اريد عمل مشروع صغير بـ 20 مليون

[the_leader]

السلام عليكم ورحمة الله

منذ مدة حاولت فتح محل مواد غذائية بـ20 مليون لكنها بائت بالفشل لانه كيما يقولو عمر تبيع والـ20 مليون لم تكن كافية باش نعمر بيها

وأنا أفكر من جديد في مشروع صغير (لكن أرباحه كبيرة :d )
فمارأيكم ؟ هل من أفكار؟

[شذا العطور15]

ربي يوفقــــــك أخي الكريم

[the_leader]

ربي يوفقــــــك أخي الكريم
شكرا على المرور الكريم

[مريم الصابرة]

السلام عليكم اخي
يعني 20 مليون هي قليلة بزاف لكن اكيد ديرلك حاجة ممكن دير طابلة نتاع خضر لأنو فيها الخدمة وهذا اللي يمشي فالبلاد الماكلة برك وربي يعينك

[the_leader]

السلام عليكم اخي
يعني 20 مليون هي قليلة بزاف لكن اكيد ديرلك حاجة ممكن دير طابلة نتاع خضر لأنو فيها الخدمة وهذا اللي يمشي فالبلاد الماكلة برك وربي يعينك


هههه للأسف كلامك صحيح

لكن صراحة مانقدرش نخدم الخظرة لأنها صعيبة (لازم كل يوم نسلع + سوق الجملة فيه الخبث والخدعة أكثر من اي مكان آخر) ومافيهاش الفايدة (ديري حساب السلعو التي تخسر والديشي اللي يبقى في الكاجو !)

أشكرك جزيل الشكر على المرور والتكلم بإبداء الرأي

[*الحواس*]

نعطيك فكرة , أفتح مقهى للأنترنت .
يقال أن في سطيف اجهزة الكمبيوتر ذات سعر منخفض .
و لنفرض أن سعر الجهاز 35000 دج , فأنت قم بإقتناء 05 أجهزة بسعر فإن السعر االإجمالي يكون 175000 دج , و هذا بدون مساعدة من طرف البائع , و قد يساعدك البائع في ثمن البيع .

01 جهاز واحد يستخدم للمستخدم . و 04 للزبائن .

تبقى 25000 دج , تستخدم كمصاريف أولية .

بالتوفيق

[the_leader]

نعطيك فكرة , أفتح مقهى للأنترنت .
يقال أن في سطيف اجهزة الكمبيوتر ذات سعر منخفض .
و لنفرض أن سعر الجهاز 35000 دج , فأنت قم بإقتناء 05 أجهزة بسعر فإن السعر االإجمالي يكون 175000 دج , و هذا بدون مساعدة من طرف البائع , و قد يساعدك البائع في ثمن البيع .

01 جهاز واحد يستخدم للمستخدم . و 04 للزبائن .

تبقى 25000 دج , تستخدم كمصاريف أولية .

بالتوفيق

فكرة مليحة لكن هناك أسباب عدة تخليني مانفتح سيبار
في مدينة الجلفة كل دورة كاين سيبار ههههه أكثر من المواد الغذائية
+ يقولو كسبها حرام (الشات وتحميل الأغاني والفيديو كليب ناهيك عن الاباحيات)
+ في بلادي لازم تدفع رشوة باش يخدمةلك خيط التلفون وإذا عرفوك فاتح سيبار يطمعو فيك اكثر
حتى4 أجهزة ما يجيبوش تعبهم

انا نخمم نفتح قاعة العاب بليستيشن
وش رايكم ؟ وممكن تعكونا معلومات على الاسعار والتكاليف؟

[oosaisdo]

فكرة مليحة لكن هناك أسباب عدة تخليني مانفتح سيبار
في مدينة الجلفة كل دورة كاين سيبار ههههه أكثر من المواد الغذائية
+ يقولو كسبها حرام (الشات وتحميل الأغاني والفيديو كليب ناهيك عن الاباحيات)
+ في بلادي لازم تدفع رشوة باش يخدمةلك خيط التلفون وإذا عرفوك فاتح سيبار يطمعو فيك اكثر
حتى4 أجهزة ما يجيبوش تعبهم

انا نخمم نفتح قاعة العاب بليستيشن
وش رايكم ؟ وممكن تعكونا معلومات على الاسعار والتكاليف؟
الجلفة اخدم بها جزار او تربية المواشي للبيع السريع

