للتوضيح

[مشكلتي]

انا صاحبة الموضوع
http://www.djelfa.info/vb/showthread.php?t=1362140
للتوضيح فقط خطيبي هو مدير ابي في العمل وانا رافضة فكرة الزواج لانني صغيرة غير قادرة على تكوين اسرة وليس الزوج لان لا عيب فيه من ناحية الاخلاق و الادب كمآ انني احسست عند جلوسي معه بطيبته التي لم اجدها في ابي
اريد تاجيل الزواج لعامين لا اكثر و هذا ما يرفضه خطيبي و ابي

[z.abdo]

مزال رأيي نفسه لاتضيعي الفرصة اختي ..........

[سنة4]

ربي يجيبلك يلي فيه الخير

[بسمة تحدي]

اختي نقلك لو كان انا منخليش قرايتي والله

وحتي اني لما كنت نقر تقدمولي ناس بش يخطبوني رفضت لانه اشترطو عليا نوقف الدراسة

المجتمع هذا راه الصعيب بزااااااف لخطرش حتى وحد ماهو ضامن حياتو

نحكيلك حكاية صحبتي كانت تقرى معايا في الجامعة تخطب مع وحد وهذا الانسان كان يبانلها مشاء الله

وراحت المخلوقة خلات قرايتها وتزوجت ولكن مع الوقت متفاهموش وتطلقو وفعلا ندمت ع قرايتها وهي لو كملت قرايتها

كانت راح تتجرج استاذة

لو كانت خدامة كانت راح تقدر ع شقاها

وهي ضوك راهي تحوس كيفاش تولي تقرى

هذي حالة من المجتمع ووش شافت عيني

خمي مليحي وصلي استخارة وادعي

[nouna l maghbouna]

اختي نقلك لو كان انا منخليش قرايتي والله

وحتي اني لما كنت نقر تقدمولي ناس بش يخطبوني رفضت لانه اشترطو عليا نوقف الدراسة

المجتمع هذا راه الصعيب بزااااااف لخطرش حتى وحد ماهو ضامن حياتو

نحكيلك حكاية صحبتي كانت تقرى معايا في الجامعة تخطب مع وحد وهذا الانسان كان يبانلها مشاء الله

وراحت المخلوقة خلات قرايتها وتزوجت ولكن مع الوقت متفاهموش وتطلقو وفعلا ندمت ع قرايتها وهي لو كملت قرايتها

كانت راح تتجرج استاذة

لو كانت خدامة كانت راح تقدر ع شقاها

وهي ضوك راهي تحوس كيفاش تولي تقرى

هذي حالة من المجتمع ووش شافت عيني

وع حساب وش قلتي باين بابك زوجك على مصلحة لانه مديره في الشركة

خمي مليحي وصلي استخارة وادعي

.

نقلك بلي الزواج زهر و مكتوب
و ماتقوليش باباها زوجها مصلحة خاطر ربي برك يعلم بالاك شافو ناس ملاح تمناه لبنتو

و الى صاحبة الموضوع من راي اقبلي و عينك ميزانك شوفي انتي ايلا راه عاجبك
و ماتنسايش صلاة الاستخارة و الدعااء و الاستغفار

و ديري واش تحبي انتي حياتك و انتي حرة و
ربي معاك

[naamane3]

اضن واتمني ان يكون ضني خاطئ ان هذا زواج مصلحة
وانا على يقين انك على علم بهذا
وعلى حسب كلامك انك رافضة للزواج تماما
وهذا من حقك اعرضي هذا الحديث على ابيك
واخبريه انه ليسك لك قابلية للزواج
واكثري من الاستغفار والدعاء
واتمني ان اكون على خطأ
والله المستعان
عن أبى هريرة أن النبي صلى الله عليه وسلم قال:
"لا تنكح الأيم حتى تستأمر، ولا تنكـح البكر حتى تستأذن
قـالوا يا رسـول الله وكيف إذنها قال أن تسكت.
رواه البخاري ومسلم+

[hamza touazi]

ختي معليش روحي اقبلي مصيرك تتزوجي وتقعدي فالدار اقبلي بيه مدام يخاف ربي وقالك نخليك تكملي قرايتك

[بسمة تحدي]

.

