همي من دمي

[مشكلتي]

السلام عليكم
مشكلة ممكن تبانلكم صغيرة لكن ماتقدروش تتصورو كيفاش مؤثرة فيا
انا عندي 21 من عمري ماراني دايرة والو في حياتي لا قرايا لا دبلوم لا خدمة في رايكم علاش اخوتي و ابي هوما اللي حرموني من كل شيء تخيلو الدراسة بطلتها صغيرة بسبب الاهمال تاعهم كنت في عمري 16 سنة تخيلو [و لما كبرت شوية ووعيت لواش درت حبيت نستدرك واش فاتني لانو فهمت انو ممهما يكون ماكاش كيما الانسان يكون عندو هدف في حياتو ولازم يكون عندو دبلوم او اي شيء باه يخليه يعيش مهني في الوقت هاذا اللي رانا فيه ما يدوم غير الله و الخدمة تاعك
المهم كرهوني في حياتي تخيلو اخي الكبير مايخليني نروح لحتي بلاص وحدي او مع بنات عمي او صديقاتي
حتي الناس اللي حوليا من الاقارب او الصديقات يعني مستنكرين الامر لانو مش طبيعي و تخيلو كاين بنات قالولي بالاك كاشما درتي حبسوك فالدار و راهم يعاقبو فيك تخيلو الامر وين وصل الناس بدات تهدر فيا مع انو انا و الله ما شافو مني اي شيء يخالف الشرع و الدين
وفوق كل هاذا نشوف بعيني فيهم واش يديرو هوما فالمنكرات اخي الكبير يتبع فالبنات وابي كان يخدع امي مع حبيبتو تاع زمان و هذا قاع صرا و يعني كامل سمعني بيه
الصراحة ضيعولي المستقبل تاعي و راني قاعة في الدار بلا ولا شيء ما نكذبش عليكم راني مرضت نفسانيا دايما نقارن روحي بلبنات اللي من جيلي و صديقاتي نحس روحي ناقصة عليهم في كل شيء مع العلم انو كل بنات العائلة يدرسو في الجامعات و متخرجات
تخيلو حتي الخطاب لما كانو يجو يخطبوني كنت نرفضهم لانو نخاف لما نتزوج نعيش نفس الحياة هاذيك حتي لحقت لوقت خلاص ما قدرتش نزيد نعيش فالدار هاذي فقبلت بواحد و راني مخطوبة ليه و طبعا ممنوع يجي للدار ممنوع يحكي معايا فالهاتف مع انو بابا لما كان يخدع ماما لما قلنالو علاش تحكي معاها فالهاتف يقولنا بصريح العبارة عادي كنا جيران و اصدقاء و من سابع المستحيلات نخرج معاه مع انو الان راهو راجلي قدام ربي لانو فتحنا واش نقولكم انا ما صبت كيفاش ندير و راني حابة اوموا ندير دبلوم قبل الزواج لانو هاذي دنيا بالاك تحتم عليا كاش خطرا ونحتاج واش ندير نروح نطلب
انا هاذي الصراحة مارانيش فاهمة نعرف قاع الاباء يخمو فالمصلحة تاع بناتهم بابا ما خممش في هاذي
و راجلي قالي انا مانقدرش نخليك كي نديك ديري ستاج ويدا حبيتي درك في دار باباك ديري و كي جي عندي عادي تخدمي
يا ناس الله يحفضكم راييو عليا و بليز بليز بلاما تهدرو كلام جارح الله يخليكم انا راني مالقيتش ليمن نشكي راني شكيتلكم شوية برك من همي و خلي وخلي المشاكل اللي كانت من قبل راني حكيتلكم غير اللي راهو ضارني صح درك سمحولي طولت عليكم

[أحبك يا الله]

ربي يكون معاك

[سارة غفران]

السلام عليكم اخيتى فى الله والله والله قصتك اثرت فينى كثيرا اولا الشكوى لله عزوجل المدبر لاحوالنا اشكى اليه حالك ووجعك قولى ربي قد مسنى الضر وانت الذى تعلم حالىوموقفى اسالك ان تفرج همى وحزنى فانت القادر على كل شئ سبحانك

[سارة غفران]

لا تنسى انه قضاء وقدر اختى حاولى ان تتثقفى بمطالعة الكتب وتثقف فى الدين الاسلامى الحنيف مساعدة واستطيع انا هنا اختك فى الله سارة غفران الفرج قريب ان شاء الله ا

