من يريد نصائح [الأرشيف] - منتديات الجلفة لكل الجزائريين و العرب

نور العلى

2013-07-09, 15:36

:dj_17: صح رمضانكم ومبروك عليكم الانتقال الى 2 ثانوي أود أن أقدم لكم نصائح باش تستفادوا منها
1-علوم 2 ثانوي جد صعبة بالمقارنة بالعلوم اللي كنت تقراوها من قبل و مالازمش تعتمدوا فيها فقط على الفهم بل هي تحتاج الى التدرب على حل
تمارين مثل الرياضيات و الفيزياء وهدا خطأ الكثير حنا في قسمنا في الفصل الأول في الفرض مكانش لي حصل على المعدل لخاطر كونا حاسبين العلوم

تاع فهامة برك لكني ننصحكم بكتاب الوافي و بالكتاب المدرسي حلوا أكبر قدر ممكن من التمارين راهم كاينين الحلول في الموقع الأول للدراسة في الجزائر نفس الشي مع الرياضيات

2-الفيزياء أسهل بكثير من فيزياء 1 ثانوي هي جد رائعة تلقاو فيها متعة لكن هي تحتاج أيضا الى حل تمارين وننصحكم بكتاب الهباج هو كتاب رائع فعلا يبانلكم في الاول ما تفهموش دروس الفيزياء لكن بمجرد أنكم تفتحوا تمارين تلقاو كلشي ساهل خاصة عند الاستعانة بسلسلة الهباج

3-المواد الأدبية اياكم تهملوها ادا ما قدرتوش على المواد الاساسية و خدمتوا في المواد الادبية تتحصلوا على معدل من 10 حتى ل12 لدلك مدولها اهمية

وحبيت نقولكم بلي يكدب عليكم لي يقولكم علوم تجريبية ماشي صعيبة ALR ننصحكم باش توجدوا رواحكم من الأول لخاطر رايحين تتلقاو صعوبة وتتبدل عليكم الحالة بعض الشيء أنا مارانيش حابتكم تخافوا مي راني نقولكم هكا باش ما تستهزاوش و تقراو أنا استهزيت بزاف ومن معدل 15 هبطت لمعدل 12 خاصة كانوا عندي ظروف لكن أدركت دلك في الفصل 2 و تحصلت على معدل 14 ورجعت لمستواي مارانيش حابتكم توقعوا في نفس الغلطة اللي وقعت فيها ربي يوفقكم و أي حاجة تحبوها راني هناااااااا.:19:

јỬšt ĞiRl

2013-07-09, 15:42

بـــــــــآآرك الله فيك أختي على النصائح القيمة، ونفع بك + عندي سؤال لكـ

ẕσњěĩя

2013-07-09, 15:44

شكراااااااا أختي على النصائح

aminemoc25

2013-07-09, 15:44

نور العلى

2013-07-09, 15:47

بـــــــــآآرك الله فيك أختي على النصائح القيمة، ونفع بك + عندي سؤال لكـ

تفضلي حبيبتي

јỬšt ĞiRl

2013-07-09, 15:51

تفضلي حبيبتي

أختي الغالية نور أتعلمين أنا أهملت سنة أولى ثانوي نهائيا ،، لم أدرس ولم أحضر نفسي يوما واستهنت بجميع المواد، وكنت أعتمد على ما أتلقاه في القسم وفقط،، ونسيت أمر الرياضيات نهائيا حتى أنني أهملتها بشكل نهائي،، وإهمالي للمواد ليس من باب أنني كسولة أو غيرها،،بل أملك الثقة العمياء في نفسي أني أستطيع الاجابة دون بذل أي جهد وأقول لا اداعي لأتعب نفسي سأجني نقطة ممتازة بإذنه تعالى،، لكني الآن ندمت مع مرور الوقت،، خاصة عندما سمعت أن دروس الرياضيات أغلبها تعتمد على سنة أولى ثانوي مع أننا نتوسع في البرنامج،، فمباذا تنصحينني هل أعيد دراسة الرياضيات من جديد،، والوقت ضيق خاصة مع دخول شهر رمضان لا أظن أنني سأتفرغ للمراجعة أو غيرها..أود منك نصيحة قيمة،، وكذاا ما هي الدروس التي يجب علي مراجعتها في الرياضيات التي قد تصادفني في العام المقبل،، وآآسفة على الاطالة،، وباارك الله فيك أختي الغالية وفقك الله في الباكالوريا.