نقلك بلي الزواج زهر و مكتوب
و ماتقوليش باباها زوجها مصلحة خاطر ربي برك يعلم بالاك شافو ناس ملاح تمناه لبنتو

و الى صاحبة الموضوع من راي اقبلي و عينك ميزانك شوفي انتي ايلا راه عاجبك
و ماتنسايش صلاة الاستخارة و الدعااء و الاستغفار

و ديري واش تحبي انتي حياتك و انتي حرة و اذا ماكيش حابة تزوجي قولي لباباك ++++++++++++

ربي معاك

يا اختي نونة الزواج مهوش زهر راه مكتوب قضاء وقدر

لانه في الدنيا هذي ندو غير وش كتبلنا ربي سبحانو

انا قلت بالك احتمال باباها زوجها مصلحة وثاني راني نشوف الطفلة مهيش حابة تتزوج رهي حابة تكمل قريتها

وبابها سيف عليه

وتاني شوفي وش راهي تقول وانا رافضة فكرة الزواج لانني صغيرة غير قادرة على تكوين اسرة

والزواج راهي مسؤولية كبيرة وره فيه صبر كبير

ورني شوف صاحبة الموضوع ماهيش حرة لانه بابها ضغط عليه

معليها غير تتوجه لربي سبحانو وتشتكيلو هذا مكان

[جلة نور]

انا رايي من راي الاخت بسمة تحدي
ماكانش حاجة بالسيف ماكانش منها تقبلي برك وتزوجي وقعدي في الدار منبعد بعيد الشر كاش ما يصرا بعيد الشر طلاق نتي وش ديري حتى ما زال ما ديتيش الباك انا تبالي قرايتك خير هي اللي تفيدك في الاخير وقتنا راهو صعيب بزاف وفي الاخير الامر يرجع ليك قولي لوالدك انا مانيش موافقة وخلاص مي راني خايفة اذا رفضتي واصريتي يبطلك تاني على القراية
انتي اعرفي اول شي وش حتكون ردة فعلو لوكان ترفضي قولي لامك تستقسيه لوكان ترفضي وش يدير وخممي مليح واهمشي صلاة الاستخارة

[{مـشـاكـسـهـ}~]

ربي يجيبلك يلي فيه الخير

[رزان حياة]

انا لوكان في بلاصتك لا استشير اي احد بل اصلي صلاة الاستخارة واصليها واملي كله في ربي العالمين . منقدرش نقولك اقبلي ولا لالا لاني اولا لا اعرفه ومهما حكيتي عى اخلاقه ممكن انها تكون مزيفة من طرفه . رانا في وقت المظاهر خداعة تجربتي الخاصة و تجارب الاخرين خلاتنا نتريث في قراراتنا . مهما الناس مدولك اراءهم ولكن في الاخير انت الوحيدة التي سوف تعيشين التجربة سواءا كانت بالايجاب او بالسلب.صلي وادعي ربي وربي يسددلك خطاك وينورلك طريقك ويريحلك بالك

[amina nourhanne]

ختي ربي يجيب لي فيه الخير أنا من رأيي صلي استخارة و اتفاهمي مع خطيبك احكي معاه و فهميه واش لي مخوفك من ناحية الزواج خمي مليح و ما تزربيش ما تخسريش باباك لانو حتي أدا صممتي و ما تزوجتيش يقدر باباك يحبسك من القراية و هنا تكوني خسرتي كلش ديري ثقتك في ربي و ما تخافيش صح فطورك حبيبتي

[kmilya]

انا كان كنت في بلاصتك منخليش قرايتي ياو لوكان يصرا وش يصرا
واحد ماينفعني غير قرايتي
علىل الاقل فوتي عام الباك ومبعد ربي يسهل

[loulou02]

صلي الإستخارة و توكلي على ربي ، البنت آخرتها تتزوج ، و مدام هذا الخاطب راه قابل و متمسك بيك أقبلي و زيني نيتك معاه ، تخافي تبطلي منه يحبسك باباك من القراية و تولي لا زواج لا قراية بعيد الشر عليك .

