هل أتزوجها

[مشكلتي]

السلام عليكم أصدقائي الأعزاء رمضان مبارك للجميع أعاده الله علينا وعليكم باليمن والبركات

أنا شاب عمري 29 سنة تقدمت لخطبة فتاة كانت من إقتراح عمي فهي ابنت صديقه الفتاة ذات دين وخلق لكن المشكة عندما ذهبت لرؤيتها في بيت أهلها يعني الرؤية الشرعية لم تقنعني من ناحية الجمال هي مقبولة الشكل لكن ما أبحث عنه لم أجده فيها و كوني وقعت في احراج لم أستطع أن اقول انها لم تعجبني. وافق اهلها وكل شيء جرى عادي لكن بقيت في حيرة هل بعد الزواج سأحبها أم لا. ام ستبقى نضرتي لها نفسها الآن. المهم بعد شهر افتعلت مشكل وانفصلت عنها المشكل انها تعلقت بي وانا لم أستطع انا اقول لها انكي لم تعجبيني هل ارجع لها لانها تطلب ذلك ام ان اطلب منها ان تذهب لسبيل حالها.

[♥منسّه♥]

الله يهديك يا خويا راك تحوس على الزين مالا
ياو الجمال جمال القلب و الدين ماشي الوجه
بعدما علقت قلب الطفلة بيك راك جاي تقول في هاد الكلام ربي يهديك .. كنت قادر ترفض من الاول كلشي بالسيف غير لمحبة بالكيف كنت قادر تقولهوم اسمحولي ... لكن بعدما ......
ربي يجيب اللي فيه لخـــير

[nouna l maghbouna]

خويا خمم مع روحك و دير اللي يخرج عليك راهي حياتك
ماديرش حاجة انت ميش حابها و امبعد تخدع بنت الناس
ازرب خمم


ربي معاك

[belle foufa]

alzin 3amrou ma3amar aldyar

[naamane3]

فاضفر بذات الدين تربت يداك

[MK**bac2013]

khamam mluh yah hadi hyat w 3achra matazrabch

[مراد12345]

شوف يا أخي

إذا مقنعاتقش

متتزوجهاش

أحسن من أن تتزوج بها ثم تبقى ترى لهذه وتلك

ولربما الخيانة

الحمد لله أنك توقفت الان

أما بالنسبة للفتاة

المرة القادمة حين تتحدث معها

قل لها جملة واحدة

ليس هناك مكتوب بيننا

ربي يجيبلك مكتوبك واقفل الهاتف

[mina_bella]

la ta3jal
lhob yji ba3d lwilf ma tkhaf wkan hiya kif ma 9olt dat din wakhla9 ma rah tindem 3laha
sali salat al istikhara afdal chi

ma tajraha s3iba tikhser wahed t3ala9t bih whlimt tkoun m3ah ma tansa adha hilm ay wahda ykoun 3andha dar wzawj
ma taghlat t9olha inek ma 3jibtini momkin taf9ed ti9etha bnafisha

rabi y9ader li fih al khir nchala

ki ysahelek rabi ma tansa tamina 3lik

[* الحلم سكر *]

كم يعجبني الرجل الذي يقل نعم بقناعة
أو لا بقناعة
اخي الزواج ماهوش مزية ماشي عاجباتك ما تطولهاش و هي قصيرة قلهم ماكانش مكتوب
ما تخليش الطفلة تتعلق بيك و ترسم احلامها و واقعها معاك

لا تفتعل مشكل لا والو قلهم فض المكتوب

نأكدلك حاجة برك الهنا ما عندوش علاقة بالمظهر الخارجي و ان كان من حقك تبحث على الجمال - كل واحد حسب نظرتو - نصيحة حاول تتعمق بالامور و صفات الخطيبة اكثر
استخير و عاود مارتحتش ما تخليش الطفلة تتأمل اكثر و انهي كلش بلباقة
ربي يوفقك للي فيه الخير

[سعد الله]

في الأول الجميع يحصل معه هذا،عد أخي إلى رشدك والله يجمع بينكما في الخير وما تنساش تعرضنا ...

