اريد نصائح

[مشكلتي]

انا شاب 26 سنة تعرفت على فتاة عام 2009 من نفس المنطقه تعرفنا على الانترنت وتطورت علاقتنا تعرفت بيها شخصيا واصبحت علاقتنا ممتازة وانا كنت انويها للحلال يعني اتزوج بيها وهي كذالك المهم دامت علاقتنا حوالى 4 سنوات ونصف المهم انا كانت ظروفي الله اللي عالم بيها مشاكل عائلية بالجملة وزيد كملت لما اكملت دراستي اصبحت عاطل عن العمل لم اشتغل المهم كانت علاقتنا رائعة جدا التقيت بي امها واخيها وابيها واختها المهم عائلتهم اصبحو يعرفونني المهم انا قلت لها منذ البداية انا سوف اتزوجك ان شاء الله لكن لا اعرف متى اتقدم لكي لان اموري مبعثره ونحن في منطقتنا لا عيب الراجل مش خدام ويجي باش يخطب ؟ المهم قلت لها راني بلاك نطول عليك وضعتها في الامر الواقع قلتلها باش ماتقولوش راهو يلعب بينا واذا متصبروش قولليي خلي نتفارقو ديما تقلي راح نستناك طول العمر وووو الى من خرابيط الحب التتي لا اومن بيها لاحب لانه لاحب الا بعد العشره والزواج قبل الزواج انا اسميه اعجاب المهم انعم الله علي بعمل واصبحت موظف وبدا يتيسر حالي واللحمد لله الى ان جاء اليوم المشؤم بلاك عسى ان تكرهو شى وهو خير لكم في ماي لي فات قالت لي انها سوف تتزوج جاءها رجل يخطبها واخوتها مصرون عليه المهم تكلمت معها الى ان اقنعتها ان تتفاهم مع الرجل بأنها تريد شخص غيره وتفهمنا ثم انقطعت عليا ولم تعد تكلمني احاول احاول بكل وسائل لاتريد مكالمتي المهم اخذت هاتف امها وتكلمت معا امها وكانت الصدمة ان قالت لي الام ان المكتوب فض ياولدي انتظرناك وطولت علينا المهم 4سنوات ونصف ولم تخسر فيا هاتف او رسالة عبر الايميل تقولي لي وضعها الى حد الساعة التي اكتب فيها الان المهم انصدمت اصبحت كالمجنون لاادري مافعل كرهت دنيا اصبحت ابعث لها رسائل عبر الفيس بوك دوما وهي تقرء ولا تجيب تقراء ولاتجيب ابدا ابدا كنت اريد اجابة منها لماذا قلت سوف نتفاهم مع الراجل ونباعد كذبتي علي المهم في يوم كلمت اختي تشرح لها انها كانت مرغمة على ذالك ليس برضها تبا تبا هل الزواج بدون رضا ماهذا الكذب وقالت لها علاش تقولي راني بلعاني وتلوميني والادهي تتباها ان سوف تعقد على الرجل يوم يوم كان ذالك اليوم عيد ميلادي والله لن اسمحها مهما حصل وان شاء الله تخرج فيها النية نتاعي ياربي عذرا على الاطالة المهم انا اريد ان انساها ولا استطيع اخواني ارائكم

[ناشدة الفلاح]

أخي الكريم أولا كف عن محاولة الاتصال بها و تتبع أخبارها فما دمت كذلك لن تنساها
فوض أمرك إلى الله و تأكد أنه سيعوضك خيرا.
هي ستتزوج ربي يسهل و أنت كذلك ستعيد بناء حياتك إن شاء الله...
حاول ملء فراغك بعمل أو نشاط مفيد و رفقة صالحة
وتسلح بالدعاء لله تعالي أن تسلوها نفسك و يبدلك الله خيرا منها
بالتوفيق أخي

[مراد12345]

يجب

أن تنساها

وإذا لم تستطع سأريد الطريقة

تخيلها مع زوجها وهي تستمتع معه

وأنت على مخدة الفراش تفكر فيها

أي منطق هذا ؟؟؟؟؟؟؟؟؟

[loulou02]

تجري الرياح بما لا تشتهي السفن

نروحو و نرجعو للمكتوب أخي ، أنت كنت ناوي لحلال و هي خذلاتك ، وكل ربي عليها و خلاص ،

المهم الآن أنك تنساها نهائيا ، وحدة متستاهلكش متفكرش فيها ، إن شاء الله ربي يعوضك ما خير

منها

في القريب العاجل .

