شكون غالط أنا ولا هوما [الأرشيف] - منتديات الجلفة لكل الجزائريين و العرب

مشاهدة النسخة كاملة : شكون غالط أنا ولا هوما

azhars

2013-07-16, 15:13

السلام عليكم
لاادري من اين ابدأ كلامي
أنا تقدرو تقولو متزوجة لكني لم أر شيء من هذا الزواج سوى المشاكل
من اليوم الأول حتى رجعت للدار
معييت اصبر ومقدرتش الله غالب فوق طاقتي
عييت نحطلهم في الاعذار وبلا فايدة
راني في الدار في 6 اشهر

لا خبر منو ولا انا دارنا دارو خطوة
وانا مصممة على الطلاق
ودارنا ها كا يشوفو
المشكل انو انا مسامحتهم كامل واش دارو فيا سحروني وبعدوني على راجلي
حرموني نعيش حياة عادية
المشكل التاني انهم اهلي راجلي ولد خالي
والان العايلة كلها مقاطعة بعضاها

حتى خالتي ماقطعة خالي ورفضت تتسامح معاه
وولاد خالتي كيف كيف قالو معدناش خال
وبنتده خالتي قاتلي معنديش خال وتقول لولادها متقولوش خالي وانا صد هذ الشي راني
نشوف ختى اذا تطلقت راح صلة الرحم منقطعهاش في المستقبل
انا مولات الشي مسامحة وراني نحس بالذنب
نحس كلش بسبتي
وحتى ماما مقاطعتهم خاصة انو حنا عايشين في الصحراء
وزعما لي اسمو سي راجلي عايش في التل
منكذبس عليكم غايضتني عمري واش داروفيا
والنهار الاول تع رمضان تفكرت راجلي وتوحشتو وقلت وش صرا كن راني في داري و مع راجلي كي الناس

وفاتتني الدمعة وبكيت وعمري مدعيت عليه ولا على أمو لي كانت السبب في واش صرا
بالرغم راهم كامل يدعو عليها
مشكلتي في الحياة منقدرش نكره ومنعرفش بالرغم أني حاولت

loufa

2013-07-16, 15:33

لم افهم جيدا قصتك لغياب بعض التفاصيل لكن اسال الله العظيم ان يفرج همك

سنة4

2013-07-16, 15:35

صحا رمضانك اختي
ياختي هذه المشاكل كاين منها بزاف او رانا نشوفو فيهم هو ربي يهديهم و يعطيهم لعقل او ربي يسامحهم علا حساب واش راني نشوف بلي اذا تطلقي راه تروح العايلة اكل و راح تكون عداوة كبيرة مابيناتكم ياختي اكثري من الدعاء و استخيري المولى عز وجل او زيدي شوفي مع هذا المشكل بلا ماتفكري تطلقي علا خاطر راح تخسري ناس بزاف و خاصة راجلك يلي معندوش حتي ذنب او زيد هو واش رايو في هذا المشكل حابك ترجعي و لالا اهدري معاه او تفاهمو على حل خير من الطلاق او ربي يجيبلك يلي فيه الخير يا اختي لازم عليك الصبر اذا كنتي متمسكة بعايلتك و حابة تكوني اسرة ربي يهديكم او يهنيكم

naamane3

2013-07-16, 15:44

ها قد جائك رمضان شهر الرحمة والغفران
وقت لن يعوض الزمي الدعاء والتضرع الى الله
والتذلل والخشوع والبكاء والالحاح والانكسار
واكثري من الاستغفار في كل وقت
وسامحي من ضلمك من قريب ومن بعيد
والزمي هذا الذكر
بسم الله الذي لا يضر مع اسمه شيئ
في الارض ولا في السماء وهو السميع العليم
ثلاثا اذا اصبحت وثلاثا اذا امسيت
وذلك كل يوم وسينجلي همك كليا
وسينصلح الحال
والله المستعان

{مـشـاكـسـهـ}~

2013-07-16, 17:53

اسال الله العظيم ان يفرج همك

بلسم غرام2018

2013-07-16, 21:42

اسال الله العظيم ان يفرج همك
معليش صرات حوايح اعظم من هك مي التسامح احسن حاجة
والطلاق مهوش لعبه اختي
عزوجتك سحراتك تفك السحر باذن الله الحمد لله
وانا ننصحك عودي لزوجك وصلحوالوضع وادعي ربي يهدي عجوزتك
ممكن في الاول كامل يدورو عليك الا رجعت لكن من بعد عادي والله نصيحة من اخت لك رات الكثير من تجارب الاخرين في هذه الحياه

