درت غلطة كبيرة في العجينة المورقة عاونوني حتى بكاتني

[مسعودي خولة]

السلام عليكم اخواتي وصح فطوركم
درت غلطة كبيرة كبيرة شكون تعاوني فيها
مع خلصت الفطور غسلت الموعن وبديت ندير العجينة المورقة عندي اسبوع وانا نحوس نديرها اخر لحظلة عميتها
كثرت عليكم الهدرة
درت العجينة المورقة عل طريقة فلة كي كملت لقيت روحي مادرتش الفرينة بين الطبقات انا قلت خلصت تهنيت دك نخبيها لقيتها لاصقة في بعضاها ومادرتلهاش الفرينة
عاونوني خواتاتي تعيشو عندي غير انتوما
قولولي نرميها ولا كيفاه ندير معاها حتى بكيت كي لقيتها هكذا نعاودها ونديرلها الفرينة و لا نعاود العجينة ولا... ولا.....:sdf::sdf::sdf::sdf::sdf::sdf::sdf::sdf::s df::sdf::sdf::sdf::sdf::sdf::sdf:
وربي يجازيكم راني نستنى في حلولكم

[waterdrop]

انا درت العجينة نتاع فلة وخرجت هايلة
بصح مفهمتش وين راه اخطا نتاعك لانه لازم تنحي الفوينة التي بين الطبقات بالبانسو

[مسعودي خولة]

انا درت العجينة نتاع فلة وخرجت هايلة
بصح مفهمتش وين راه اخطا نتاعك لانه لازم تنحي الفوينة التي بين الطبقات بالبانسو
انا اختي مادرتش خلاص الفرينة نطبق ونحلل خفت لا تتورقليش كي طيب والطبقات ماجاوش واضحين جاو لاصقين في بعضاهم واش رايك اختي

[muslimone]

نورمال خبيها وجربي طرف منها بالاك تنجح وإذا ما نجحتش ما عليش ما تتقلقيش ماشي غير انت لي صرالك هاكا عاد راكي فحلة ودرتي كامل المراحل وبالاك تصلحلك الله يعاونك

[نور الهدى06]

هدي تجربة حنونة مالا كيفاه تتعلمي صراحة الفرينة بين الطبقات ظرورية جدا وبلا هاذ المراحل متنجحش عاوديها ورشي برشا فرينة ثم نحيها بالبانسو

[مسعودي خولة]

شكرا لكم اخواتي على المساعدة

[chahi rosa]

من الخطا يتعلم الانسان ماتقلقيش كامل روحك ختي صحا فطورك

[الماسة النادرة]

جربي شوية وشوفي ماتقلقي روحك موالو

[amel1994]

و الله يا اختي انا ندير العجينة المورقة و تخرجلي 100/100 و انا ما نديرش الفرينة بين الطبقات نظن بلي تخرجلك هايلة سييها وين راه الخطأ كي ما ديريش الفرينة و هي بالاصح لازم تنحيها بالبانسو ماشي ديريها و الله اعلم و كي تجربيها قوليلي النتيجة حنونة

[sandibal]

متقلقيش حنونة من الخطا نتعلم جربيها بالاك تنجح واذا منحجتش مترميهاش خبيها ممكن تحناجيها متلا اذا درتي كيكة وحبيتي تزينيها بالكوكاو والا اللوز غي الاطراف طيبي العجينة وفتتيها وديريها في بلاستها