أريد آراءكم

[مشكلتي]

السلام عليكم
أريد طرح قضية خاصة عن عائلتي
أنا امرأة متزوجة وعندي طفلان الحمد لله على كل شيء المهم :
زوجي كان يعمل عادي وبين ليلة وضحاها أصبح بدون عمل وذرك راهو يتعب باه يجيبلنا لقمة الخبز وزيد أنا راني نعاون فيه في الدار لأني أعمل بعقود لانام
المهم في القضية ليس أنا وإنما أختي
أختي في عمرها 33 سنة وقارية لاباس بيها وتعمل مثلي عقود لانام وزيد أمي راهي تصرف عليها كيما تحب يعني راهي في رحمة ربي
جاها خاطب من العايلة يخدم عند روحو
يعني يعمل الفلاحة والأغنام والنحل
أنا نصحتها قلتلها اصبري يجيبلك ربي واحد قاري خير منو
هي راهي محتارة وأخواتي المتزوجات شجعوها وكذلك زوجات إخوتي
أما أمي ماراهيش متحمسة وخاوتي قالولها كيما بغيتي ديري لأنو الأب متوفي ربي يرحموا
إخوتي هل أخطأت عندما قلتلها أصبري يجيبلك ربي واحد خير منو أم لا
باعتبار أني راني نتعب بزاف في مصاريف البيت وندير حسابات بزاف ما بغيتهاش هي تاني تتعب كيفي
أنا بغيتلها مصلحتها من فضلكم إنصحوني وانصحوها

[مراد12345]

تحوسوا

على بطاقة التأمين

لا مشكل في ذلك

آخر دراسة نشرت الأسبوع الماضي تقول

أن هناك يوميا 13 حالة زواج من أجنبيات من جزائريين

ونحن لدينا 14 مليون عانس

ومازلت الناس تتحدث على بطاقة التأمين ................

المهم

بالتوفيق

[Assouma 93]

انا اختي يظهرلي خليها تروح دير دار و اولاد على روحها 33 سنة و تقوليلها اصبري ربي يجيبلك احسن منه لالا لازم تشجعيها بدل ما توقفي في طريقها و ربي معاكم ان شاء الله

[سنة4]

ياختي خليها تدي قرارها بعقلها ماشي تفكيرك او عقلك يلي صرالك ماشي بالضرورة يصرالها او زيد الخدمة هذي ماشي عيب راهو ربي يلي يرزقك او زيد راهي مهيش صغيرة ياربي دير دار او ولاد ربي يجيبلها يلي فيه الخير

[بسمة تحدي]

استخارة ثم استخارة ثم استخارة

ربي يقدملها الخير

[hoda zakaria]

نقولك قوليلها تصلي صلاة الاستخارة

وتاني اذا كان هاذ السيد راجل صالح وعلاش لالا ............كامل الرجال تتعب باه تجيب مصروف عايلتها وماتعرفي بلاك ربي يرزقو هاذ السيد على وجهها

[salsila]

اختي المشكل ماشي في السن انا نقولك الرزق بيد ربي واحد فينا ماشاف حياتو كيفاه تكمل كاين لي يخدمو وقاريين ويصراولهم مشاكل و يطردوهم من الخدمة وكاين لي خدامين عند رواحهم ولاباس بيهم والعكس انا نقولك ادا كان هدا الراجل مصلي وخايف ربي وعاقل ووليد فاميليا خليها تروح وربي يسهلها انشاء الله

ونصحيها بالدعاء وصلاة الاستخارة والاكتار من الاستغفار

[جمعي البشاري]

ونصحيها بالدعاء وصلاة الاستخارة والاكتار من الاستغفار

[ايمان نور الجزائر]

أفضل شيء تفعله هي الاستخارة ثم الاستخارة ثم الدعاء.....
وان ارتاحت نفسها له فالخيرة فيم اختاره الله لهااااااا وفقط

[doba]

kolch b lmaktoube

[tateb]

اذا كان اخلاقه حميده ما المانع من القبول

[ملاك الامل]

ربي يهديك اذا كان راجل صالح ويتقي ربي الخدمة ماهيش مهمة ذرك نلقاو البنات عندهم الديبلوم اكثر من الرجال اذا تبعنا الديبلوم حتا احد لا يزوج

[naamane3]