نور العلى

2013-07-09, 15:52

شكرا لك اختي بارك الله فيك و جزاك خيرا و اتمنى لك التوفيق في البكالوريا انشاء الله تديها بامتيااز و هل العلوم تبقى المراجعة فيها معتدة على ما في المصنف يعني حفظ و فهم في نفس الوقت و قولي لي كيف كنت تراجعينها

ان شاء اله أخي ربي يوفقك العلوم تعتمد من الدرجة الأولى على الفهم مع الاستاد الفهم الجيد ثم مراجعتها في المنزل مع حل تمارين وماتخليش حتى لنهار الفرض أو الاختبار أنا كنت نفهمها مع الاستادة ثم نحل تمارين الكتاب المدرسي و بعض تمارين الوافي باش نتعرف على منهجية الاجابة لخاطر ماتجاوبش كيما تعودنا عشوائيا لازم تستعمل كلمات علمية باش تدي العلامة الكاملة قادر تكون اجابتك صحيحة لكنها لا تحتوي على مفاهيم علمية لي تناولتها أثناء الدرس وفي هده الحالة تعتبر خاطئة وأي استفسار تاني راني هنا ;)

نور العلى

2013-07-09, 15:59

أختي الغالية نور أتعلمين أنا أهملت سنة أولى ثانوي نهائيا ،، لم أدرس ولم أحضر نفسي يوما واستهنت بجميع المواد، وكنت أعتمد على ما أتلقاه في القسم وفقط،، ونسيت أمر الرياضيات نهائيا حتى أنني أهملتها بشكل نهائي،، وإهمالي للمواد ليس من باب أنني كسولة أو غيرها،،بل أملك الثقة العمياء في نفسي أني أستطيع الاجابة دون بذل أي جهد وأقول في نفسي لا اداعي لأتعب نفسي،، لكني الآن ندمت مع مرور الوقت،، خاصة عندما سمعت أن دروس الرياضيات أغلبها تعتمد على سنة أولى ثانوي مع أننا نتوسع في البرنامج،، فمباذا تنصحينني هل أعيد دراسة الرياضيات من جديد،، والوقت ضيق خاصة مع دخول شهر رمضان لا أظن أنني سأتفرغ للمراجعة أو غيرها..أود منك نصيحة قيمة،، وكذاا ما هي الدروس التي يجب علي مراجعتها في الرياضيات التي قد تصادفني في العام المقبل،، وآآسفة على الاطالة،، وباارك الله فيك أختي الغالية وفقك الله في الباكالوريا.

نعم هدا الشي دائما يحصلنا شوفي أختي دروس 1 ثانوي ما عندهومش علاقة كبيرة بزاف بدروس 2 ثانوي شوفي لازم عليك تعاودي تراجعي الدوال كيما مجموعة التعريف التمثيل البياني ...الخ وتلقاي الدرس على شكل يوتيوب تقدري تفهميها مليح ديري يوتيوب عموميات على الدوال هي ساهلة بزاف وكاين تاني الدائرة المثلثية جربي تعاودي تفهميها اما بقية الدروس تختلف تماما مثل النهايات المتتاليات المرجح هادوا كامل جدد وانتظرني خلال رمضان نحطلك ملخص لي تقدري تفهمي به واش راحلك ما تخافيش حبيبتي راني معاك ما تتقلقيش دروس ما عندهومش علاقة كبيرة ببعضاهم