[سارةالتلمسانية]

ida kont tehabeha sah khaliha te3iche heyateha rabi maketabehalekch areda bel maktoub we ida rabi raho katebhalek heta tetzawaj we tediha neta we zid kolchi bel maktob

[أسير الطموح]

ربــــــــــي يفرج عليك اخي ........ أنساها عادي
يخي هي اللي قرت معامن تقسم حياتها !!!!!!!!! أدعيلها ب النجاح و الحياة السعيدة و أنت امضي قدما و ابدااا حياتك من جديد
مازال كاينين البناة وبناة الفاميــــليا الحمد لله


تحياتي :)

[loulou02]

يجب

أن تنساها

وإذا لم تستطع سأريد الطريقة

تخيلها مع زوجها وهي تستمتع معه

وأنت على مخدة الفراش تفكر فيها

أي منطق هذا ؟؟؟؟؟؟؟؟؟

يعطيك الصحة ، هكذا يدير القلب و ينساها

[naamane3]

ارتكبت اربعة اخطاء دائمة يعني اربع انهار من السيئات
النهر الاول علاقة غير شرعية لمدة اربع سنوات حتي ولو كانت كلام فقط
النهر الثاني تعلق قلبها بك وهي مع رجل أخر
النهر الثالث تعلق قلبك بها وهي مع رجل آخر
النهر الرابع انخداع زوجها فيها وهو لا يعلم انها معلقة بك
ولكي تنزع كل هذه السيئات يجب عليك ان تستغفر ليلا ونهارا
وتقطع صلتك بها وتنساها وتدعي الله انها تنساك
وتدعي لها السعادة ولزوجها وتستغفر لهما الله
والله المستعان

[بسمة تحدي]

رني فهماتك مية في الخط وحاسة بيك رني عارفة بليك صعيبة يتبدل عليك انسان عزيز عليك
لازم تفهم بليك هي رماتك وبدلاتك بوحد اخر يعني مقيمتكش قع وهذا لانعدام الوفاااء الله غالب هذو هم الناس
انت ضوك اقطع اتصالك بيها لا تتصل بيها ولا ترسل لها رسائل خلي عند ك كرمة مترخسش روحك ع جالها لانها
بي بساطة متستهلكش
لازم تعرف بيليك كونت على علاقة محرمة غير شرعية
معليك الا ان تبادر بالتوبة تطلب ربي يغفرلك
كون راضي بقضاء الله وقدره واكيد راه خير ليك احمد ربي على كل حال
بش تنساها لازم تتقرب الى ربي سبحانو تعلق قلبك بربي وحدو وذلك بالاستغفار وكثرة النوافل

اسعد الناس في الدنيا من اسلم قلبه لله ووجه وجهه الى الله


اذا تولى عنك القريب والحبيب وكنت تثق في احد وخذلك عندها تعلم ان الله يرديك ان تلتجئ اليه

ربي يكون معاك يارب ويزقك مخير منها

اسمع هذا الفدديو سيفيدك والله

http://www.youtube.com/watch?v=LGgTsnYptZ0

[kmilya]

وش راح دير مكتوب
اذا هي قدرت تتخلى عليك بسهولة انت تاني اعفس على قلبك ومتعلقوش بحاجة بعيدة عليك صلي ووكل امررك ربي والله خويا ربي حنين كريم
ان شاء الله تحب غيرها ولي تستاهلك وتعرف تحافظ عليك ربي يوفقك و يرضى عليك

