الزواج ام اكمال الماستر

[مشكلتي]

نتمنى تساعدوني
انا كملت ليسانس هذا العام يعني تخرجت وانا نموت على القراية حتى اني تخرجت بمعدل 15
مشكلتي اني نفكر في الزواج منذ فترة و خاصة انو فيه الكثير تقدمولي بصح انا رفضت حتى نكمل قرايتي
ودرك راني نخمم نكمل الماستر على خاطر راني عارفة يجي نهار شهادة ليسانس ماتعملي والوا
والزواج راني حابا نتزوج باش نحصن روحي وندير عائلة وراني مقتنعة بهذ الشيئ وباش نتزوج ونكمل قرايتي هادي مدخلتليش في راسي منقدرش نوفق بين الزواج و الدراسة
مي وش ندير حرت معرفتش وش نخير عاونوني برايكم

[محمد جديدي التبسي]

الزواج أولى إذا جاءك رجل كفء ذو خلق ودين
دعك من أحلام الدراسة والعمل! واسع لبناء أسرة فهو خير لك

[sarah1424]

انا نهدر بالمنطق
قادرة غدوة تزوجي وبعيد الشر متتفاهميش مع راجلك تطلقي بعيد الشر
لكن الشهادة مستحيل تبعد عليك او تطلقك الشهادة سلاحك فلا تتهاوني انا لست ضد الزواج لكن دراستك اولى وهذه وجهة نضر خاصة
حاولي توفقي بين الدراسة والزواج اذا لقيتي الانسان الي يقبل

[imene12]

واصلي دراستك و عندما يتقدم لك الزوج المناسب إن شاء الله فكري في الموضوع.

[tinza]

الدراسة تؤجل
لكن الزواج لا فالوقت يمر

[سارةالتلمسانية]

شوفي حنونة انا نظن تروحي تديري دارك خيرلك باسكو المجتمع ماراهوش يرحم والماستر تقدري تكمليه عند راجلك وعلا ش لا وانا نظن المراة احسن مكان لها هو دار راجلها ولربي يعلم

[tinza]

شوفي حنونة انا نظن تروحي تديري دارك خيرلك باسكو المجتمع ماراهوش يرحم والماستر تقدري تكمليه عند راجلك وعلا ش لا وانا نظن المراة احسن مكان لها هو دار راجلها ولربي يعلم

بارك الله فيك
أختى سارة نعم الرأي

[سارةالتلمسانية]

بارك الله فيك
أختى سارة نعم الرأي


وفيك بركة اخي الكريم

[fafi05]

الدراسة تؤجل
لكن الزواج لا فالوقت يمر


اوافقك الراي اخي الكريم ،صدقيني اختاه ما قاله الاخ هو عين الصواب قد ياتيك يوم تكبرين فيه سنا و تصبحين راضية باي شخص يتقدم لك مخافة ان يفوتك قطار الزواج بالاضافة ان معظم شباب اليوم لا يهتمون ان كانت الفتاة ذات مستوى دراسي عالي بل كل ما يهمهم جمال الفتاة و صغر سنها الا القليل منهم و هم نادرون اقول رايي هذا عن تجربة شخصية اتمنى ان يوفقك الله و يسدد خطاك تقبلي مروري

[Assouma 93]

اظن انه تأسيس أسرة أولى لك و اذا اتاك الزوج الصالح فاتكلي على الله و لم لا تنهين دراستك بعد الزواج و ربي يعينك ان شاء الله

[*أمة الله*]

ان كان الخاطب الدي تقدم لك جيد لما لست ضد داك اطلاقا و مستعدة اتم الاستعداد ان لا أعمل الله سيكون بيتي هو مدرستي و أولادي هم تلاميدتي سوف لن أهمل زوجي و أولادي لاعمل خاصة ان كنت ميسورة الحال دعولي برك والديا يوافقو على هاد الشيء

[minocha_star]

السلام اختي ,انا ننصحك بمواصلة دراستك واذا اتقدملك واحد كيما تبغي انتي اشرطي عليه لقرايا اذا قبل اتكون اربحتي من الجيهتني واذا ما قبلشي كملي دراستك ومبعدا يحلها ربي ,واكي انا مع الاخت الي قاتلك بلي الشهادة سلاح ,وانا من عندي انقلك راهي سلاح ونص ومتفاؤقكشي عمرك كامل وتبقى تاج فوق راسك للاولاد يفتخرو بيها,وربي يوفقك ويجيب الي فيه الخير

