بيولوجيا

[زينب07]

واش رايكم في تخصص بيولوجيا واش يقراو فيها
ومستقبلا الخدمة واش يخدمو فيها

[الملكة بلقيس 2]

اختي والله علابالي فيها تخصصات بزاف وعندي بنت خالتي مدايرة مخبر وراهي تخدم في المستشفى
سلام

[زينب07]

مشكورة خيتي
المزيد من الردود

[bodiaiche]

ربي يوفقك في الاختيار نتاعك

[زينب07]

اللهم امين يارب عاونوني

[باك 2013]

السلام عليكم
بيولوجيا فيها فروع عديدة
لازم تكملي الى غاية ماستر 2 خاطر كاين ناس ياسر عنهم ليسانس وقاعدين بلا خدمة
ممكن تخدمي في المخابر وممكن يكون عندك مخبر خاص لكن بسيط
واذا كملتي الدوكتوراه يمكن تقراي في الجامعة
واذا حبيتي تروحي للخارج البيولوجيا عندها قيمة كبيرة قادرة تخدمي في مستشفى كبير
اما حطيتها كخيار 2

[ابتسام18]

وانا كذلك قد اخترت بيولوجيا.....

[ابتسام18]

ولكن لا ادري ان هي ستقبل ام لا ....

[زينب07]

والل ه اختي باك 2013 واش درتي الاختيار انتي ومشكورين عللى الرد انا قالولي مليحة وزدت سقسيت وحدة مدارة دكتورة فيها قاتلي مليحة خير من علوم المادة فيها تخدمي مخبر في السبيطار تخدمي استادة علوم وتخدمي في الصيدلة واله هكا عجبتني من انا خايفة نها لاني منيش فور في الفرنسي ضعيفة بزاف واش تنصحوني

[باك 2013]

انا ايظا سقسيت استاذ في الجامعة يقري بيولوجيا قالي مليحة ياسرخاطر فيها فروع ياسر واذا كنت من الاوائل تقدري تتخصي في تخصصات مايخيروهمش الناس الكل وبالتالي عندك فرص اكبر منهم
انا خايرت علوم اقتصادية في المرتبة الاولى لان فيها فرص عمل اكبروحابة نقرا ادارة اعمال وفي المرتبة الثانية بيولوجيا
بالنسبة الفرنسية سقسيت وقالولي توالفي الناس الكل يقراو بالفرنسي وينجحو نورمال بصح انت لازم تقوي روحك تقراي وحدك فرنسية
ماديريش كيما الاغلبية يقراو بلا فهامة
بالتوفيق

[الملكة بلقيس 2]

اللغة ليست مشكل مع الوقت تتعودي انشاء الله
سلام

[sara.k]

يا اختي البيولوجيا جيدة كدراسة
لكن كمستقبل فانصحكي بالاستشارة اولا قبل فوات الاوان
و على راي لا اظن ان فيها مستقبل
و الكل يقولوا مليحة لكن صعيبة باش تلقاي خدمة و
الكل كي يدروها يحسبوا روحهم راح يفتحوا مخبر ولكن لازم
تكملي دكتوره و هذا مش مضمون انوا الواحد يكمل
و لكن يبقى راي شخصي زيدي إسالي اصحاب الاختصاص

[زينب07]

والله ربي يجيب فيه الخير يارب ينجحنا يارب وسهلنا برك

[it me]

سلام اختي عن خبرة تخصص البيولوجيا تخصص مليح و دراسة فيه مليحة بزاف يشتمل على تخصصات كثيرة و الخدمة في المخابر في وزارة التجارة الا اخره على حسب التخصص و شكرا و الا حبيتي اي اسئلة اطرحي وانا نجاوبك

[lamis932]

انا عندي خويا قرا بيولوجيا و درك راهو يخدم في مخبر

مي قالي مديريهاش خاطر فيها يااااااااسر تمرميد

و ديجا عندنا في بسكرةقالولي مكانش اختصاصات مليحة

[وردة السلام]

السلام عليكم

اختي انا ندرس بيولوجيا سنــــة ثانية

اختصاص انا اخترو عن غير رغبة

وكي نسمع واحد مداير بيولوجي نكره ومبعد كي قريتها وشفت البرنامج حبتها بزااااف وخاصة الفصل الثاني من السنة الاولى رائع

هي صح شويةصعيبة وتحب الواحد يقرا يفهم ويحفظ في نفس الوقت . الفرنسية لاتعتبر مشكل بل بالعكس تتعلمي اكثر حين تبحثين وتحفظي المصطلحات العلمية

بالنسبة للعمل شوفي عندك سنة اولى جذع مشترك كي تنجحي العام نتاعك يمدولك ورقة الرغبات فيها

-- علوم الطبيعة والحياة

--زراعة

اذا اخترت بيولوجيا سيكون مستقبلك اما عاملة في المخابر او استاذة

واذا اخترت فلاحة ولي جاي للجزائر غير فلاحة سيكون مستقبلك في مدرية الغابات او الفلاحة

انا هنا اختي ان اردت الاستفسار عن شيء

وفقك الله

[زينب07]

اهلا حدة واش راكي واش درتي نتيا

[زينب07]

مرسي خيتي وردة السلام مشكورة على الرد والله انا عندي خويا مداير بيولوجيا تاني ولاية بسكرة ويخدم في المخبر انا اتاني مي نحبك تحكيلي واش تقراو في السنة الاولة والعلوم عندها علقا بتاع التانوي لاني انا تقني ومقريتش العلوم
نحبك تقوليلي واش يقراو في السنة الاولى واش التخصصات نحبك خيتي تشرحيلي كيفاه خاصة تاع الزراعة قالولي عليها مليحة واش تنصحيني مع انك مجربة وقريتيها وشكرا وصح سحورك

[وردة السلام]

مرحبا اختي زينب

اولا السنة الاولى عنك فيها سداسيين

السداسي الاول : تقراي6modules لي هوما ( chimie general - mat - biologie cellulaire - methode de travail - histoire de sience - géologie )

السداسي الثاني : تقراي 5 مواد ( chimie organique-bio animal - bio végétal - bio physique- méthode de travail )

كما قلت عند التفرعات في السنة الاولى
عندك ايضا فالسنة الثانية

المهم اختي احس اني لم اعطيك لمحة كاملة لضيق الوقت المهم انت اسألي فقط وانا سأجيبك بحول الله

[زينب07]

مشكورة خيتي بارك الله فيك