لا استطيع ان انساه

[مشكلتي]

نعم كنت احبه وبجنون كنت اعشق التراب الذي كان يمشي تعلقة بيه كثير

ولكن للاسف قرر ان ينفصل عني كانت صدمت حياتي لم اعرف لذة الحياة الا البكاء

تكلمت معه وحاولت ان اصلح الامور ولكن لا حياة لمن تنادي كان قلبه قاسي كالحجر

تركني وانا الان لا استطيع ان انساه حاولت ولكن دئما اتفكر كلامه

انا لا اتكلم عن علاقة محرمة انا اتكلم عن خطيبي

ادعولي بالصبر

لا اريد تجريح من احد اريد مكنم نصيحة فقط

[assia81]

انسايه كيما نساك واخلاص

[hakeem]

http://www.djelfa.info/vb/showthread.php?p=1053226969#post1053226969

[مراد12345]

النسيان شيء سهل

ولكن إذا لم تستطيعي النسيان فسأخبرك

تخيليه مع خطيبته الجديدة أو زوجته

الجديدة وهو يستمتع معها

وأنت تفكرين به

اي منطق هذا ؟؟؟؟؟

[hakeem]

و كانك عرفتي سيدنا يوسف عليه السلام ؟؟؟ ربي يكون في عونك ديري الثقة في ربي و ما تحطيش روحك في حبس
أنصحك بقرائة الموضوع الذي أضفته
http://www.djelfa.info/vb/showthread.php?p=1053226969#post1053226969

[بسمة تحدي]

مع مرور الوقت راح تحسي شحال راكي جايحة وراكي تضيعي وقتك في البكاء على من باعك
راح تندمي على هذا الوقت يقلك الي باعك بالفول بعيو بقشورو
والي مفيه النفع حطو فالمدفع وادفع
والله حتى واحد في الدنيا هذي يستهل نبكو على جالو البكاء الي لازم نبكو عليه هو تقصيرنا في حق ربي سبحانو
وانتي قادر تنسايه بكل سهورة اولا لازم تتخدي قرار ع انك تنسايه تبرمجي عقلك عل النسيان
غيري رقمك واذا كان عندك فيسبوك اغلقيه واغلقي ااي وسيلة تواصل بينك وبينه
وكل متتفكري كلامو اتفكري بليك تخلى عنك وبمعن اوضح رماااااك
كل متتفكريه استغفري وروحي توضي وصلي ركعتين وادعي ربي وقولي يارب اخرج حبه من قلبي
وتاني تاكيد ربي مفيه غير الخير وشافلك الخير في جهة اخرة
كوني راضية بقضاء الله وقدره واحمديه عل كل حاله

والحمد الله كي كاين نعمة النسيان

عيشي حياتك يا خيتي وتقربي لربي سبحانو اكثر فاكثر وراح تلقي السعادة الحقيقة مع ربي وحده

ونصيحة

خطرى اخرى متعلقيش قلبك باي وحد وش معناه هذ نحبو بجنون هذا قع مكاش منها من علق قلبه بغير الله عذب

وتاني ربي سبحانو غيور كي يشوف عبدو يتعلق بالناس التعلق يكون غير لربي سبحانو


اسعد الناس في الدنيا من اسلم قلبه لله ووجه وجهه الى الله


اذا تولى عنك القريب والحبيب وكنت تثق في احد وخذلك عندها تعلم ان الله يرديك ان تلتجئ اليه

ربي يكون معاك يارب ويزقك مخير منها

[hananazziza]

اكتري الاستغفار والدعاء

[nasser26]

انا على يقين

تستطيعين نسيانه و كأن شيئا لم يكن

ليست نهايتك

[سرور]

شغلي نفسك بالقران وادعية سوف تنسايه تمام

[tateb]

الابام تنسيك اياه

[hoohoo]

ممكن سؤال ؟
ماهو السبب الرئيسي الذي تركك من اجله ؟
ان لم تعرفي فما هي المدي التي افترقتم فيها اذا كان زمن قصير مع مرور الوقت سوف تنسينه بالا شك
وصح فطوركم

[مريم الصابرة]

السلام عليكم اختي
كيفاش راكي تبكي على واحد باعك لو كان حاب يكمل حياتو معاك محال يخليك
إمالا اختي خلي عليك وديري ثقة في نفسك ما غلطتيش في حقو خلاص هو يبكي عليك ماشي العكس وما طيحي بقيمتك ما تعيطيلو راجل خلاك وقسى قلبو هذا واش تستناي منو وما تزليش تخمي في هدرتو كانت كذب في كذب لو كانت صح محال يخليك خمي إنك رخيصة عندو لو كنت غالية محال يفرط فيك وإنت ما تغليهش عندك وتضيعي حياتك تبكي على واحد ما يستاهلكش إدعي ربي يعوضك باللي يعرف قيمتك وهو خليه ربي يهنيه موفقة

[louisa20]

ادا كان زوجك و مكتوبك مازال يولي و ادا ما راهش ليك ما تبكيش علي رزق الناس و الخيرة فيم اختار الله ,,,, عسى ان تحبوا شيئ و هو شر لكم و عسى ان تكرهوا شيء وهو خير لكم ,,,,,, قولي الحمد للله ,,,, بالاك خيرة ,,,,,

[loulou02]

الوقت لي راكي ضيعي فيه بالبكاء ، روحي إبكي لربي يرزقك بزوج صالح خير منو .

