مشكلتي و أقرب الناس لي

[مشكلتي]

السلام عليكم
قلبي راه معمر و على هذا ندخل مباشرة في مشكلتي يا خاوتي وصلت وين الوالد انتاعي يقولي البايرة غاضتني عمري مي راني دايرة كي شغل حاجة ماصرات و انا راني قريب نطرطق عمري 28 سنة و اختي لي بعدي 26 سنة الوالد تاعي عيا صابر و يخبي في قلبو و كي شاف كامل جوارينا صغار علينا تزوجوا و بقينا غير احنا ماقدرش يصبر و راهي يشوف ليا بنص عين راني حاسة بلي راه شاك فيا كاش مادرت و على هذاك ما تزوجتش مي انا و الله غير نمشي بنيتي عمري مانهدر مع راجل و يقول لأختي الثالثة تقرا في الليسي حتى انت راكي قد زواج
خاوتي ادعولي ربي يرزقني وليد الحلال ، صح السن تاعي يخلي الواحد يقول عليا هكاك راني صابرة و ندعي في ربي و لكن الوالد تاعي نظرتو راهي غير تتبدل راني صابرة و حاسة روحي رايحة نطرطق
الوالدة تقولي راكي غايضتني و قاسمتلي قلبي ................ و منين ذاك تشفق عليا و منين ذاك تعايرني و تقولي أعلابيها بقيتي عرة النسا

[kmilya]

مافيهاااااااااش عيب مجاكش نصيبك راكي قاعدة خليهم يهدرو كيما يحبو
والله نكره الحكاية تاع باااااايرة وش فيها كي مزوجتيش عيب ولا حرام
صلي ربي وكملي حياتك نورمال ومتعيشي لحتى واحد

[كغومة]

ايه مزالك وتتزوجي ان شاء الله وتحملي والدك والدتك والله هوما يحبلوك غير الخير وراكي عارفة المجمتع نتاعنا ظالم

وبالتوفيق ان شاء الله

[nouna l maghbouna]

ربي يهديهم واش هاد الهدرة
الناس جهلت

اختي اصبري و ادعي ربي يرزقك الزوج الصالح يا رب
و ارقي
ماتعمريش راسك

ربي معاك

[بسمة تحدي]

اول حاجة لازم تغلقي وذنيك ومتسمعي لحتى واحد خلي الناس تهدر على هواها

ثاني حاجة وهي لازم يكون ايمانك قوي بقضاء الله وقدره

لاااااااااااااازمك تحمدي ربي على كل حاااااااااااااااااجة في حياتك

اي حاجة تصرالك الا وفيها حكمة من عند ربي سبحانو

اكثري من الاستغفار بش ربي يغفرلك يمكن كاين ذنوب درتيها تمنع عليك الرزق

المهم انتي اكثري من الاستغفار بنية ربي يغفرلك وبنية ربي يرزقك بالزوج الصالح

اكثري من الدعاااااء وخاصة احنا في شهر الرحمة والبركة

وكذلك الصدقة بنية ربنا يرزقك انتي واختك الزوج الصالح

المهم انك متقنطيش من رحمة ربي

والله يا اختي والله العلي العظيم لو واظبتي على الاستغفار راح تشوفي الخير والخير رني نهدر وانا متاكدة من واش

راني نهدر


كوني بك قوية ومتفقديش الامل في ربي سبحانو

وادعيه وانت على يقين من الايجابة

وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِي إِذَا دَعَانِي فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ

قومي الليل وادعي في الثلث الاخير من الليل

وكي تضعف نفسك اتفكري هذي الاية

***ومن يتق الله يجعل له مخرجا ويرزقه من حيث لا يحتسب ومن يتوكل على الله فهو حسبه إن الله بالغ أمره قد جعل الله لكل شيء قدرا **

تاكدي مكتوبك يجي يجي باذن الله

ان شاء الله عن قريب تحطي موضوع وتقوليلنا رني تخطبت

[انتي بلون الورد]

ربي يرزقك الزوج الصالح يا رب.والله حاسة بيك اختي سيرتو غير تكون من اقرب الناس.ادعي ربي و ان شاء الله ميجي رمضان يخلاص تجي تفرحينا ب لي جاو خطبوك.و راه كلشي بيد ربي غير حنا نجهلو و نقلقو رواحنا

[nasser26]

اقولها و بكل غلظة عيب على والديك ان يتحدثو معك بهذه اللهجة والله عيييييييييييييييييييييييييب

ما بال الناس فس وقتنا هذا .......ما بالهم

[نورالهدى بيولوجيست]

اختي 28 سنة مازالك مانقولش صغيرة بالصح راكي غير كيما تعدلتي و نضجتي ........اهلك رايديللك الخير مش اكثر ماكانش والدين مايحبوش الخير لبنياتهم و انتي ماتدعيش يجيك زواج و خلاص ادعي يجيك زواج العمر الزواج اللي ماتندميش عليه و يرضاهلك ربي سبحانو

واش نقول لوخيتي : خلي صيلتك بربي قوية وراني ندعي ليا و ليك : اللي فيها الخير يقدمهالنا ربي .....امييييييييين

