يرحم والديكم جاوبوني المقصود بالتكوين المكمل

[hadjha]

انا عندي ليسناس و ماستر و حاب نشارك في المتوسط واش ندير نحط ديبلوم ماستر 2 ولا شهادة مدرسية و الا حطيت ديبلوم ماستر 2 ممكن يرفض الملف ........ فهموني وجزاكم الله عنا كل خير و صح فطوركم

[نتشة]

يا اختي في المتوسط غير ما تحطيش الماستر لاخاطر يرفضوه انا اليوم رفصولي الملف تاعي و قلك منفدرش نحط ملف خدوخر لاحاطر صايي عرفو بلي عندي ماستر

[hadjha]

صح فطورك اختي نتشة راني خوك ماشي اختك ههههه و شكرا على النصيحة و نقدر ندفع في بلاصة الديبلوم شهادة مدرسية نتاع ماستر 2 ولا ما نريسكيش ندفع الليسانس و فرات و شكرا مرة اخرى

[نتشة]

الله يسلمك و انت زادة اسمحلي و الله السكر طلعلي كي لقيت الملف مرفوض يا ودي غير ادفع بالليسانس خير ما تولي في حاجة خدوخرا انا منفدرش حتى ندير طعن كرهت و الله

[hadjha]

شكرا جزيلا اختي نتشة و صح فطووووووووووووووووورك

[HODHOD HADAHID]

أنا ثاني كيما انت

مالا انا ماندفع الماستر ولا شهادة مدرسية خاصة بالماستر في المتوسط هكاا يقبلو الملف

يعطيكم الصحة

أخي في الملف تاعك في خنشلة طلبو منك الملف باش تخرجش شهادة إدارية في حالة ما خدمت ادماج ولالا؟؟؟

[hadjha]

ايه هنا لي تابع مديرية التربية نتاع خنشلة مطلوب ملف باش يدير شهادة عمل
و الملف هو وضع بتصرف نتاع الادماج و شهادة عمل ادارية من مقر العمل اصلية و طلب خطي وتعهد بلي ماعندكش استخلاف ولا عقود ما قبل التشغيل و نسخة من بطاقة التعريف و محضر التنصيب والا كان المقررة نتاع استخلاف و صك بريدي مشطوا خاص بالمستخلفين و صح فطورك خويا هدهد