ما الحل ساعدوني ارجوكم

[خالدة02]

السلام عليكم و رحمة الله تعالى و بركاته
اخواني انا في امس الحاجة اليكم بعدما ضاق بي الحال لم اعد اتقبل حالي فانا لطالما كنت اتمنى ان ادرس الطب و اصبح طبيبة تسعد المرضى و تنسيهم الامهم و اوجاعهم و بعدما صار الامر بيدي بعدما تحصلت على معدل 15.14 شعبة رياضيات تغير كل شيء فقدت ثقتي بنفسي و قدراتي اصبحت خائفة جدا من اختيارها اتامل في 7 سنوات فيغادر عيني النوم اصبحت دائمة التفكير حتى ان راسي احس بانه سينفجر لقد كنت متفوقة و لا اخشى شيئا اما الان فاحس باني لست اهلا لاي شيء فابكي باستمرار حالتي هذه لم اعد اتحملها و كان شيئا ما يسيطر على افكاري و يوجهني حتى اني اصبحت افكر في ان بي مس او سحر او شيء من هذا ارجوكم انا في حاجة الكم انقذوني ارشدوني قبل فوات الاوان

[Nadjib Màk]

مبروك عليك أختي أولا
الطب راح يكون صعيب عليك انصحك بـــ : الصيدلة, طب الاسنان و المدارس العليا كــالتكنلوجيا (الجزائر) و الطيران.

[zakyass]

لالا اختي مادام راكي باغيتها ديريها 7 سنين تفوت هكا قالنا استاذنا كي خير العلوم و صحابو دارو طب قالنا انا خممت في السنوات و صحابي راهم اطباء ضروك و انا راني استاذ صراحة قالنا ندمت لي مادرتش طب و انغريت بقلة سنوات الدراسة لدى الاساتذة .... السنوات تمر ,,, ماتخليش حياتك نسخة طبق الاصل عن اي شخص عادي خلكي فالمستقبل تقولي تمنيت حاجة خدمتلها و لحقتها ,,, و الأطباء و الطبيبات على الخصوص لي قراو سبع سنوات و كاين لي أكثر خير منك.؟؟؟؟؟؟؟؟؟؟؟؟ مانظنش .... المهم انت خممي مليح و ربي يوفقك

[خالدة02]

بارك الله فيكم ربي يجازيكم

[zakyass]

بارك الله فيكم ربي يجازيكم

واش قررتي اختي ؟؟؟.... و ماتضغطيش على روحك حتى حاجة ماتستاهل و ماتظلميش نفسك لي فيها الخير يوفقك ليها ربي هاذيك كوني سييير منها,,و ماتنسايش احنا مسلمين

[خالدة02]

واش قررتي اختي ؟؟؟.... و ماتضغطيش على روحك حتى حاجة ماتستاهل و ماتظلميش نفسك لي فيها الخير يوفقك ليها ربي هاذيك كوني سييير منها,,و ماتنسايش احنا مسلمين

بارك الله فيك قررت ندير طب الاختيار الاول ان شاء الله نا نندمش و نكون قد المسؤولية

[algerino1212]

أختي ديري طب و توكلي على الله

لأنها هاذي كامل هواجس أولية كامل جاتنا و حاطين رواحنا كي شغل ما نقدروش نقراو هذيك الحاجة

لكن نوصيك لازمك تصبري في مسار الدراسة خاصة في السنة الأولى

[خالدة02]

أختي ديري طب و توكلي على الله

لأنها هاذي كامل هواجس أولية كامل جاتنا و حاطين رواحنا كي شغل ما نقدروش نقراو هذيك الحاجة

لكن نوصيك لازمك تصبري في مسار الدراسة خاصة في السنة الأولى


بارك الله فيك اخي ان شاء الله في ميزان حسناتك

[algerino1212]

و فيكي بارك الله

صح رمضانك و صح فطورك

بالتوفيق

[zakyass]

صح رمضانك اختي كوني واثقة من نفسك

[هسكضهم20]

