارْ ..

مَرَاماَ و سِيرين ..

سؤال واحد :

ما محَل مُجتمعِنا من الإعراب في مقُولة :

مَن كان يعبُد رمضان فـإن رمضان قد ماتْ و من كانَ يعبُد ربّ رمضان فإن ربَ رمضان

حيٌ لآ يمُوت .


لي عَودة إن تطّلبَ الأمرُ ذلك .

دُمتُم سالمين :)


السلام عليكم اختي
شكرا وبارك الله فيك
نا ضد هكذا تغيير للجمل هذه الجملة قيلت يوم وفاة الرسول الحبيب فلما غيرت لهكذا كلام هل نحن افضل من الصحابة لو قالوها لو وصلتنا للأسف صرنا نحرف ونخرب كل شي شكرا لك

[مريم الصابرة]

شكرا لم أسىء الضن لكن مربم أعرفها عندها حساسية من القوى الشريرة التى أحملها ...رانى فرحان :dرانى نستشفى يامريم أخرجى :mad:
سوف تاتى حتى لو أخترعت جهاز كميوتر جديد:1:

ممكن أن تجعلى الموضوع مفتوح لمدة يومين اذأ لم تحضر الاخت مريم
شكرا


السلام عليكم فالتلفون بلغني انك ستشفيت فيا وجيت نجري رحت فالسخانة هذي وصايمة جيت جهازي من عند المصلح ودرتلو حالة قتلو ربع ساعة ما توجدوش دزاسير راحا تنقلب راني قلتلكم راحا تنوض حرب سوريا مزيا خاف مني كالعادة
راني هنا شكرا إستفزازك ليا خلاني جيت بارك الله فيك

[soso sirin]

السلام عليكم ...شكرا اختي الكريمة ....الحقيقة توجد حالة ناقشتها أنا وأحدى العضوات هنا وهي أن أخويها ...تربيا في أسرة محافظة ودينة والآن هما خارج نطاق تغطية الاسرة ..فقد حادا عن الطريق ...شكرا أختي


و عليكم السلام ايه والله رانا نشوفو هذا الحالات مي ممكن لانو الشخص الي يحيد على الاسرة كاين خلل في تربيتو ممكن من الفشوش الزايد و حتى انو المجتمع راه ياثر بشكل كبير لانو الطفل ماتقدرش تتحكم فيه مية بالمية مي تاكد من حاجة خويا مهما بعدو على الطريق راح يجي نهار و يندمو و يرجعو و يعرفو الصح الي يتبنى على الصح عمرو و لا يريب حتى و كون يتعرض لهزات مي تربيتو الاولى راح تاثر عليه .و الواحد يوقف مع خوه حتى للتالي و يجيه بالمسايسة و يجيه بالقباحة و راح يرجع.كاين ناس ماتبغيش تتعلم حتى تنضر .ربي يجيب الخير ان شاء الله

[soso sirin]

انا نقلكم صح فطوركم ضروك منبعد ان شاء الله راح نرجع اذا كان مازال اسئلة اخرى

[مريم الصابرة]

سؤال أضافى
ما رايكما فى طريقة الافراح المكلفة الان فى زمان مضى كان الطعام واللحم والان وروود تقدم وشيكوللاطة وفرقة وسيار ليموزين وأطباق جديدة وغيرها.....
تصور الان مصاريف عرس لقريب لى مثلا فى حدود 70 مليون يوم الزفاف فقط
السلام عليكم اخي
والله انا نشوفها مفاخرة وتبذير كبير الثراحة صدقني نخمم بالعقل لو نكري صالة ب ملاين نديرها سنسلة ذهب نلقاها للشدة لو ندير قاطو اللوز ب ملاين اخرى ندير قاطو فالدار قد المستوى والباقي نفضلهم دراهم هكذا نخمم واشبيه العرس فالدار والملمة نتاع الجيران والدربوكة في الجيريكا نتاع الزيت :1::1: روعة والله أعراس زامن فيهم البنة والزواج يدوم وعرس الصالة فالصيف والمحامي فالشتا :1: شكرا لك

[(الانسان الوفي)]