[imane bela]

daroulek hakak psq kima 9alou nass zma3 eli fi kerchou etben ykhaf menar ki houma 3arfin wach darou fi bnat enass khafou tokhredjelhom fi benthom
enti esebri w ki tetzewdji etfahmi m3a radjlek ykhalik tkemli 9raytek w balak hata takhadmi

[khawlita.dz]

السلام عليكم
مشكلة ممكن تبانلكم صغيرة لكن ماتقدروش تتصورو كيفاش مؤثرة فيا
انا عندي 21 من عمري ماراني دايرة والو في حياتي لا قرايا لا دبلوم لا خدمة في رايكم علاش اخوتي و ابي هوما اللي حرموني من كل شيء تخيلو الدراسة بطلتها صغيرة بسبب الاهمال تاعهم كنت في عمري 16 سنة تخيلو [و لما كبرت شوية ووعيت لواش درت حبيت نستدرك واش فاتني لانو فهمت انو ممهما يكون ماكاش كيما الانسان يكون عندو هدف في حياتو ولازم يكون عندو دبلوم او اي شيء باه يخليه يعيش مهني في الوقت هاذا اللي رانا فيه ما يدوم غير الله و الخدمة تاعك
المهم كرهوني في حياتي تخيلو اخي الكبير مايخليني نروح لحتي بلاص وحدي او مع بنات عمي او صديقاتي
حتي الناس اللي حوليا من الاقارب او الصديقات يعني مستنكرين الامر لانو مش طبيعي و تخيلو كاين بنات قالولي بالاك كاشما درتي حبسوك فالدار و راهم يعاقبو فيك تخيلو الامر وين وصل الناس بدات تهدر فيا مع انو انا و الله ما شافو مني اي شيء يخالف الشرع و الدين
وفوق كل هاذا نشوف بعيني فيهم واش يديرو هوما فالمنكرات اخي الكبير يتبع فالبنات وابي كان يخدع امي مع حبيبتو تاع زمان و هذا قاع صرا و يعني كامل سمعني بيه
الصراحة ضيعولي المستقبل تاعي و راني قاعة في الدار بلا ولا شيء ما نكذبش عليكم راني مرضت نفسانيا دايما نقارن روحي بلبنات اللي من جيلي و صديقاتي نحس روحي ناقصة عليهم في كل شيء مع العلم انو كل بنات العائلة يدرسو في الجامعات و متخرجات
تخيلو حتي الخطاب لما كانو يجو يخطبوني كنت نرفضهم لانو نخاف لما نتزوج نعيش نفس الحياة هاذيك حتي لحقت لوقت خلاص ما قدرتش نزيد نعيش فالدار هاذي فقبلت بواحد و راني مخطوبة ليه و طبعا ممنوع يجي للدار ممنوع يحكي معايا فالهاتف مع انو بابا لما كان يخدع ماما لما قلنالو علاش تحكي معاها فالهاتف يقولنا بصريح العبارة عادي كنا جيران و اصدقاء و من سابع المستحيلات نخرج معاه مع انو الان راهو راجلي قدام ربي لانو فتحنا واش نقولكم انا ما صبت كيفاش ندير و راني حابة اوموا ندير دبلوم قبل الزواج لانو هاذي دنيا بالاك تحتم عليا كاش خطرا ونحتاج واش ندير نروح نطلب
انا هاذي الصراحة مارانيش فاهمة نعرف قاع الاباء يخمو فالمصلحة تاع بناتهم بابا ما خممش في هاذي
و راجلي قالي انا مانقدرش نخليك كي نديك ديري ستاج ويدا حبيتي درك في دار باباك ديري و كي جي عندي عادي تخدمي
يا ناس الله يحفضكم راييو عليا و بليز بليز بلاما تهدرو كلام جارح الله يخليكم انا راني مالقيتش ليمن نشكي راني شكيتلكم شوية برك من همي و خلي وخلي المشاكل اللي كانت من قبل راني حكيتلكم غير اللي راهو ضارني صح درك سمحولي طولت عليكم

حاولى ان تنتسبى لمعهد تكوين او دورة تكوين الله يوفقك
ادعى الله وبادنه سبحانه يفرج كربك

[جمعي البشاري]

ربي يكون معاك

[بسمة تحدي]

