تحضيرات يوم قبل رمضان

[ام احمد وصال]

مساء الخير عليكم يا حراير واش راكم ان شاء الله بخير هدا وين خلصت اخر التحضيرات لرمضان وحبيت نشاركم معايا ماشي حاجة كبيرة بصح قلت بلاك كاين الي يستفاد منها وخاصة العرايس الجدد نخليكم مع الصور و الشرح بسم الله

هدا اللحم الي جابو الراجل الزين لحم بقري مسحتو بالكتانة اي قطعة قماش كيما نديرو في العراس ومن بعد مصمصتو غير شوي قيس ماتنحالو العظام وكاشي تراب تاع الدبيحة ومن بعد حطيتو في كسكاس يقطر مليح

http://im38.gulfup.com/C2tU8.jpg

هنا قسمتو طراف جاوني 11 وخليت هبرة قطتعها طراف صغار لطاجين لحلو

http://im41.gulfup.com/bzbqR.jpg

هادو تاع طجين الحلو

http://im39.gulfup.com/UIcHf.jpg

هنا درتهم في الساشيات باه نخبيهم وخليت طرف لغدوة ان شاء الله

http://im31.gulfup.com/O2IPf.jpg

وهدوتاع طجين الحلو

http://im42.gulfup.com/WU51W.jpg

وهدا الطرف تاع غدوة مع تاع طجين الحلو

http://im33.gulfup.com/mCzwn.jpg

هنا لميتهم كامل في شكارة وتاع الغدوة في باطة

http://im31.gulfup.com/dyiJh.jpg

هداتاع غدوة

http://im42.gulfup.com/kkqtz.jpg

http://im36.gulfup.com/Bq7AQ.jpg

هنا حطينهم في الكونجيلاتور

http://im31.gulfup.com/oZFqI.jpg

وهدي الدبشة و المعدنوس ثاني خبيتهم نقيتهم وربطتهم كل وحدة وحدها وجبت الجرنان ورشيتو مليح مليح بالماء وحطيت فيه الدبشة وروليتو وحطيتها في كيس بلاسكي والي الثلاجة

http://im41.gulfup.com/98wUy.jpg

http://im41.gulfup.com/s7HBR.jpg

هنا زدت شويت الفلفل وقطعتو وخليت يقطر نديرو حميس الا سهل ربي

http://im36.gulfup.com/hcyu0.jpg

http://im36.gulfup.com/PsGZF.jpg

وهدا فلون للسحوربحول الله

http://im36.gulfup.com/JbgOS.jpg
هداكل ماعندي نتمنى تستفادو من هدا الموضوع وصح رمضانكم وكل عام وانتم بخير

[marambest]

يعطيك الصحة ورمضان كريم

[sidali 2007]

يعطيك الصحة وصح رمضانك

[خربشة ناعمة]

صح كاين عرايس جدد و بلاك ما يعرفوش مين يبداو


يعطيك الصحة نفس طريقتي بالضبط في اللحم
اما القسبر بعدما ينشف نديروا في طرشونة خشينة باش مايفسدش و تحكملي مدة طويلة
مبارك عليك الشهر انت وعائلتك

[Wunderbare fehlt]

يعطيك الصحة يا فحلة انا مزاااال ههههههههه
بالاك مبعد ولا

[خديجة ام صالح]

عطيك الصحة

[oum abderrahmene]

شكرًا لك، أنا مازال ما قضالي راجلي راني غي قاعدة !!
المعدنوس أنا نغسلو و نخليه ينشف و نديرو في علبة

[soriaalg]

بارك الله فيك صحا رمضانكم

[رحمة من المولى]

يعطيك الصحة حنوووووووووووووونة

[أم ماجد]

فحلة با ام اماني انا حضرت كل شئ نهار السبت لكن للاسف ماانتبهتش نصور خبيت اللحم كيفك والدجاج قطع في الصاشيات وقضيت اللوازم الضرورية والحمد لله

[ام طيري الجنة]

اما انا عزيزتي فقد نظفت القصبر والمعدنوس والكرافس ووضعت كل واحدة في بوقال زجاجي محكم الاغلاق دون غسلهم لاحافظ عليهم اطول مدة ممكنة
ثم طيبت الخضار واللحم نتاع الحريرة وطحنتها فحصلت على بيون نتاع 4 ايام وضعتها في علب في الكونجيلاتور اما التي ساحتاجها غدا باذن الله فقد وضعتها في الثلاجة في الاسفل وغدا ان شاء الله اتمم تحضيرها
ثم شويت الفلفل وحضرت البوراك نتاع 3 ايام ووضعته في المجمد و الكمية الخاصة بيوم الغد ان شاء الله وضعتها في الثلاجة
اما اللحم فقد قسمته الى قطع حسب الحاجة لان عائلتي صغبرة اما يوم اللي يكونو الضياف اضاعف عدد الاكياس المستخرجة من المجمد
وهذه تحضيراتي وهذه اول مرة اقوم بالتحضير المسبق
رمضانكم كريم وكل عام وانتم بالف خير وتقبل الله منا ومنكم