[أمّ عبد الودود]

أتمنى أن تفيدك هذه الإستشارة
http://www.djelfa.info/vb/showthread.php?t=1355102

[حسن 91]

وعليكم السلام ورحمة الله وبركاته
حياك الله أخي الحبيب ورمضانك مبارك
أولا علي أن أقول أنك أخطأت أولا في عدم رفضك من البداية للفتاة إذا لم تكن تعجبك وهذا من حقك لأنها ستكون شريكة حياتك ولا بد أن تكون مرتاحا لكي تظفروا بحياة سعيدة، أما الآن وقد فات الآوان فالقرار راجع إليك اذا وجدت طريقة لينة تقطع بها علاقتك معها كأن تخبرها أو تخبر عمك ليخبرهم أنها لم تنال اعجابك او شيء من هذا القبيل، وانظر مع نفسك واستخر الله، أما من ناحيتي وسأنصحك بناءا على ما أعطيبتنا إياه، الفتاة ذات دين وخلق، فأما الجمال فهو زائل ولا يبقى إلا الأخلاق ولا يخفى عليك أخي الحبيب أننا نعيش في زمان كثرت فيه الفتن وكثرت فيه المتبرجات المائلات المميلات ولكنك ولله الحمد والمنة وجدت ذات الخلق والدين رغم قلتهن، استخر الله اخي الحبيب وقرر، نسأل الله لك التوفيق والسداد في الدنيا والآخرة.

[Sadjia-ikram]

خمم مليييييييح أخي و إياك و الخطأ فكر و فكر و ربي يجيب لي فيها لخير

[loulou02]

[center]أنت أصلا لم تستخر الله !

[size=7]قال الله تعالى " {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.

[tateb]

اختر ذات الدين

[sarl02]

ابزلتها وخلطتها بكراع قط يا الطبق ...هذه الامور ما فيهاش اللعب يا اخي ولازم موقف صريح من الاول ..يعني كنت قادر تجبد روحك بلباقة من الاول الحشمة ماشي مليحة في مثل هاته المواقف .

[بسمة تحدي]

يعني لو كان يقولوك روح تزوجها تروح الله المستعان

راك غالط مليح يا خويا معجبتكش من الاول تحبس كل شئ ...حرام عليك وش راك درة...

كون غير قولتلها من الاول ومتخليهاش تتعلق بيك

هذه تصرفات ليست بتصرفات رجال والله اسف ولكن هذي هي الحقيقة

بش واحد يخيلي وحدة تتعلق بيها وهو مش عجبها هذا تصرف جاهلي

وتاني انت مراكش انسان صريح

المهم بعد شهر افتعلت مشكل وانفصلت عنها المشكل

هذي الي خطبتها حبها ربي والله بينلها حقيقتك من ضوك

سبحان الله دارت مشكل لانو ربي شاف الخير كي تنفارقو

مكاش حاجة تصرالنا في هذي الدنيا الا بحكمة من ربي والله

بك حنا خطرات نجهلو ونقولو وعلاه


انها تعلقت بي وانا لم أستطع انا اقول لها


شفت وين وصلت البنت والله فعلا حراااام عليك لازم من الاول

هل ارجع لها لانها تطلب ذلك ام ان اطلب منها ان تذهب لسبيل حالها

ربي حبها كي انفصلت عنك والله خليها في حالها افضل ومتضلمهاش

مجبتكش هنا تحبس نقطة على السطر

والله والله ربي نجاها منك هذي لازم تحمد ربي سبحانو صبح وعشية

تخيلها بك في نفسك انت تقدر تتزوج وحدة متردة يعني ماشي قابل بيك

نورمال مع الوقت تنساك ويجيها وحد اخر تنساك نورمال

صح تبكي شوية تولي تنساك عادي

ربي يعوضها ماخير منك لانك ببساطة متستهلهاش لانك ممشيتش بنيتك والله

ونقلك حاجة عمرو مكان الجمال مقياس سبحان الله

اسمحلي بلاك ردي شوية بك الا والله غاضني الحال كيفاش تتلعب بي بنت الناس وانت من الاول كنت

