حايره في امري

[دلال سوفية]

السلام عليكم حبيت اني اطرح مشكلتي وتعطوني حل انا ملي كنت نقرا في ليسي باك تعرفت على شخص معرفه سطحيه وممباعد طورت شويا كلمتني امو واختو وبسالوا عني ويضحكو معايا وقالولي انتي كملي لجامعه وهو يخدم ونكملو لبناء نتاع الدار نديرو خطبه رسمي وتزوجوا بقت الامور ماشيه عادي ايا سنة التخرج قال لدارهم رانا كملنا لبني وهي راح تتخرج نتقدمو للخطبه قالولو غير هدي لالا ماتديهاش ولو يهددو فيا بعدي عليه .....يعني الان بعد7سنوات انتظار هو قالي نزوجوا نجي انا لداركم نخطبك ونديك وانا اهلي ادا انا وافقت مش راح يقولو لالا بصح راني خايفة من دارهم عاونوني من فضلكم وش ندير

[ghaza_01]

خليها علي ربي اختي

[دلال سوفية]

سبحانوا ...انا راني خايفة نزوج بيه اهلوا يديرولي لمشاكل

[simmou]

استخيري وربي يجعلك مخرج ان شاء الله

[nouna l maghbouna]

سبحانوا ...انا راني خايفة نزوج بيه اهلوا يديرولي لمشاكل

كي تكوني انتي عاقلة معاهم و محتارمتهم هوما ميش رايحين يديرولك المشاكل

ربي يهنيك

[بسمة تحدي]

7 سنوات انتظار ؟؟؟؟؟

ياااااااااااه وعلاه التلاعب بب بنات الناس ؟؟


نقلك حاجة اختي فوضي امرك لربي سبحانو وتوكلي عليه هو الوحيد الي يقدر يخرجك

من هذي المحنة

انتي خمي بعقلك ماشي بقلبك

واذا تزوجتي بيه ومتفهمتيش مع يماه راح تكثر المشاكل الخلافات

انتي استخيري وتوكلي ربي

ان شاء الله الفرج قريب

[ghaza_01]

اختي عامليهم دايمن بالحسنة فما مايقدرو بدرو والو
وحنا السوافة معروفين يحبو يمشيوا رايهم
امالا باخي هو حاب يتزوج بيك
توكلي علي ربي واستخيري

[Assouma 93]

يا اختي الناس جهلت سبع سنين و هوما مطمعينك واش هاذا انا ننصحك تستخيري و تشوفي و ربي يكون معاك ان شاء الله

[imane bela]

ila rakom metfahmin w 3arfa darkom mahach y9olou lala
alr wa3lech elkhouf
yak esah f eradjel ki houwa habek w enti habatou khlas
rebi ykoun m3ak w kima 9aloulek elkhawa sali istikhara w nchallah maykoun gheir elkheir

[مريم الصابرة]

السلام عليكم اختي
انا من رأي تزوجي بيه حرام عليهم 7 سنن كاملة ومن بعد يجو يقولولك لاا ربي يهديهم
المهم هو مازال عند كلمتو من رأي تزوجي بيه ومن بعد واش راحين يديرو ما يديرو والو وحبيتي تضيعي كامل هذو لعوام تروح هكذاك هذو ماراهمش غوال راحين ياكلوك وثم هو يكون زوجك هو يهدر معاهم من رأي إذا اهلك قبلوه تزوجي بيه وربي عالم إنت ما درتيش هكذا من نفسك هوما خلاوك تتزوجي بيه بالطريقة هذي موفقة

[naamane3]

يعني 7 سنوات انتضار ولاشيئ رسمي
لا خطبة لا عقد لا والو
انا نغلطك انت لان هذه نعتبر علاقة غير شرعية
لا يوجد فيها اي شيئ رسمي
اسغفري الله على ذنبك وتوبي اليه
اما هذا الشخص اذا كان رجل وله كلمته فلن يتخلى عنك
واذا كان اهله من يتحكمون فيه فتركه احسن
والله المستعان

[soso sirin]

مي يا اختي مافهمتيناش علاه قالو لالا بعد ماكانو هدرو معاك كاين حاجة في القصة ماشي نيشان.مي نقلك حاجة اذا ماليه ماشي قابلينك و كارهينك غير اجبدي روحك من ضروك ماراكيش مرتو باه نقلك زيدي اصبري معاه مازالك على الشط غير اقصري الشر خير هذا زواج ماشي حرب .انتي اذا لعبو بيك ماتخافيش ربي راح يعوضك خير ان شاء الله و كلي ربي و كلشي راه بيديه و اذا كان مكتوبك راح تديه كون الناس كامل تقول لالا .ربي يقدملك الخير سواء فيه و لا في غيرو مي خممي مليح .حاجة وخدخرا في رايك انتي اختي ماليك عارفين بلي مالين الراجل ماشي قابلينك و يمدوك هاذي ماضنيتهاش الوالدين كي يبغو يزوجو بناتهم يبغوهم يروحو للهنا ماشي للمشاكل والله اعلم ا

[دلال سوفية]

عندهم هكا عقلهم شافو ولدهم يحبني قالو لالا حتى انو خوه الي اكبر منو حب وحده من لفمي قالولو لا كيولا يحبها وزوج الي خطبتها امووهو عندو غير شهور مزوج وبدأ في مشاكل مع مرتو مازال عندنا عقليات ناقصه نتاع لوالدين يحبو يسيطرو على ولادهم حتى على حساب تعاستهم ربي يهدي

[دلال سوفية]

نسيت نقول شكرا لاخوات عالردود ربي يخليكم والله نحيتو عليا شوي

[nibrasse 76]

طيب وانت يا صاحبة الموضوع اين أهلك من الحكاية هاذي كامل....؟؟؟؟ تاع 7 سنين ....والوعود مع دراهم ...والخطبة ....راكي فاتحة مكتب

وحدك عند روحك ؟ ــــــــــــ الانسان والله رجع يخلع لو كان يوصل نهار وتجي ابنته تقولو راني خلاص تزوجت ولا قررت نتزوج فلان ...؟؟؟

نهارها تسمى الزمان عمل دورة ورجع لنقطة الصفر يعني يولي الاب لما تولد عنده انثى يدفنها حية .

[لمياء كوكو]

أنصحك أختي ماتتزوجيش واحد بدون رضا والديه


حذاااااااااااااري الا رضا الوالدين تتحاسبي عليها

[souso30]

الله يهدي امهاتنا

[ريماس وصهيب]

وكلى ربي واستخري ربي هو الي يفرج عليك وان شاء الله يفرج على بنات المسلمين كاملين يارب