[khawlita.dz]

انا شاب 26 سنة تعرفت على فتاة عام 2009 من نفس المنطقه تعرفنا على الانترنت وتطورت علاقتنا تعرفت بيها شخصيا واصبحت علاقتنا ممتازة وانا كنت انويها للحلال يعني اتزوج بيها وهي كذالك المهم دامت علاقتنا حوالى 4 سنوات ونصف المهم انا كانت ظروفي الله اللي عالم بيها مشاكل عائلية بالجملة وزيد كملت لما اكملت دراستي اصبحت عاطل عن العمل لم اشتغل المهم كانت علاقتنا رائعة جدا التقيت بي امها واخيها وابيها واختها المهم عائلتهم اصبحو يعرفونني المهم انا قلت لها منذ البداية انا سوف اتزوجك ان شاء الله لكن لا اعرف متى اتقدم لكي لان اموري مبعثره ونحن في منطقتنا لا عيب الراجل مش خدام ويجي باش يخطب ؟ المهم قلت لها راني بلاك نطول عليك وضعتها في الامر الواقع قلتلها باش ماتقولوش راهو يلعب بينا واذا متصبروش قولليي خلي نتفارقو ديما تقلي راح نستناك طول العمر وووو الى من خرابيط الحب التتي لا اومن بيها لاحب لانه لاحب الا بعد العشره والزواج قبل الزواج انا اسميه اعجاب المهم انعم الله علي بعمل واصبحت موظف وبدا يتيسر حالي واللحمد لله الى ان جاء اليوم المشؤم بلاك عسى ان تكرهو شى وهو خير لكم في ماي لي فات قالت لي انها سوف تتزوج جاءها رجل يخطبها واخوتها مصرون عليه المهم تكلمت معها الى ان اقنعتها ان تتفاهم مع الرجل بأنها تريد شخص غيره وتفهمنا ثم انقطعت عليا ولم تعد تكلمني احاول احاول بكل وسائل لاتريد مكالمتي المهم اخذت هاتف امها وتكلمت معا امها وكانت الصدمة ان قالت لي الام ان المكتوب فض ياولدي انتظرناك وطولت علينا المهم 4سنوات ونصف ولم تخسر فيا هاتف او رسالة عبر الايميل تقولي لي وضعها الى حد الساعة التي اكتب فيها الان المهم انصدمت اصبحت كالمجنون لاادري مافعل كرهت دنيا اصبحت ابعث لها رسائل عبر الفيس بوك دوما وهي تقرء ولا تجيب تقراء ولاتجيب ابدا ابدا كنت اريد اجابة منها لماذا قلت سوف نتفاهم مع الراجل ونباعد كذبتي علي المهم في يوم كلمت اختي تشرح لها انها كانت مرغمة على ذالك ليس برضها تبا تبا هل الزواج بدون رضا ماهذا الكذب وقالت لها علاش تقولي راني بلعاني وتلوميني والادهي تتباها ان سوف تعقد على الرجل يوم يوم كان ذالك اليوم عيد ميلادي والله لن اسمحها مهما حصل وان شاء الله تخرج فيها النية نتاعي ياربي عذرا على الاطالة المهم انا اريد ان انساها ولا استطيع اخواني ارائكم

بادن الله ستنساها مع مرور الايام:19: هى شافت حياتها و خيرت طريقها فمنطقيا انت لازم تعمل نفس الشىء والدنيا ما توقف عند احد
وفى النهاية لى كتب و ربى يصير بادن الله
بالتوفيق

[أم لجيـن]

عدها الحق ونستعرف بيها 4 سنين ونص كنت قادر اتgرمش فيها لحيوط عنجالها بش تخطبها بصح انت وش درت فارح بأمها واختها وخوها الي عرفو علاقتكم وراك ماشي والوقت فايت
وهي فايقة جاتها فرصة مليحة متأخرتش الي اتفوّت في السنين معاه مدار عليها والو؟؟
كون زادت معاك عامين تبقى كيما راك
ونصيحة غير متزيدش تتصل بيها لأنها مدام خلاتك وراحت لجّاهز غير كون متأكد راهو فاض بيها وعارفاتك مشيك بش تتبدل لا بالخدمة لا بلا بيها
واسمحلي عن القسوة في كلامي