قادر تحبس هذي المهزلة

ان شاء الله ياربي يلاقيك بوحدة شابة وعقليا زيو ثما تعرف الجمال وش معناه

بش تلقى فتاة ذات دين وخلق صعيب مي الزين راه داير حال

يخي تخمام الرجال يخي



كيما تلاعبت بيها كيما تجي الي تلعب بيك والدنيا دوارة

[nibrasse 76]

هههههههههههههه خلات عليك من البنات وعلاااه تقولهم على العفسة تاع خلقت مشكلة وجبدت روحك ..... هاذ الاسرار المفروض ما تخرجش

ياخو ؟؟؟

انا نقولك المرا الحنينة العاااقلة تخليك تشوفها أزين وحده فالدنيا === صفي نيتك وخليها على ربي والمكتوب .

[نورسين.داية]

نصيحتي لا تعد لها أخي فزواجك بها ليس لمجرد دقيقة فهو حياة بأكملها ......................
الإنفصال الآن أحسن من الغد ..........

بالنسبة لك أخي الرؤية الشرعية تحتمل القبول كما تحتمل الرفض .......................عادي أبدي رأيك بكل صراحة ..........و كل إنسان ما يأخد إلا مكتوبه

[بسمة تحدي]

نحكيلك هذي الحكايتة تع وحدة صحبتي تقدملها صاحب خوها هي متعرفوش كي خرجت مع خوها بش تشوف السيد كانت واقفة مع خوها تسناه ومبعد هو جه وهي معمبلهاش كان واقف قدامها قاتلو يا خويا وين راه هذا حتى نطق قاللها انا قاتلي هو قال انا بديت نبكي نبكي محبستش قع البكاء قاتلي معجبنيش كي ولينا لدار قلتلهم منتزوجوش قاللها خوها والله اخلاقو مليحة قاتلو لالا قاللها انا نضمنلك وكي جه خطبها فالدار درهم كامل معجبهوش وظل يعايرو فيه قاتلي انا غير نبكي قاتلي حتى درت العقدت وانا قلبي محكوك
المهم تزوجت بيه قاتلي فعلا لقيتو احسن واحد اخلاقو خلتني ننسى كل شئ ضوك عندهم 7 سنوات زواج متفاهمين مشاء الله وديما تقلي انا زوجي اجمل زوج العالم
وقاتلي هي عندي خويا تع مع وحدة شحال شابين قتلي مفاتش عام الا وطلها الطلقة الاولى مهومش قع مهنين
حبيت نوصلك بليك كي تتزوج وحدة قمة في الجمال كي تولي تشوفها ديما هذا الجمال يولي عادي مي اذا كان اخلاقها ملاح راح تحبها اكثر فاكثر

نصيحة اخرى
كون راجل واتخذ قرار لهذه المهزلة
متخليهش هذي لخطبتها تستنى فيك قوللها من ضوك خلاص مكاش المكتوب واقطع معاها وقطعلها الامل اذا مزالها شادة فيك لانها صعيب بش تزيد تكركرها معاك وتضيعلها الوقت خليها تنساك لان النسيان يشد شوية وقت
وطلب منها السماح بش ميبقاش قلبها حاقد عليك وتدعلي عليك راك ظلمتها ودعوة االمظلوم مستجاب صفي نيتك معاها ومع ربي سبحانو
وربي يرزقك الخير ان شاء الله
واسمحلي ع ردي الاول مي تصرفك تصرف مكاش منو تخيلها بك في عمرك انت اكيد مراحش ترضى بيه

[زهرة الاركيد]

:rolleyes::rolleyes:وقيلا نتا معندك عينين :rolleyes::rolleyes:
متخممش عليها راهي دوك تلقا كيالها
ويمكن احسن منك

[سليلة ذات النطاقين]

ذات الدين والخلق عملة نادرة في وقتنا فاستخر وفكر

[souso30]

اخي غلكة فيك علاش مقلتش عمك منزوجش زواج مافيهيش حشومن من من عمك مثل ما قلت ادا حبيت تبطل بطل لان الخطبة وعد بالزواج و ليس زواجا و يحق لكلا الطرفين العدول عنها انا ننصحك تستخر الله و خيرة فيما اختاره الله توكل على الله اكثر من الدعاء و الله سينور عقلك و قلبك لما فيه الخير

[salah abdoune]

تذهب لسبيل حالها.