نور العلى

2013-07-09, 16:00

شكراااااااا أختي على النصائح
العفو :o:o:o

aminemoc25

2013-07-09, 16:05

ان شاء اله أخي ربي يوفقك العلوم تعتمد من الدرجة الأولى على الفهم مع الاستاد الفهم الجيد ثم مراجعتها في المنزل مع حل تمارين وماتخليش حتى لنهار الفرض أو الاختبار أنا كنت نفهمها مع الاستادة ثم نحل تمارين الكتاب المدرسي و بعض تمارين الوافي باش نتعرف على منهجية الاجابة لخاطر ماتجاوبش كيما تعودنا عشوائيا لازم تستعمل كلمات علمية باش تدي العلامة الكاملة قادر تكون اجابتك صحيحة لكنها لا تحتوي على مفاهيم علمية لي تناولتها أثناء الدرس وفي هده الحالة تعتبر خاطئة وأي استفسار تاني راني هنا ;)

شكرا كثيرا لك اختي ساعمل بنصائحك ان شاء الله

јỬšt ĞiRl

2013-07-09, 16:08

نعم هدا الشي دائما يحصلنا شوفي أختي دروس 1 ثانوي ما عندهومش علاقة كبيرة بزاف بدروس 2 ثانوي شوفي لازم عليك تعاودي تراجعي الدوال كيما مجموعة التعريف التمثيل البياني ...الخ وتلقاي الدرس على شكل يوتيوب تقدري تفهميها مليح ديري يوتيوب عموميات على الدوال هي ساهلة بزاف وكاين تاني الدائرة المثلثية جربي تعاودي تفهميها اما بقية الدروس تختلف تماما مثل النهايات المتتاليات المرجح هادوا كامل جدد وانتظرني خلال رمضان نحطلك ملخص لي تقدري تفهمي به واش راحلك ما تخافيش حبيبتي راني معاك ما تتقلقيش دروس ما عندهومش علاقة كبيرة ببعضاهم

بآآرك الله فيكـ أختي الغالية وجزاك الله كل خير سأحاول أن أعمل بما قدمته لي ☺،، شفيتي غليلي والله،، بقي لي استفسار،، ماذا عن دروس الأشعة والهندسة الفضائية،، درسناهم في الفصل الثالث لكن أنا تستطيعين القول أنني لم أحضر للقسم أبدا في الفصل الثالث إلا بعض الحصص،، لم أدرس لا درس الاشعة ولا درس الهندسة الفضائية بالرغم من أنهم درسوه عني في القسم،، فهل لهما دخل في العام المقبل ام لا،، لأنني أحس بالندم تدهور معدلي من 17 إلى 15

aminemoc25

2013-07-09, 16:13

اختي ماذا عن اللغات و مواد الحفظ

نور العلى

2013-07-09, 16:17

بآآرك الله فيكـ أختي الغالية وجزاك الله كل خير سأحاول أن أعمل بما قدمته لي ☺،، شفيتي غليلي والله،، بقي لي استفسار،، ماذا عن دروس الأشعة والهندسة الفضائية،، درسناهم في الفصل الثالث لكن أنا تستطيعين القول أنني لم أحضر للقسم أبدا في الفصل الثالث إلا بعض الحصص،، لم أدرس لا درس الاشعة ولا درس الهندسة الفضائية بالرغم من أنهم درسوه عني في القسم،، فهل لهما دخل في العام المقبل ام لا،، لأنني أحس بالندم تدهور معدلي من 17 إلى 15

لا أطن بلي يأثروا عليك meme ادا كانت عندهم علاقة لخاطر حنا ماقريناهمش في السنة 1 ماكملناش البرنامج وكلشي جاز عادي لا ماتخافيش حبيبتي ترجعي لمستواك ان شاء الله و امل أنك تكوني تعلمتي من الخطأ اللي درتيه وماتعاوديش تهملي الدروس خاصة دروس 2 لخاطر la base تاع lbac

