ماذا افعل مع صديقتي ارجوكم ساعدوني

[مشكلتي]

السلام1

البسملة1

انا و صديقتي ندرسو مع بعض و هدا العام رانا مقبلين على شهادة البكالوريا باذن الله
هدا العام و في طرفة عين صديقتي تمت خطبتها من شاب
عائلة صديقتي يعني ادنى من المتوسط بقليل يعني حالتهم المادية و هي جيدة جدا في دراستها

المسكينة ندمت لانها وافقت عليه
و كي قلتلها علاه وفقتي من الاول
قاتلي الامر جا بسرعة و مانيش عارفة واش صالي *كاني انعميت*

و راهي ندمانة و كنت نتكلم معاها الان و شفتني المعدل جابت 13 و هي موالفة تدي غير بل 15 ..

و كي قلتلها العام الجاي زيري روحك قاتلي راني ندمانة اللي قبلت و نتمنى نموت

مع العلم ان ابوها متشدد بزاااااااااف لدرجة انها ماتقدرش تقولو نبطل
يعني تجيه عيب و عار


يعني انا في اطري نقنعها باه تتشجع و تواجه ابوها و تبطل لاني بارعة في الاقناع لكني خفت من حاجة وحدة برك
التفرقة بين زوجين لانها من احب الاعمال الى الشيطان

واش رايكم نخليها تخسر حياتها و تعيش الجحيم ولا نقنعها باه تبطل


ارجكم ساعدوني هدي متل اختي
و بارك الله فيكم

[tinza]

الزواج أصبح جحيم
تبحثون عن الحرية و الزنقة بحجة الدراسة
بارعة في الإقناع إذن أقنعي رجلا لكي يأتي لخطبتك
لأنني أعلم أن نار الغيرة تأكل فيك من الداخل لأن صديقتك ستتزوج
أما الجامعة فقد أصبحت مثل مكب النفايات

[sweet basma]

السلام عليكم
ربي يكون في عونك اختي
فهميها انو الانتحار ليس حل

ربي يكون معاها و الله ماصبت مانقول

[amine9mm]

خليها تتزوج على روحها انت راك فلحرام معاها وتزيد تقول صديقتي تعبتون بحرمات الله كما تشاؤون شعب منافق خليها تتزوج والا جيت انت راجل بعد عليها خلي راجل يديها فلحلال مش خير والله ربي ماراه خاطي يطلقك كما تدين تدان هي مخطوبة وانت مازالك تحكي معاها يااخي حالة والله كرهت هذي البلاد التي اصبحت بلدا غير مسلم الاسلام بخصتوا بيه

[Assouma 93]

الزواج أصبح جحيم
تبحثون عن الحرية و الزنقة بحجة الدراسة
بارعة في الإقناع إذن أقنعي رجلا لكي يأتي لخطبتك
لأنني أعلم أن نار الغيرة تأكل فيك من الداخل لأن صديقتك ستتزوج
أما الجامعة فقد أصبحت مثل مكب النفايات











هههههههههه والله غير ضحكتني خصوصا هذيك نتاع بارعة في الاقناع الله يجيب الخير و خلاص:1:

[Assouma 93]

يا اختي ما تقنعيها ما والو خليها تروح دير دار على روحها

[sweet basma]

خليها تتزوج على روحها انت راك فلحرام معاها وتزيد تقول صديقتي تعبتون بحرمات الله كما تشاؤون شعب منافق خليها تتزوج والا جيت انت راجل بعد عليها خلي راجل يديها فلحلال مش خير والله ربي ماراه خاطي يطلقك كما تدين تدان هي مخطوبة وانت مازالك تحكي معاها يااخي حالة والله كرهت هذي البلاد التي اصبحت بلدا غير مسلم الاسلام بخصتوا بيه

لاني بارعة



ههههههههه وشبيك خويا باينة راك منارفي هدي طفلة ماشي طفل

[tinza]

هههههههههه والله غير ضحكتني خصوصا هذيك نتاع بارعة في الاقناع الله يجيب الخير و خلاص:1:
صدقتي أنا مجنون

[تراتيـل صبــح]

الزواج أصبح جحيم
تبحثون عن الحرية و الزنقة بحجة الدراسة
بارعة في الإقناع إذن أقنعي رجلا لكي يأتي لخطبتك
لأنني أعلم أن نار الغيرة تأكل فيك من الداخل لأن صديقتك ستتزوج
أما الجامعة فقد أصبحت مثل مكب النفايات




