ايهما افضل للفتاة الزواج ام الدراسة

[fatima93]

السلام عليكم اخوتي اخواتي الاعزاء حبيت نسقسيكم ايهما افضل للفتاة الزواج ام الدراسة مع العلم اني تحصلت على شهادة البكالوريا وربما رايحة نسمح في الجامعة والدراسة بسبب الزواج فارشدوني من فضلكم فانا في حاجة ماسة الى اراءكم وشكرا وبارك الله فيكم

[اميرة07ميرا]

اذا كان يستاهل ومتأكدة من اخلاقة انا في بلاصتك نسامح

[fatima93]

. هو متدين ولديه سمعة جيدة لدى الناس

[اميرة07ميرا]

ماتقوليليش الناس
انا بنت عمتي مسكينة 18 سنة
بطلت قرايتها علاجال واحد
بمجرد الناس شكراتو وقالولها يصلي وماعلاباليش
شوفي حالتها دوكا
لقات عندو علاقة بوحدة في فرنسا وعندو طفل
المهم انتي تكوني متأكدة وواثقة بلي يستاهل

[yebda]

دراستك أولى في الوقت الحاضر إن كنت صغيرة في السن و لم يسبق لك أن رسبت عدة مرات في الدراسة .
و بعدها الزواج لأن هذا الزمان غدار .
أو نقشيه إن كان لا يرفض فكرة مواصلتك للدراسة فتوكلي على الله .
تقبلي مروري

[no name rix]

ازوجي وكملي قرايتك
نعرف بزاف راهم فالجامعة مزوجين و يواصلون دراستهم عادي
بالتوفيق

[fatima93]

هو رافض تماما فكرة الدراسة وانا جامي رسبت هدا هو العام الاول ليا فالباك وجبتو الحمد الله

[الواثقْ بالله]

ياختي الدراسة مليحة و الزواج مليح

لكني شخصيا افضل الزواج على الدراسة

فمهما علا شان الدراسة لن يكون كالزواج و هو نصف الدين

كما يمكن الزواج و اتمام الدراسة طبعا بموافقة الزوج

و لكن كل هذا مجرد راي و اراء الاخرين كل يتحدث حسب مايرى

فلما لا تستشيرين من يعلم الغيب و يعلم ماتحمل كل انثى ولا يخفى عليه شيء في الارض ولا في السماء

استخيري ربك هو نعم المولى و نعم النصير

بالتوفيق

[صفــاء]

في رأي الدراســــــــة ثم الزواج

وأنت أدرى

[no name rix]

fatima93
......
صراحة اختي القرار يبقى قرارك و انت ادرى مناا
بما انه طلب منك التوقف فقرارك هو الحاسم
في هدا الزمان الدراسة لها وزن كبير
ربما من تقدم اليك سمع سوء بما يحدث في الجامعة ان كان كدلك
فقل له ان الجامعة ليس كما يتصورهااا الحمد لله كاين ناس فاميلية بزاف
و هناك كما قلت لك من هي مخطوبة و من هي متزوجة ومن هي أم
والله يدروسون عادي و متفوقون بين البيت و الدراسة
حاول ان توصل الفكرة ايجابية له لعله يعود عن قراره
.......
نعرف وحدة من العائلة دات 29 سنة لم يتقدم احد لخطبتها وانهت دراستها و دخلت تعمل
في عمل برتبة جيدة و لما تقدم لها اول شخص لطلب يدهاا اشترط عليها ان تتوقف من عملها
هي رفضت و الحمد لله الرزق بيد الله لم تطل الايام حتى اتى ثاني لطلب يدها وهي الان متزوجة
مع العلم هي كانت مصدر و ثراء عائلتها للاسف بعض الناس يطلوبون ويتصورن اشياء اخرى
.....
ان اردت الدراسة فعليك بالدراسة و ان اردت الزواج فعليك بالزواج الاختيار لك و المكتوب عند ربي
بالتوفيق و ان شاء الله مايكون غير الخير

[moha75]

إختيار صعب جدااااااااااااااااااااااااا،
الزواج نعمة وراحة وسكن واستقرار ومستقبل للمرأة،
بشرط أن يكون الشاب يستاهل التضحية بالدراسة،
لو كان إبن أصل ومحترم وذا خلق ودين،
فهذا الشاب يتشرى بالمال ،

أما إذا كان شاب عادي وحياتك معاه راح تكون تعب ومشقة،
فمن الأحسن أن تكملي دراستك ،
إلى حين اليوم الذي يتقدم لك الأحسن والأنسب .

نصيحتي لك، سجلي عادي في الجامعة،
وفي نفس الوقت تحري جيدا على هذا الشاب،
وما تسمعيش كلام الناس ،

المهم انت يعجبك أو لا ،
لأنك انت اللي راح تتزوجي بيه وتعيشي معاه،
لا تتسرعي فالزواج مش لعبة.

