♥♥ دعوة الى الجميع...رأيكم يهمنا ♥♥

[m.amine]

السلام عليكم
تحية حارة لجميع أعضاء منتدى الجلفة :mh31:
كما ترون فأنا سجلت في منتدى الجلفة سنة 2011 ومالزلت مسجل " عضو جديد " وهذا لأنو ما عنديش مشاركات ومواضيع بزاف...:mad:
اليوم ديرت الكوراج وقلت ندير فيها موضوع بالاك نربح على وجوهكم ان شاء الله :19:
المهم...أنا نقرا انجليزية سنة 2 والحمد لله نفهما مليح...مي ما قنعتش بها وحدها... وفي بداية العام هذا سجلت في البكالوريا حر شعبة علوم تج. و جيبت 14.45 - خدعوني فالفلسفة عطاوني 4 -...كنت عازم نقرا محروقات في بومرداس مي بالاك متصحليش... وعلى هادي قعدت حاير واش نحط في الاختيار الثاني... قلت نحط صناعات بتروكيماوية في سكيكدة لي تشبه شويا لمحروقات ونكمل automatisation - (وهذا واش خلاني نخمم فيها ...نقرا على البتروكيماويات + نقرا على البرمجة + و ديجا قريت عامين اِنجلِش ليسربيوها بزاف في هذا المجال...يعني حاجة هايلة )

مي المشكل أنو شحال من واحد قالي حط chirdent مليحة و احتمال كبير يعطوهالك ...مي علا بالي بلي فيها حفاظة بزاف......و حبيت نعرف اما هي الحاجة التي تعتمد عليها بزاف : الفهامة ولا الحفاظة....انا ماشي من النوع لي يحفظ بزاف...وما حابش تتلعبلي...
ارجو من كل واحد يعرف حاجة وحاس بالعداب لي راني فيه..ولا راه يشوف فيا بلي نتعدب كيما تعدب هو....ولا رانا نتعدبو كيف كيف...الخ يفيدنا بحاجة ولو كانت صغيرة..المهم قيل ما يغلق السيت...........ومشكورين مسبقا وصح فطوركم
ســـــــــــــــلام

[NADJIB-90]

لا ادري حول طب الاسنان لكنautomatisation مافيهاش برمجة بزاف وليست البرمجة الموجودة في الاعلام الالي والكمبيوتر بل تدرس التحكم في نظم الانتاج

[nesro alger]

يا اخي لماذا الاطالة لقد كتبت قصة حياتك ؟؟؟؟؟


الله ولي التوفيق :1:

[syliasmine]

محروقات مليحة لكن لوكان تروح لبومرداس تندم حياتك لانهم نزعو الماستر و فيه مشاكل كثيرة المعهد ماشي كيما كان
المهم انا ننصحك بمدرسة تضيرية علوم و تقنيات
و طب اسنان تاني مليحة
الله يوفق

[m.amine]

لا ادري حول طب الاسنان لكنautomatisation مافيهاش برمجة بزاف وليست البرمجة الموجودة في الاعلام الالي والكمبيوتر بل تدرس التحكم في نظم الانتاج
بارك الله فيك خويا :19:
هذا يعني أنو نقراو على les machines ولا لا ؟؟

[m.amine]

يا اخي لماذا الاطالة لقد كتبت قصة حياتك ؟؟؟؟؟


الله ولي التوفيق :1:
ههههه وي كتبت كلش ما خليت والو..قلت هكذا باش نوصل الفكرة ^^
شكرا....... وصح فطورك

[rose du paradis]

de mon avis pétrochémie de skikda mli7a bzf psk je ss du 21 w d apré li yakeraw fiha galou 4 + chérdent aussi mli7a mais mnt chouf anta l aktar hadja temil liha
je te souhaite l mieux

[m.amine]

محروقات مليحة لكن لوكان تروح لبومرداس تندم حياتك لانهم نزعو الماستر و فيه مشاكل كثيرة المعهد ماشي كيما كان
المهم انا ننصحك بمدرسة تضيرية علوم و تقنيات
و طب اسنان تاني مليحة
الله يوفق
شكرا على الرد :19:
مي كاين لي قالي: محروقات اقراها في بومرداس ولا خطيك :confused:
وععلى الماستر نحاوه 100/100 ولا مازال

[syliasmine]

و الله ما راني متأكدة ازا مية بالمية لكن عارفة انو نزعو نسبه معتبرة من الاماكن للماستر و معروف المعهد بالمعريــفة معروووووووووووووووووووف
و عام كلّو دايرين la greve

[syliasmine]

اخي من الافضل ان تسأل لي يقراو فيها في منتدى الطلابي او الهندسة بمنتديات الجلفة

[dibik]

محروقات مليحة لكن لوكان تروح لبومرداس تندم حياتك لانهم نزعو الماستر و فيه مشاكل كثيرة المعهد ماشي كيما كان
المهم انا ننصحك بمدرسة تضيرية علوم و تقنيات
و طب اسنان تاني مليحة
الله يوفق

:confused:

شكون قالك الماستر ماكاش ؟ الماستر كاين و في كل التخصصات

مرة أخرى تأكدي من معلوماتك

[m.amine]

de mon avis pétrochémie de skikda mli7a bzf psk je ss du 21 w d apré li yakeraw fiha galou 4 + chérdent aussi mli7a mais mnt chouf anta l aktar hadja temil liha
je te souhaite l mieux
:dj_17:
شكرا اختي على الاهتمام
انا انا سمعت بلي الاساتذة شويا مزيرين ...و قالولي بلي كاينة شويا حقرة:confused:.. اسمحلي مي هذا واش قالولي...يعني كاينة منها ؟؟؟

[m.amine]

و الله ما راني متأكدة ازا مية بالمية لكن عارفة انو نزعو نسبه معتبرة من الاماكن للماستر و معروف المعهد بالمعريــفة معروووووووووووووووووووف
و عام كلّو دايرين la greve
شكرا اختي وضحت الفكرة

[m.amine]

:confused:

شكون قالك الماستر ماكاش ؟ الماستر كاين و في كل التخصصات

مرة أخرى تأكدي من معلوماتك
نورتنا بمشاركتك خويا....شكرا وصح فطورك