[algerian_wallpaper]

أولا أخي لازن تشاور نفسك واش من خدمة لي تقدر تتفنن فيها اذا خدمتها
ثانيا صلاة الاستخارة والدعاء للتوفيق من الله عز وجل
ثالثا انا نقترح عليك انك تخبي عشر ملاين وتبدا بعشر ملاين تبحث عن فرص لشراء مواد مطلوبة و اعادة بيعها مثال كمبيوتر تاع ست ملاين تشريه ب خمس ملاين وتبيعو بخمس ملاين وثمانمئة على سبيل المثال فهذه الفرص متوفرة وليس فقط الالكترونيك بل كل شيء والغرض من كلامي هو توفير الفائة للزيادة في راس المال يعني عشرة تجيب بيها عشرة اخرى ان شاء الله تصبح اربعين واربعين ان شاء الله تجيب ثلاثين اخرى وهكذا ...فقط نصيحة التوكل على الله والنشاط و صنع القرار ولا تاخذ براي الاخرين بل خذ بافكارهم وقرر انت ...والله مستعان بالتوفيق لك وارجو انني افدتك.

[جويرية الإيمان]

أخي الكريم

أنت تبحث عن الربح السريع

و صدقني كل ما يأتي بسرعة يذهب بسرعة .

أولا توكل على الله فهو الرزاق الكريم

ثانيا استخر الله في كل شيئ و اهم شيئ هو العمل الذي تبحث عنه .

ثالثا لا تفكر في الربح و انت أصلا لم تبدأ العمل و كأنك بهذا تقفز على كل المراحل حتى تجني الثمار.

لا يا سيدي

كل عمل فيه تعب و نصب ربح و خسارة.

أرج أن تتقبل ما كتبته برحابة صدر فو الله هذه نصيحة لوجه الله .

تستطيع أن تفتح حانوت صغير في حارة ليس موجود فيها حانوت

أو في بيتكم فالجميع أصبح يفعل هذا .

و اصعد السلم درجة درجة و استعن بالله فهو نعم المعين.

وفقك الله و سدد خطاك لما فيه رضى الله .

[julien2013]

الجلفة اخدم بها جزار او تربية المواشي للبيع السريع


نظن ان الفكرة ستكون أنجح في ولايتك، لأن هنا كاين لي يهتموا بهذا الشي + بالإضافة الناس لي يخدموا في هذا المجال هم أصحاب الملايير .. لذا لا تستهزئ أبدا بالمواشي. 10 أكباش فقط يشرولك هيونداي أتوس تولي تحوس بيها في قريتكم.. و شكرا

[julien2013]

السلام عليكم ورحمة الله

منذ مدة حاولت فتح محل مواد غذائية بـ20 مليون لكنها بائت بالفشل لانه كيما يقولو عمر تبيع والـ20 مليون لم تكن كافية باش نعمر بيها

وأنا أفكر من جديد في مشروع صغير (لكن أرباحه كبيرة :d )
فمارأيكم ؟ هل من أفكار؟


و عليكم السلام

1-أفتح محل حلاقة يكون متحضر نوعا ما + 2 عمال، الحلاقة فيها ربح ما شاء الله.

2- مكتبة (معالجة نصوص + طبع مذكرات تخرج ميموارات ...الخ) لا تحتاج لمستوى دراسي عالي أو ديبلوم... 2 ميكرو + 2 أمبريمونت lbp6000 و خلاص.

3-أو ننصحك بالفلاحة. إذا عندكم ارض ، دير فيها جزر + بطاطا + طماطشش+ فلفل... و اذا ماعندكش سيارة اشري Fiorino و بع الخضر كيما قال الزميل.

[عذراء الجبل18]

خويا 20 مليون قلال بزاف
نقولك عليك وعلى التبزنيس , بزنس في التيليفونات في الاكترونيات المستعملة عام عامين تكبر راس المال وتفتح مشروع باهي
هيا الخطوة الأولى هي الصعيبة واذا صبرت تقدر تكمل وتربح كتر
وننصحك لازم تكون فحل وخدام قلب ورب اذا فنيان نقولك راك راح تخسر من ذرك
ربي يوفقك

[tateb]

رحله الف ميل تبدا بخطوه
ابدا بالمشاريع الصغيره و الرزق على الله

[loulou02]

