مقروط هبال ويذوب في الفم [الأرشيف] - منتديات الجلفة لكل الجزائريين و العرب

مشاهدة النسخة كاملة : مقروط هبال ويذوب في الفم

NASSIRA2009

2013-07-09, 12:32

3كيلا ت تشيشة +2كيلة ونصف فرينة + 4خمارة القاطو +ذرة ملح تخلطيهم مليح ثم نضيف كيلة وشوية مزيج مارغرين ذائبة وزيت نبسوها ثم نضيف 4صفار ونلم بشوية ماء الزهر
نكون وجدت العقدة تمر معجون ومفور معطر بالقروفل وشوية قرفة نصنع حربوش من العجينة ودخلة التمر ونغلق ونشكل حبات بطابع المقروط ثم نقطع حبات مثل المقروطة نغطسهم من الفوق والجوانب في بياض البيض ثم في النواة كوكو ما عدا الجهة السفلية نسخن الكوشة مليح ونقص للنار شوية يطيب حتى يحمار نكون وجدت عسل المرجان مسخن فوق النار كي يطيب القاطو نعسله ونكون درت شوية ماء الزهر في العسل ونضع الحبات في ليكيسات في الغد نعاود نسخن العسل معطر بماء الزهر ونعسل للمرة الثانية وبالهناء والشفاء وننصحكم باه تجربوه فهو رائـــــــــــــــــــــــــــــــــــــــــــــــ ــع

مليكة01

2013-07-09, 18:48

أهلا بك أختي
هذا المقروط صح واقيلا هباااال

4 خمارة مش بزاف ؟

طهراوي ياسين

2013-07-09, 18:49

شكرا..الله يعطيك الصحة

NASSIRA2009

2013-07-09, 19:50

صديقيني أن الخمارة 4علب وجربتو الكثير من المرات وكل العائلات تحب المقروط نتاعنا والفضل يعود إلى الأخت عربية المتزوجة الان في تلمسان جربيه على ضمانتي ودعوة الخير تكفيني

nahade

2013-07-09, 21:35

االدشيشة وش هيا ,,

zineb_saib

2013-07-09, 21:59

االدشيشة وش هيا ,,

هي الدقيق الخشن

درة بيتي

2013-07-09, 22:32

مشكوووووورة على الوصفة باين يجي هايل بصح قوليلي وش هي الكيلة لي كيلتي بيها حتى درتي 4خمارات يعني باطة الزبدة تاع الرطل تعتبر كيلة ولا اقل ولا أكثر ياريت تجاوبيني زنوبة وصحا رمضانك حبيبتي نموت على وصفاتك

NASSIRA2009

2013-07-10, 10:42

الكيلة هي غرفية اللي نديروا فيها الشربة ومشكورين على المرور

وصال7

2013-07-10, 10:45

شكرا حبيبتى يعطيك الصحة يبان مليح

مليكة01

2013-07-10, 10:59

صباح النور أختي nassira2009
رمضان مبارك و كل عام و أنتي بخير نصوموه بالصحة و العافية إن شاء الله

مشكورة على الرد و الوصفة

و إسألي صديقةك على قريوشة تلمسان ممكن تكون عندها الوصفة
و ربي يوفقك وينويلك اللي في بالك

دعاءياسين

2013-07-10, 11:08

اممممممممممممممممممممم

NASSIRA2009

2013-07-10, 11:30

صديقتي التي قلت لك عليها تزوجت وما عنديش اتصالات معها مدت لي الوصفة حينما كنا نعمل مع بعض إذا أنت تحبي القريوش أنصحك بقريوش أم أماني جربتها والله روعة رانا ندعولها في الغيب ودوة الغائب مستجابة وماكاش كيما النية والإخلاص في تعليم الاخرين
رمضان مبارك حليوا وصفاتكم بالذكر وقراءة القرأن والصدقة للجيران والاقارب

lona-99

2013-07-10, 11:31

بصح التمر جاني ياااابس قرااااااااااااااف و علاش

NASSIRA2009

2013-07-10, 11:41

التمر من الأحسن نستعمل نتاع العلف وننزع العلف ونفوره أو تستعملي الاخري المشري ضفي له شوية زبدة ,الأرجح ان التمر نوعية مش مليح لانه صراتلي مرة وشريت التمر يجي يابس حتى وتفوريه وبعد يعود لحالته الصلبة

بوعنينبة

2013-07-10, 17:06

شكرا جزيلا

muslimone

2013-07-10, 17:54

طريقة غريبة صح ونزيد نرمده فالنواد كوكو إن شاء الله نجربه شكراااااااااااااااااااااااااااااا

هجيرة1

2013-07-11, 10:08

يعطيك الصحة أختي

chafia82

2013-07-11, 11:05

يعطيك الصحة راكي شوقتي الجميع باش يجربوه وانا واحدة منهم

فجر الشروق

2013-07-11, 11:22

يعطيك الصحة تسلم ايديك

NASSIRA2009

2013-07-11, 13:21

مشكورين على المرور ورمضان كريم اللي تجربو تحط الصورة

lamia zina

2013-07-11, 16:10

عجبني هايل ممكن نستغنى عن نواد كوكو لا احبه و باش نعوضه

NASSIRA2009

2013-07-11, 16:27

أحترم ذوقك لكن لن أكذب عليك جربتو بنواة كوكو صدقيني نواة كوكو طعمها المعتاد يختفي وهي التي تعطي له لون أحمر مميز وكذا التشيشةلازم تكون خشينة وربي يوفق الجميع والدعاء لي في الغيب بالصحة والعافية والهناء رمضانكم كريم