إستفسار بالنسبة للمترشحين الأحرار باك 2014

[haùza]

السلام عليكم
أنا طالب ناجح في باك 2013 شعبة علوم تجريبية بمعدل 12.41 و أنوي إعادة الباك السنة المقبلة إن شاء الله كمترشح حر
سؤالي لمن هم في مثل حالتي أو مروا بها سابقا : هل تستطيع الدراسة و التحضير بجد لباك 2014 أو أنه يستلزم أن تبلوكي السنة الدراسية في الجامعة لتتفرغ للباك كليا ؟
أرجو التفاعل من الأعضاء
و شكرا

[zineb.alg]

لا اعرف انا ايضا بين وبين ؟

[shy'n]

هذا العام لا وجود للعتبة الذين لم يدرسوا الاحتمالات و الوحدتين الأخيرتين في الفيزياء عليهم ان يبلوكيوا العام

لا راك داير في الجامعة حاجة خفيفة و قاري الاهتزازات و الانتشارات الضوئية و الاحتمالات تقدر تعاود الباك و في آن واحد تقرا في الجامعة

و الا لا يجب تبلوكي العام على الأقل تقدر تقرا لي كور

ربي يكون في العون

[mohamedezel]

يا خو انا نقولك متبلوكيش العام تاعك راح تاصرالك كيما انا
اقرى في الجامعة و جيب عامك و اقرى للباك
اعرف كيفاه تنظم و قتك برك
واحد ميعرف كيفاش راح يجي باك 2014

[sarah milano]

أنصحك بالتالي بحكم انني اجتزت الباك حرة

اقرا و جوز الباك

لكن في حالة واحدة عام الباك قريت مليح لا نك ستمل و لن تجد اي شي تدرسه و الله وجدت نفسي اضيع في الوقت
و زيد ستفتقد نوعا ما الى الريتم تاع الامتحانات اذا قعدت فالدار أما اذا قريت فالجامعة راحة تكون امامك تحديات جدد مستواك سيتطور اما كي تقعد فالدار راح دائما تقعد تدور في نفس المستوى حتى عند بلوغك المستوى لن تستطيع قياسه لا شي يعادل اجراء اختبارفي شروط حقيقة هي المدة الوحيدة التي يتعلم فيها العقل
و ان. كنت وصلت الى نيفو 19 ستبقى تدور في دائرة مفرغة و الله قادر تقرى حتى تتلفلك أأكد لك لازم الدراسة تقرى قيس قيس و تعرف تتفنين

أما بخصوص دروس ماوراء العتبة أأكد لك شيئا هي من اسهل ما يكون الاهتزازات سهلة بكثير من الميكانيك
الاحتمالات فيها جزء صغير فقط منها صعب لكن أكيد كي تتقعدلوا راح يسهال كل شي بالاضافة هذه دروس تقراها فالجامعة اذا اخترت شعبة st او sm مما يجعلها تبدوا تافهة بالنسبة اليك انا درستها وحدي خلال العام و ليس باشكال مطلقا
اقراهم في اوت اذا خفت عليهم
الحفظ من اسهل مايكون

انا نقولك دعك من النزل و الله اسوء اختيارستختاره لست بحاجة الى كل ذلك الوقت
انا العام الماضي اخترت هذا القرار بحكم لم ادرس الاولى و الثانية لذلك كانت فرصة لاحسن مستوايا لكن عندما كنت ادرس وجدت ان كل المعلومات يعني المهمة للثالثة املكها الا انني كنت دائما اشك لذلك لم احقق مااصبو اليه

انصحك باخيار التحدي احسن لك و لا تبقى محصور فقط مع الباك الباك ادرس الاثنين احسن

[haùza]

هذا العام لا وجود للعتبة الذين لم يدرسوا الاحتمالات و الوحدتين الأخيرتين في الفيزياء عليهم ان يبلوكيوا العام

لا راك داير في الجامعة حاجة خفيفة و قاري الاهتزازات و الانتشارات الضوئية و الاحتمالات تقدر تعاود الباك و في آن واحد تقرا في الجامعة

و الا لا يجب تبلوكي العام على الأقل تقدر تقرا لي كور

ربي يكون في العون

لكن هل يستطيع الأساتذة إكمال المقرر ؟
بالنسبة لثانويتنا أستاذ الفيزياء كا يجري في الدروس لكن وصلنا فقط لمجال الأسترة (و ما كملناهش حتى:confused:)


يا خو انا نقولك متبلوكيش العام تاعك راح تاصرالك كيما انا
اقرى في الجامعة و جيب عامك و اقرى للباك
اعرف كيفاه تنظم و قتك برك
واحد ميعرف كيفاش راح يجي باك 2014