[*أمة الله*]

نقولك حاجة واحدة برك
لي قايسك بالفول قايسه بقشورو
أمالي بدا تقايس فيها

[z.abdo]

للاسف اخي هاذو بنات اليوم اللي عندو المال هو اللي يحبولو رجليه .........اما من قال أن عندها الحق ..فأجيب لا لأنه أخبرها وأخبر أهلها أنه سيتاخر ولم يكذب عليها ........وانا عندي صديقي يتيم الأب وتفاهم مع وحدة ان تنظره وانتظرته 10 سنوات

وكان فقير وليس له أهل ......اليوم راه متزوج معاها وعندو معاها 2 بنات ماشاء الله عليهم ....... وكذالك يعمل عمل حر ولديه سيارة خاصة .......ورأس مال جيد يحرك به تجارته ......و هو اليوم يساعد من يحتاج

لكن البنت كانت صابرة معاها لكن اي بنت بنات الزمان مش بنات اليوم......لأن اليوم تتبدل بين ليلة وضحاها(طبعا مش كل البنات ) والأدهى من ذالك يعطوها الحق ....................وهذا يدل أن اغلب البنات لهم نفس العقلية

ربي يعوضك أحسن منها أخي

هناك حكمة تقول : اعلم ان الشيء الذي ذهب عنك غير مهم و الذي بقى هو ضروري ان يبقى معك ........وهذا يعني انك لا تحتاجها اخي

والله الموفق وربي يصبرك أخي .........والسلام عليكم ورحمة الله

[zahra13]

السلام عليكم
أول شيء أنصحك به أن تحمد الله على كل حال وتأكد أن الله يكتب لنا دائما مكاتيب خير, فالحكمة عند الله تعالى ثاني شيء لايجب أن تحقد عليها أو تكرهها فالخطأ لامنك ولا منها فاذا فكرت بالمنطق كم من الوقت يمكنها ان تنتظر هذا من جهة ومن جهة اخرى ااذا كنت فعلا تحبها يجب ان تفرح لها وتدعو لها بالسعادة مهما كانت الظروف فالحب الحقيقي ليس الامتلاك فقط بل هو التضحية وبدون مقابل ...ارجو المعذرة اذا ازعجتك بكلامي ولكن هذا رأيي فصدقني اخي اذا اقتنعت حقا بالمكتوب وتصفي قلبك وتفوض امرك الى الله فتنساها بسهولة.

[meriemkay]

ياريت قاع الرجال يكونوا اوفياء كيما انت
ربي يعاونك يا خويا وتنساها خاطر ما شي ساهلة ان شاء الله ربي يعوضك خير منها

[سرور]

كثر صلاة ودعاء وتقدر تنساها شوف ادا برمجة نفسك علي نسيانيها راح نتساها وراني متاكد لازم تكون قوي وتكون قدر علا موجهة وسلام

[biti]

ارتكبت اربعة اخطاء دائمة يعني اربع انهار من السيئات
النهر الاول علاقة غير شرعية لمدة اربع سنوات حتي ولو كانت كلام فقط
النهر الثاني تعلق قلبها بك وهي مع رجل أخر
النهر الثالث تعلق قلبك بها وهي مع رجل آخر
النهر الرابع انخداع زوجها فيها وهو لا يعلم انها معلقة بك
ولكي تنزع كل هذه السيئات يجب عليك ان تستغفر ليلا ونهارا
وتقطع صلتك بها وتنساها وتدعي الله انها تنساك
وتدعي لها السعادة ولزوجها وتستغفر لهما الله
والله المستعان

بارك الله فيك

[عبد الله 22]