[touah]

السلام عليك
قد تسطيعين أن نوفيقي بين الأمرين تتزوجين و تدرسين عن طريق المراسلة و الأمر المتعلق بالمسؤولية هوني عليك فالظروف قد تصنع منك مرأة قادرة على المواجهة و الأمر الذي لا يمكن الفصل فيه هي قناعتك بهذا الرجل لذلك استخاري الله لعل و عسى أما الوالدين فأطلبي رضاهم في كل الأحوال وفقك الله

[Assouma 93]

يا اختي مادام راه سمحلك باش تكملي قرايتك روحي تزوجي على روحك ربما لن تتاح لك فرصة ذهبية مثل هذه و متقوليش راني صغيرة اعرف الكثيرات تزوجن في نفس سنك و احيانا اقل يعني 16 سنة كيما صديقتي تزوجت في هاذ السن و راهي عايشة و الله يا حنونة نصيحتي ليك متفوتيش هاذ الفرصة على روحك و ربي معاك ان شاء الله

[z.abdo]

اختي نقلك لو كان انا منخليش قرايتي والله

وحتي اني لما كنت نقر تقدمولي ناس بش يخطبوني رفضت لانه اشترطو عليا نوقف الدراسة

المجتمع هذا راه الصعيب بزااااااف لخطرش حتى وحد ماهو ضامن حياتو

نحكيلك حكاية صحبتي كانت تقرى معايا في الجامعة تخطب مع وحد وهذا الانسان كان يبانلها مشاء الله

وراحت المخلوقة خلات قرايتها وتزوجت ولكن مع الوقت متفاهموش وتطلقو وفعلا ندمت ع قرايتها وهي لو كملت قرايتها

كانت راح تتجرج استاذة

لو كانت خدامة كانت راح تقدر ع شقاها

وهي ضوك راهي تحوس كيفاش تولي تقرى

هذي حالة من المجتمع ووش شافت عيني

وع حساب وش قلتي باين بابك زوجك على مصلحة لانه مديره في الشركة

خمي مليحي وصلي استخارة وادعي

كلامك كله صحيح ..........إلا كلمة ان والدها زوجها على مصلحة أخطأتي اختي في هذه الكلمة لأن الله اعلم بالنوايا

[بسمة تحدي]

كلامك كله صحيح ..........إلا كلمة ان والدها زوجها على مصلحة أخطأتي اختي في هذه الكلمة لأن الله اعلم بالنوايا


والله يا اخي كان احتماال فقط

وتاني رني نشوف حب يزوجها بسيف

يمكن انا اتهمت ولدها صح

استغفر الله واتوب اليه

لا اله الا انت سبحانك اني كنت من الظالمين

[سارةالتلمسانية]

ya okheti ana mitelak 17ans makhetoba min chakhese yakeborni bi 10sanawate 3adi besag bimowafa9ati tamate lekhiteba we zid tefahamete ana wiyah heta nejawaze lebak we nedir zifafe wa 9ebale plus heta na9era jami3a 9ebale ana nenasehak tahki me3a khatibek te3awedi te9ane3ih darorate tejawzi lebac omwa yekon 3andek mosetawa lejami3a ta9aderi tebeloki walewaçete li tehabi taraje3i

[AMINA.Z]

ربي يهديه باباك و نزيدلك ما تقولي هاد السيد ناس ملاح ما والو

حاجة ماراهي مضمونة

يا اختي وصلي رايك باي طريقة شوفي امك و خاوتك يوقفو معاك

و الله الصراحة راكي غايضتني بزاف ربي يكون معاك