الشاطرات راكم تطيبوا كامل هذا الخيييييير [الأرشيف] - منتديات الجلفة لكل الجزائريين و العرب

بسملة توحيد

2013-07-10, 18:50

السلام عليكم ورحمة الله ,
صح صياامكم وكل عام وانتم بخير
موضوعي هذا حابة نستفيدوا من بعضانا فيه ونتعاونوا ونعرفو كيفاش الاخوات في المنتدى راهم ينظموا وقتهم باش يطيبوا كل هذا الخييير
لي راهم مغرقين بيه المنتدى الله يحفظهم ويدوم عليهم النعم ,,,
انا حابة كل واحدة من الاخوات تعطينا نظامها وهل هي وحدها اللي تطيب والا يعاونوها وهاك نستفادوا منكم يا الفحلات

omhadil

2013-07-10, 22:41

عندك الحق موضوعك في محلو انشا الله الفحلات تاع المنتدي يفيدونا انا تانى راني عضو جديد وراني حابة نستفاد وشكرا لكي اختيوصحي سحورك

nadouch86

2013-07-10, 22:59

شكرا على الموضوع
انا اختي نطيب وحدي كلش لاني نعيش وحدي بعيد

صفاء البحر

2013-07-11, 10:22

موضوع مليح و لازم نتعلمو انا نطيب تاني كلش وحدي و تعلمت من الوالدة ربي يحفضها التنضيم المسبق يعني تنقي خضرة و تخبيها توجدي دايما عندك للحلويات كاوكاو محمص و مرحي و تخدمي فطائر للبيتزا يعني كي يكون عندك وقت استغليه

بسملة توحيد

2013-07-11, 11:55

عندك الحق موضوعك في محلو انشا الله الفحلات تاع المنتدي يفيدونا انا تانى راني عضو جديد وراني حابة نستفاد وشكرا لكي اختيوصحي سحورك

العفو اختي ومرحبا بيك في المنتدى اسمحيلي مارديتش عليك البارح

بسملة توحيد

2013-07-11, 11:57

شكرا على الموضوع
انا اختي نطيب وحدي كلش لاني نعيش وحدي بعيد

الله يعاونك اختي ويسهل غربتك لكن حابين نستفيدو من تنظيمك انت تطيبي وحدك كيفاش مرتبة امورك :d

بسملة توحيد

2013-07-11, 11:58

موضوع مليح و لازم نتعلمو انا نطيب تاني كلش وحدي و تعلمت من الوالدة ربي يحفضها التنضيم المسبق يعني تنقي خضرة و تخبيها توجدي دايما عندك للحلويات كاوكاو محمص و مرحي و تخدمي فطائر للبيتزا يعني كي يكون عندك وقت استغليه

شكرا على مساهمتك الطيبة وتمنيت لوكان تعطينا خطوات تحضير الافطار اليومي شكرا

naiilia

2013-07-11, 12:30

انا كنت نطيب وحدى وساعات ندخل بنتي معايا للمطبخ باش تتعلم اسنة قررت باش نخرج منو نهائيا ونخليها لسببين اولا لاني حامل ونتوحم مارانيش حابة ريحة الأكل ثانيا

باش تعتمد على روحها وتتقن اطياب ماتعتمدش عليا

كيفاش اتنظمي وترتبي امورك اولا لازم تعرفي الوقت الي يكفيك على حسب البلا الي رايحة تطيبيهم مثلا البارح بنتي

طيبت لوبية ماشتو شربة فريك سلطة اورديفر و القهوة . بدات الطيا ب على الساعة الرابعة ونقصت على النار وخلات كلش يطيب في غرضوا وطيابها جا روعة المهم وكي يطيب كلش تطفي عليه

قبل الأذان ب15 او 20 دقيقة تبداي تحطي في الماعن وتنظمي المايدة انتاعك ثاني على حسب وش عندك عايلة كبيرة ولا صغيرة واتخلي الشربة ولاكل الي يسخن

اذا كان بارد هو الاخير باش تسخنيه وتحطيه من الاخر

بسملة توحيد

2013-07-11, 13:13

انا كنت نطيب وحدى وساعات ندخل بنتي معايا للمطبخ باش تتعلم اسنة قررت باش نخرج منو نهائيا ونخليها لسببين اولا لاني حامل ونتوحم مارانيش حابة ريحة الأكل ثانيا

باش تعتمد على روحها وتتقن اطياب ماتعتمدش عليا

كيفاش اتنظمي وترتبي امورك اولا لازم تعرفي الوقت الي يكفيك على حسب البلا الي رايحة تطيبيهم مثلا البارح بنتي

طيبت لوبية ماشتو شربة فريك سلطة اورديفر و القهوة . بدات الطيا ب على الساعة الرابعة ونقصت على النار وخلات كلش يطيب في غرضوا وطيابها جا روعة المهم وكي يطيب كلش تطفي عليه

قبل الأذان ب15 او 20 دقيقة تبداي تحطي في الماعن وتنظمي المايدة انتاعك ثاني على حسب وش عندك عايلة كبيرة ولا صغيرة واتخلي الشربة ولاكل الي يسخن

اذا كان بارد هو الاخير باش تسخنيه وتحطيه من الاخر

الله يحفظك اختي على ردك القيم وان شاء الله تجيبي وليد ولا بنيتة بالصحة والعافية وسلامي لبنتك الشاطرة صحى فطوركم