ربي يوفقك لما فيه الخير إن شاء الله.

[غصن زيتون]

عليك بالاستخارة الى الله

[razika zouzou]

الدراســــــــــــــــــــــــــــــــــــــــــــ ـــــــــــــــــــــــــــــــــــــــــــــة الدراســــــــة

[khawlita.dz]

السلام عليكم اخوتي اخواتي الاعزاء حبيت نسقسيكم ايهما افضل للفتاة الزواج ام الدراسة مع العلم اني تحصلت على شهادة البكالوريا وربما رايحة نسمح في الجامعة والدراسة بسبب الزواج فارشدوني من فضلكم فانا في حاجة ماسة الى اراءكم وشكرا وبارك الله فيكم
تحصلتى على البكالوريا حبيبتى فلا تضيعى دراستك
اولا انت صغيرة على الزواج كونى نفسك اولا حطى شهادتك فى يدك و بعدين الزواج بادن الله
ادا كنت تريدين الزواج تزوجى ولا تفرطى فى دراستك ابدا :19: فالكثيرات يدرسن و هن متزوجات:19: فتكسبين الاثنين
اوصيك اختى اياك و اياك التفريط بدراستك و مستقبلك صدقينى ستندمين ان فعلت:mad:
استخيرى الله و بالتوفيق:19:

[djamel123]

المفروض أن خطيبك يحرص على أن تكملي تعليمك
لأن تعليمك وثقافتك حاجة زايدة فيه وفأولاده
لكن ربما هو شايف حاجات أحنا مش شايفينها

[amine eco]

ازوجي وكملي قرايتك
نعرف بزاف راهم فالجامعة مزوجين و يواصلون دراستهم عادي
بالتوفيق

:19::19::19::19::19::19::19::19::19::19:

[mariana1]

الحاجة الأولى أنا نقولك أستخيري الّله مثنى وثلاث ورباع إن شاء الله حتى توصلي سبع مرات
المهم حتى ييسّر لك الله ( كرريها وعاودي).
الحاجة الثانية : أسئلي عليه ،فإدا كان ذا خلق ودين من اللي زاد، يعني مصلاش غير كي جاء يخطبك . في ذيك الحالة أنخطبي جسّي النبض أنتاع أخلاقو ، إذابان ماهوش صالح ما راهي غير خطبة.
بلا ماننسى سجلي في قرايتك عادي .إذا قدرتي زوج عصافير في مرة وحدة .
وإذا ماكانش على الأقل متخسريش كلش مرة وحدة. واللي فيه الخير ربي يقدمو.بالتوفيق

[pro24]

بطبيعة الحال الزواج اولا والدراسة ثانيا

[زهرة الاحلام]

انا نحب اذا كتب ربي نكمل قرايتي و مبعدا نتزوج

[Ali04]

دراستك أولى في الوقت الحاضر

[نجود اكرام]

موقف صعب لكن من رأيي الدراسة مهمة للبنت قد يأتي عليك يوم وتحتاجينها حاولي مع خطيبك واقنعيه باكمال الدراسة يوجد الكثيرات في الجامعة من يدرسن وهن متزوجات وربي يوفقك لما فير الخير لك

[lesage]

عليك بصلاة الاستخارة اختي الكريمة

[{مـشـاكـسـهـ}~]

عليك بالاستخارة الى الله

[ندى النسرين]

ياو مزلت صغيرة ياسر
وديجا بلاكي تقولي شخص متدين او شخص عاقل او او او او
لانو شخص متعرفيهش الا ادا عاشرتيه
عندي صحبتي كانت قد كيما جابت لباك تزوجت من جارها ورغم انه متدين وسلفي وووو
لكن للاسف مدامش الزواج اكثر من 3 سنوات وهي سمحت في قرايتها
ومع الاخير طلقت ومعاها طفلا
يا اختي دراستك اولا من الزواج اضمن قرايتك
ومن بعد ربي يسهلك ويجيك ما خير منو

[fatima93]

في الحقيقة انا راني دايرة في بالي بان الدراسة تاع هاد الوقت مايحبهاش ربي ومايرضاش عليها راكم على بالكم بالكوارث لي راهي تسرا في الجامعات والعلماء حرموا دراسة الاختلاط لهذا انا راني نقول ندير الحاجة لي ترضي ربي والي هي الزواج فاقنهوني لما فيه خير واذا كانت لديكم ادلة حول جواز دراسة الاختلاط فاعلموني بها وجزاكم الله خير

[كلمة مني]

تمي دراستك حنونتي الزواج مسؤولية وان شاء الله ربي يكتبلك غير الخير

[algerian_wallpaper]

تزوجي وانسي عليك حكاية الدراسة فالجامعة الجزائرية لأنها حكاية فارغة 100% ربي يوفقك