و عليكم السلام ايه والله رانا نشوفو هذا الحالات مي ممكن لانو الشخص الي يحيد على الاسرة كاين خلل في تربيتو ممكن من الفشوش الزايد و حتى انو المجتمع راه ياثر بشكل كبير لانو الطفل ماتقدرش تتحكم فيه مية بالمية مي تاكد من حاجة خويا مهما بعدو على الطريق راح يجي نهار و يندمو و يرجعو و يعرفو الصح الي يتبنى على الصح عمرو و لا يريب حتى و كون يتعرض لهزات مي تربيتو الاولى راح تاثر عليه .و الواحد يوقف مع خوه حتى للتالي و يجيه بالمسايسة و يجيه بالقباحة و راح يرجع.كاين ناس ماتبغيش تتعلم حتى تنضر .ربي يجيب الخير ان شاء الله


السلام عليكم ...هل استطيع أن اطرح سؤال شخصي نوعا ما ..

[مريم الصابرة]

السلام عليكم ...هل استطيع أن اطرح سؤال شخصي نوعا ما .
.
السلام عليكم اخي
لا ممنوع الاسئلة الشخصية قد يغلق الموضوع وإضطر لغلق حلقات القعدات لذا نلتزم بأسئلة إجتماعية ونظن النقاش فيها مفيد أكثر شكرا لك

[طماح الذؤابة]

السلام عليكم اختي
شكرا وبارك الله فيك
نا ضد هكذا تغيير للجمل هذه الجملة قيلت يوم وفاة الرسول الحبيب فلما غيرت لهكذا كلام هل نحن افضل من الصحابة لو قالوها لو وصلتنا للأسف صرنا نحرف ونخرب كل شي شكرا لك



و عليكم السلام و الرحمة ..

أخُوك و ليس أختُك .

رأيُك و يجْب إحترامه ، و ليتكِ قرأتِ ما بينَ الأسطُر .

كُوني بخير .

[ويناروز]

الحمد لله على السلامة مريم

راك كهلال العيد

من البارحة ونحن نترقب عينينا طارو والتاي برد والضيوف داخلين خارجين يستناو

اني امزح ..........الحمدلله راكي بخير انت والميكرو

كلمة اقولها

شكرا لاتاحة لي فرصة طرح موضوعك واستظافتك انت ووسيلة

اتمنى تكون القعدة نالت اعجابكم

شكرا مرة اخرى

[مريم الصابرة]

السلام عليكم اخي إنسان وفي
أنت قلت سؤال شخصي فالتكلم عن الللغة ليس سؤالا عاميا
وانا طلبت منك عدم طرح أسئلة شخصية لأن الإدارة تنافي هذا مع موضوعي وقد يغلق وإن اغلق انا لن اكمل الحلقات حتى آخر رمضان ولا ادري ما الذي أغضبك فأنا طلبت منك هذا وليس أي احد هنا
اما التكلم بالعامية فأنا اظن أن معالم اللأمة الإسلامية كلها إختفت وهناك مشاكل أكبر من مجرد اللغة ونحن هنا نتلكم براحتنا لأن المشاكل الإجتماعية نعرفها كلنا لذلك نتحدث بالعامية براحتنا وشكرا لك

[مريم الصابرة]

السلام عليكم
أشكر نيروز على التدخل في حلقة من حلقاتي وكانت رائعة ومميزة بالفعل
شكرا لك ولكل من شاركنا هاته الحلقة بارك الله فيك

[soso sirin]

السلام عليكم ...هل استطيع أن اطرح سؤال شخصي نوعا ما ..

السلام عليكم اخي إنسان وفي
أنت قلت سؤال شخصي فالتكلم عن الللغة ليس سؤالا عاميا
وانا طلبت منك عدم طرح أسئلة شخصية لأن الإدارة تنافي هذا مع موضوعي وقد يغلق وإن اغلق انا لن اكمل الحلقات حتى آخر رمضان ولا ادري ما الذي أغضبك فأنا طلبت منك هذا وليس أي احد هنا
اما التكلم بالعامية فأنا اظن أن معالم اللأمة الإسلامية كلها إختفت وهناك مشاكل أكبر من مجرد اللغة ونحن هنا نتلكم براحتنا لأن المشاكل الإجتماعية نعرفها كلنا لذلك نتحدث بالعامية براحتنا وشكرا لك

مافمهتش واش باغي تسقسي واش هو السؤال الشخصي مي من واش ردت ليليا معنتها علاش نكتب بالعامية والله لانو نلقى فيها راحتي و نقدر نوصل واش حابة هذا مكان اما اللغة العربية فانا اعتز بها مي لما نكون في قسم المجتمع نحب نهدر دارجة احسن اما اذا ماكنتش تفهم الردود الي نكتبهم فهذا حاجة وخدخرا .