واذا عندك ارادة قوية قادرة

وحدك تصنعي المستحيل

اتثقفي اقري كتب واذا مفهمتيش اي حاجة سقسي عليها

ربي ييسرلك يا اختي

واكيد الدعاااء وثقتك بربي سبحانو راح تصنع المستحيل والله

[دعاء المحبوبة]

السلا معليكم ورحمة الله تعالى وبركاته
عندك النت اختي تعلمي كل ما تستطين تعلمه من اشغال تعملها المراة في الدار (كروشي- خياطة- ماكرامي- طرز -اشغال بالخرز......)
كاين ابداعات في النت اذا استغليتيه الاستغلال الصحيح
مادام العائلة غير مقتنعة بخروجك للدراسة انسي الامر واتكلي على ربي
وادعي ان الله يصلحلك زوجك
وعلاه كل المتزوجات بشهادات عاملات لا لا اختي كاين الي ماعندهاش مستوى ابتدائي وعايشة حيايتها عادي بحلوها ومرها
المهم الانسان يرضى بما كتبه الله له ويحاول تحسين ظروفه وفق حدود الشرع
يا اختي الله هو الرازق وليس الشهادة
ربي يوفقك الى ما يحب ويرضى

[tinza]

ستنجحين في حياتك
لأنك تملكين صفات المرأة المثالية
إمسحي دموعك و ابتسمي و انسي ما فات فكري في المستقبل
لم يفت الوقت ما دمت على وجه الأرض
موفقة بإذن الله

[sarah1424]

اختي نجاوبك علاه دارولك هكا كيما يقولو ناس بكري
لجرب حكاك والخاين شكاك
راكي قلتي هما يتبعو نسا وووو مالا يحسبو النساء كامل هكاك حبو يضغطو عليك
بالعكس لازم تتعلمي وتثقفي ولازمك شهادة ربي يكون معاك انت تباني عندك ارادة قوية والدليل راكي رايحة تزوجي ومتخليتيش على هدفك وانو لازمكي شهادة ربي يفرج عليك ويكون معاك

[soha1987]

ماتكسريش راسك تعلمي لكروشيو لاالطرز نتاع الدبلة ولا الحلويات راي عندك النت هادو عادو يحتاجوهم ياسر تلقايهم غدوا ان شاء الله
نتي راح تزوجي خلاص يعني مشاكللك راح يروحو اعرفي برك كيفاه تتعاملي مع زوجك وربي يهنيك حنونة
رانا كامل من المشاكل مانزيدوش ماكيش وحدك
موفقة

[Assouma 93]

يا اختي احمدي ربي انو راكي رايحة تتزوجي و تتهناي من هاذ العيشة اطلبي ربي يسهلك و يسخرلك و كي تروحي لدار راجلك ديري واش تحبي و ربي معاك

[naamane3]

وعليكم السلام ورحمة الله وبركاته
والله عيب وعار على من ينهي عن فعل ويأتي مثله
كان الله في عونك يا اختي وصلت بهم الخساسة الى
الشك المطلق الذي حرمك من كل شيئ
وبما انك صبرتي وفوضتي امرك لله رب العالمين
فأبشري بالفرج القريب العاجل والنجاة من هذه العائلة
ما عليك الا ان تصبري وتدعي الله بالفرج لك والهداية لأهلك
خاصة ونحن في شهر رمضان واكثري ايضا من الاستغفار
فان له مفعولا قويا في جلاء الهموم والاحزان
والله المستعان

[mimi jiji]

rabi ykoun f 3ounk 5ti w yfaraj hamak
wlh rani 7assa bik w matgoulich ghir nti elli 3aych hakdha rahom kaynin bzzzzzzf
7awli ta7ki m3a babk w goulilou rajli 5alani na9ra ya3ni nta makalah tji f trigi w 7awli t9an3ih w idha mabghach
at3almi la5yata wela lgateaux wa 5admi la3bad 3al a9al tkoun 3andak san3a f yadak
w rabi yhanik w nchallah rabi y3awdhak wech fatek m3a rajlak

[dotnet]