إفتح محل صغير للأكل السريع

[oosaisdo]

نظن ان الفكرة ستكون أنجح في ولايتك، لأن هنا كاين لي يهتموا بهذا الشي + بالإضافة الناس لي يخدموا في هذا المجال هم أصحاب الملايير .. لذا لا تستهزئ أبدا بالمواشي. 10 أكباش فقط يشرولك هيونداي أتوس تولي تحوس بيها في قريتكم.. و شكرا
لقد مفهمتني خطأ ........... اصحاب الملايير بدأوا ب 10 ملاين فقط

[خيري]

اعطني 20 مليون أتاجر بها القشبية والبرنوس وبعد عام نتحاسبوا

[العقلية]

افتح محل للاكل السريع ، عام عامين يكبر و يولي فور
الشعب يحوس على الماكلة ، شوف بلاصة نشيطة و افتح فيها .

[يا الله احبك]

اعطني 20 مليون أتاجر بها القشبية والبرنوس وبعد عام نتحاسبوا

هههههههههههههههههه ماشاء تاجر بجد

[-رودينا-]

ربي يباركلك فيهم ان شاء الله
1- محل صنع وبيع الحلويات مشروع مربح والحلويات عليها طلب كثييير ع العام مناسبات الله يبارك
2- بيتزيريا
3- محل خياطة ابدي بالامور السهلة وامبعد يكبر المشروع وان شاء الله يصبح مصنع
4- محل لبيع المواد بالجملة في بلادنا الماكلة والبسة والمكياج
بالنسبة ل 1+3 لازم يكون عندك دبلوم في الصنعة

[aboubaker48]

فكرة مليحة لكن هناك أسباب عدة تخليني مانفتح سيبار
في مدينة الجلفة كل دورة كاين سيبار ههههه أكثر من المواد الغذائية
+ يقولو كسبها حرام (الشات وتحميل الأغاني والفيديو كليب ناهيك عن الاباحيات)
+ في بلادي لازم تدفع رشوة باش يخدمةلك خيط التلفون وإذا عرفوك فاتح سيبار يطمعو فيك اكثر
حتى4 أجهزة ما يجيبوش تعبهم

انا نخمم نفتح قاعة العاب بليستيشن
وش رايكم ؟ وممكن تعكونا معلومات على الاسعار والتكاليف؟

بالنسبة لكلمة حرام اتمنى ان تتاكد لانك قلتها بكل بساطة لا كن و الله كبيرة
اتمنى انك تعطين مصدر هذه الفتوى

[beladel]

إذا كان السن تاعك صغير .... أدخل الى التكوين المهني من أجل الحصول على حرفة ثم استثمر المبلغ تاعك في المرحلة الثانية

[the_leader]

اعطني 20 مليون أتاجر بها القشبية والبرنوس وبعد عام نتحاسبوا

الله يبارك تعجبني القفازة بصح تاجر قافز كيما انت وماعندوش 20 مليون ؟ هههه نتمسخر برك

ربي يباركلك فيهم ان شاء الله
1- محل صنع وبيع الحلويات مشروع مربح والحلويات عليها طلب كثييير ع العام مناسبات الله يبارك
2- بيتزيريا
3- محل خياطة ابدي بالامور السهلة وامبعد يكبر المشروع وان شاء الله يصبح مصنع
4- محل لبيع المواد بالجملة في بلادنا الماكلة والبسة والمكياج
بالنسبة ل 1+3 لازم يكون عندك دبلوم في الصنعة
للأسف انا لا أملك من الحياة الا دبلوم جامعي لا يسمن ولا يغني من جوع
وراني نادم لي ماتعلمتش مهنة والا حرفة

بالنسبة لكلمة حرام اتمنى ان تتاكد لانك قلتها بكل بساطة لا كن و الله كبيرة
اتمنى انك تعطين مصدر هذه الفتوى

عاود اقرا ردي تلقى "يقولو حرام"
خليني نسقسيك وشرايك في الشات؟ حرام؟ والفيديوكليبات والأغاني حرام؟
واللي يدخلو للسيبار وش داخلين يديرو (حاشى الصالحين)؟ يقراو قرآن والا يديرو بحث علمي؟!