أعرضي نفسك واختك علي هذا الحديث
قال صلى الله عليه وسلم: " إذا جاءكم من ترضون دينه وخلقه
فزوجوه إلا تفعلوه تكن فتنة في الأرض وفساد كبير "
ثم قرري
والله المستعان

[hamza touazi]

ختي انت عندك الحق مي ختك راهي كبيرة تان خليها تتزوج وتتهنا السيد بقار عندو دراهم خليها تروح تستر واصلا الصح الدين والصلاة هما اللي لازم تسقسو عليهم

[* عبد الجليل *]

هادا مكتوووووووب ربي واحد مايقلعه ربي يكمللها بالخير ان شاء الله

[natacha.amir]

انا ضد زواج ليمافيهش تكافؤ انا ضد وحدة قارية تدي واحد ماشي قاري اما ناحية المادية ماتهمش رزق على ربي قادرة تديه خدام ويحبس كيما صرالك

[midou26]

slt.kifache tat3ab .deja raki dgoulli khadam 3and rouhah (machiya wanehalll)maktoubeha hada howa surtou ida kanne had siyad inssane mlih wi yekhaff rabi sobehannou .sache ke rabi jamais yanssa 3abdah.et ta3b ta3ak chouffih men jiha ijabiya .walah ghi rabi li yaaraf sselahnna wi yemadelnna wach nestehllou donc hamdollah ala kolche .lah yehanikom

[amina bourennane]

اختي راكي غالطة الرزق بيد ربي خليها تتزوج مسكينة راهي 33 سنة والسوارد اختي والله ماهي كلشي في الدنيا كاين حوايج اهم منها كيما الدين والصلاة خير ما تدي راجل عندو السوارد ونسواني يروح يدير حوايج حرام مبعد ماتفيدهاش السوارد وربييهنيها ويهديك انشالله

[loulou02]

إذا الخاطب ولد فاميلية و مربي و عاقل تتوكل على ربي و دير النية معاه ، طبعا ما تنساش الإستخارة ، و زيد قلتي عندها 33 سنة الله يبارك ، لوقتاش تبقى تستنى ؟

[Sadjia-ikram]

شكون لي راه لباس بيه في بلادنا غير الفلاحين أختي خاليها دير لي يخرج عليها و الرزق على الله و كيما يقولو لي مكتوب ف لجبين تشوفو لعين

[baddori]

ألم تقولي أن زوجك كان يعمل,,,, حتى هي يمكن أن يحدث لها مثلك ,,, أتقوا الله ربي هو الرزاق وكل واحد يوكل واش كتبلو ربي

[عبد الله 22]

إخوتي هل أخطأت عندما قلتلها أصبري يجيبلك ربي واحد خير منو أم لا
باعتبار أني راني نتعب بزاف في مصاريف البيت وندير حسابات بزاف ما بغيتهاش هي تاني تتعب كيفي
أنا بغيتلها مصلحتها من فضلكم إنصحوني وانصحوها[/quote]
السلام عليكم أسمحيلي يأخت أعتقد ان المشكلة عندك من خلال كلامك تقول لها لاتغلطي الغلطة نتاعي ،يأختي الحمد الله أن جاتك في البطالة، كان الله قادر ببسطة يعطى لزوجك أموال أكثر لكن ينزع أمور أخرى، يأخت إن شاء الله تكون أزمة عندك وتفوت، من الافضل أن لا نسقط أقدارنا على الاخرين، الله المستعان

[biologie2001]

ادا كانت هي مقتنعة بيه فلتتوكل على الله..... اما ادا كانت تفكر انها وصلت 33 سنة و عليها الزواج و بناء الاسرة يعني انها غير مقتنعة فلا داعي اختي لانها ستعيش حتما على قول لو كان .. و الله اعلم

فلتستخر الله

[أمة الله 12]

أعرضي نفسك واختك علي هذا الحديث
قال صلى الله عليه وسلم: " إذا جاءكم من ترضون دينه وخلقه
فزوجوه إلا تفعلوه تكن فتنة في الأرض وفساد كبير "
ثم قرري
والله المستعان



يا اختي انت فقط تتحدثين عن الماديات لم تذكري عن دينه و خلقه شيء

لذلك شخصيا لا أستطيع نصحك, لكن عليك اعادة التفكير من منطلق الحديث الشريف الذي دلكم عليه الأخ نعمان

من الأفضل ان لا تتدخلي و اتركي القرار لأختك

وفقكم الله لما يحبه و يرضاه