صيدلة؟ طب؟ أم ماذا؟! [الأرشيف] - منتديات الجلفة لكل الجزائريين و العرب

Hind_dz

2013-07-09, 18:56

السلام عليكم،،

الموضوع باين من العنوان،، راني حايرة واش ندير طب ولا فارماسي ولا واش؟!

كنت حابة طب بصح ضرك ترددت بزاف،، من جهة الاعوام بزاف و القراية بزاف و الحفاظة بزاف و من جهة انا ما نتحملش نشوف جثث و حوايج كيما هك..

مالا وليت نخمم فالفارماسي،، اللي كنت من الاول مش حابتها على خاطر تبانلي تجارة برك،، تقعد و تبيع..

والحوايج لوخرين حاجة ما داخلة في راسي و حابتها,,

عاونوني... واشي هي اللي خير؟ الميدسين ولا الفارماسي؟ و كيفاه المستقبل فالفارماسي؟ تفتح و تبيع برك ولا كاين حاجة خلاف؟

و بارك الله فيكم..

bentbabahmed

2013-07-09, 19:01

khtiiiii kayn 3olom masrahiya

bentbabahmed

2013-07-09, 19:03

serieusement si t'es sensible il faut eviter la medecine tu peut faire l'ecole supérieure de l'informatique c'est une branche du futur et il ya plein d'opportunités et jai le mem opinion quand sa s'arrive a choisir pharma car c'est ennyuant et tu fais que vendre chaque jour :/

pro24

2013-07-09, 19:04

بالبركة عليك اختاه اولا
عليك بصلاةالاستخارة
حسب راي الزوج ملاح
الطب مليح
بصح الفرمسي الاموال بزاف

Catal0ni

2013-07-09, 19:11

ولله أختي ، انا مثلك كان حلمي الطب ... لكنني أحس أني لست مستعدّ لتحمل مشاق الطب وتكريس حياتي له فهناك أولويات أخرى . لهذا أنا أفكر ايضاً في الصيدلة .

la_safa

2013-07-09, 19:18

أختي نفس المشكل ، لكنني إخترت الصيدلة بحكم أنهآ ملآئمة للفتآة ..
و دآرتهآ جد شيقة .. على عكس الطب الذي هو حفظ أكثر من فهم + تعب يآآآسر ..
يآ أختي و كل وآحد وش يحب ،
يعني من جيهتي نقلك الصيدلة أحسن ..

~ منصـ‘‘ـف ~

2013-07-09, 19:52

و عليكم السلام و رحمة الله
أهلا هنـــدْ
علابالي بالضغط اللي راكي عايشتو , كيف لا و الامور تتعلق بمستقبلك و حياتك ككل
هند حسب ما سمعت الفارماصي دراستها روووعة خاصة انك تقراي كل شيء بالكيمياء الممتعة و زيد السنوات 6 برك على عكس الميدسين
مي المشكل من بعد في الخدمة , لأنو باه تفتحي كابين لازملك مصادقة من الدولة و هما مايمدوهاش ( يمدو وحدة في 5000 نسمة ) لهذا لازم تنتظري و تصبري شوية باه تبداي تخدمي و الله أعلم .

زيدي سقسي اللي يقراوها و أنت و رغبتك
صل الاستخارة
ربي معاك
بالنسبة لي أعدت البكالوريا من أجل الطب و سأختار الطب إن شاء الله
ربي يوفقك

~ منصـ‘‘ـف ~

2013-07-09, 20:02

هند شوفي الموضوع هذا كانش ماتلقاي معلومات
http://www.djelfa.info/vb/showthread.php?t=1347577

فوزي الفايز

2013-07-09, 20:50

لا ادري حول الصيدلة

لكن مشكل الجثث ستتعودين عليها فهم بشر فقط لم يبقوا احياء

لكن انت صاحبة القرار اختاري ما يلائمك

Hind_dz

2013-07-10, 01:18

لا ادري حول الصيدلة

لكن مشكل الجثث ستتعودين عليها فهم بشر فقط لم يبقوا احياء

لكن انت صاحبة القرار اختاري ما يلائمك

هذاك هو المشكل بالذات!!