[{مـشـاكـسـهـ}~]

اول حاجة لازم تغلقي وذنيك ومتسمعي لحتى واحد خلي الناس تهدر على هواها

ثاني حاجة وهي لازم يكون ايمانك قوي بقضاء الله وقدره

لاااااااااااااازمك تحمدي ربي على كل حاااااااااااااااااجة في حياتك

اي حاجة تصرالك الا وفيها حكمة من عند ربي سبحانو

اكثري من الاستغفار بش ربي يغفرلك يمكن كاين ذنوب درتيها تمنع عليك الرزق

المهم انتي اكثري من الاستغفار بنية ربي يغفرلك وبنية ربي يرزقك بالزوج الصالح

اكثري من الدعاااااء وخاصة احنا في شهر الرحمة والبركة

وكذلك الصدقة بنية ربنا يرزقك انتي واختك الزوج الصالح

المهم انك متقنطيش من رحمة ربي

والله يا اختي والله العلي العظيم لو واظبتي على الاستغفار راح تشوفي الخير والخير رني نهدر وانا متاكدة من واش

راني نهدر


كوني بك قوية ومتفقديش الامل في ربي سبحانو

وادعيه وانت على يقين من الايجابة

وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِي إِذَا دَعَانِي فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ

قومي الليل وادعي في الثلث الاخير من الليل

وكي تضعف نفسك اتفكري هذي الاية

***ومن يتق الله يجعل له مخرجا ويرزقه من حيث لا يحتسب ومن يتوكل على الله فهو حسبه إن الله بالغ أمره قد جعل الله لكل شيء قدرا **

تاكدي مكتوبك يجي يجي باذن الله

ان شاء الله عن قريب تحطي موضوع وتقوليلنا رني تخطبت

الاخت كفات و وفات

[maya bouharoun]

ُ28 سنة ماكيش كبيرة هادا الوقت المناسب

[nibrasse 76]

سبحان الله ...كلام يدل على انعدااام المسؤولية تماما لدى بعض الاولياء ...في مكان ان يحاول الوالدين تعويض ذلك الجانب لدى ابنائهم بزيادة

الرعاية والاهتمام ..ينطقون بكلام كهذا ؟؟

لو كانت الفتاة هي من اختارت وضعها هذا ...........لكانت أيضا اختارت أب وأم ....مناسبين لها وفي المستوى اللائق بالوالدين ...؟؟؟

المفروض توضع شروط للتزاوج بين بني البشر ...لانه من الظلم ان نترك المعتوهين والبلداء يشرفون و يتحكمون في حياة عباد الله ..دون

اي ذنب ارتكبوه ؟

[doba]

ربي يفرحك اختي

[tateb]

ان الله يرزق الانسان من حيث لا يحتسب
الله يرزقك بولد الحلال
سنك 28 سنه هو المناسب للزواج

[Angleeyes]

ربي يهدي والديك كلش بالمكتوب و مكتوبك مازال ماجاكش هذا راه جهل اكثري من الدعاء اختي و راهي جاية ليلة القدر و ان شاء الله يفتح عليك ربي بولد الحلال.

[جلة نور]

لا حول ولا قوة الا بالله حال مجتمعنا يدعو للبكاء
ماهذا؟؟
هذا الامر ليس معك فقط اختاه بل مع معظم الفتيات الذي لم يرحمهن المجتمع وكان الزوجا هو الحياة هو ليس كذلك هو محطة في هذه الحياة قد نمر عليها وقد لا الحياة ستستمر سواء تزوجتي او لا ادعي الله والزمي الاستغفار واملئي وقتك ولا تستمعي لكلام احد لعل الله يخبئ لك ماهو افضل
بالتوفيق

[souso30]

سا اختاه اصبري و احتسبي امرك لله اكثري من الدعاء ربي لا تدرني فردا و انت خير الوارثين و كدلك ربي اني لما انزلت الي من خير فقير والديك حرام عليه يزيد عليك و يعايرك هو لي يقولك بنتي مزالتي صغيرة و وزاج مراحش يغير اليوم باقى حتى زواج راكي قاعدة في الدار احسن ما تتزوجي و يكون زواج تعيس في اخير ترجعي لاهلك اختي ما تقلقيش
راكي صغيرة وزواج مكاتيب الله مثل الموت ابوك الله يهديه و يغفرله وراني حاسة بيك حنونة لكن واش نعملو زواج مكتوب ربي مشي قماش تفصلي و تلبسي

[ملاك الامل]

راكي مازلت صغيييييييرة
ربي يرزقك بالراجل الصالح

[naamane3]