ربي يصلح ويهدي الاوضاع
حبيبتي حاولي تتصلي بالزوج تاعك وتصلحو الامور
خاصه مع وقت العيد وحاولو تلموا الشمل من جديد
وربي يلم شملكم ويهدي سركم

Assouma 93

2013-07-16, 21:45

يجب ان تتنتهزي الفرصة في هذا الشهر الفضيل و اكثري من الدعاء بالهداية لزوجك و اهله و اهلك و اسال الله ان يفرج همك اختي

azhars

2013-07-17, 15:15

لم أفهم لمادا أشرتي الى أن الزوج من التل مثل ما قلتي .........يعني هدا ولد التل و اش فيه زايد ..........زعمى فهامة ......؟؟؟

و رانا فيها .................................................. .

بالنسبة للمشكلة لم تعطينا مثال واضح حتى نستطيع الحكم ...........

و مسألة لم يسأل أتركيه هو من يطلب الطلاق و ليس أنتي ....و كلما طالت المدة زادت عليه قيمة النفقة التعويضية ..............زائد الضرر الدي تعرضتي له من قبل أهله ...................

وفقكي الله عزيزتي
لالا ماشي فهامة انا تاني من التل وعايشة في الصحراء
انا قصدي بعد المسافة والتفاصيل

http://www.djelfa.info/vb/showthread.php?t=1271246

azhars

2013-07-17, 15:20

صحا رمضانك اختي

ياختي هذه المشاكل كاين منها بزاف او رانا نشوفو فيهم هو ربي يهديهم و يعطيهم لعقل او ربي يسامحهم علا حساب واش راني نشوف بلي اذا تطلقي راه تروح العايلة اكل و راح تكون عداوة كبيرة مابيناتكم ياختي اكثري من الدعاء و استخيري المولى عز وجل او زيدي شوفي مع هذا المشكل بلا ماتفكري تطلقي علا خاطر راح تخسري ناس بزاف و خاصة راجلك يلي معندوش حتي ذنب او زيد هو واش رايو في هذا المشكل حابك ترجعي و لالا اهدري معاه او تفاهمو على حل خير من الطلاق او ربي يجيبلك يلي فيه الخير يا اختي لازم عليك الصبر اذا كنتي متمسكة بعايلتك و حابة تكوني اسرة ربي يهديكم او يهنيكم

انا وهو مبيناتنا حتى اتصال عيطتلو وليكيداني
خايفة نعاود نعيطلو ومايديهاش فيا

azhars

2013-07-17, 15:22

azhars

2013-07-17, 15:23

يجب ان تتنتهزي الفرصة في هذا الشهر الفضيل و اكثري من الدعاء بالهداية لزوجك و اهله و اهلك و اسال الله ان يفرج همك اختي
راني ندعي والله المستعان

مناد بوفلجة

2013-07-17, 17:37

إن شاء الله يُلم الشمل

وفية زاد

2013-07-17, 20:40

رب يفرج عليك
انا نشوف حاولي تتصلي بزوجك اذا راهو مازال شاد فيك
و حاولو تصلحو الامور مع بعضكم و ترجعو المياه لمجاريها بيناتكم و بين العايلتين
بالتوفيق ان شاء الله

AMINA.Z

2013-07-17, 23:18

لا ادري ما بال العائلات الجزائرية

و خاصة ام العريس

اذا ماش عاجبتك العروسة ما تخطبيهاش ماش تجيبيها و تكرهيلها حياتها و تفسديهالها

و الراجل اذا ماش قادر تحط كل وحدا في بلاصتها ما تتزوجش و ما تفسدش حياة بنات الناس

و الله ظلم

يا اختي و كلي عليهم ربي اذا كانو ظالمينك ربي يجيبلك حقك

راهو رجع الزواج كارثة في بلادنا

الله يهدينا

maiar

2013-07-18, 23:42

فرج الله همك
و ربي يقدملك لي فيه الخير
اكثري من الدعاء في الشهر الفضيل و ربي يجمعك
مع زوجك و يطرح بيناتكم المودة والرحمة و ربي يهدي أمراة خالك