شوف إلى المستقبل وماتشوفش وراك ، المراة هذه شافة وش يخرج عليها وعندها الحق طانت بذاتك كتبت بلي الحب بعد الزوج وهذا إعجاب على حد قولك خلي لمراء تعيش حياتها وبحث لك عن حياة و الدنيا راه تميش، بالصرحة الفخ ليطحوا فيه الكثير التسرع في مشروع الزوج ماكش قادر متفكرش فيه وتعب عائلة معك الزوج ماهو لإ حضور جسماني

[مريم الصابرة]

السلام عليكم اخي
والله حرنا نسا يشكو من خيانة الرجل والرجل اللي ينوي الحلال يقابل بهكذا تصرف
اخي معليش ربي ما كتبش بيناتكم هي صح واعرة وكبيرة إنك إنت نويت وسيعت وجات منها معليش
اما هذي نتاع حتمو عليها ما ننش لأانك تقول عرفت اهلها يعني تعرفو عليك وما بينك وبينها والو نظن هي تفرض رايها عليهم ماراهش العكس
انا من رأي إبدا حياة جديدة وإبولكيها من الفايس بوك وما تتصلش بيها خمم لو خطيبتك تقبل تهدر مع راجل آخر اما ‘نك تحوس تفهم صدقني ما راحش تفهم لأنها لو كانت جريئة لو قبل ما تفسخ معاك تعيط وتشرحلك الأامر وتواجه بكل صراحة لكن الله غالب من رأي أنساها والل باعك بيعو وكل ربي وخليها موفق

[doba]

حبيبي كلش بالمكتوب نتاع ربي

[-رودينا-]

لاتحزن اخي وباشر حياتك من جديد كلها امل وتفاؤل وطوي الماضي وماتخممش فيها عندك حاضر ومستقبل ركز عليهم
و لي مكتوب في الجبين لازم تشوفو العين واللهم لا اعتراض ماهيش من مكتوبك ولوكان كاتبهالك ربي تستناك كامل العمر وتتزوج بيها
ومادام تحبها لازم تفرحها ماتدعيش عليها
ربما قررها صائب في نقطة برك هي ان المراة تتعيب في وقنا للاسف لوكان تزيد برك شوية فوق سن معين مكاش لي يشوف فيها الا فاتت 35 سنة تستنى شيخ وهادا واش رانا نشوفو في مجتمعنا الفاسد وكامل علابالنا بيها
اما الرجل كي كون عمره 50 سنا يخطب بنت العشرين
وتقدر تنساها امحي وسائل الاتصال الخاصة بيها وماتسقسيش عليها ونسي الذكريات علابالي ماشي ساهلة لانها منحوتا في قلوبنا بصح حاول وشغل تفكريك في امر مفيد
و الحياة مستمرة ضحكت ولا بكيت وماتحملش نفسك هموما مافيش فايدة منها
ابتسم اخي :mh31::19: وان شاء الله ربي يعوضك احسن منها في القريب العاجل
ايه نصيحة برك بلاك تختار وحدة باش برك تنسي حبك الاول لانك ستكون ظالم ركز على خدمتك ومستقبلك وكي تكون روحك مليح
ربي سبحانه راح يدلك بيها

[FATHI36]

الي باعك بالفول بيعو بقشورو

[kawtar koukou]

من نعم الخلاق جعل لكل داء دواء
ودواء العاشق :
هجران موطن من تعلق به القلب وترك بيته وموطنه واي شيء يذكرك فيه(اغلق حسابك على الفايس +غير رقم هاتفك و تخلص من رقمها و ارقام جميع من يكن صلة لها....)
-الاشتغال بالامور الصالحة والتقرب الى الله وتجنب الفراغ قدر الامكان.
-اكيد يوجد صفات لا تحبذهم انت في البنات حاول تجميعهم وانسبهم اليها في مخيلتك وتذكرها بهم.خطوة تاع هبال .لكنها فعلا مفيدة
كان الله في عونك