[soso sirin]

شكرا جزيلا نيروز على الاستضافة مع انو الشكر جا متاخر.و شكرا لكل عضو شارك او حتى انو تبع الموضوع. و ان شاء الله كنت عند حسن ظنكم .

[محمد...عبد النور]

السلام عليكم و رحمة الله و بركاته
تقبل الله منا و منكم صالح الاعمال و صح فطوركم جميعا
بمناسبة القعدة الطيبة اوجه كلمة شكر لصالحبة القعدة الاخت نيروز و بارك الله فيك
و ارحب بالضيفتين الكريمتين
الاخت مريم و الاخت وسيلة
و اتمنى ان تكونان بألف خير و عافية
و ارحب بجميع الاعضاء و العضوات الذين شاركوا في طرح الاسئلة


سؤالي
كيف حالكن مع تحضير الافطار في رمضان
سؤال لكل الاخوات
ام
خاطيكم الامر
و يا ترى كاش صبر على السخانة داخل المطبخ ؟؟؟؟؟؟؟
صح فطوركم و ربي يبارك فيكم جميعا
ســــــــــــــــــــلام

[مريم الصابرة]

السلام عليكم و رحمة الله و بركاته
تقبل الله منا و منكم صالح الاعمال و صح فطوركم جميعا
بمناسبة القعدة الطيبة اوجه كلمة شكر لصالحبة القعدة الاخت نيروز و بارك الله فيك
و ارحب بالضيفتين الكريمتين
الاخت مريم و الاخت وسيلة
و اتمنى ان تكونان بألف خير و عافية
و ارحب بجميع الاعضاء و العضوات الذين شاركوا في طرح الاسئلة


سؤالي
كيف حالكن مع تحضير الافطار في رمضان
سؤال لكل الاخوات
ام
خاطيكم الامر
و يا ترى كاش صبر على السخانة داخل المطبخ ؟؟؟؟؟؟؟
صح فطوركم و ربي يبارك فيكم جميعا
ســــــــــــــــــــلام

السلام عليكم اخي محمد بارك الله فيك على المشاركة العطرة
بالنسبلة لسؤالك علاه الإحراج :sdf::sdf:
صراحة انا عندي ظرف خاص حاليا مريضة ما نقدرش نوقف عية كاملة امي هي طيب ولكن نساعدها اكيد بعض اطباق الجدد هي ما تعرفلهمش نطيبهم لما نحب ناكلهم ومرات والو امور خفيفة قلي او ديكور او أي شي هي صراحة الله غالب لو كنت بصحتي ما نخليش امي تزقف في حرارة المطبخ لكنها هي رفضت أني نطيب شكرا لك وبارك الله فيك هذا العام ديت كونجي وليت راجل نقعد ناكل برك شكرا لك صحا فطورك

[soso sirin]

السلام عليكم و رحمة الله و بركاته
تقبل الله منا و منكم صالح الاعمال و صح فطوركم جميعا
بمناسبة القعدة الطيبة اوجه كلمة شكر لصالحبة القعدة الاخت نيروز و بارك الله فيك
و ارحب بالضيفتين الكريمتين
الاخت مريم و الاخت وسيلة
و اتمنى ان تكونان بألف خير و عافية
و ارحب بجميع الاعضاء و العضوات الذين شاركوا في طرح الاسئلة


سؤالي
كيف حالكن مع تحضير الافطار في رمضان
سؤال لكل الاخوات
ام
خاطيكم الامر
و يا ترى كاش صبر على السخانة داخل المطبخ ؟؟؟؟؟؟؟
صح فطوركم و ربي يبارك فيكم جميعا
ســــــــــــــــــــلام
و عليكم السلام اخي لذريق و صح رمضانك و ربي يتقبل منا و منكم.والله مع السخانة الي جاتنا مع رمضان خاصهم يديرونا كليماتيزوغ في الكوزينة و لا كاش نهار ندير اضراب على الطياب .ماعندنا مانديرو لازم ندخلو ليهاو نطيبو و نوجدو .و باش الواحد يايفيتي السخانة رانا نبداو الطياب مع الصباح و تبقى حاجة خفيفة مع العشية نكملوها

[محمد...عبد النور]