نور العلى

2013-07-09, 16:22

اختي ماذا عن اللغات و مواد الحفظ

سبق وقتلك اياك ان تهملهم لخاطر هما لي يطلعولك المعدل خاصة مادة الاجتماعيات اتعلم تحفظ المصطلحات و الشخصيات وهي جد سهلة تقدر تحصل على 20 بسهولة نفس الشي بالنسبة للادب و الفرنسية و الانجليزية تحصل حتي على 18 بسهولة لخاطر تعاود غير واش قريت خاصة الانجليزية مكان حتى حاجة جديدة كلشي قريتوه من قبل أما شرعية فيها وحد الدروس معقدة تاع أحكام القران لازم تفهمها جيدا مع الاستاد لانها صعبة نوعا ما شكرا على حماسك

aminemoc25

2013-07-09, 16:27

مشكورة مرة اخرى

نور العلى

2013-07-09, 16:29

مشكورة مرة اخرى

العفو ان شاء الله تكون استفدت

јỬšt ĞiRl

2013-07-09, 16:31

لا أطن بلي يأثروا عليك meme ادا كانت عندهم علاقة لخاطر حنا ماقريناهمش في السنة 1 ماكملناش البرنامج وكلشي جاز عادي لا ماتخافيش حبيبتي ترجعي لمستواك ان شاء الله و امل أنك تكوني تعلمتي من الخطأ اللي درتيه وماتعاوديش تهملي الدروس خاصة دروس 2 لخاطر la base تاع lbac

الحمـــــــــــــد لله،، عاد لي الأمــــل بفضل الله وبفضلكـ سأسعى بإذنه تعالى لتعويض ما فاتني وإن شاء الله لن أكرر ما فعلتـــــه أبدا،، تعلمت من أخطائي والحمد لله،، وشكرااا لوقوفكـ لجانبي أختي الغالية حفظكـ الله ونفـــع بكـ،، وبالتوفيق لكــ في الباكالوريا،، وإن شاء الله أراكـ من المتفوقين عند فخامة الرئيس.. لن أنسآآكـ من دعائي’’ تحياااتي الحارة لكـ

aminemoc25

2013-07-09, 16:34

بالتاكييد اختي الغالية جعلها الله في ميزان حسناتك ووفقك ان شاء الله

sweet sabrine

2013-07-09, 16:41

شكرا على النصائح أختي
هل افدتني يمعلومات على شعية الرياضيات

بيْـدباَ

2013-07-09, 16:42

نصائح في القمة شكرااا لك اختاه

أحلام سرمدية

2013-07-09, 16:58

نور العلى

2013-07-09, 17:11

الحمـــــــــــــد لله،، عاد لي الأمــــل بفضل الله وبفضلكـ سأسعى بإذنه تعالى لتعويض ما فاتني وإن شاء الله لن أكرر ما فعلتـــــه أبدا،، تعلمت من أخطائي والحمد لله،، وشكرااا لوقوفكـ لجانبي أختي الغالية حفظكـ الله ونفـــع بكـ،، وبالتوفيق لكــ في الباكالوريا،، وإن شاء الله أراكـ من المتفوقين عند فخامة الرئيس.. لن أنسآآكـ من دعائي’’ تحياااتي الحارة لكـ

يعيشك أختي لم أفعل الا واجبي

نور العلى

2013-07-09, 17:13

بارك الله فيك أختي العزيزة وأعانك في مشوارك الدراسي
خاصة العام القادم
لي سؤال أختي العزيزة
فيما يخص الحجم الساعي المقرر للسنة الثانية ثانوي علوم تجريبية ؟؟
كذلك علوم وفيزياء سمعنا باللي تعود أربعة ساعات تطبيق ؟؟
شكرا لك
عندك 3 ساعات اجتماعيات ساعة تاريخ وساعة جغرافيا وساعة تختارلكم الاستادة واش ديروا فيها ع شرعية 2سا الرياضيات 5 ساعات الفيزياء 4 ساعات اللغات نظن 3 ساعات نسيت هدا هو