[the_leader]

و عليكم السلام

1-أفتح محل حلاقة يكون متحضر نوعا ما + 2 عمال، الحلاقة فيها ربح ما شاء الله.
والله راي الحلاقة ولاو يجيبو خير وبركة

2- مكتبة (معالجة نصوص + طبع مذكرات تخرج ميموارات ...الخ) لا تحتاج لمستوى دراسي عالي أو ديبلوم... 2 ميكرو + 2 أمبريمونت lbp6000 و خلاص.
المشكلة في بلاصة المحل لازم تكون فيها الخدمة

3-أو ننصحك بالفلاحة. إذا عندكم ارض ، دير فيها جزر + بطاطا + طماطشش+ فلفل... و اذا ماعندكش سيارة اشري fiorino و بع الخضر كيما قال الزميل.
هاذي تليق في بلاد الماء لكن في بلادنا كاين غير المالح

خويا 20 مليون قلال بزاف
نقولك عليك وعلى التبزنيس , بزنس في التيليفونات في الاكترونيات المستعملة عام عامين تكبر راس المال وتفتح مشروع باهي
هيا الخطوة الأولى هي الصعيبة واذا صبرت تقدر تكمل وتربح كتر
وننصحك لازم تكون فحل وخدام قلب ورب اذا فنيان نقولك راك راح تخسر من ذرك
ربي يوفقك



رحله الف ميل تبدا بخطوه
ابدا بالمشاريع الصغيره و الرزق على الله

إفتح محل صغير للأكل السريع

محل أكل سريع بـ20 مليون؟ هاذا ولا ريستو ههههه


شكرا جميعا على المساهمة في الموضوع
في انتظار افكار اخرى

[djaber2000011]

وش رايك تشري بيطونية /خلاطة اسمنت / وتكريها خالي شاري وحدة يكري فيها النهار ب 150 الف
و كين اللي يكروها ب 250الف للنهار اللي تخدم فيه

[the_leader]

وش رايك تشري بيطونية /خلاطة اسمنت / وتكريها خالي شاري وحدة يكري فيها النهار ب 150 الف
و كين اللي يكروها ب 250الف للنهار اللي تخدم فيه
البيطونيور تسوى أكثر من 20 مليون والا لالا؟
سحال سومتها؟

[djaber2000011]

البيطونيور تسوى أكثر من 20 مليون والا لالا؟
سحال سومتها؟

على حسب حديدها وميتورها ونضافتها
كاين اللي ب 22 مليون وكاين اللي ب 25 والغالية الغالية ب 28

[الخضر]

اخي the leader المبلغ ماهوش هو المشكل اتبع ما قاله المثل الصيني المثل يقول اذا كنت لاتمتلك ابتسامة فلا تفتح دكان اي مشروع بدايته المعاملة الحسنة
عندنا اخ نقولولو السلفي والله تدخل بلا ماتشري تتمنى تاخذ الدكتان باكمله من المعاملة الطيبة وهو مشهور عندنا يقلك عند اشري معندكش ادي ونستناك ياخي اتبع الفصول اي كل فصل بتجارة معينة وانت اعلم نحن على ابواب الدخول المدرسي قريبا اشتري لك عدد من المحافظ والكراريس والاقلام تاجر متجول في الاسواق انها بداية تجارة مربحة بدل الخضار بحيث فيها خسارة عندما لاتباع وانت اعلم بذلك ومدمت نويت بالعمل الحلال فاعلم ان الله معك اليك تجارة اخرى مبذربحة اكثر من الاولى العطور وما يلزم من الاطفال من الحفاظات وبيع بالجملة وستر ى المال يدق باب منزلك دقا وهذا بتجربة جار لنا والله الموفق الله يعاونك ....

[samira135]

بما إني من الجلفة نقدر نمدلك افكار تمشي في ولايتنا

1- افتح مكتبة عند الجامعة "دير فوطو كوبي" وديرها ب 2 دج ديجا لي ثمة دايرينها ب3 دج ولاشين مانحكيلكش في اليوم على الاقل يجيب مليون

2- افتح بيتزيريا عند الجامعة ولا موقع يكون مليح

3- افتح محل بيع الحلويات ومذابيك تكون الحلويات مصنوعة في دار تعامل مع وحدة ولا زوج هما يخدمو وانت بيع ماشية ومربحة يااااااسر وعلى ضمانتي واذا عجباتك هذي الفكرة قلي نشوفلك لي يخدمولك

بالتوفيــــــــــــق

[فارغ شغل]