أولا أختي أقولها لك صريحة وأريد التنويه عن امر مهم

ليست الشهادة والدراسة في الجامعة هي الثقافة

هذا من المفاهيم المغلوطة احذري ان تصدقي مثل هذا الكلام
لقد لاحظت من خلال كتابتك أنه لديك أسلوب جيد وتناسق في ترتيب الافكار وأفعالك هي دليل وعيك وثقافتك
........................
وبخصوص أنك تريدين أن تجعلي لك شهادة فلا بأس بذلك إن رضي الوالدان بذلك ورزقك على الله
ولا تجعلي ثقتك بالشهادة بل اجعليها في الله لأنه هو الرزاق العليم
ومن فضلك لا تفكري في ما سيقع إن لم يكن عندك شهادة أو أن زوجك سيتخلى عنك
ولا تفكري كبعض النساء هداهن الله يفكرن في الطلاق قبل الخطبة وأن الشهادة هي من ستكفلها
وتضمن لها رزقها فهذا مما يخرب البيوت
أنتي تملكين مواصفات الزوجة المثالية كما ذكرت احدى الاخوات وعليك بتربية ابنائك خير تربية
فهذا هو الهدف الحقيقي الذي من أجله ستعيشين واعلمي أن الكثير والكثير من الجامعيات تصيبهن
الغيرة من اللواتي تزوجن وأنجبن وهن لا يزلن تحت ذل عقود ماقبل التشغيل أو تحت كلام الناس
وخصوصا أن الجامعة اصبحت مختلطة بالسافي والعافي واصبح الرجال لا يفرقون بين البنت
المتخلقة وغيرها لأنهن يلبسن اللبس نفسه ويجلسن المجالس نفسها .. نسأل الله الصلاح لبناتنا
وقد كان تعمل معي العديد من البنات ولهن شهادات عليا لكنهن تمنين لو أنهم تزوجوا واستقروا
أحسن لهم من هذه الدراسة التي قادتهم الى سجن العنوسة والفتن التي يتعرض لها في أماكن العمل

فالبنت الماكثة في البيت والمتخلقة أصبحت عملة نادرة لأنها لازالت محافظة على سمعتها من كل ما يشوبها
أسأل الله أن يوفقك لما يحبه ويرضاه وان يرزقك ذرية طيبة انه سميع مجيب

[maya bouharoun]

سجلي بالمراسلة ما رايحاش تحتاجي ستاج مي جيست نهار واحد فالعام تفوتي فيه الاختبارات الباقي راح يكون عبر البريد و الانترنت وادا راجلك خلاك تخدمي اكيد راح يخليك تكملي قراية باسكو تقراي فالدار كوني قوية و اقراي و مليح تتعلمي خياطة انا عندي دبلوم مي راني نتعلم فيها من المنتديات

[imane bela]

kayen eli 9alou eli 9a3da f edar w chada fi akhla9ha
wa3lech eli rahi tokhredj wela troh te9ra machi chada fi akhla9ha wela welitou tjemlou eli ye9raw f la fac wela f lycée kamel kif kif
allah yahdikom ki tet3almou tfer9ou bin bent elfamillia w hadja okhra hadak elwe9t tetsegem elblad
w etofla haba tet3alem w tkewen ro7ha w kamel rana 3arfin beli slah elmra f had edenya el3ilm w echahada eli tkoun 3andha wela thab enssa ki yesemhou fihom erdjel yroho yakhadmou f edyour wela ymedou yedihom leli yeswa weli ma yeswach wela yokhordjou trig
des fois ne9ra wahd erodoud nendem eli 9rithom
rebi yahdikom

[loulou02]

الحمد لله غادي تتهني منهم ، إدعي ربي يسخرلك زوجك و

يعوضك على كلشي فات .

[azhars]

يا سبحان الله تقول راكي تحكي في بلاصتي
انا برك الاب تاعي توفى وخاوتي حكمو عليا بالاعدام
والزواج عمرو ماهو حل لاني جربتو واخرتي راني في الطلاق بعد 4 لشهر زواج
انا نقولك اذا قدرتي ديري سطاج قبل
وعلى حساب ماراكي تحكي راجلك قابل ديري سطاج وتخدمي
استغلي الفرصة وان شاء الله تتشوفيش واش شفت انا

[lachiche]

مشكلتك كبيرة يا أختي ماشي صغيرة
هادي باباك و اخوك كي خلطو في بنات الناس ولاو يتوسوسو
و هما دايرين بلي لبنات كامل كيما ليخلطو فيهم
اختي ان شاء الله تتزوجي و ان شاء الله ربي يهنيك و كي تتزوجي عاودي حياتك من الاول انا ننصحك روحي سجلي لقرايا بالمراسلة و ديري ثقة في روحك و في ربي و ابداي و ان شاء الله تروحي تقراي في الجامعة و اهلك نقولهم ربي يهديهم و السلام عليكم