يا اختي خير ما اخترت الطب اما بالنسبة لصيدلة فدراستها صعبة جدا وانا اقول هدا لاني ادرسها او ماجيت نخرج العام حتى شبة

[wiwii_rock]

khti khayri medecine w takli 3la rabi w mowafa9a

[islam.radouane]

اختي رغم انني لم افهم كلامك 100/100
يجب عليك دراسة الطب مادام انك تحبين ذلك

ولاتفكرين كثيرا في المستقبل خليها على ربي
وزيدي صلي صلاة الاستخارة ودعاء الاستخارة

فلن تندمي على اي شيء بعد ذلك لان الله عز وجل

سوف يرشدك الى خير الامور

[خالدة02]

صح رمضانكم بارك الله فيكم جميعا ان شاء الله في ميزان حسناتكم

[omarbac]

أختي خالدة أنا كملت 5 سنوات بيولوجيا وكنت حاب طب عاودت الباك ودرت طب وراني السنة ثالثة والطب ساهل غير ركزي فيه وتحتاجي كانش حاجة راني نعاونك راني حافظ البرنامج تاع السنة 1 و 2

[خالدة02]

أختي خالدة أنا كملت 5 سنوات بيولوجيا وكنت حاب طب عاودت الباك ودرت طب وراني السنة ثالثة والطب ساهل غير ركزي فيه وتحتاجي كانش حاجة راني نعاونك راني حافظ البرنامج تاع السنة 1 و 2

بارك الله فيك خويا راني حطيتها الاختيار الاول و ما نعرف تصحلي و لالالا ان شاء الله يا رب غير يمدوهالي راني رايحة نكون في امس الحاجة ليك جزاك الله الفردوس الاعلى

[روعة الوجود]

سلام
بالتوفيق اختي الكريمة
وان شاء الله مؤكد انك ستوجهين لذلك
بخصوص السنوات كل طرق الدكتوراه 7 و8 سنوات وليس اقل
صح فطوركم

[jack pepar]

boone courage likom ga3 nans7ak sali wad3i rabi w madam 7aja anti ili 5ayartiha matanadmiche 3liha 7 ans tfooot ki da7ka wala sba7 el khiiir mais ida raki
3ad mt9al9a kaya inelec fi boumerdes hadi garanti adawha el 3am ili fat b 14.88 kima nti mathematique et 15.88 pr science
w nchalah rabi ywafa9 el jami3

[*نسيم الفجر*]

ديري جراحة اسنان .................

[أحبك يا الله]

السلام عليكم و رحمة الله تعالى و بركاته
اخواني انا في امس الحاجة اليكم بعدما ضاق بي الحال لم اعد اتقبل حالي فانا لطالما كنت اتمنى ان ادرس الطب و اصبح طبيبة تسعد المرضى و تنسيهم الامهم و اوجاعهم و بعدما صار الامر بيدي بعدما تحصلت على معدل 15.14 شعبة رياضيات تغير كل شيء فقدت ثقتي بنفسي و قدراتي اصبحت خائفة جدا من اختيارها اتامل في 7 سنوات فيغادر عيني النوم اصبحت دائمة التفكير حتى ان راسي احس بانه سينفجر لقد كنت متفوقة و لا اخشى شيئا اما الان فاحس باني لست اهلا لاي شيء فابكي باستمرار حالتي هذه لم اعد اتحملها و كان شيئا ما يسيطر على افكاري و يوجهني حتى اني اصبحت افكر في ان بي مس او سحر او شيء من هذا ارجوكم انا في حاجة الكم انقذوني ارشدوني قبل فوات الاوان



أختي ديري ربي في بالك ديما و متخلي حاجة حاجة تفسدلك أحلامك و ديري في بالك راكي قادرة و خلي الفكرة ديما في راسك كل متجيقدامك حاجة قولي بلي تقدري و صح تقدري إن شاء الله علا أي حاجة تديريها في بالللك .. كوني قوية و قوي إيمانك بربي .. إن شاء الله ... و إن شاء الله موفقة