خطة للدراسة لبكالوريا 2014 مع الاخ حمزة توازي

[salahe14]

السلام عليكم اخواني صحاب المراسلة انا هذا العام ما جبتش الباك وما جبتش امتحان المستوى وعارف راهم حقرونا انا داير شعبة علوم وراح نبدلها أداب حبيت كلكم تجتمعو هنا باش العام الجاي نجيبوه مي لازم علينا الكل نجتمعوا ونكونو خاوة مي راح نديرو خطة للمراجعة نبدو في رمضان ويكون حمزة توازي هو لي سير لينا المواد يعني نبدو من الفلسفة ومبعدها علوم اسلامية ومبعدها اجتماعيات. كل اسبوع نحفضو مقالة في الفلسفة وهكذا نكونو قد جهزنا رواحنا للباك
حمزة توازي هو لي راح يحط لينا المقالات مختصرة وراح احنا نعاونو بعضانا ... وانشاء ننجحو كامل

[hamza touazi]

بارك الله فيك اخي صلاح الموظوع الرائع والقيم بادن الله سنبدا وساظع كل خبرتي ومااستفدت منه السنة هاته في امتحان وفي دراسة البكالوريا الحمد لله صح جبت ç9?.90 مي الحمد لله اول مرة نجوزو وزت ديت خبرة ان شاء الله راح نبداو كي نلقى ردود للاعظاء ومدى ترحيبهم بالفكرة على بركة الله

[salahe14]

ان شاء الله اخي حمزة فانت استاذنا ونحن معك سننتظر تفاعل الاعضاء في الفكرة

[houhou92]

فكرة رائعة يا اخواني انا ثاني قريت بالمراسلة وجبت امتحان المستوى مي الباك ما جبتوش شعبة اداب وفلسفة نتمنى باقي الأعضاء يتفاعلوا

[salahe14]

شكرا الاخ حوحو على التفاعل معنا انشاء الله راح ننجحو كامل

[djalalskull]

شكرا أخي انشاء الله كامل ننجحو

[محمد عين]

فكرة رائعةانا موفق

[abde035]

شكرا انا راني موافق نجحت من الثانية ثانوي الي الثالثة ثانوي اداب و فلسفة والحمد لله

[fakoubik]

السلام عليكم
انا تان طلعت هد العام مي ماني فاهم وااالو واحد يقولي مراسلو يجوزو واحدهم واحد يقولي جوز باش يعطوك برك شهادة ترمينال واحد يفهمني يرحم والديكم + فكرو جيدة نولو نقراو كيف كيف انا تاني فلسفة حاب نعرف المواد لينفوتو فيهم +
انا رفيق من عين وسارة الا امكن نتعرفو

[heraizkarim]

السلام عليكم اخومك كريم من ولاية المسيلة عقبت حر هده السنة مي الله غالب منجحتش بصح لازم نكونو قد المسؤلية وماهيش حاجة صعيبة تستاهل شوية مراجعة فقط وخاصة في اللغات الاجنبية والفلسفة والباك راه مظمون باءدن الله

[hamza touazi]

السلام عليكم
انا تان طلعت هد العام مي ماني فاهم وااالو واحد يقولي مراسلو يجوزو واحدهم واحد يقولي جوز باش يعطوك برك شهادة ترمينال واحد يفهمني يرحم والديكم + فكرو جيدة نولو نقراو كيف كيف انا تاني فلسفة حاب نعرف المواد لينفوتو فيهم +
انا رفيق من عين وسارة الا امكن نتعرفو

اخي لما تفتح التسجيلات راح تعمل ملفين ملف تسجل فيه بالمراسلة وملف للتسجبل عادي للباك تاع جوان اولا باك تاع ماي يعطوك بيه النيفو برك ولا تدخل به للجامعة اما باك تاع جوان هو اللي تدخل بيه لافاك وربي يوفق

[ملاق تزينة]

ان شاء الله اخي حمزة فانت استاذنا

[حفصة92]

انطلاقة موفقة باذن الله وراني هنا اذا احتجتوا مساعدة ....:dj_17::dj_17:

[bndib]

فكرة رائعة موفق انشاء الله

[caza]

السلام عليكم

هل يستطيع الذي كان يدرس تسيير واقتصاد ولم ينجح في الامتحان المستوى ولا شهادة البكالوريا ان يغير شعبة الى ادب وفلسفة..

وهل مادة الفلسفة في اشعبة الادب تشبه الفلسفة في التسيير واقتصاد..............
شكرا

[أسير الطموح]

بالتوفيق ان شاء الله

[sawda sa3ada]

بالتوفيق للجميع

ان شاء الله كامل نجيبو البااك

[Redouane28]

إن شـــاء الله خويـــآ........رآنا هنااا
........حاب نسقسيك ...ا أنا السنة جبت الثانية ثانوي يعني طلعت للباك حاب نفهم كيفاه نسجل ؟ وكيفاه هادا إمتحان إثبات المستوى ؟؟؟

[أم عبد النور]

