عاونوني ربي يفرحكم :( التخصص الوحيد اللي راني نفكر فيه هو هندسة معمارية

[مُﭔﭥسـّمہ دائمًا ツ]

صديقتي تقول :

جبت الباك ب 13,29 علوم تجريبية ومارينش عارفة واش ندير كان هدفي الطب لكن الطب هاد العام ب 14 الاختيارات اللي مدولي متعجبنيش وليست من ميولاتي والتخصص الوحيد اللي راني نفكر فيه هو هندسة معمارية

شاء الله وما قدر فعل
انا راح نعاود الباك العام الجاي ان شاء الله

واش تنصحوني نقدر نوفق بين الجهتين ؟ هل الهندسة صعيبة كيما يقولو عليها ؟علما اني نحب نقرا ونصبر عليها,, هل كان احد منكم في نفس التجربة؟ ارجوكم ليس لي احد لأستشيره انا حايرة عاونوني ربي يفرحكم واللي يعوني باي معلومة او نصيحة مهما كانت ربي يفرحو ويهنيه

[badid5]

أنا بحسب ظني ما تقدريش توفقي ما بين الجهتين ، لديك إختار واحد فقط إما إعادة البكالوريا أو دراسة المعمارية لأن الالهندسة المعمارية لا يوجد فيها فراغ يمكنك من التحضير الجيد لبكالوريا و أنت تردين طب.

[مُﭔﭥسـّمہ دائمًا ツ]

شكرا آخي الكريم على ردك ,


حتى يعني لو أنظم وقتي جيدا ولو كلفني الامر ان انام ثلات ساعات في اليوم فلا بأس بذلك بالنسبة انا همتي كبيرة في الدراسة وأن ادرس ساعات طويلة و متواصلة لا يشكل مشكلة لدي
اعلم اني ربما لن احقق الكثير انا فقط اريد ان انجح في عامي الاول في نفس الوقت اراجع للامتحان البكالوريا حتى لا أضيع سنة كاملة؟ هل تدرس هندسة يا اخي ؟ مررت بهذه التجربة او تعرف احدا مر بذلك ؟
:(

[badid5]

نعم أدرس هندسة معمارية صحيح أنني لم أمر بهذه التجربة لكن لي أصدقاء مروا بها لم ينجحوا بعامهم الأول و لم يأخذوا معدلا كبيرا معظمهم 10 إلى 13 و آخرون نجحوا و لكن معدل البكالوريا كان ضعيفا أنت مالذي تريدين دراسته في الجامعة بمعنى آخر ما هو حلمك

[مُﭔﭥسـّمہ دائمًا ツ]

انا حلمي اني ندرس طب والله يعلم انني أخذت بالاسباب واجتهدت لاحقق ذلك كنت اتحصل على معدل 15/20 في الفصول الدراسة لكتها ارادة الله ,
لا شئ اخر في راي افضل من الهندسة في الاختيارت التي منحت لي انا اريد ان احاول مرة اخرى فقط لو تحصلت على معدل يسمح لي بدخول كلية الطب سأدرس طب
لو لم يحدث هذا سأوصل هندسة معمارية وسأجتهد فيها فهو ما كتبه لي ربي ولهذا انا لا اريد ان اخسر عام كامل هل استطيع ان اتحصل على 10 على الاقل يسمح لي بالمرور للسنة الثانية :(

[badid5]

مع أنه فيه مخاطرة أظن انه يمكنك الحصول على معدل 10 بإذن الله ، و بما أنك قلت كنت تتحصلين على معدل 15 في الفصول الدراسية أنت تستطيعين تحقيق حلمك و أتمنى لك ذلك

[مُﭔﭥسـّمہ دائمًا ツ]

ان شاء الله يا ربي شكرا لك يا اخي badid5 على مساعدتك ووقتك ربي يفرحك ويوفقك وتصبح من اكبر المهندسين ان شاء الله فأنا لا اعرف احدا لأستشيره لهذا ربي يجازيك كل خير :)

[badid5]

أمين ، في أي ولاية إخترت الدراسة

[مُﭔﭥسـّمہ دائمًا ツ]

انا من الجزائر وبعتوني لجامعة بليدة

[badid5]

جامعة البليدة جيدة بالتوفيق انشاء الله

[مُﭔﭥسـّمہ دائمًا ツ]

اخي من فضلك اريد ان اسالك عن الرياضيات والفيزياء ماهي دروس السنة اولى مثلا ؟

[badid5]

في الرياضيت نحن درسنا المصفوفات فقط و يوجد كذلك التكامل ، أما في الفيزياء يوجد الأشعة و القوى و كذلك درس يتعلق بالحرارة ، دروس سهلة

[مُﭔﭥسـّمہ دائمًا ツ]

شكرا لك انا نفكر نبدا نحضرهم من الآن بعد ان اتاكد من التوجيه

بارك الله فيك وصحا فطورك وتقبل الله صيامك :)

[zerige]