ممكن خويا تحكيلنا على تجربتك ؟ و هل كفاك الوقت للدراسة , الجامعة من جهة و الباك من جهة أخرى ؟

[ناريمان.ب]

سلام عليكم
انا تاني راح نعاود الباك
انا ديت في 2012 الباك نقرى بيولوجي
انشاء الله راح نعاود مي مانبلوكيش العام خفت لا نضيعهم في زوج

[shy'n]

لكن هل يستطيع الأساتذة إكمال المقرر ؟
بالنسبة لثانويتنا أستاذ الفيزياء كا يجري في الدروس لكن وصلنا فقط لمجال الأسترة (و ما كملناهش حتى:confused:)

؟

مجبر عليه هذاك ماخص :rolleyes:
ياخي راه مخلّص

و الله أعلم

أنا قلت بالاك نقرا في مدرسة خاصة

لكن هناك عضوين قالو ماتبلوكيش :confused: بالنسبة لهم فيها مخاطرة و اني موافقة معهم لكن أنا خير هندسة معمارية لا أظن استطيع التوفيق فيهما

أما انت لا اعرف تخصصك

[haùza]

أنصحك بالتالي بحكم انني اجتزت الباك حرة

اقرا و جوز الباك

لكن في حالة واحدة عام الباك قريت مليح لا نك ستمل و لن تجد اي شي تدرسه و الله وجدت نفسي اضيع في الوقت
و زيد ستفتقد نوعا ما الى الريتم تاع الامتحانات اذا قعدت فالدار أما اذا قريت فالجامعة راحة تكون امامك تحديات جدد مستواك سيتطور اما كي تقعد فالدار راح دائما تقعد تدور في نفس المستوى حتى عند بلوغك المستوى لن تستطيع قياسه لا شي يعادل اجراء اختبارفي شروط حقيقة هي المدة الوحيدة التي يتعلم فيها العقل
و ان. كنت وصلت الى نيفو 19 ستبقى تدور في دائرة مفرغة و الله قادر تقرى حتى تتلفلك أأكد لك لازم الدراسة تقرى قيس قيس و تعرف تتفنين

أما بخصوص دروس ماوراء العتبة أأكد لك شيئا هي من اسهل ما يكون الاهتزازات سهلة بكثير من الميكانيك
الاحتمالات فيها جزء صغير فقط منها صعب لكن أكيد كي تتقعدلوا راح يسهال كل شي بالاضافة هذه دروس تقراها فالجامعة اذا اخترت شعبة st او sm مما يجعلها تبدوا تافهة بالنسبة اليك انا درستها وحدي خلال العام و ليس باشكال مطلقا
اقراهم في اوت اذا خفت عليهم
الحفظ من اسهل مايكون

انا نقولك دعك من النزل و الله اسوء اختيارستختاره لست بحاجة الى كل ذلك الوقت
انا العام الماضي اخترت هذا القرار بحكم لم ادرس الاولى و الثانية لذلك كانت فرصة لاحسن مستوايا لكن عندما كنت ادرس وجدت ان كل المعلومات يعني المهمة للثالثة املكها الا انني كنت دائما اشك لذلك لم احقق مااصبو اليه

انصحك باخيار التحدي احسن لك و لا تبقى محصور فقط مع الباك الباك ادرس الاثنين احسن

شكرا لك أختي على الرد
فعلا كي تبلوكي السنة الأولى في الجامعة أمر له سلبيات
لكن ماذا عن مسألة تنظيم الوقت ؟ هل يستطيع الواحد أن يوفق بين الدراسة الجامعية و الدراسة من أجل الباك ؟

[haùza]

مجبر عليه هذاك ماخص :rolleyes:
ياخي راه مخلّص

و الله أعلم

أنا قلت بالاك نقرا في مدرسة خاصة

لكن هناك عضوين قالو ماتبلوكيش :confused: بالنسبة لهم فيها مخاطرة و اني موافقة معهم لكن أنا خير هندسة معمارية لا أظن استطيع التوفيق فيهما

أما انت لا اعرف تخصصك

بالنسبة ليا أنا خيرت علوم المادة و وراءها رياضيات و إعلام ألي

[غريب في بلادي]

السلام عليكم
اخي انا درست في الجامعة وعاودت الباك عدة مرات مكانش مشكل قضية تنظيم فقط انصحك باختيار شعبة تقنية رياضيات او اعلام الي او علوم وتقنيات او علوم المادة لماذا لانك سترفع من امكانيات الذهنية بشكل كبير ويصببح برنامج النهائي على شكل لعبة المهم ان تنظم وقتك الجامعة اي والو الستوى في انحدار كبيييييييييييييير والله ولي التوفيق

