والله ما نسامحكم كون ما تدخلوش

[wafa hanine]

اخواتي اخواني ساعدوني انا عروس جديدة انتقلت الى منزل جديد كي خدملي البناء الكرلاج زاد خلط فوقوا الاسمنت و محبتش تروح اثار الاسمنت كيفاه نحيه و الله عييت و معرفتش كيفاه لي عندها الاجابة تساعدني و اجركم لله.و صحا فطوركم

[صفراني]

ديري قارورة اسيد او سبيريتو وحكي بالكوطو

[yacine drioua]

ديري لاسيد فوقو وحكي غايا حتى يروح لاسيد ينحيه

[ميمنة الجزائر]

لازم يخدمولك هو يعني ماشي خدمة تاع الاسيد يجرحلك الكغلاج لازم يبونسيه يجيب واحد يخدمولو خليه

كي يعود عندكم الدراهم لازم تبونسيه برك يتنحالو يولي يشعل والاسيد رايح يفسدلك الكرلاج بالاكي

[lamiss algeria]

صح لازم يجي خدام مختص فالبونساج ينحيه بكل سهولة اختي ماديريش لاسيد شكرا

[بيزة الشاوية]

أختي ما تعمليش لاسيد يأكلك الكارلاج أشري راطو أو بالموس و أبرشي السيما بالشوية كل يوم جهة صحيح هي متعبة لكن هذا هو الحل خير من استعمال لاسيد صحة فطورك

[رحمةنور]

البناء الذي وضع لنا البلاط كان يضع بقايا النجارة ثم ينظف بالمازوت ولم يبق أي أثر للإسمنت. جربي المازوت قد ينفعك

[wafa hanine]

شكرا لكم كلم على النصائح حنوناتي و صحا سحوركم

[maadi]

لازم يخدمولك هو يعني ماشي خدمة تاع الاسيد يجرحلك الكغلاج لازم يبونسيه يجيب واحد يخدمولو خليه

كي يعود عندكم الدراهم لازم تبونسيه برك يتنحالو يولي يشعل والاسيد رايح يفسدلك الكرلاج بالاكي

[البية ام فارس]

لازم يخدمولك هو يعني ماشي خدمة تاع الاسيد يجرحلك الكغلاج لازم يبونسيه يجيب واحد يخدمولو خليه

كي يعود عندكم الدراهم لازم تبونسيه برك يتنحالو يولي يشعل والاسيد رايح يفسدلك الكرلاج بالاكي
عندها الحق

[hadjer2008]

رودي بالك يا ختي متديريش لا سيد بونسيه برك او ماتدريش المازوت:)

[sara160349]

انا درت espri de sell روح الملح يغلي شوية و حكية بمصلحة خشينة صح متعبة و الريحة بصح كي تخلصي ديري ايزيس و جافال تولبي الدنيا تبرق ما تجرحلي الكارلاج ما والو و مع التسياق بزاف يزيد يرطاب و يبياض

[سلسبيييل]

نقولك على سر تنظيف الكارلاج ديري نصف قرعة ايزيس ونصف قرعة جافيل براف وديري معاهم خميرة الخبز و خلطيهم مليح ديريهم فوق الكارلاج وخليه ينتفخ ومن حكيه مليح و النتيجة هايلة رديلي الخبر

[سلسبيييل]

ونزيدك نصيحة مدابيك ماديريش لاسيد و لا المازوت غادي يضيغلك الكارلاج

[سمراء الدنيا]

شكرا لكن سيداتي على المساعدة وفيتن و كفيتن

و الاخت سلسبيل طرحت فكرة جديدة ان شاء الله نجربوها شكرا لك اختي

[المؤمنة أريام]

اختي نحنا ثاني نقلنا لبيت جديد ونفس المشكل يلي واجهتيه احنا ديرنا بنزين السيارات والله مجرب اذا حبيتي جربيه

[lalo24]

اختي انا نعرف باللى النضاف و تحكى مليح وما يفسدش الكرلاج

[فاطمة الزهراء.]

ياختي راهم ولاو يكرو ماشينة سبيسيال تغسلك الكرلاج ترجعوا جديييييييييد
نورمال تكريها مع مولاها يجيك ينقيلك الكرلاج
قولي لراجلك يسال على هاد الماشينة اللي يكروها
جارتنا لوجمو كاملة عاودتالها الكرلاج وخسرها البناء بالاسمنت كرات هاد الماشينة يجيك الراجل مع الماشينة ديالو ترجع دارك تبرق