نور العلى

2013-07-09, 17:14

نصائح في القمة شكرااا لك اختاه
العفووووووووووووووووو;)

نور العلى

2013-07-09, 17:15

شكرا على النصائح أختي
هل افدتني يمعلومات على شعية الرياضيات
لا اعلم أخي انا كنت علوم تجريبية لكن نظن في مادة العلوم نفس شي معانا نفس الدروس

اريج السلام

2013-07-09, 17:16

اهلا أختي نور
هل يجب علينا الالتحاق بالدروس الخصوصية كونها مهمة لتغطية استفسارات ما في المواد العلمية و هذا نظرا لضيق الوقت في القسم
أختك منال

ẕσњěĩя

2013-07-09, 17:24

اهلا أختي نور
هل يجب علينا الالتحاق بالدروس الخصوصية كونها مهمة لتغطية استفسارات ما في المواد العلمية و هذا نظرا لضيق الوقت في القسم
أختك منال
عذرا على التدخل
لكن لا داعي للدروس الخصوصية في السنة الثانية لأنه يمكنك الاكتفاء بما يعطيه لك الأستاذ
+ أنت تلميذة نجيبة و تستطيعين التأقلم مع الوضع بالمراجعة و حل التمارين
حتى في السنة الثالثة لا تبدئي الدروس الخصوصية منذ البداية اتركيها حتى الفصل الثاني
لتتجنبي التعب عندما تقترب شهادة الباكالوريا و إذا كان عندك كراس فيه الدروس الخصوصية
فاتركيها حتى الفصل الثالث
و هذا ما حدث مع أختي التي اجتازت شهادة الباكالوريا هذا العام فقد أنهكها التعب و لم تنجح بالمعدل الذي تريده
فقد أخذت في جميع الفصول معدل 16 و في الباكالوريا 13
يمكنك أن تقولي بكالوريا هذا العام صعبة لكن الحقيقة تكمن في التعب
فبالتركيز لا يهم إذا كان الموضوع صعبا أو سهلا
تقبلي مروري

نور العلى

2013-07-09, 17:25

اهلا أختي نور
هل يجب علينا الالتحاق بالدروس الخصوصية كونها مهمة لتغطية استفسارات ما في المواد العلمية و هذا نظرا لضيق الوقت في القسم
أختك منال
بالتأكيد ممكن رابط الصفحة لو سمحتي

اريج السلام

2013-07-09, 17:26

شكرا أخي
اقصد هذه السؤال غاليتي نور

نور العلى

2013-07-09, 17:28

اهلا أختي نور
هل يجب علينا الالتحاق بالدروس الخصوصية كونها مهمة لتغطية استفسارات ما في المواد العلمية و هذا نظرا لضيق الوقت في القسم
أختك منال
عفوا أختي منال لقد أخطات نعم تستطعين الالتحاق بها خاصة ادا ما كنتيش تفهمي مليح في القسم فهي تساعدك كثيرا لكن ادا لقيتي بلي ماراهيش تجيب معاك نتيجة ننصحك تروحي لكاش واحد جامعي يدرس جيدا ولا اخوتك أو اقاربك هكا يقدروا يفهموك جيدا كيما درت انا هدا العام

ẕσњěĩя

2013-07-09, 17:28

شكرا أخي
اقصد هذه السؤال غاليتي نور
حسناااااااااا
آسف على التدخل

اريج السلام

2013-07-09, 17:29

الحمد الله معدلي 18.50 و لكن أريد تحسين مستواي أكثر
شكرًا مسبقا

نور العلى

2013-07-09, 17:31

الحمد الله معدلي 18.50 و لكن أريد تحسين مستواي أكثر
شكرًا مسبقا
ماشاء الله انا مانديرش ليكور في كلشي غير في الحاجة لي نلقاها صعيبة عليا بزاف وحاولت فيها وماقدرتش نفهمها باش ندير فيها لخاطر لوكان ندير في كلش نضيع وقتي في باطل