السلام عليكم
احسن فكرة نشوف فيها من وجهة نظريافتح محل للوجبات السريعة
فى الجلفة الجديدة
يكون نقي ونظيف وماذا بيك تخيرو فى طريق مقابلة لي تدي للجامعة
وردلي بالخبر
ديجا كاين واحد برك يبيع الوجبات السريعة ثم
والربح الله يبارك
حاول ونوع واصبر عليها
ان شاء الله تلقا فكرة تعجبك

[the_leader]

اخي the leader المبلغ ماهوش هو المشكل اتبع ما قاله المثل الصيني المثل يقول اذا كنت لاتمتلك ابتسامة فلا تفتح دكان اي مشروع بدايته المعاملة الحسنة
عندنا اخ نقولولو السلفي والله تدخل بلا ماتشري تتمنى تاخذ الدكتان باكمله من المعاملة الطيبة وهو مشهور عندنا يقلك عند اشري معندكش ادي ونستناك ياخي اتبع الفصول اي كل فصل بتجارة معينة وانت اعلم نحن على ابواب الدخول المدرسي قريبا اشتري لك عدد من المحافظ والكراريس والاقلام تاجر متجول في الاسواق انها بداية تجارة مربحة بدل الخضار بحيث فيها خسارة عندما لاتباع وانت اعلم بذلك ومدمت نويت بالعمل الحلال فاعلم ان الله معك اليك تجارة اخرى مبذربحة اكثر من الاولى العطور وما يلزم من الاطفال من الحفاظات وبيع بالجملة وستر ى المال يدق باب منزلك دقا وهذا بتجربة جار لنا والله الموفق الله يعاونك ....

والله كي قريت ردك طلعلي المورال وتفائلت في الدنا شوي هههه
صح المعاملة هي الصح لكن بعد تجربتي الأولى
المعاملة الزينة تجيب مع النساء ومع الشبيبة
لكن الرجال الكبار والله معرفتهم خسارة ويبدلك بـ5 دينار

اثار اهتمامي تتجارة الحفاظات ولوازم الاطفال
20 مليون تكفي؟ + ممكن تزينا شوي معلومات عليها

بما إني من الجلفة نقدر نمدلك افكار تمشي في ولايتنا

1- افتح مكتبة عند الجامعة "دير فوطو كوبي" وديرها ب 2 دج ديجا لي ثمة دايرينها ب3 دج ولاشين مانحكيلكش في اليوم على الاقل يجيب مليون
هاذي صح فكرة ونظن الـ20 مليون تروح قافي الكرى هههه
2- افتح بيتزيريا عند الجامعة ولا موقع يكون مليح

3- افتح محل بيع الحلويات ومذابيك تكون الحلويات مصنوعة في دار تعامل مع وحدة ولا زوج هما يخدمو وانت بيع ماشية ومربحة يااااااسر وعلى ضمانتي واذا عجباتك هذي الفكرة قلي نشوفلك لي يخدمولك
مثير للاهتمام لكن مانيش متحمس لحوايج الماكلة + لازملها بلاصة مليحة= الكرا غالي
بالتوفيــــــــــــق

السلام عليكم
احسن فكرة نشوف فيها من وجهة نظريافتح محل للوجبات السريعة
فى الجلفة الجديدة
يكون نقي ونظيف وماذا بيك تخيرو فى طريق مقابلة لي تدي للجامعة
وردلي بالخبر
ديجا كاين واحد برك يبيع الوجبات السريعة ثم
والربح الله يبارك
حاول ونوع واصبر عليها
ان شاء الله تلقا فكرة تعجبك

مش لازم نطيب أنا والا نقدر ندير خدام ؟


شكرا جميعا على الاهتمام والمشاركة
في انتظار أفكار أكثر وشرح للافكار السابقة

[the_leader]

وش رايكم في حانوت سميد؟
في حي بوتريفيس اغلب السكان هنا يخبزو يعني يستهلكو الدقيق
والكرا شوي رخيس
وش رايكم؟

[حمري بارص]

ربي يوفقك اخي ان شاء الله

[khaoula koko]

Allah ywaf9k khoya

[N@BIL]

