عاونوني ............... [الأرشيف] - منتديات الجلفة لكل الجزائريين و العرب

مشاهدة النسخة كاملة : عاونوني ...............

مشكلتي

2013-07-15, 22:45

منيش عارفا وين نبدا وين نكمل
المهم انا كنت نعرف شخص سوري 3 سنوات وهو كان من اعز الناس علي وعمره ما دارها بيا شخص طيب وعاوني بزاف في بزاف حوايج وكان معايا في الحلو والمر
المهم انا منبعد وش كاين في سوريا من احداث ومن بعد ما تبت من التكلم مع الرجال مقدرتش نبقى نتكلم معاه وقطعت الاتصال بيه لمدة سنة
اليوم ارسلي رسالة في الهاتف وقالي مانعرف حتى واحد من غيرك عاونيني وارسليلي 1500 دولار وعمري ماننساهالك
انا من لي قريت الرسالة راني مقدرتش نحبس من البكا على خاطر جامي توقعت يطلبني واحد ومنقدرش نعاونه خاصة هذا الشخص عزيز علي بزاف
والله مانسعى دورو ماعنديش فرنك واحد ومقدرتش نعاونه ومنيش قادرا نحكي معاه على خاطر خايفا من ربي
منيش عارفا كيفاه ندير عاونوني بجاه ربي

AMINA.Z

2013-07-15, 22:59

ادعيلو هادا واش تقدري ديري

samirovich

2013-07-15, 23:13

وربي يفرج عليك وعلى كل السوررين
[/size][/b][/center]

nouna l maghbouna

2013-07-15, 23:21

ربي يفرج عليك و عليك
ادعيلو

نورسين.داية

2013-07-16, 10:46

بصفتك ماذ ا ........و على أي ضمانة ...................تعيرينه نقود ................؟؟؟؟

و زيد عليها ...........أنتي ليس لديكي المبلغ ....................

و المشكلة أنا لم افهم أين بالنسبة لكي ..................أنك تقطعين العلاقة من جدورها .............أم عدم تقديم السلفة ..........؟؟؟

عموما ركزي في المبدأ الأصلي الذي هو نوع العلاقة ........و الباقي أعتقد سهل جدا ..................

وفقكي الله أختي

l'étoile

2013-07-16, 16:19

لا يا اختي لازم تهدري معاه على الاقل فهميه .... لانو كي تخليه بلا اجابة و هو يستنى و يأمل فيك رراح تخظبي ربي سبحانو اكثر من الي تحكي معاه ...... هو كلام عادي فهميه بلي ما تسعاي والوا على الاقل ساعديه معنويا و ظرف 2 د

loulou02

2013-07-16, 18:03

و أنت على أي أساس رايحة تساعديه ؟

هل هو زوجك ؟ أو خطيبك ؟

وين تعرفي واش راح يعمل بالمال هذا ؟

Assouma 93

2013-07-16, 19:50

Rabi yfarj 3likom Incha Allah

سارةالتلمسانية

2013-07-16, 21:56

ade3ilo lemosa3aa da machi 3ir bedraham we zidana nekhaf nas kima hak dok makanch leaman heta lea9erab nass lik kifach diri ti9a fi inesan 3arib rabi yekon fi 3aweno wa 3awnek

naamane3

2013-07-16, 22:41

انت علاقتك به غير شرعية يعني باطل
وكل مابني على باطل فهو باطل

rebahsada

2013-07-16, 22:58

اذا راكي حابة تساعدي ساعدي خاوتك هنا فالجزائر كاين ليمعندوش حتى باش اصوم رمضا ن قالك قامت دارها اوفاتت للجامع نموتو على البراني ربي يهديك

أسير الطموح

2013-07-16, 23:03

ما عنـــــــــــــــدك ماديري أختي ................... الدعواتتتتتت

amine9mm

2013-07-16, 23:29

انا راني بطال عاوني ولد بلادك مش خير هههههههههههههه 1500 دولار

rafik__87

2013-07-17, 00:20

اختي اولا هدا النوع من العلاقات مع الاجانب فيه كثير من المشاكل وبالاساس هو حرام
الكل يعرف الحال في سوريا و كان الله في عون اهلها هل اذا عندك 1500 دولار يعني عندنا 15 مليون سنتيم تبعثيهالو ؟
وشكون يضمنلك وش رايحي يدير بيهم بلاك راه انضم لكاش كتيبة من المعارضة والا من جبهة النصرة ومن بعد تجيك الدولة وتقلك حولتي 1500 دولار ويديرولك تهمة دعم ارهاب خارج الحدود ؟ يعني قادرة تقمري بمستقبلك على جال واحد بعيد عليك وجامي تلاقيتي بيه ؟ وربي يكون في عون اخوتنا في سوريا

soso sirin

2013-07-17, 02:13

الحل راه ساهل اختي انتي راكي تقولي ماعنديش الدراهم عيطيلو و لا بعثيلو ميساج قوليلو الله غالب ماعنديش هذا الدراهم و كيما قالو الاعضاء الي من قبل الحالة ماهيش مليحة في سوريا تروحي ديري الخير بلاك راح يرجعلك شر.و حتا وعندك الدراهم واش تقوليلهم في الدار والله واحد عرفتو و بانلي ناس ملاح قالي سلفيلي الدراهم و ماشي بالدينار لازم دولار هذي اصلا ماشي هدرة منطقية تقوليهالهم تعشي تلقاي روحك انتي في سوريا.الخير في وقتنا و لازم تحسبيلو شوية و مش معنتها عرفتيه مدة 3 سنين راه مليح ناس الواحد عاشرهم و في التالي مانحكيلكش.الي تقدري ديرها ادعيلو و ربي يكون في عونهم

razika zouzou

2013-07-17, 02:23

هههههههههههههههههههههههههههههههههههههههه 1500دولار

اعطيهاني انا

3ab2ou

2013-07-17, 04:29

انا راني مع الاخ rafik__87 الدولة مراهيش ساهلة يديرولك تهمة دعم الارهاب بكل سهولة قال ربي ينوب و خلاص

kawtar koukou

2013-07-17, 13:24

المشكل ليس في المال حسب رايي ...
فالعلاقة اصلا غير شرعية
موفقة

soumia 02

2013-07-17, 17:23

ماعندك مارايحة ديري ختي هي المساعدة مليحة مي الانسان يساعد ب الشيئ الي يقدر عليه وهدي حاجة عادي كون جا عندك ماتبخليهش مي كي عاد ماعندكش نورمال عاونيه ب الدعاء والفرج عليه

AGENT CONTROL

2013-07-17, 17:44

ابعثيلوا 1500 دعوة في صلاتك
انو ربي يفرج عليهم وينصرهم
خلينا من هاد التفاهات اختي العزيزة راكي تهدري في صوالح غير منطقية
مع ناسنا وولاد بلادنا ماسلكناش وعرفناهم وعاشرناهم
فما بالك بانسان معرفة شات ودردشة
الله يهدينا
صح فطووووووووووركم

sisi souad

2013-07-19, 23:53

ربي يفرج عليك

daciismail

2013-07-20, 02:56

عندي برك تسعة ملاين برك اسمحيلي