بيتزا تركية

[fatalim]

البيتزا التركية
المقادير


400غ فارينة

ماء
ملح
ملعقة كبيرة زيت زيتون
خميرة الخبز
ملعقة سكر
3مغارف ياورت ناتوغ طبيعي

التزيين



250غ لحم مفروم

حبة طماطم مقطعة
ثوم مرحي
فلفل اسود
كسبر اومعدنوس اخضر
ملعقة صغيرة فلفل احمر حار
ملعقة كبيرة طماطم مصبرة

حبتين بصل متوسطة مقطعين رقاق
ملح

الطريقة
في مقلاة ديري ملعقتين زيت وحمسي البصل والثوم ومبعد زيدي اللحم المرحي والتوابل والملح والطماطم بنوعيها خلطي وخليها طيب شوية ومبعد ضعيها جانبا)في الوصفة الاصلية يديروهم مباشرة بدون مايحمسوهم لاخطراكش الفور اللي طيب فيه سخون بزاف)


العجينة
ذوبي الخميرة في شوية ماء وسكر ومبعد حطي الفرينة وخلطيها مع الملح وزيدلهم الياورت الطبيعي والخميرة وخلطي ومبعد زيدي الماء واعجني مليح6دقائق حتى تتحصلي على عجينة مطاطية.

خليها تخمر لمدة ساعة وغطيها بكيس بلاستيكي ثم فوطة
سخني الفور علة220 درجة
رشي في المول نتاع البيتزا شوية فارينة ومبعد ديقازي العجينة وقسميها لستة كريات متساوية وخليها ترتاح 10دقائق وغطيها طبعا

افتحي كل كرية بالرولو شوية رقيقة وزينيها بالحشوة اللي خدمناها ودخليها للفرن مدة 15 دقيقة خرجيها وزينيها بالمعدنوس


:mad: هبلني وليدي ماخلينش نكتب حاب يرضع:mad:
http://im34.gulfup.com/j0Ivi.jpg

[{مـشـاكـسـهـ}~]

شُكْرًآآآ جَزِيــــلآً
بَآرَكَــ الله فـــــــــــــــــِيكــِ

[fatalim]

26 مشاهدة ولارد معليش نروح نخرج من المنتدى احسن

[fatalim]

وزيد ترجمت الوصفة من التركية للانجليزية ومبعد للعربية

[طهراوي ياسين]

شكراااااا جزيلاااااااا

[مملكة الغربة]

:1:عجبتني بزاف البيتزا :19:يعطيك الصحة

[bichaz810]

ش.كرا اختي بارك الله فيك

[فايزة سراج الدين]

روعة شكرااااااااااااااااا على المجهود

[fatalim]

بلا مزية شكرا على التشجيعات