[غريب في بلادي]

يا جماعة الجامعة مكان والو العام الوحيد لاي فيه الدراسة هو النهائي تع الثانوية من بعد عيش يا قليل

[غريب في بلادي]

المهم الانسان يكون ذكي وليس غبي اما التوفيق بينهما فهو امر عادي جدا متخافوش جربت ما اقول ولست افتري عليكم هدفي العام القادم هو الامتياز ان شاء الله

[shy'n]

بالنسبة ليا أنا خيرت علوم المادة و وراءها رياضيات و إعلام ألي

تقرا فيها الفيزياء و الكيمياء ...راه اختيار استراتيجي ملييح :rolleyes:
معناها ماكلاه تبلوكي العام حطّا عليك

أنا مازلت في الشك...

[shy'n]

المهم الانسان يكون ذكي وليس غبي اما التوفيق بينهما فهو امر عادي جدا متخافوش جربت ما اقول ولست افتري عليكم هدفي العام القادم هو الامتياز ان شاء الله

ان شاء الله تقدر تلحق الامتياز

انا درت هندسة معمارية سمعت بلي نقضي ليالي بيضاء علاجال القراية فيها

سوف أحاول نقرا في بداية العام ونشوف أجواء الجامعة اومباعد ندير اختياري

[ali1994k]

اختي انصحك بالمدرسة العليا للتعليم
+
اياك وان تبلوكي العام (لا ادري كيف اقولها بالفصحى هههه )
+
ابنة عمي حصلت على معدل 14 في باك 2012 اختارت هندسة معمارية لم يعجبها التخصص فبلوكات العام وركزت الباك ودرست دروس خصوصية وبذلت جهدا خارقا حتى اني خفت ان تتفوق علي ولكن في الاخير حصلت على معدل 11 وهي ترغب في الدخول الى المدرسة العليا بمعدلها السابق

[غريب في بلادي]

يا اختي درك تشوفي لي لبرا اكثر من لي في القسم وناس بكل ناجحة لكنني افضل شعبة تقنية لانك ستملكين وقتا اكبر بالاضافة الى مراجعتك لكل من الفيزياء والرياضيات في مقررها

[ali1994k]

في الجزائر لا يوجد الا الصحة والتعليم

[shy'n]

لكني احب الهندسة المعمارية ...ليس لي مشكل فيها

أنا نعاودوا هذا أكيد لكن هل نبلوكي ام لا ام ادخل مدرسة خاصة ؟ هذيك لي راني حاصلة فيها

ان شاء الله باك احرار 2014 نديوا امتياززز

[sarah milano]

شكرا لك أختي على الرد
فعلا كي تبلوكي السنة الأولى في الجامعة أمر له سلبيات
لكن ماذا عن مسألة تنظيم الوقت ؟ هل يستطيع الواحد أن يوفق بين الدراسة الجامعية و الدراسة من أجل الباك ؟

العفو

نعم للاسف له لكن كاينهناك من يلائمه الامر و كل و مايليق به
انا لم احاول فيها لكي اضع لك شيئا موضوعيا
لكن حسب ماخمنت من تجربتي
يعني شوف انت و مستواك اذا درست جيدا في العام هذا فلن تحتاج الكثير لاظافته

الاولوية واضحة للدراسة في الجامعة في الفصل الاول ثم حمق على الباك في الثاني
كما قلت لك ماهو جيد عند دراستك في الجامعة هو محافظتك على ريتم الدراسة ريتم الامتحانات اي انك ستفعل الكثير في الوقت القليل
لكن هذا شي ستضيعه اذا بقيت في المنزل ستعمل القليل في الوقت القليل و ستتحول الى الة لتضييع الوقت

و لاحظ شيئا مثلا عندما درست الثالثة ثانوي و تنظر الى برنامج الثانية ستتضح لك اخطاؤك ان هذه سهلة هذه يلزملها شوية برك تخمام اه لماذا اعقد الامور اذن لا تحتاج الى الكثير من الوقت

بالاضافة دراستك في الجامعة ستدفعك الى اقتناء الاهم من الباك ذلك ماستفقده عند بقائك في المنزل اي ستبقى تعيد و تعيد الدروس نفس الاشياء حتى مرات 1+1=2 من كثرت تقراها تولي يساوي ستة
و حتى انتقائك للاهم الامور الصعبة لن تكون بالصعبة عليك لانك درست في الجامعة بشرط اختر st او sm لان دروسهم بعضها توسيع لدروس الباك