اكثري من الاستغفار و ربي يجعلك مخرج ان شاء الله

123boutheina

2013-07-19, 15:06

كُلما ذُكر الطلاق ضاقت بي الدنيا وما عليها
لا حول ولا قوة الا بالله

ي اختي مشكلتك والله هينة ولها من الحلول الكثير فالكثير
فمن طريقة سردك لحكايتك يظهر لي انك حساسة ومندفعة بعواطفك ؛ والله اعلم
لذلك تريثي فالعجلة هاهنا لا نفع ولا منفعة

sisi souad

2013-07-19, 23:35

و اسال الله ان يفرج همك اختي الله يهدينا

hadjer hadjora

2013-07-20, 02:05

السلام عليكم شوفى اختى ادا انت راكى مسامح و ما عندكش حتى كره اتجاه زوجك

اتصلى به بالهاتف او اطلب من احد الافراد ان يتصل به واطلبى منو السماح حتى و لو ما راكيش غالطا

افعلى هادا لكى تنقدى زواجك

سيقولوا لكى البعض لا تفعلى من اجل كرامتكى

و انا اقول لكى لا وجود للكرامة بين الزوج و الزوجة حتى تستمرالحبال الزوجية و الا انقطعت

azhars

2013-08-21, 19:00

اكتشفت أخيرا انه لاوجود لزواج يحتاج الى انقاذ
وأني أعيش في عالم المثل
معندهاش بزاف راحت ماما للبلاد يعني وين كنت نسكن في التل
على أساس خويا يروح يحكي مع راجلي باه نلقاو حل
اذ بأهل زوجي يبعثو نسخة عن القضية لي رفعها ضدي
يتهمني اني خرجت دون اذنو بالرغم اني قتلو وقالي روحي
وتاني اخذت كل اغراضي وانا خليتو كامل
ولي مستوعبتهاش انو حكمني نحكي مع واحد
وانو محبيتش نرجع وهو عمرو ما جا عندي
انا وشمن عالم راني فيه
ادعولي ربي يفرج عليا

sabra2009

2013-08-21, 21:40

حكايتك كيما حكايتي أنا درك شهرين في دارنا
مالقيت ما نعمل لكن هو وأهلو مصممين على طلاق........ الله يعوضنا

أيمن عبد الله

2013-08-21, 23:44

*استعيني اختي الفاضلة على العباد برب العباد

لا تقل يا رب عندي هم كبير بل قل يا هم عندي رب كبير

*ثانيا أين نحن من قوله تعالى (( وان خفتم شقاق بينهما فابعثوا حكما من اهله وحكما من اهلها إن يريدا اصلاحا يوفق الله بينهما

إن الله كان عليما خبيرا )) 35 سورة النساء

عبدالرحيم75

2013-08-22, 08:24

السلام عليكم ورحمة الله تعالى وبركاته
أختي أزهار
حياك الله وأدام ظلك وعزك
دعيني ألفت انتباهك إلى شئ مهم عن قناعة وتجربة
بالنسبة لمشكلتك فهي ليست مشكلة طلاق ،بل مشكلة عدم تفهم وتقبل عجوزتك لك بأن تأخذي ابنها منها بهذه السهولة ،لذلك قالت ودبرت وفعلت مثلما أنت تحكين
لكن في الأخير هي وشيخك وزوجك كامل راهم خايفين ويفكروا ومنشغلين كيما أنت أو أكثر ،ربما تتسألين وتقولين كيف ذلك ؟؟؟
لأنكم عائلة واحدة ودم واحد وولاد زيت ودقيق واحد مثلما يقال
فالحل الوحيد لمثل هذه المشاكل العائلية البحتة هو
الزمان
كيف ؟؟؟
أصبري وادعي ولا تتضرعي لغير الله [ أتشكين الرحمان إلى الذي لا يرحم ]
فالقلوب لما يدور عليها الزمان ويمحي مابها من أحقاد والإنسان سمي كذلك لأنه معرض للنسيان
فكل منكما سينسى أسباب الأحقاد وتجف منابع الفتن وتنكسر صلادة البغض والهجر على صخور الشوق والحنين ،وتستفيق عجوز صلة الرحم التي تدب بخطها المثقلة بينكما متكئة على أحد عقلاءكما لبعث شبابها بكما
وحينها تتساقط أمطار الرحمة والمودة والحنين من اعينكم ماسحة ما حل بكم من جفاء باعثة بينكم السعادة والهناء
أختي توكلي على ربي وخلي كل شئ للزمان لان العيب بين العايلات مايحلو غير الزمان [ أي المدة الطويلة ]
وربي يفرج عليك
ننتظر سماع أخبار مفرحة عنك وعن زوجك

أيمن عبد الله

2013-08-22, 12:12

نتمنى ان اختنا الفاضلة قد وجدت بين ردود الاخوة والاخوات ما يجعلها

تتخذ القرار المناسب والرجوع للحياة العائلية بعزة وشرف

اخبريني عن جديدك ونشكر كل من ساهم برايه