[سوسو92]

فكر مليح وما تتسرع واتقى الله في البنت اما ان تدعهاا اوتكمل معها لا تتلاعب بمشاعرها

[odyssée]

اخي الكريم من حقك انك تقبل او ترفض نفس الشيء بالنسبة للفتاة غير الزواج مفيهش المجاملات راها حياة كاملة
زيد استخر الله ومن ثم انهي الموضوع يا تقبل يا ترفض

[amouna18]

لا تعلق قلبها بك أكثر ,,,إن كنت لا تريدها بحق

أنت في غنى عن التلاعب بمشاعرها ,,

الله يوفقك لما فيه خيرك و صلاح أمرك

[ايمان ايمانو]

ياأخي الكريم خمم مليح اذا راك مقتنع بها ولا لا واذا رايت راك في المستقبل راك راح تتقبلها كمل و لالا ما تظلم نفسك اولا و ثانيا بنت الناس حبس في الاول خير ما تولي لدار باباه مطلقة ما أكثر هذه الحالات ولي فيها خير يكتبهلك ربي و ان شا الله يوفقك انت وهي .

[التوليب الجميلة]

li rahoum y9olou zin 3amrouuuu ma bna der 3lach li chaba mahach tdir derrrrrrr !!!!!!!!! chouuuuuuuuf khouuuya la3ziiiiiiiiiz sali listikhara w chouf w khameeeeeeeeem nta m3a rouhhhak mana lkadem est ce que rah thabha w sayi tchouf lasifat lakhrin li fiha a part ziiiin balak khouya tafla chaba blakhlak ta3haaaaaa w la rak chayafff baliiiii matakdarch llah ghaleb ma3ajbatakchhh haka c mieux khir ma tawel m3ahhhha w tbanlak kach wahda chaba bzffff aprés tkhaliiiiiii hadi donc matadlamhach zid khamem m3a rouhak w sache biiiiiien koulech balmaktoub

[هبة الله 26]

السلام عليكم
اخي لاتظلم هذه الفتاة
اذا كنت مقتنعا بها فمرحبا واذا كنت مترددا فحل اسرها
اصعب شيء في هذه الدنيا انك (طمع الناس) بهذا الفعل انت ظلمت نفسك قبل ان تظلمها
استخر ادا احسست بميل وراخة لها اللهم بارك
واذا لم تحس اتجاهها باي من هذا الا الشفقة ورخمة فلالالالالالا لان هذا الاحساس بعد الزواج سيصبح ربما كره
فلا تضلمهااااا

[lila z]

شغل زعما انت شباب؟ و فيك كل أخلاق اللي تتنماها أي امرأة
اتقِ الله في نفسك وش تحسب بنات الناس لعبة
و غباء منك جاي تسأل الناس و مخلي الاستخارة
رفعتلي ضغطي و انا ماشي ناقصة
أقول لك لا تتزوجها لأنها تستحق أفضلَ منك!!!!

[zalamite]

ما معني هل اتزوجها ...شغل راح دير فيها مزية.. انت ممثل تاع وزارة التضامن والا اليونسكوا.... خليك يا راجل من التفاهات عجباتك اللهم بارك ما عجباتكش خليها الزواج ماشي لعب او ماشي مزية.

[بسمة تحدي]

شغل زعما انت شباب؟ و فيك كل أخلاق اللي تتنماها أي امرأة
اتقِ الله في نفسك وش تحسب بنات الناس لعبة
و غباء منك جاي تسأل الناس و مخلي الاستخارة
رفعتلي ضغطي و انا ماشي ناقصة
أقول لك لا تتزوجها لأنها تستحق أفضلَ منك!!!!

مني لكي الف تحية وسلام والله

كلامك في الصواب


وتاني باين من هدرتو انه مش صريح وتلاعب بيها ;وبمشاعرها ومقدرش يواجها


ووحدة ذا ت دين وخلق متسحقش راجل كيما هكذا

يقلك الطيبون لطيبات

ربي شافلها الخير

حتى انا ضعطي ارتفع ربي يهدينا يارب