انا و الله هذا العام كي نجي نحل تمارين الكتاب المدرسي مثلا فزياء مالقيتش واش نحل لانني حليتهم كامل العام الاول هههه علوم نفس الشي
في الاخير ترحلك على جال خطأ حسابي تافه و كل الاخطاء تافهة

تيقن انه بامكانك تنظيم وقتك حسب حاجتك و كاين وحدة سمعت بيها قرات سنة اولى mi زعمة يقولوا صعيبة الشعبة تحصلت على 15 ماجور و جابت الباك ب 16

انت و ارادتك برك هذا مكان اذا كانت عندك ارادة راح تنجح


على كل الاحوال اذا قعدت في بالك فكرة انك لن توفق في الوقت ابلوكي العام لان واحد مراح ينحيهالك اما اذا قدرت تنحيها فعن تجربة شهرين و زعهم على العام الدراسة بجدية تكفيك

[sarah milano]

يا جماعة الجامعة مكان والو العام الوحيد لاي فيه الدراسة هو النهائي تع الثانوية من بعد عيش يا قليل

ارى العكس ارى ان الجامعة راحة تكون باك وراء باك وراء باك
لكن اكيد درنا تجربتنا الاولى في الباك لذلك سيكون سهل ما ياتي

و زيد عندك الحق عندما تدرس تخصص تحبه اكيد سيكون كل شي سهل

[sarah milano]

اختي انصحك بالمدرسة العليا للتعليم
+
اياك وان تبلوكي العام (لا ادري كيف اقولها بالفصحى هههه )
+
ابنة عمي حصلت على معدل 14 في باك 2012 اختارت هندسة معمارية لم يعجبها التخصص فبلوكات العام وركزت الباك ودرست دروس خصوصية وبذلت جهدا خارقا حتى اني خفت ان تتفوق علي ولكن في الاخير حصلت على معدل 11 وهي ترغب في الدخول الى المدرسة العليا بمعدلها السابق

و اللذين اعادوا و نجحوا
انا وحدة تراجعت عن معدلي الاول لكن لاسباب تخصني انا و فقط اخطائي خاصة بي
اما الناجحين طريقهم واحد و باين


بالاضافة كاين هنا فالمنتدى لي عاودوا و تحصلوا على معدلات 15,9و 16

[زهور الياسمين]

السلام عليكم

صح فطوركم

سأقص عليك قصتى

العام الماضي درست بجد طول العام لكن ربي ماكتبليش نحقق امنيتي تحصلك على معدل 12,87 باكالوريا رياضي

واش نقلك شعور لا يمكن وصفه كرهت حياتي لدرجة حبيت ندفن روحي و انا حية بكيت حتى انتهت الدموع

لكن خممت و قلت عله خير

مسحت دموعى و شمرت على ساعدي تجلت رياضيات و اعلام الى و الكل حذرني من الرياضيات و نصحوني باختيار شعبة تشبه الطب لانها كانت امنتى كدراسة البيولوجيا او الهندسة البيوطبية او شبه طبي

لكننى اصريت على الرياضيات صليت استخاره و توكلت على ربي

سجلت بالباك كمترشحة حرة درست تخصصى فالجامعة عادي و يوم انتهينا الامتحانات في فيفري الماضي تذكرت الباك فبدأت اراجع بوتيرة منتخفضة استغليت الفرصة في عطله مارس . حان موعد الدخول درست عادي و قمنا باجتياز الفروض و عندما انهيناها كنا في شهر ماي اجتزت الرياضة و بعدها جلست في المنزل لمدة 3 اسابيع (تربص مغلق ) كانت كافيه لدراسة و حفظ كل شيء

و الحمد لله طلعت عامى و نجحت فالباكالوليا بمعدل 14.26 من الرغم اننى قدمت اكتر لكن الحمد لله ربما احصل على احد التخصصات الطبية

المغزى من قصتى توكل على المولى شوف قدامك و ضع هدفك امام عينك و ستصل بحول الله
ثق بنفسك ما تبلوكيش عامك و ستضرب عصفورين بحجر واحد باذن الله

موفق اخى و اي حاجة اسأل و لا تتردد

بالتوفيق و الله يسهل

[الحرب العالمية]

لكان حاب تجيب معدل كبير بلوكي خيرلك....................
نصيحة مجرب

[عطر السماء]

لكان حاب تجيب معدل كبير بلوكي خيرلك....................
نصيحة مجرب
اوفقك الراى لكان واحد يحب يجبمعدل عالى و يحصل على امتياز لازم يركز فى حاجه وحده