والله يا اخي ردّك قاسي،
والفتاة مسكينة أرادت مساعدة صديقتها لأنها احسّت بمعاناتها،
هي لمْ تقلْ ان الزواج تعاسة،
لكنْ صديقتها شعرت بأنها تسرّعت بالموافقة،
لكن اختي لمْ توضحي اذا كان هذا الخاطب سينتظرها،
حتى تنهي دراستها أم يكون الارتباط بعد ما يجهّز نفسه مباشرة؟
أنا في رأيي انْ تدرس لأنّها موعد الزواج لمْ يحن بعد،
كما أنّ اهلها لمْ يمنعوها من الدراسة،
هي فقط مرحلة خوف لا غير،
فهي لمْ ترفض الشاب،
لكنها تفكر في الدراسة،
وما المانع أنْ تدرس؟
لتفكّر في اليوم ولا تهتمّ بتخوّفات الغد،
وانْ لمْ تستطع ذلك لتناقش موضوع الدراسة مع أهلها وخطيبها،
ربما يصلون لحل،
هكذا ترتاح من هذا الهاجس.
بالتوفيق.

[sweet basma]

والله يا اخي ردّك قاسي،
والفتاة مسكينة أرادت مساعدة صديقتها لأنها احسذت بمعاناتها،
هي لمْ تقلْ ان الزواج تعاسة،
لكنْ صديقتها شعرت بأنها تسرّعت بالموافقة،
لكن اختي لمْ توضحي اذا كان هذا الخاطب سينتظرها،
حتى تنهي دراستها أم يكون الارتباط بعد ما يجهّز نفسه مباشرة؟
أنا في رأيي انْ تدرس لأنّها موعد الزواج لمْ يحن بعد،
كما أنّ اهلها لمْ يمنعوها من الدراسة،
هي فقط مرحلة خوف لا غير،
فهي لمْ ترفض الشاب،
لكنها تفكر في الدراسة،
وما المانع أنْ تدرس؟
لتفكّر في اليوم ولا تهتمّ بتخوّفات الغد،
وانْ لمْ تستطع ذلك لتناقش موضوع الدراسة مع أهلها وخطيبها،
ربما يصلون لحل،
هكذا ترتاح من هذا الهاجس.
بالتوفيق.



اختي بارك الله فيك

اعجبني ردك انا ايضا اوافققك الراي فالاخ تينزا قسا عليها كثيرا
هي لم ترد ان تقنعها خوفا من تعمل شيئا سيئا فطلبت نصيحتنا
يعني لوكان جات غيورة لوكان ماسقساتش

تريثوا قبل الكلام الجارح
وااخ الاخر نسيت اسمو راح يهدر في هدرة قاسية و هو ماعلابالهش لاكان المتحدث طفل ولا طفلة و

[ميمي سمية]

معليش ختي ماتكبروش لحكاية

وينو المشكل قوليلها تقول لعايلتها بلي حتبطل لخاطر قرايتها هي الاولى وهي الاهم من كلشي

واذا خافت من عايلتها قلها تكمل تقبل مي تشرط عليهم تكمل قرايتها حتى بعد الزواج

وقوليلها شدي حالها وخممي في قرايتك لخاطر حاجة ماحتنفعك

[sali-sali]

السلام عليكم
ادا طفل ولد ناس وماخصه والو ماعندها علاه تندم

[naamane3]

أنا من رأيي أن ترفض بشدة ان كان هذا الخاطب
فيه عيب شرعي بخيل مثلا أو سكير أو تارك الدين كله
أما غير هذا فلا تفرقي بين الزوج وزوجه لانه من عمل الشيطان
أما بخصوص الدراسة فيجب أن يتحاورا فيها ويتفقا على
رأي واحد وهذا سهل جدا
وأما اذا كان هذا الخاطب لم يعجبها أصلا فهذا أمر آخر
ويجب أن تعيد حساباتها وترتب أمورها وتواجه العائلة والخاطب
وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ البقرة: 216

[ما فهمت والو]

الزواج أصبح جحيم

تبحثون عن الحرية و الزنقة بحجة الدراسة
بارعة في الإقناع إذن أقنعي رجلا لكي يأتي لخطبتك
لأنني أعلم أن نار الغيرة تأكل فيك من الداخل لأن صديقتك ستتزوج
أما الجامعة فقد أصبحت مثل مكب النفايات