[السيده صليحة]

السلام عليكم
اختي هده الدنيا دنيا لانها ليست بجنة ديري فبالك هدا ابتلاء واصبري لانه بعد الصبر رح يكن فرج وبعد العسر يسراوكوني على يقين ان الحفرة لراكي فيها رح تزول ثقي برب العالمين وربي يعوضك بغيره وتحبيه اكثر ان شاء الله
صدقيني والله الوقت والايام والزمن رح ينسيك البداية تكون صعيبة والله مع الوقت تنسايه نحي هداك التخوف واستسلمي لامر الواقع قولي هدا وش كتب رب العالمين وارضاي بيه اعفسي على قلبك قد متقدري رح جيك صعيبة فلبداية لكن مع الوقت راح يهون عليك الامر وانشاء الله اعوضك ربي بمخير =ننصح تمسكي برب العالمين وفكري فالموت ددنيا هده فانية مهما عشتي ومهما طال زمن رح تكون نهاية وحدة السعادة الحقيقة مهيش فوق الارض راها تحتها اختي هده دنيا تع امتحانات ومصاعب ومشاكل واحزان نهار تفرحي وعشرة تبكي ومشي غير انتي قع الناس راها تعاني انتي فقدتي خطيبك شوفي كن فقدتي لسمح الله امك او ابوك او ===حاجة خرمن حاجة والراجل ره يتعوض اكيد انت بنت حلال ويتمنك الف وحد =ياختي صبرا جميلا وربي يفرج عليك ويسهلك نسيانه ويرزقك بمخير ان شاء الله

[naamane3]

بين الخطاب لا يوجد الا النضرة الشرعية وبعض الاسئلة
واتصالات بخصوص امور العرس او بعض المشاكل
واضن انك كسرت هذه القاعدة بكثرة الاتصالات
او ربما الخرجات حتي تعلقتي به لكنه اصابه الملل من هذه العلاقة
او انه اكتشف منك ما لا يعجبه او نال منك ما لا يجب ان يناله
لذا تركك وذهب لغير رجعة
انسي امره واستغفري لذنبك حتي اذا فنيت سيئاتك
رزقك الله بزوج خيرا منه
والله المستعان

[tateb]

الوقت لي راكي ضيعي فيه بالبكاء ، روحي إبكي لربي يرزقك بزوج صالح خير منو .


و هو كذلك

[kika85]

اختي واحد ما يستهل تبكي عليه ادا خسرتيه من غير والديك يا الحنونة......ادعي ربي يبعتلك ما خير منو

[وردة زمن]

مع الوقت حتنسايه الزمن كافي لالتئام الجرح العام الماضي نفس الحكاية صرات مع صديقتي المقربة هية كانت نيتها مليحة وحباتو بصدق ومابغاتش يخليها لكن بعد مدة اقتنعت بالحقيقة وتاكدت انه لا خير فيه وكيما نقولو اللي بدلك بالفول بدلو بقشورو

[souso30]

ربي يكون معاك راني حاسة بيك و الله غير تقدري تنسايه عندك قدرة على النسيان ديري في عقلك كل شي مكاتيب الله وزواج قسمة ونصيب ربي يعوضك احسن منه ربي بحكمته راه عارف واش يدير متزعفي ما تبكي قولي حمد للله خيرة فيما اختاره الله

[نورسين.داية]

السلام عليكم

كونه تترككي ......يعتبر السبب الأول الذي يدفعكي لنسيانه أختي ......صدقيني سوف تنسينه لو عقدي النية الحقيقية من أجل نسانه

لأنه بكل بساطة لا يستحقكي ..............

و الأهم في الموضوع أنه ليس خيرا لكي عزيزتي ......يعني في الأخير هي إرادة الله عز وجل

[{مـشـاكـسـهـ}~]

اكتري الاستغفار والدعاء

[kawtar koukou]

اتفهمك حبيبتي موقفك صعب
لكن مسالة قضاء وقدر
ليس امامك سوى الرضى والتقبل
نصيحتي لك التخلص من جميع الاشياء التي تذكرك به والاشتغال بالاعمال الصالحة
موفقة

[ندى النسرين]

نورمالمو تنسياه كيما نساك بما انو تخلى عليك بسهولة
ان ربي يرزقك خير منو
بصح مع الوقت اكيد حتنسايه
وكيما كنت عايش من قبل متعرفيه تقدري تكملي حياتك من بعد ماراح
نتمنالك الخير اختي
بصح انساي لي نساك