Hind_dz

2013-07-10, 01:19

شكرا لكم جميعا،، ان شاء الله سأتخذ القرار المناسب..

levante-king

2013-07-10, 11:27

الطب في هذا الوقت أفضل نظرا لقلة فرص العمل و الحصول على المصادقة في الصيدلة
بالنسبة لصعوبة الطب فأطمئنك أن الصعوبة مثلها مثل أغلبية التخصصات ( اللي قرا يلقى و معي طلاب تحصلوا على معدلات أكبر من 16 و هم كثر ) و بالنسبة للأعوام 7 سنوات و تخرج دكتور طب أفضل من 5 سنوات و تخرج ماستر بطبيعة الحال في تخصص آخر
إذا رأيت نفسك قادرة مستقبلا على التخلص من الخوف من مشاهدة الجثت و ما غير ذلك من حالات المرضى فاختاري الطب دون تردد و إن رأيت أن هذا مستحيل فأقترح عليك المدارس العليا للأساتذة أو المدرسة العليا للإعلام الآلي إن كان معدلك يسمح بذلك
بالتوفيق

Bilelxhunter

2013-07-10, 11:53

نصيحتــــــي لكي يا أختاآآآه ، إسألــــي أهـــل التخصص فهم الأاقرب والأدرى والأعلــــم بمـــا يحتويه المجال وما يحيـــط بـــه ، ولا تغترّي بآراآآء شخصيـّــة حتمـــاً قد تصيب وقد تخطـــأ ...
بالنسبـــة لي كطالــب طب منتقل لسنة 2 ، أظــن أنّ مشكلـــة الخوف من الدماء والجثث وغيرهـــا ستعتادين عليهـــا مع مرور الايام والسنوات ، وهذا ما يصرح به جميــع الأطباااء ، أما السنوات فهي كما تبدو كثيرة ، لكن 7 سنوات مثلا تعادل 5 في مجال آخر مع سنة أو سنتين من الإنتظار لدخول الحياة المهنية كأقل تقديــر ..
من جهــة أخرى ، هناك فرصــة العمـــر بالدخول للمدرســة العليا للإعلام الآلي .....
أمــا الفارمـــسي إلى جانب صعوبــة الدراســـة فيهــا نوعــا ما ، فمشكلـتها تكون بعد التخرج ، ( الحصول على مصادقة من الدولـــة ... )
مازال الوقت أمامكي للتفكير ، أسأل الله لكي التوفيـــق في الإختيار
.. السلام عليكم ..

شهيستة

2013-07-10, 11:57

bnj consoeur ... et saha ramdankom
j vu entre tes lignes ..que tu veux bien la médecine mais tu hésites de la faire comme étude en trouvant des exuses "inutiles "
d'un autre part tu n'est pluus satisfaite de la pharmacie
je te dis la vérité : c vrai que la médecine vaut qlqn compétent w te3ayiiii bzf mais soyez sur que tu auras selon ta préparation en plus tu t'ennuies jamais..parcequ'il y'aura tjr de nvelles informations ...et si tu es qlqn intélligent "j'en suis sur" tu trouvra jamais des problémes nchallah...et conçernat les 7ans ..c pas long pour le titre "docteur" c'est la mm chose pour les autres spécialitées..w ça passe vite crois moi.... en plus la 7éme année ce n'est qu'un stage
alors pour la pharmacie c 6ans pour le titre "docteur" ...mais les opportinutés d'ouvrir sont peu ......et un vendeur peut gérer le travail .... j ma cousine pharmacienne rahi nedemana 3la la médeciiine
c tous que je peux te diiire ... w li fiha khiiir rabi yejibhalek ....

Hind_dz

2013-07-10, 16:05

بارك الله فيكم على المساعدة،،

لقد وضعت الطب كخيار أول و وراءه الصيدلة،،

ان شاء الله خير..

نَازِكْ

2013-07-10, 19:30

اختي هند راك غالطة بخصوص الصيدلة فالصيادلة الحقيقيون يعملون عند الدولة في تصنيهع الادوية اما لي يبيعوا اغلبيتهم كاريين شهادات ولا شبه طبي
+معدل قبول الصيدلة اكبر من الطب اضافة الى ان الصيدلة زادولها عام وطوروها احسن عندي وحدة نعرفها سنة تكمل
بما انك متمكنة في الانجليزية لمادا لاتختارين المدرسة الوطنية للالكترونيك فبومرداس يقراو انجلي +مواد علمية مجرد راي بما انك تكرهي الطب
اتمنى ان نستفيد من تجربتك للعام لجاي لاني بصراحة محتارة مند الان

sarielle

2013-07-10, 19:32

bon! si t'aime la médecine !! bain!! t'as qu'à faire MEDECINE

tu dis "je supporte pas...." jte dis tu vas t'habituer twaaalfi!!a

tu dis "c'est trop long!!!" euuh! on a 7ans + spécialité de 3 ,4 ou 5 ans shè pas exactement pour la médecine
et Pour la Pharmacie il y a 6 ans d'études + 5 ans de spécialité si tu veux

il faut faire la différence entre le pharmacien et le vendeur

si tu veux pas ouvrir une officine tu peux faire specialité!