السلام عليكم

اخي بالنسبة للمبلغ تاعك انا نشوف احسن حاجة انك تفتح محل ديكورات جبسية ليقورج وكارو بلاطر راك تعرف متتطلبش بزاف وفيها الفايدة تشري القوالب يبقاولك طول وتشري الجبس ارخص مواد البناء الجبس وتخدم وتبيع وايدا حبيت اي استفسار بهذا المجال راني هنا شريكي والقوالب المشهورين في الدزاير قليل لي يعرفهم وين يتباعو وهي شركة تستورد من شركة ايطالية يعني احسن القوالب كاين لي يخدموهم هنا في الدزاير وبلا منكمل كي قتلك يخدموهم في الدزاير وايدا شفت فيها حاجة راني هنا والله بلي نقدر عليها
عجبتني في ردك كي ابتعدت عن مقهى الانترنت والله بارك الله فيك انا تاني كنت نفكر فيها بصح نضن فيه تخلاط الحرام بزاف ورانا هنا ان شاء الله نعاونوك باش تسترزق بالحلال

وربي يوفقك

سلام عليكم

[أم الولدين]

ربي يوفقك و ييسر امرك و يرزقك من حيث لا تحتسب

[cherif77]

افضل مشروع بهذا السعر هو بيع مواد التنظيف شرط ان يكون الموقع مناسب ربي يرزقك لحلال و يباركلك

[منال9]

ربي يوفقك أخي

[abou mustapha]

اخى الكريم

كاين وحد المثل يقول

الى عينو فى الربح العام طويل

وكاين مثل أخر عند الاباضيين يقول

العام الاول من التجارة خسارة والعام الثانى رد راس المال والعام الثالث ربح

اتمنى ان تكون قد استفدت من كلامي

[أحْمد أمير]

يعني السبار حرام و قاعة للبلايستيشن حلال ؟

[the_leader]

السلام عليكم

اخي بالنسبة للمبلغ تاعك انا نشوف احسن حاجة انك تفتح محل ديكورات جبسية ليقورج وكارو بلاطر راك تعرف متتطلبش بزاف وفيها الفايدة تشري القوالب يبقاولك طول وتشري الجبس ارخص مواد البناء الجبس وتخدم وتبيع وايدا حبيت اي استفسار بهذا المجال راني هنا شريكي والقوالب المشهورين في الدزاير قليل لي يعرفهم وين يتباعو وهي شركة تستورد من شركة ايطالية يعني احسن القوالب كاين لي يخدموهم هنا في الدزاير وبلا منكمل كي قتلك يخدموهم في الدزاير وايدا شفت فيها حاجة راني هنا والله بلي نقدر عليها
عجبتني في ردك كي ابتعدت عن مقهى الانترنت والله بارك الله فيك انا تاني كنت نفكر فيها بصح نضن فيه تخلاط الحرام بزاف ورانا هنا ان شاء الله نعاونوك باش تسترزق بالحلال

وربي يوفقك

سلام عليكم

والله عجبتني الفكرة نتاعك وصح ما تحتاجش ماتريال ياسر واليلعة رخيسة
نزيد نسقسي عليها عندنا ويسعدني اني نتصل بيك خويا العزيز

افضل مشروع بهذا السعر هو بيع مواد التنظيف شرط ان يكون الموقع مناسب ربي يرزقك لحلال و يباركلك
صح ممكن لكن لازم بلاصة مليحة == كرا غالي (يلحق حتى 3 ملايين!!!) وانا راس مالي قليل

اخى الكريم

كاين وحد المثل يقول

الى عينو فى الربح العام طويل

وكاين مثل أخر عند الاباضيين يقول

العام الاول من التجارة خسارة والعام الثانى رد راس المال والعام الثالث ربح

اتمنى ان تكون قد استفدت من كلامي



في تجربتي الأولى والله صرعوني بحكمة المزابي اللي قلتي عليها
وأنا متأكد بللي مكانش منها
أنا درست علوم تجارية وعرف بللي القاوري يقدر يعرف المشروع رابح والا خاسر من الورق يعني قبل ما يبدا حتى
أما باش نستنى عام ووعامين باش نعرف كاين الربح والا لالا فصراحة ما نقدرش وما ظنيتش كاين منها

يعني السبار حرام و قاعة للبلايستيشن حلال ؟

في البلايستيشن كان الشات وكاين الفيديو كليب وكاين الإباحيات
صح حرام

[the_leader]

شكرا جميعا على المشاركة في الموضوع
أتمنى من الجميع طرح أفكارهم ومشاريعهم
لوكان جات عندك 20 مليون وش ديير بيها؟