اخطيك من الهندسة يا طفلة انا نقرى السنة الثانية ورايح لثالثة وندمت عليها ..مفيهاش وقت ...وماهيش حفاظة راهي خدمة رسومات وكي راكي تقولى معليش نرقد 3 ساعات ..مالا نقولك انا مالف منرقدش طووووووووووووول

[badid5]

نعم الهندسة المعمارية رسومات و صناعة المجسمات

[قصر البخاري]

اختي ما يخلع حتى واحد راين نشوف بلي عندك ارادة كبيرة الله يبارك و الهندسة تخصص ممتع و ستنجح فيه و يمكنك ان تعيدي. الباك و لكن ﻻ أعتقد انك ستتحصلين على معدل أكثر من 12 أو 13 ﻻن الموافقة بين الباك و الهندسة أمر صعب جدا و الله أعلم أتمنى لك التوفيق يا رب و ودليلنا معاك و كاشما يخليك تحتاجي. راني. هنا

[قصر البخاري]

اعتذر. على الأخطاء الامﻻئية. ﻻنني ارد عليك. من هاتف. و ليس. كمبيزتر

[النجمة السوداء]

سلام اختي انا عشت نفس الموقف لي راكي عايشاتو علابالي بواش راكي تحسي انا ديت الباك اول مرة ب 14 و ما لحقتش للطب المهم انا كانت في بالي ندير حاجة من 3 طب و الا صيدلة و الا جراحة اسنان المهم بعد هادو خيرت الهندسة المعمارية و مدوهالي و ما كنتش حابة نقراها امالا سجلت باش نعاود الباك و بقيت حايرة ادا نقراها و لا نحبس و نبقا نراجع للباك برك كنت نروح و نجي نروح و نجي هاكداك و نضيع في الوقت امالا قررت نحبس و نبقا في الدار نراجع برك و صحبتي تاني دارت كيفي حبست و بقينا نقراو مع بعضانا نراجعو و نقاراو دروس خصوصية و تاني كانت طفلة اخرى كيفنا حابة تعاود الباك مي هادي ما حبتش تحبس كملت و عاودت في نفس الوقت .راكي تشوفي عندك 3حالات في الأخيرفض العام و خرجت النتيجة ديناه في 3 مي شوفي انا ديتو ب 14 كيما المرة الاولى طلعت بفاصلة برك و زيد سجلت هندسة معمارية و الحمد لله دركا عجبتني و راني مليحة فيها و مالاوائل و صحبتي لي حبست معايا داتو ب 15 و دارت واش حبت و الطفلة الثالثة داتو خير و دارت جراحة اسنان الله يبارك هي صح كل واحد واش كاتبلو ربي يقرا انا نقلك هكدا باش ديري في حسابك كل الاحتمالات قادرة تعاودي و ما تنجحيش و ضيعلك العام و كيف كيف قادرة تعاودي و تنجحي و ديري واش تحبي ان شاء الله .ربي يسهل اختي .

[syliasmine]

Abir meme ana rani fle cas dyalek ana men alger dert architecture f blida mais rani haba n3awed lbac w ma3labalich ida ne9der :/

[وسام910]

tjr c'est le même prb , en tt cas je vous souhaite un bon courage :)

[taiba mohamed]

الدروس ليست صعبة فستدرسون الجبر التحليل 1 الاحصاء و الاحتمالات الكهرباء الميكانيك الكيمياء

[taiba mohamed]

الهندسة المدنية افضل نوعا ما من المعمارية النك يمكنك العمل عند الدولة او بمكتب درسات لكن على العموم الدراسة في التخصصين ليست صعبة ولكن فيما يخص الباك انت و شطارتك

[safou safaa]

khti bla l bac ghir m3a larchitecture sadkini ki tiri ga3 teroukdi 3 h ...ila sah haba medcine ghir c pas la peine tedoukhli archi c nn madiri walou

[المهندس الجزائري]

انا قبل ثلث سنوات طحت في نفس المشكل و حرت وش ندير و كان معايا صديقي قرر يوقف الدراسة و يعاود الباك
صح جاب معدل مليح بصح مالحقش يدير وش يحب مالا دار مدرسة تحضيرية و تغرب على دارهم و بعد نهاية السنة جا وقت اختيار التخصصات ليكمل السنة الثانية و لكن طاح في تخصص ماعجبوش لانو مكانش عندو معدل مليح و مابغاش يكمل في المدرسة التحضيرية و عاود رجع غير للهندسة المعمارية بعد ان ضيع عامين في باطل

[نظام الفوضى]

صديقي درس هندسة معمارية

وعاود الباك بالرغم انو لم يحضر له جيدا

لكن تحصل على 12


واخوه ايضا درس الهندسة وعاود الباك وتحصل على 12

يعني

اذا كنت منظم وقتك رايح تنجح بإذن الله

وهدرت الشعب مديرش عليها.

[ghemmaliabdellatif]

vive archi surtt fi blida jarboha w gololi walah matnadmo vive l archi

[Tahar Ngs]

الهندسة المعمارية الاحسن في الجامعة .... الأسوء في الحياة العملية لعدم وجود عمل وصعوبة فتح مكتب و المنافسة على المشاريع