أرشدوني متخرج واش ندير ؟

[أحبك ربّي]

السلام عليكم وصح رمضانكم
أنا متخرج أدب عربي منذ 2010 .. أرشدوني أنا بحاجة لتكوين مستقبل وبحاجة لعقد آنام .. ولكن وين ندير عقد لانام ؟ أين ؟ آهي مغلوقة يقولو ولكن هناك شركات أخرى تقبل العقود
أرشدوني أرشدكم الله

[صفــاء]

أخى لانام ليست مغلوقة

روح ليهم وادفع الملف تاعك ودير لكارت تاع لانام

الملف هو شهادة الاقامة وشهادة الميلاد وشهادة طبق الأصل مصادق عليها على الشهادة تاعك ورقم بطاقة التعريف الوطنى

وان شاء الله تلقا الخدمة


وأيضا بما انك متخرج أدب عربي علاش متحولش تفتح روضة أطفال

صدقنى راح تجي ارباح كبيرة

وفقك الله وان شاء الله تلقى الخدمة عاجلا وليس أجلا يارب

[أحبك ربّي]

أخى لانام ليست مغلوقة

روح ليهم وادفع الملف تاعك ودير لكارت تاع لانام

الملف هو شهادة الاقامة وشهادة الميلاد وشهادة طبق الأصل مصادق عليها على الشهادة تاعك ورقم بطاقة التعريف الوطنى

وان شاء الله تلقا الخدمة


وأيضا بما انك متخرج أدب عربي علاش متحولش تفتح روضة أطفال

صدقنى راح تجي ارباح كبيرة

وفقك الله وان شاء الله تلقى الخدمة عاجلا وليس أجلا يارب

والله يا أختي يقولو مغلوقة مغلوقة ما فهمنا والو .. يعني عمومي مغلوقة وحنا نحوسو على المدسة لأنني قاريت من قبل إستخلاف ووالفنا المدرسة

روضة حل هايل إن شاء الله نفكرو فيه والله يا بلادي

[akrabaddz]

صعيبة بزاف باه نلقاو خدمة :'(

[فرناس وهران]

دير لاداس و توكل على الله
راهي خبرة مليحة تسحقها من البعد اما من ناحية الخلصة غير كيفكيف كي لانام كي لاداس
هاذيك 15000 و الاخرى 9000 واش الفرق

[loulou02]

شارك في مسابقة الأساتذة .

[ابراهيم داود]

وفقك الله أخي الكريم

[yacine-08]

شوف اخي بعض الفرص موجودة رغم انها قليلة

الا ان عليك الاحتكاك مع لي يخدموا عندهم معلومات كبييييرة

[أحبك ربّي]

صعيبة بزاف باه نلقاو خدمة :'(

في بلادنا برك يا خويا

[أحبك ربّي]

دير لاداس و توكل على الله
راهي خبرة مليحة تسحقها من البعد اما من ناحية الخلصة غير كيفكيف كي لانام كي لاداس
هاذيك 15000 و الاخرى 9000 واش الفرق

وي صح ولكن مادام كاينة لانام يا ليت دلنا على بعض الفروع لي نقدرو نسجلو فيها

[أحبك ربّي]

شارك في مسابقة الأساتذة .


شاركت loulou02 2 مرات ومكانش .. نزيد نصبرو ونشوفو

[أحبك ربّي]

وفقك الله أخي الكريم

الله يوفقنا وإياك خويا .. شكرا لك

[أحبك ربّي]

شوف اخي بعض الفرص موجودة رغم انها قليلة

الا ان عليك الاحتكاك مع لي يخدموا عندهم معلومات كبييييرة

وين تقصد لانام خويا ؟؟؟؟؟؟

[الجلفاوي 17]

http://www14.0zz0.com/2013/07/18/11/543924243.jpg (http://www.0zz0.com)

[سنة4]

ربي يوفقك اخى او تلقا خدمة ان شاء الله في اقرب الاجال انا ثاني تخرجت هذا العام ادب عربي

[أحبك ربّي]

ربي يوفقك اخى او تلقا خدمة ان شاء الله في اقرب الاجال انا ثاني تخرجت هذا العام ادب عربي

الله يسترك أختي والله غير هبلنا .. أنا خدمت مستخلف من قبل انتي ثاني ؟

[سنة4]

لالا خويا مخدمتش راني غير كيما تخرجت او يوم الخميس هزيت الديبلوم انتاعي ان شاء الله راني ناويا ندير ادماج اذا سهل ربي او نكمل ان شاء الله المستار ماتهبل ماوالو ياخويا الرزق راهو على ربي او ربي يفرج عليك ان شاء الله

[أحبك ربّي]

لالا خويا مخدمتش راني غير كيما تخرجت او يوم الخميس هزيت الديبلوم انتاعي ان شاء الله راني ناويا ندير ادماج اذا سهل ربي او نكمل ان شاء الله المستار ماتهبل ماوالو ياخويا الرزق راهو على ربي او ربي يفرج عليك ان شاء الله

كل شيء مبروك تستاهلي التخرج .. بصح آهي مسكرة واقيلا نواليو ندير في القطاع الإداري وخلاص .. أنا كنت حاب نخدم في المدرسة .. وانتي معولة على لانام ثاني ؟
ان شاء الله أختي ربي يفرج علينا :) يعطيك الصحة