exp de sp dispo en algerie
Biochimie
Biophysique
Botanique
Chimie analytique
Chimie minérale
Chimie thérapeutique
Hémobiologie
Hydro bromatologique
Immunologie
Matière médicale
Microbiologie
Parasitologie
Pharmacie Galénique
Pharmacologie
Toxicologie
Pharmacognosie

y a d'autres sp à l'etranger !!a..............

ishak taba

2013-07-10, 21:15

الطب والصيدلة في زوج ملاح

شوفي انتي وش تحبي

mohamedph32

2013-07-10, 21:19

sarah1424

2013-07-10, 21:30

ولله أختي ، انا مثلك كان حلمي الطب ... لكنني أحس أني لست مستعدّ لتحمل مشاق الطب وتكريس حياتي له فهناك أولويات أخرى . لهذا أنا أفكر ايضاً في الصيدلة .

تفكير سليم
اهنئك اختاه قليل من يفكر مثلك
صراحة الجزائر بحاجة لاطباء اكفاء وليس لاطباء والسلام
فصحة الانسان مسؤولية اما الله ورانا نسمعو في اخطاء طبية ومعانات
نصيحة لكل من يريد الطب الطب مهنة شريفة لكن مهنة جد شاقة والله العلي العظيم لم اتعب ملما تعبت في دراسة الطب
القراية صعيبة وتحسي بضغط وتحسي بتعب واحيانا ندم من شدة التعب والارهاق
انا نصيحتي كل انسان يعرف قدراتو ومدى صبره واهدافو في الحياة فليس المهم ان تصبح طبيب المهم ان تصبح كفء
عدد السنوات بزاف وفيها تضحيات جسام
والي عندو قدرات للتحمل نقلو مرحبا بك في عالمنا مرحبا بك طبيب المستقبل ربي يوفقك ويالها من مهنة عظيمة يكفيك دعاء مريض يكفيك مساعدة الناس ربي يوفقكم
اسخيرو الله وحددو اهدافكم واعرفو قدراتكم روحو لاطباء سقسوهم تعرفو على المهنة مليح

سعودي17

2013-07-10, 21:49

اذل تحبي الطب خيريه و كما قدرتي تقراي للباك وتجيبي مليح تقراي الطب الاساس في الاختيار الرغبة ديري الحاجة لي تحبيها العوامل الاخرى انسايها الرزق على ربي و الزواج بالمكتوب ربي يعينيك و ديري واش تحبي هذي اهم حاجة

Catal0ni

2013-07-10, 21:54

تفكير سليم
اهنئك اختاه قليل من يفكر مثلك
صراحة الجزائر بحاجة لاطباء اكفاء وليس لاطباء والسلام
فصحة الانسان مسؤولية اما الله ورانا نسمعو في اخطاء طبية ومعانات
نصيحة لكل من يريد الطب الطب مهنة شريفة لكن مهنة جد شاقة والله العلي العظيم لم اتعب ملما تعبت في دراسة الطب
القراية صعيبة وتحسي بضغط وتحسي بتعب واحيانا ندم من شدة التعب والارهاق
انا نصيحتي كل انسان يعرف قدراتو ومدى صبره واهدافو في الحياة فليس المهم ان تصبح طبيب المهم ان تصبح كفء
عدد السنوات بزاف وفيها تضحيات جسام
والي عندو قدرات للتحمل نقلو مرحبا بك في عالمنا مرحبا بك طبيب المستقبل ربي يوفقك ويالها من مهنة عظيمة يكفيك دعاء مريض يكفيك مساعدة الناس ربي يوفقكم
اسخيرو الله وحددو اهدافكم واعرفو قدراتكم روحو لاطباء سقسوهم تعرفو على المهنة مليح