ẕσњěĩя

2013-07-09, 17:33

الحمد الله معدلي 18.50 و لكن أريد تحسين مستواي أكثر
شكرًا مسبقا

ما شاء الله
أختي أنا هاد المعدل جامي حلمت بيه
و راكي باغية كثر
لا بأس فمن حقك أن تطمحي إلى الأفضل
:d

اريج السلام

2013-07-09, 17:37

ههه شكرًا إخوتي لكن أنا حقاً متخوفة من السنة الثانية فبعض الأعضاء رآهم يقولوا بلي صعيبة

نور العلى

2013-07-09, 17:44

ههه شكرًا إخوتي لكن أنا حقاً متخوفة من السنة الثانية فبعض الأعضاء رآهم يقولوا بلي صعيبة
نعم راني معاك صعيبة وبزاف يهبطوا فيها وكاين لي يطلعوا تانيك انت وقرايتك

اريج السلام

2013-07-09, 17:45

لكن كيف يهبطوا هبطنا كفاية في السنة الاولى

ẕσњěĩя

2013-07-09, 17:45

ههه شكرًا إخوتي لكن أنا حقاً متخوفة من السنة الثانية فبعض الأعضاء رآهم يقولوا بلي صعيبة
إذا توفرت العزيمة و التركيز فكل شيء يهون
+إذا كنت متخوفة منذ الآن فماذا سيحدث عندما تبدأ الدراسة
+من قال أنها صعبة ؟؟؟؟؟؟؟؟؟
مثال: عند الدخول أول مرة للثانوية كنا متخوفين
لكن بعد وقت قصير تعودنا عليها و أصبح كل شيء عادي
و كنا نظن أن الدراسة ستكون صعبة جدا مقارنة بالمتوسط
لكن الحقيقة هي العكس خاصة أنك تلميذة ممتازة
تقبلي مروري

јỬšt ĞiRl

2013-07-09, 17:49

لم ألتحــق يوما بالدروس الخصوصية لكن لو التحقت بهـــا،، لكنت اخترت دروس خصوصية في الرياضيات واللغات الأجنبية لأني أراها الــقاعدة الأساسية في الباكالوريا. ;)

اريج السلام

2013-07-09, 18:02

شكرا أخي ردودك مهمة
ممكن سؤال كم معدلك

زهرة الجزائرية1

2013-07-09, 18:04

يا اختي نور العلى صاحبة الموضووووع .. بلييييييييز اعطينا الدرش الاول في العلوم 2 عت مفصلا .. وجزاك الله خيرا.. منتظراتك...

نور العلى

2013-07-09, 18:10

يا اختي نور العلى صاحبة الموضووووع .. بلييييييييز اعطينا الدرش الاول في العلوم 2 عت مفصلا .. وجزاك الله خيرا.. منتظراتك...
أسفة أختي دركا ما عنديش لوقت لكن أول ما يكون لدي الوقت نحطولك وممكن كاين لي يساعدك

♡ نور♡

2013-07-09, 18:12

شكراااااااا لكـِ

حقا كنت احتاج مثل هذه النصائح

باركـَ الله فيكـِ

نور العلى

2013-07-09, 18:12

إذا توفرت العزيمة و التركيز فكل شيء يهون
+إذا كنت متخوفة منذ الآن فماذا سيحدث عندما تبدأ الدراسة
+من قال أنها صعبة ؟؟؟؟؟؟؟؟؟
مثال: عند الدخول أول مرة للثانوية كنا متخوفين
لكن بعد وقت قصير تعودنا عليها و أصبح كل شيء عادي
و كنا نظن أن الدراسة ستكون صعبة جدا مقارنة بالمتوسط
لكن الحقيقة هي العكس خاصة أنك تلميذة ممتازة
تقبلي مروري
لكن 2 ثانوي تختلف تماما عن 1 ثانوي وهدا ماستدركونه العام القادم لازم تكزن خايف باش تقرا ادا طمنوك وقلولك ساهلة تستهزى بها وماتقرلهاش