[سنة4]

كل شيء مبروك تستاهلي التخرج .. بصح آهي مسكرة واقيلا نواليو ندير في القطاع الإداري وخلاص .. أنا كنت حاب نخدم في المدرسة .. وانتي معولة على لانام ثاني ؟
ان شاء الله أختي ربي يفرج علينا يعطيك الصحة
ربي يبارك فيك خويا انا رحت نهار لخميس لانام مي كاين غير الخاص الساعة هذي او زيد راني معولة على لانام او ربي يجيب يلي فيه الخير شاركت في هذ المسابقة و لالا

[سلمى_2008]

سلااااام انا ثاني راني ادب عربي ولانام راهي حابسة في ام البواقي كاين غير لاداس والايام هادو راني نخدم في الملف ان شاء الله تفرج

[أحبك ربّي]

ربي يبارك فيك خويا انا رحت نهار لخميس لانام مي كاين غير الخاص الساعة هذي او زيد راني معولة على لانام او ربي يجيب يلي فيه الخير شاركت في هذ المسابقة و لالا

الله يعزك أختي .. صافي قالولاك مسكرة كيما قالولي أنا .. وي ديري لانام ومولاها ربي .. حنا هنا في البرج مازال ماهمش يدفعو راهم يقولو رايحين يديرو إحتياط العام لي فات وكاين لي راهم يقولو آهم يعدوا في المناصب .. هبلونا هه
وانتي شاركتي في المسابقة

[أحبك ربّي]

سلااااام انا ثاني راني ادب عربي ولانام راهي حابسة في ام البواقي كاين غير لاداس والايام هادو راني نخدم في الملف ان شاء الله تفرج

سلام وي راهم يهرجو فينا .. كي خرجنا حنا حبست لانام .. لاداس مهيش حل
إن شاء الله ربي يوفقك

[samalg]

السلام عليكم وصح رمضانكم
أنا متخرج أدب عربي منذ 2010 .. أرشدوني أنا بحاجة لتكوين مستقبل وبحاجة لعقد آنام .. ولكن وين ندير عقد لانام ؟ أين ؟ آهي مغلوقة يقولو ولكن هناك شركات أخرى تقبل العقود
أرشدوني أرشدكم الله

يا أخي تاع الشرطة راهم دايرين كونكور ناع الملازمين والضباط غي روح دفع على روحك ومتشرطش على الخدمة تدفع وين تسمع كاين كونكور ومتخليش الوقت يفوتك وتندم واللانام صح فتحت وكاين لي دفعوا فيها والنتائج خرجوا مثلا هنا عندنا في الشلف دفعنا في أفريل وفي جويلية علقوا النتائج وربي إن شاء الله يفرج عليك بلخير يا أخي وتلقى خدمة

[أحبك ربّي]

يا أخي تاع الشرطة راهم دايرين كونكور ناع الملازمين والضباط غي روح دفع على روحك ومتشرطش على الخدمة تدفع وين تسمع كاين كونكور ومتخليش الوقت يفوتك وتندم واللانام صح فتحت وكاين لي دفعوا فيها والنتائج خرجوا مثلا هنا عندنا في الشلف دفعنا في أفريل وفي جويلية علقوا النتائج وربي إن شاء الله يفرج عليك بلخير يا أخي وتلقى خدمة

الله يحفظك أختي على النصيحية الجميلة .. ولكنني الفرد الوحيد في العائلة ولا أستطيع الذهاب ولكن أمر جيد ما قلته لي

ولانام حلت صح ؟؟ كيف يعني تحط الدوسي وتستنا يقبلوك ولا لا

الله يفرج علينا وعليك أختي إن شاء الله

[سنة4]

الله يعزك أختي .. صافي قالولاك مسكرة كيما قالولي أنا .. وي ديري لانام ومولاها ربي .. حنا هنا في البرج مازال ماهمش يدفعو راهم يقولو رايحين يديرو إحتياط العام لي فات وكاين لي راهم يقولو آهم يعدوا في المناصب .. هبلونا هه
وانتي شاركتي في المسابقة
لالا خويا مشاركتش ربي يجيب يلي فيه الخير رانا نستناو حتى لساعة هذي مكاين والو

[أحبك ربّي]

لالا خويا مشاركتش ربي يجيب يلي فيه الخير رانا نستناو حتى لساعة هذي مكاين والو

أووه حنا رانا كيفكم ثاني كنت نخصيب عندنا برك ههه

[omarzant]

اتكل على ربي
مازالك صغير وين تصيب كونكور حط ملف
وما تتشرطش على الخدمة لاداس ولا لانام المهم تخدم بالدبلوم ديالك وفي اختصاصك ولو في الهونولولو
والارزاق بيد الله يسهلهالك ان شاء الله

[أحبك ربّي]

اتكل على ربي
مازالك صغير وين تصيب كونكور حط ملف
وما تتشرطش على الخدمة لاداس ولا لانام المهم تخدم بالدبلوم ديالك وفي اختصاصك ولو في الهونولولو
والارزاق بيد الله يسهلهالك ان شاء الله

يا خويا 24 وين صغير ههههههه
يعطيك الصحة العزيز