انا ذكر + أختي اي سنة تدرسين ؟ من كلامك أفهم أنك لم تكوني ترغبين بدراسة الطب ،

sarah1424

2013-07-10, 22:15

انا ذكر + أختي اي سنة تدرسين ؟ من كلامك أفهم أنك لم تكوني ترغبين بدراسة الطب ،

سلام اخي
انا هاذا العام 6 باذن الرحمان
بالعكس انا كنت كيفكم الطب الطب والديا شجعوني لكن متخيلتوش بهذه الصعوبة وخاصة كل منحب نتقن العمل ونفرا مليح نتعب كثر وكثر علما انني لا احب الحفظ لكن الطب فهامة قبل كلشئ كي تفهم يجيك ساهل
انا تعبت سنة اولى لعدة اسباب جاتني القراية فيها بزااااف بدلت الولاية وبعدت على اهلي وووووو
لكن الان اعشق الطب
وهذا العام عندي اختي الوحيدة نجحت الباك ب 16 وقاتلي وش ندير انصحيني والديا قالولها ديري كيما اختك
اما انا والله فهمتها نقطة بنقطة في الطب بلي تحتاج صبر ومثابرة واجتهاد وفيه عدد سنوات بزاف قلتلها اذا انت عندك الرغبة والاراة ومستعدة للتضحية مرحبا بيك واذا لا اختاري شعبة اخرى
واختي سجلت جراحة اسنان لعدة اسباب وعن اقتناع
وديما نقول ان تصبح طبيب فهذا حلم وان تصبح طبيب كفء فهذا هدف
ربي يوفقكم واي سؤال راني هنا

Catal0ni

2013-07-10, 22:18

سلام اخي
انا هاذا العام 6 باذن الرحمان
بالعكس انا كنت كيفكم الطب الطب والديا شجعوني لكن متخيلتوش بهذه الصعوبة وخاصة كل منحب نتقن العمل ونفرا مليح نتعب كثر وكثر علما انني لا احب الحفظ لكن الطب فهامة قبل كلشئ كي تفهم يجيك ساهل
انا تعبت سنة اولى لعدة اسباب جاتني القراية فيها بزااااف بدلت الولاية وبعدت على اهلي وووووو
لكن الان اعشق الطب
وهذا العام عندي اختي الوحيدة نجحت الباك ب 16 وقاتلي وش ندير انصحيني والديا قالولها ديري كيما اختك
اما انا والله فهمتها نقطة بنقطة في الطب بلي تحتاج صبر ومثابرة واجتهاد وفيه عدد سنوات بزاف قلتلها اذا انت عندك الرغبة والاراة ومستعدة للتضحية مرحبا بيك واذا لا اختاري شعبة اخرى
واختي سجلت جراحة اسنان لعدة اسباب وعن اقتناع
وديما نقول ان تصبح طبيب فهذا حلم وان تصبح طبيب كفء فهذا هدف
ربي يوفقكم واي سؤال راني هنا

لله يبارك اختي عامك السادس ، مابقالكش قد اللي جاز وان شاء لله تصبحي طبيبة همّها نيل رضا لله عزوجل ومساعدة الانسانية .

اختي احس انك متشائمة بعض الشيئ وقلقة بشأن الصعوبات لكنك ماشاء لله 6 سنوات اجتزتي الصعوبات والحمدلله ، عقبال التخصص ان شاء لله

sarah1424

2013-07-10, 22:23

لله يبارك اختي عامك السادس ، مابقالكش قد اللي جاز وان شاء لله تصبحي طبيبة همّها نيل رضا لله عزوجل ومساعدة الانسانية .

اختي احس انك متشائمة بعض الشيئ وقلقة بشأن الصعوبات لكنك ماشاء لله 6 سنوات اجتزتي الصعوبات والحمدلله ، عقبال التخصص ان شاء لله

هههههههه حكمت عليا عبر حروف كتبتها
بالعكس ابتسامة 24/24 الحمدلله
مشهورة بصاحبة الضحكة الدائمة بالعكس انسانة متفائلة
ونقلك اكثر عليا بما انك حكمت عليا انا من مواليد 91 سنة 6 طب + 4 بكالوريات ولله الحمد
انا فقط جدية لابعد الحدود واضن ان هذا هو سبب نجاحي ولله الحمد
التشاؤم من الوضع المزري للطب في الجزائر لانك لم ترى ما رايت

Catal0ni

2013-07-10, 22:33

هههههههه حكمت عليا عبر حروف كتبتها
بالعكس ابتسامة 24/24 الحمدلله
مشهورة بصاحبة الضحكة الدائمة بالعكس انسانة متفائلة
ونقلك اكثر عليا بما انك حكمت عليا انا من مواليد 91 سنة 6 طب + 4 بكالوريات ولله الحمد
انا فقط جدية لابعد الحدود واضن ان هذا هو سبب نجاحي ولله الحمد
التشاؤم من الوضع المزري للطب في الجزائر لانك لم ترى ما رايت