كفيت و وفيت ما عندي مانزيد فوق هدرتك

[wafa16]

ادا ماكانتش مرتاحة و مقتنعة غير تبطل حتى انها مازالت صغيرة تجوز في الباك
جا شاب خطبها وافقت و دارت احلام وردية و بعد ان استفاقت من الحلم عرفت بلي تسرعت بالاك كلماتو و عقليتو ما عجبتهاش هادا التفسير الوحيد
و انتي صديقة مخلصة بما انك تبحثي عن حل لصديقتك لوكان جيتي غايرة منها كنتي تخليها تتورط تفرحيلها كي جابت 13 بدل 15
كاين ناس ياخدو الامور على اساس شخصي و يبداو يهاجمو في الناس بلا مايفهمو

[sweet basma]

ادا ماكانتش مرتاحة و مقتنعة غير تبطل حتى انها مازالت صغيرة تجوز في الباك
جا شاب خطبها وافقت و دارت احلام وردية و بعد ان استفاقت من الحلم عرفت بلي تسرعت بالاك كلماتو و عقليتو ما عجبتهاش هادا التفسير الوحيد
و انتي صديقة مخلصة بما انك تبحثي عن حل لصديقتك لوكان جيتي غايرة منها كنتي تخليها تتورط تفرحيلها كي جابت 13 بدل 15
كاين ناس ياخدو الامور على اساس شخصي و يبداو يهاجمو في الناس بلا مايفهمو

عندك الحق اختي انا تاني خممت و استنتجت نفس كلامك
مسكينة طمعوها و من بعد ندمت و صديقتها مخلصة لانو الصديقة الغيورة تفرح لصحبتها كي يطيح المعدل تاعها

[amina04000]

ماذا حدث لمجتمعنا بالله عليكم كيف تهاجم من طلبت النصيحة بهذه الطريقة من عنده حل يقوله لها وهو مأجور وكفى لم التجريح

[أمة الله 12]

يا اختي اللي مكتوب ع الجبين لازم تشوفو العين

ما تتدخليش خلاااااااااص

و قولي لصاحبتك 'عسى ان تكرهوا شيئا و هو خير لكم و عسى أن تحبوا شيئا و هو شر لكم'

و تخلي الامور تمشي عادي ما تدري يزيد يجيها ولد فاميلا كي هذا و لا لا

بخصوص قرايتها تتفاهم مع الوالد تاعها اللي راهي حابة تكمل عادي خلاص

[سارةالتلمسانية]

هي صح الزواج مايجيش بالسيف مي دك منلعبوش بالناس قبلت قبلت وزيد زعما راح تجبر خير من هاد الراجل منظنش انا نظن حنونة خليها تروح تتزوج وتدير دارها لقرايا مراحش تنفعها والليوم راهو كي القاري كي اللي ماشي قاري وافضل مكان للمراة اللي تجبر فيه حريتها هو بيت زوجها

[kmilya]

قلها روحي كملي قرايتك خيرتلك وشمن زواج مازالت صغيرة دير سع مستقبلها مبعد ربي يسهل قرايتها اولى شجعيها وكوني معاها باه تواجه عايلتها وتقول مانيش قابلة

[جلة نور]

تضارب قوي في الاراء والكل يرى هذا الامر من رؤيته الشخصية
صديقتي يجب ان تفهمي اولا لماذا ترفض صديقتك هذا الخاطب هل فيه شيئ معيب ام انه لم يعجبها
اختي فلتفهم جيدا انها ستعيش معه حياتها حياة جديدة ستبدؤها وعليه يجب ان تفكر جيدا هي في سن صغيرة والزواج ليس اجباريا تستطيع الرفض ان كان لها اسباب مقنعة لا اظن ان هناك ابا مهما بلغت شدته يزج بابنته للتعاسة كما انها مقبلة على البكالوريا فليكن كل تفكيرها في دراستها ولاشيئ غيرها
ولتصلي صلاة استخارة ليهديها الله للقرار السليم
بالعودة الى بعض الردود ومن يرديها ان تقبل وفقط لماذا هل اصبح المهم فقط الزواج مهما كان الشخص بغض النظر عن رغبة الفتاة ورؤيتها للامور لا ليست كذلك وان اصبح هذا هو مفهوم الزواج عندكم فليذهب الزواج الى الجحيم يجب ان تختار جيدا شريك حياتها الذي ستكمل معه مشوار حياتها الاختيار ليس للزوج فقط