قبل ان ابدأ في الكلام دعيني أولا أعرج على أبيك
هذا الأب الأحمق الغبي أسف على التجريح كيف لا
وهو يذمك علي أمر ليس بيدك على أمر بيد الله
أولي به أن يكون في عونك أن يدعو لك
أن يعملك كيف ترضين بقضاء الله وقدره أم انه يريد التخلص منكن
سبحان الله اين درس هذا الأب اين تعلم
المهم يا أختي آسف مرة أخرى على التجريح
اذا قال لك هذا مرة أخري أخبريه أن الحل بيده
واذا سألك كيف أريه هذا الفيديو
http://www.youtube.com/watch?v=NYRVSzFZdp4
واطلبي من امك ان تدعولك بالخير
واكثري من الاستغفار فهو الحل اليقين
عن عبد الله بن عباس رضي الله عنهما قَال :
قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ :
( مَنْ لَزِمَ الِاسْتِغْفَارَ جَعَلَ اللَّهُ لَهُ مِنْ كُلِّ ضِيقٍ مَخْرَجًا ،
وَمِنْ كُلِّ هَمٍّ فَرَجًا ، وَرَزَقَهُ مِنْ حَيْثُ لَا يَحْتَسِبُ ) رواه أبو داود

[*اية*]

سبحان الله ...كلام يدل على انعدااام المسؤولية تماما لدى بعض الاولياء ...في مكان ان يحاول الوالدين تعويض ذلك الجانب لدى ابنائهم بزيادة

الرعاية والاهتمام ..ينطقون بكلام كهذا ؟؟

لو كانت الفتاة هي من اختارت وضعها هذا ...........لكانت أيضا اختارت أب وأم ....مناسبين لها وفي المستوى اللائق بالوالدين ...؟؟؟

المفروض توضع شروط للتزاوج بين بني البشر ...لانه من الظلم ان نترك المعتوهين والبلداء يشرفون و يتحكمون في حياة عباد الله ..دون

اي ذنب ارتكبوه ؟

نفس رايي:19:

[يوسف برياني]

ربي يعطيك واحد وليد الحلال ويفرج عليكم

ربي يهدي الوالد على الكلمة لي قالها
أميــــــــــن

[التوليب الجميلة]

incha'lllllllah khtiiiiii rabi yrazkeeeeeeek bzawj saleehhh li ynasik kamel had laklam nti w khtek w zwaj balmaktoub khtiiiiiiii w koul wahad w maktobouuuuu matkalki rouhhhhhak mat9ouliiiiiii lhal b3idddddd ya3ya w yfarejjjjjj rabiiiiiii inchaaaaaaaallah

[ess usmh 19]

Hadi hadja machi byedek ya khoti hada mktob rebi
rebi yjiblkom wlid hlal

[هاجر78]

ربي يبعثلك ابن الحلال الي يفرحك ويهنيك ماتعمريش راسك الي قدك هادا وينر اهم يخمو باش يتزوجو ماكيش كبيرة بزاف

[Assouma 93]

واش هاذ الهدرة الزواج قسمة
ونصيب و بيد ربي حتى واحد
ما لقاها كيما راه حاب انت اختي
متسمعيلهمش و قومي الليل في
ليلة القدر و ادعيه يرزقك الزوج
الصالح و ان شاء الله ربي يستجيبلك

[hamza touazi]

لاحول ولاقوة الى بالله اختاه كل شيئ بالمكتوب وكل شيئ بيد ربي سبحانو متتقلقيش مشي نتي ولا اخر وحدة مزال متزوجتش ابوك ربي يهديه علابالي راح حاب يستركم قبل ميموت مي ربي مزال مكتبش ادعي وصلي فقط ربي يجيبلك لي فيه الخير والصابر ينال

[* عبد الجليل *]

ربي يرزقك ان شاء الله ولد الحلال اللي يسترك وتكملي معاااااااه نصف الدين وتتهناي
والديك لازم تتحمليهم ماعندك ماديري راكي عارفة الوقت ماراهش يرحم وشافيها يلا عايرووووك ماشي عيب والله بالعكس احسن لك تقعدي هاااك عفيفة حتى يجي مكتوبك خير من جيرانك ماعليكي سوى الصبر والتحمل ربي معااااااااااااك ان شاء الله

[natacha.amir]

ههههههه مازالك صغيرة وزواج مكتوب قادرة تزوجي في أي وقت انا مثلا عندي 30سنة هذا وين تخطبت وعرسي عام جاي نكون 31سنة متقلقيش روحك وادعي ربي زوج صالح وباباك قولي ليماك تهدر معاه وتقولو يحمد ربي لانو عندو بنات مربيات وصانوه و الوالدة وعلاش تقولك راكي غايضتني و قاسمتلي قلبي!!!!! فهميها وقلها ماتزديش تقوليلي هاك واذا مزوجتيش راح تموتي!!! ربي حاب هاكا ونصيبك جاي.ماتخليش هاذ الفكرة تسيطر عليك والحياة مافيهاش غير الزواج.عمري وقتك وكل واحد حوطيلو حد

[sarl02]

للاسف هده هي بعض اخطاء الوالدين التي تؤدي احيانا الى ما يحمد عقباه وسيحاسبون عليها عند الله ..واش انقولك ان شاء الله ربي يرزقك بولد الحلال الي اعوضك خير وربي ان شاء الله يهدي والديك .

[midou26]

kabri 9albak ma soeur et lah yahdi waldik.en plus haddou swalah rabi sobehannou mazall nassib majach osssobri wa3la rabi el faraj.wehadi ta3 bayerra ga3 machi 3akliya lah yahdinna