علوم التمريض [الأرشيف] - منتديات الجلفة لكل الجزائريين و العرب

تسجيل الدخول

مشاهدة النسخة كاملة : علوم التمريض

العصفورة 29

2013-07-09, 19:36

السلام عليكم .. عندي معدل 11.99 و رايحة ندير علوم التمريض هي الإختيار الأول .. ممكن يمدوهالي ؟؟

شكــراا

سارة *

2013-07-09, 19:51

حتى أنا حابتها لكن ما حبوش يفيدونا
اتكلي على الله هو حسبنآآ

العصفورة 29

2013-07-09, 19:52

ربي يخليك حبيبة والله غير كلمة حلوة تفاجي عليك .. عندك الحق التكلة على ربي و خلاص و ان شاء الله تكون من نصيبنا

سارة *

2013-07-09, 19:55

ان شاء الله
بالتوفيييييييييق

mica nour

2013-07-09, 20:24

بالنسبة لعلوم التمريض في مستغانم
بصراحة في هادي الدفعة الأولى أغلب الطلبة بنات لكن هذا لا يعني انه ماكانش أولاااااااااد ... طبعا كاين لكن عدد قليل و رغم هذا يقرااو مليح حتى أنو MAJEUR DE PROMO ولد
اه .. و الله في البداية الكل كان متخوف من هادي الشعبة لانها جديدة لكن الحمد لله مع الوقت تعودنا و هذا بفضل الله ثم بفضل le chef de département و كل الأساتذة اللي كانو حريصين كل الحرص انهم يعطووونا كل المعلومات الصغيرة و الكبيرة ** هذا واجبهم طبعا** و كانو دايما يقولونا و مازاااالو يقولونا ان هاد الشعبة الجديدة راح تسمح باش نغيرو صورة الممرض الجزائري الي راهي مشوهة في المجتمع تاعنا ** الله يسامح الي كان السبب**
المهم هاد العام تعلمنا أشياااااااااااااااااااااء كثيرة من الدروس و les td et les tp و طبعا stage
في السداسي الأول كان عندنا 14 modules قريناهم في4 أشهر و ممبعد دارنا EXAMEN و بعده مباشرة STAGE مدته شهر و كان عندنا UN CAHIER DE STAGE تكتب فيه كل يوم واش درت و واش شوفت و في نهاية الشهر LE TUTEUR DE STAGE يصححهولك و يعطيك نقطة اللي راح تنضاف لنقطة RAPPORT DE STAGE ET L'EXAMEN ORAL ** يعطيهالكم le tuteur pédagogique
و في النهاية يعطوك نقطتك النهائية la note de stage ** معامل الستاج 5**
في السداسي الثاني 11 MODULES + STAGE
م الستاج الثاني كان في شهر ماي لكن هادي المرة كل أسبوع في SERVICE و حتى عندكم امكانية تحضرو des interventions chirurgicales
وكيما المرة الأولى cahier de stage
هاد كان ملخص للسنة التي أمضيناها في هذه الشعبة الراااااااااااااائعة
اتمنى لكل شخص يختارها أن يوفق فيها و ربي يعينه لكن حاااجة مهمة هي تحتاج لصبر كبيييييييييير و مجهودات أكبر
bon courage à vous

منقول من عند جلنار1994
و شوفي هذا الموضوع تاعها بلاك يفيدك
هنــــــــــــا (http://djelfa.info/vb/showthread.php?t=1348493)

!?زين الدين?!

2013-07-09, 20:48

قلتها مرارا وتكرارا
حذاري من هذا التخصص الغامض
والذي لا تعترف به وزارة الصحة حتى الان
واعيد القول ان هناك فرق بين علوم التمريض وبين الشبه طبي
انا نصحتك وانت حرة

العصفورة 29

2013-07-09, 23:20

شكرا حبيبتي نـور كنت بحاجة لهاد المعلومات .. أخي زين الديـن شكرا على تنبيهك و راني قريتو في موضوع الأخت عندك الحق في نقطة انـو تخص جديد و الأفاق تاعو ماشي معروفة بصح على الأقل تتثقف منو في حاجة تحتاجها في حياتك اليومية اما مووضوع الخدمة فهو أرزاق من عند ربـي و هادي هي .. شكرا لإهتمامكم

Aicha Ziani

2013-07-10, 13:47

السلام عليكم
رمضان كريم
والله حتى أنا حابه ندير علوم تمريض
ان شاء الله يعطوهالنا ونتلاقاو في الجامعة