و عليكم السلام اخي لذريق و صح رمضانك و ربي يتقبل منا و منكم.والله مع السخانة الي جاتنا مع رمضان خاصهم يديرونا كليماتيزوغ في الكوزينة و لا كاش نهار ندير اضراب على الطياب .ماعندنا مانديرو لازم ندخلو ليهاو نطيبو و نوجدو .و باش الواحد يايفيتي السخانة رانا نبداو الطياب مع الصباح و تبقى حاجة خفيفة مع العشية نكملوها

و عليكم السلام ورحمة الله اختي سوسو سيرين
ربي يكون في عونكن جميعا ..........مرات نجي نحط كاش قضيان في المطبخ او اكلم اخواتي او امي في اي امر لما يكونوا في المطبخ ..............تقولي فرن مشعول .......الله يكون في العون .........لكن ما باليد حيلة ........فجزاكن الله خير الجزاء و جعلها في موازين حسناتكن
بارك الله فيك و اقر عينيك بما تحبين
ســــــــــــــــــــلام

[مريم الصابرة]

و عليكم السلام ورحمة الله اختي سوسو سيرين
ربي يكون في عونكن جميعا ..........مرات نجي نحط كاش قضيان في المطبخ او اكلم اخواتي او امي في اي امر لما يكونوا في المطبخ ..............تقولي فرن مشعول .......الله يكون في العون .........لكن ما باليد حيلة ........فجزاكن الله خير الجزاء و جعلها في موازين حسناتكن
بارك الله فيك و اقر عينيك بما تحبين
ســــــــــــــــــــلام

السلام عليكم اخي
الحمد لله إنك قدرت والله ربي يجازي كل ام وأخت وزوجة الوقفة في المطبخ كل المساء مع حرارة الفرن ما راهيش ساهلة
بارك الله فيك وجزاك كل خير

[*ثزيري*]

سؤالي للضيفتاان

ماراي الضيفتنا في ادمان الانترنات وخاصة المرأة

هل له تأثير على مطبخها:1::1:

[مريم الصابرة]

سؤالي للضيفتاان

ماراي الضيفتنا في ادمان الانترنات وخاصة المرأة

هل له تأثير على مطبخها:1::1:
السلام عليكم
وين كنت راني عرضتك وما جيتيش روحي ردي على الأسئلة فالعرضة 10
انا وحدة راني نظل هنا لكن كاين شكون يطيب العام كامل وانا نخدم في رمضان ندي كونجي لكن لوماماكنش شكون يطيب انا نوض لكن فعلا رجع المنتدى كي سبيطار المهابل قاكل راهم يهربو بالواحد نبقى انا برك واقيلة وإنت رشوس ايا روحي ردي فالعرضة نتاعك

[*ثزيري*]

السلام عليكم
وين كنت راني عرضتك وما جيتيش روحي ردي على الأسئلة فالعرضة 10
انا وحدة راني نظل هنا لكن كاين شكون يطيب العام كامل وانا نخدم في رمضان ندي كونجي لكن لوماماكنش شكون يطيب انا نوض لكن فعلا رجع المنتدى كي سبيطار المهابل قاكل راهم يهربو بالواحد نبقى انا برك واقيلة وإنت رشوس ايا روحي ردي فالعرضة نتاعك



شكرا مريومة على العرضة اني رايحة:mh31:

[مريم الصابرة]

شكرا مريومة على العرضة اني رايحة:mh31:
السلام عليكم
شكرا روحي برك من بارح دايرة روشيرش عليك

[اميرة07ميرا]

يااه
هاذي القعدة انا ماشفتهاش
فاتتني

[*ثزيري*]

السلام عليكم
شكرا روحي برك من بارح دايرة روشيرش عليك


هههههههههههههههه راني جاوبت على الاسئلة اسفة على التأخير

مشكووووووووووووووووورة مريم على العرضة

[soso sirin]

سؤالي للضيفتاان

ماراي الضيفتنا في ادمان الانترنات وخاصة المرأة

هل له تأثير على مطبخها:1::1:

واش راكي و صح فطورك.انا مانهدرش في هذا الموضوع خير حتا نلقالو حل ههههههههه.انا اصلا مدمنة مي راني نقص في الجرعات بلاك نقدر نتهنى .صراحة والله النت الي يوالفها مشكل كبير مانقدرش نتخيل دار بلا بيها .مرات تاثر عليا نخلي الكوزينة و نجي ليها ههههههههههه.