[ikhlasse25]

يعطيك الصحة اختي ما شاء الله عليك وعلى زوجك

[ام رميساء]

تسلم ايدك يا الشاطرة و رمضان كريم

[غزة في عيوني]

الله يعطيك الصحة انا حضرت طاجين الحلو وراني رايحة نحضر العجينة المورقة وخبيت اللحم كيما انت نفس الطريقة واشنو انا نحط كل مورسو وحدو من بعد كي يتكونجلا نحطهم في سواشي ونغلق عليهم والجاج نفس الطريقة
رمضان كريم للجميع

[ام اجياد]

ماشاااااااااااااااااااااااااء اللتبارك الله عجبتني خدمتك نضيفة ومتقوووووووووووووووونة والباقي كلشي ندير كيفك والدبشة نحيلها الاغصان نتاوعهاو يبقاو لورق نديرهم في صاشي وننسفها تبق جديدة

[oum arisse]

الله الله هذه شطارة ولا خلي عليك
أنا ما درت والو فادي نهار كامل وهو يتبع فيا ما يخليني ندير حتي حاجة مسقم
ويونس وأماني وين كانو ما هبلوكش ؟؟؟؟

[ام احمد وصال]

يعطيك الصحة ورمضان كريم
الله يسلمك الله اكرم

[ام احمد وصال]

الله الله هذه شطارة ولا خلي عليك
أنا ما درت والو فادي نهار كامل وهو يتبع فيا ما يخليني ندير حتي حاجة مسقم
ويونس وأماني وين كانو ما هبلوكش ؟؟؟؟
الله يسلمك ربي يكون في عونك وعوني على هدو الاولاد راهم هنا يداورو بين رجليا كي كنت نخدم سكرت باب الكوزينة عليهم وخدمت في عقلي الخلعة غدوة مع الصيام

[ام احمد وصال]

يعطيك الصحة وصح رمضانك
الله يسلمك وصح رمضانك

[شوق وحنين الى الجنة]

يعطيك الصحة ياالشاطرة و رمضان كريم و كل عام و انت بخير

[SELMA.]

ya3tik saha ya lfahla w saha remdanek

[sorour%]

بارك الله فيك و صحة رمضانك

[zif76]

يعطيك الصحة

[رفيف رانية]

الله يعطيك الصحة ورمضان كريم

[اية الرحمن1988]

السلام عليكم
صحا رمضانكم يا لبنات وربي يسهل صيامكم ان شاء الله
تحضير نتاع الحراير
انا ثاني تقريبا كيفك لكن نسيت الفلان مدرتش للعائلة
ضرك نوض نديرلهم ينوضو يفرحو كي يلقاوه
ربي يبارك فيك على مشاركتنا أفكارك

[ام لمجد]

يعطيك الصحة اختي عند حق هاد الامور لي قلتي عليها موالفة ماما لي تديرهم و هذا رمضاني الاول و راني خيفة ربي يستر

[d-madiha]

بارك الله فيك ورمصان كريم لك ولك مشاركينا في هذا المنتدى

[zahra zina]

يعطيك الصحة
صح رمضانك ورمضان كريم للجميع

[marwa marama]

يعطيك الصحة وصح رمضانك

[linat]

يعطيك الصحة

[هبة الله 26]

الله يبارك

[touta2010]

شاطرة يسلم يديك

[نافلة]

يعطيك الصحة الله يبارك و رمضان كريم

[أم أسامة 07]

يعطيك الصحة أختي:)

[amouna18]

وااااااااااااو

الله يبارك عليك يا الفحلة

[ام محمد78]

يعطيك الصحة ورمضان كريم

[hadjer djeddou]

الله يبارك عليكم يا الفحلات
انا كيفكم نفس الخدمة تقريبا بصح اللحم تعبت و مع وليدي مقدرتش نزيد دقيقة في المطبخ خبيتو و غدوة الصباح ان شاء الله مع الصباح نكمل صح رمضانكم و ربي معاكم ان شاء الله

[بيرين سات]

يعطيك الصحة

[mounia hse]

يعطيك الصحة

[Amine456]

صح سحوركم رمضان كريم

[إلهام07]

ؤبي يجعلها في ميزان حسناتك عزيزتي
مشكورة على المجهود والشر
رمضانك مبارك