[wafa16]

عادي اقبلي مبدئيا بخطبة تع عامين
و باش تجهزي في عقلك و تقراي في دار والديك
و بعد العامين تع الماستر تزوجي مباشرة
و نظن هاكا ما تفرطي في اي شيئ
لانو كيما سبق و قلتي ليسانس تع هاد الوقت ما تعوليش عليها بزاف راهي طاحت قيمتها من كثرة المتخرجين و العاطلين
امالا ادا اتيحت لك الفرصة باش تكملي ماستر غير كملي
لانو حتى الزواج تع هاد الوقت عاد كي لقمار بالاك تربحي و الا تخسري

[kaderkader1541]

أكملي دراستك العليا
فهي سلااااحك الحاد
أكملي دراستك العليا لا زلت صغييييرة ....
أكملي دراستك الجامعية و لا تهتمي لسنك ابدا
أكملي دراستك و تحصلي على عمل وسط الرجال
بعدها يتقدم لك رجل قليل الغيرة او طامع في مرتبك و تتزوجين و تعيشين هانية
و إن لم يأتي الزوج فبادري انت بطلبه كما تفعل بنات اليوم عن طريق النظرات و الرغبة و عن طريق العلاقات
و الهاتف ...سيعطونك الطرق كي تصطادي زوج
هكذا يريدون
يا أختي الفاضلة انت تريدين تحصييييييين نفسك من شر الفتن و تكوين اسرة
تزوجي كي تقي نفسك من العلاقات المحرمة التي تنسجها بعض بنات اليوم
تزوجي و كوني اسرتك الصغيرة
لا ارى مكانا أنفع لها دينا و دنيا الا بيتها
و تأكدي ان اي رجل يتقدم الى عاملة الا و يكون قليل الغيرة او طماااع
اي رجل يريد ان تكون زوجته مستورة في البيت و الذي يقبل و يدفع بها للعمل سوى قليل الغيرة و طامع فيها
قد يزيد الدخل صحيح و لكن على حساب ماذا ؟؟؟
تنازل عن الغيرة

[naamane3]

راكي تقولي راني حابا نتزوج باش نحصن روحي وندير عائلة
اذا كان الزواج من يفعل لك هذا فتزوجي
واذا كانت القراية هي اللي تحصنك وتديرك عايلة أقراي

[ميمي سمية]

حاولي توفقي بينهم في زوج

علاه ماتقدريش؟؟

النساء بزااااااف لي داروها قبلك بركايك من التمسخير

وفقي بيناتهم في زوج وماتفرطي حتى في حاجة

[بسمة تحدي]

يا اختي واذا جاك راجل مليح مترطيش

واشرطيلو قوليلو يخليك تكملي عادي

حلي عينك عندك تراطي

وربي يرزقك بالزوج الصالح

[feriel farawla]

كملي قرايتك

الماستر عامين

ديرو الخطبه و اجلي العرس بعد التخرج

[طهراوي ياسين]

يمكنك التوفيق بينهما
ان شاء الله

[nibili]

أختي الكريمة الزواج هو ليست مسألة شهر أو يوم قبل الزواج هناك فترة الخطوبة , "الحل المثالي" هو أن من تقدم لخطبتك تتفاهمي معه أن تكملي دراستك ( اي بعد عامين و هي فترة أعتبرها عادية بالنسبة لوقتنا هذا و بعدها الزواج) , إن رأيت أن هذا الشيء صعب فأعلمي انه هناك من كان بدون بكالوريا و اصبح له عمل و اناس بالليسانس و الماستر مازالوا يلهثون وراء العمل ...و كل شيء بالمكتوب كما نقصت و قلت المراة الصالحة في أعيننا نحن الرجال , فالرجل الصالح و مع الظروف الصعبة للزواج لا تنتظري طوابير أمام بيتك للزواج منك ...فالرجل الحقيقي لا يجعل مستوى دراستك المطلب الرئيسي الأول بالنسبة له ..بل هو " option " إيجابية بالنسبة له

[dida rida]

يمكنك الزواج واكمال الدراسة وانتي متزوجة فأنا مثلا لا مانع من أن تكمل زوجتي دراستها بل سوف اساعدها على ذلك