لله يبارك ويزيد اختي . بما انك اجتزت سنين في الطب ، هل صحيح أن من يدرس الطب عليه ان يقطع علاقاته الاجتماعية + ينسى الترفيه والتلفاز والنت الّا في العطل ؟

sarah1424

2013-07-10, 22:41

لله يبارك ويزيد اختي . بما انك اجتزت سنين في الطب ، هل صحيح أن من يدرس الطب عليه ان يقطع علاقاته الاجتماعية + ينسى الترفيه والتلفاز والنت الّا في العطل ؟

ربي يبارك فيك
صراحة كيما قتلك قبيل فيه معلومات كثيرة يحتاج منك وقت للتمكن
باش تتعلم وتنجح في الب يحتاج منك جهد وصبر وارادة لكن نقطع علاقاتي وننسى الترفيه لااا كلش اصبح في حدود
يعني انقص من الترفيه خاصة في السنوات الاولى اما علاقاتي بالعكس زدت اصبحت عندي علاقات كثيرة لكن اغلبها مع ناس في الميدان الطبي
صحيح تضحي لكن مش تقتل روحك وتولي في عزلة ومترفهش بالعكس نظم حياتك ونظم وقتك حسب الاولويات هادا ماكان
ربي يوفقك لما فيه خير وصلاح لك

Catal0ni

2013-07-10, 23:12

ربي يبارك فيك
صراحة كيما قتلك قبيل فيه معلومات كثيرة يحتاج منك وقت للتمكن
باش تتعلم وتنجح في الب يحتاج منك جهد وصبر وارادة لكن نقطع علاقاتي وننسى الترفيه لااا كلش اصبح في حدود
يعني انقص من الترفيه خاصة في السنوات الاولى اما علاقاتي بالعكس زدت اصبحت عندي علاقات كثيرة لكن اغلبها مع ناس في الميدان الطبي
صحيح تضحي لكن مش تقتل روحك وتولي في عزلة ومترفهش بالعكس نظم حياتك ونظم وقتك حسب الاولويات هادا ماكان
ربي يوفقك لما فيه خير وصلاح لك

شكراً اختي على الرد ، سؤال اخر من فضلك اخيتي ، انا لا اعتمد على الحفظ كثيراً ، هل تعتقدين أنه سيكون بامكاني التأقلم مع الوضع في دراسة الطب ؟ واكتساب القدرة على الحفظ والاسترجاع؟

sarah1424

2013-07-10, 23:32

شكراً اختي على الرد ، سؤال اخر من فضلك اخيتي ، انا لا اعتمد على الحفظ كثيراً ، هل تعتقدين أنه سيكون بامكاني التأقلم مع الوضع في دراسة الطب ؟ واكتساب القدرة على الحفظ والاسترجاع؟
يا اخي اسئل وراني هنا نجاوبك
نعم انا نقول ديما الطبيب الممتاز هو من يفهم
كايم مصطلحات تفهمهم لكن اعتم على الفهم في دراسة الطب لان كل ما تحفضه تنساه بسرعة لكن الي تفهمو مستحيل تنساه والتطبيق هو اهم حاجة في الطب التطبيق يخليك تعيش المهنة

باذن الله تقدر وتتاقلم لما لا

espoire rst

2013-07-11, 01:06

pr moi pharmacie ou unr autre specialite comme les ecoles superieures mais mdc ppppppppf soufrance elle est bcp d inconvenient en future allah ywaf9ak

lalib40

2013-07-11, 01:14

الصيدلة تجارة فقط

هسكضهم20

2013-07-11, 18:44

يا اختي الطب افضل بكثير من الصيدلة و دراسته شيقة و ممتعة اما بالنسبة لفرص العمل فهي مضمونة في الداخل والخارج اما بانسبة لصيدلة فتاجر او ماتصحلكش لازم معارف او رشاوي بش تحلي

Hind_dz

2013-07-11, 19:02

يا اختي الطب افضل بكثير من الصيدلة و دراسته شيقة و ممتعة اما بالنسبة لفرص العمل فهي مضمونة في الداخل والخارج اما بانسبة لصيدلة فتاجر او ماتصحلكش لازم معارف او رشاوي بش تحلي

يقال أن شهادة الطبيب الجزائري غير معترف بها دوليا،، فهل هذا صحيح؟