السلام عليكم

كما سبق وذكر أخ حمزة

تسجل الثالثة ثانوي وتسجل تاني للباك في الديوان الوطني للتكوين وتعليم عن بعد


راني معاكم وأنا هنا للمساعدة في الفلسفة والأدب العربي والاجتماعيات

بالتوفيق للجميع

[سمرجان]

اختكم معكم ان شاء الله انا عندي باك علوم طبيعية وبغيت باك اداب بالمراسلة
شكرا على المبادرة الطيبة

[hadjovitch]

oui bonne idée et bon courage à vous

[SANAA2007]

حتا أنا كنت تسيير وكراكاس باك باغيا ندير أدب وفلسفة إنشاالله تعاونونا

[salahe14]

حتا أنا كنت تسيير وكراكاس باك باغيا ندير أدب وفلسفة إنشاالله تعاونونا
ان شاء الله الاخت سناء راح نبدأ في القريب العاجل ما بقاش بالزاف ونبدو ونرجو من كل الاعضاء عاونونا بالمواضيع المختصرة والمفيدة في مادة الفلسفة اولا راح نبدا ...... ونحط مقالة واحدة كل اسبوع ولازم الكل انو يحفضها ومبعدين راح نحط المقالة الثانية واذا قدر واحد فيكم حط لينا جدول انتع مراجعة نتبعوه الكل واي استفسار واضافة من عندكم قولوها باش نستفيدو اكثر ..... وان شاء الله اذا كنا ايد واحدة راح ننجحو كامل ان يد الله مع الجماعة ..وشكرا

[hamza touazi]

اول شيئ لكل الاخوة لازم تحبو الفلسفة كنت كيفكم العام لفات كنت خايف دايرها واعرة ومعمر راسي شوفو اي مادة تقراها بزاف وتعطيلها وقت والله تولي تجيك ساهلة وممتعة اول شيئ انوو نبداو وجدوز كراس جديد وكما قال الاخ صالح المقالات كل واحد كفاه تحفظها ملليح ولا تحفظ الاقوال تان مليح اختار الطريقة لحبيت انا كنت نحفظ المقدمات والاقوال ونتوسعع ديت 13فالباك مع انو طاحتلنا مقالة متزقعناهاش وكان قريتها مليح كنت قادر ندي اكثر وانا راجع اقراو واش كتبت باش نكمل

[salahe14]

حسنا اخي حمزة رانا معاك ماذا بيك تجيب لينا اول مقالة وحطها هنا باش الكل يحفضها وكي نكملوها نبدو بالمقالة لي بعدها .....

[*رتاج الكعبة*]

السلام عليكم
ممكن تقولونا ماهي الاوراق اللازمة للتسجيل للباكالوريا؟؟

[hamza touazi]

السلام عليكم
ممكن تقولونا ماهي الاوراق اللازمة للتسجيل للباكالوريا؟؟

نعم اختاه اسمهان الاوراق راهم موجودين في المواظيع القديمة تاع العام الماظي وزيد مكتوبين فالموقع تاع لونافد كاين صور وكاين زوج بريات مع طابعين وكاين تاع الطبيب المحلف الاعفاء ولا ديري سبور وكاين شهادة اثبات المستوى يمدوهالك فالمركز ونسيت تان والله هدا واش راني فاكر كي بلحق ساهل انا نقولك

[سمرجان]

اذا ممكن اخوتي تحطونا مقالات في الفلسفة وتوضحونا كيفية الحفظ ختراه اني كنت علوم ولا علاقة بالفلسفة وجزاااااااااااااااكم الله خيرااااا

[hamza touazi]

خاوتي راح نقوللكم طرقتي كنت نحفظ كل يوم مقالة بصح حبيت نفهمكم متركزوش عالحفظ بزاف حاولو تفهمو وكي تكون منهجيتكم صحيحة ومنظمة راح تعرفو تتفلسفوو علابالكم المقالات انواع كاين مقالة جدلية وتقريبا عهي اللي طيح بزاف وكاين استقصاءء بالرفع واستقصاء بالوظع طبعا تعرفو نوع المقالة من نوع السؤال مثلا الجدلية دابما تكون وتبدا ب هل / ولا حلل وناقش ونتوم تبداو تتوسعو ديرو مقدمة شابة مع صياغة السؤال وتبداو دوك نحط اول مقالة انا كنت نحفظ وعما الفجر نحفظ المقدمة وفي الظهر نحفظ الموقف الاول طبعا مش كلو راح تشوفو مقالات موقف باربع صفحات حاولو تركز على اهم فلاسفة دلك الموقف واقوالهم وتان في العصر نحفظ النقد الاول وفي المغرب نحفظ الموقف التاني وفي العشاء النقد التاني وتلقى روحك حفظت مقالة في اليوم متتقلقوش والله اسهل مادة انا تان كنت خايف منها بزاف المادة كي تمدولها وقت بززاف راح تجيكم ساهلة

[سمرجان]

الله يبارك فيك اخي وييسرلك امورك
رانا نستناو في اول مقالة

[احمد ساعد]

السلام عليكم انا هذا العام الي طلعت فيه للثالثة ثانوي عجبتني الفكرة نتاعكم وانا معاكم والله الموفق

[hamza touazi]

راح نكتبلكم من الكراس تاعي والله ثنمينة المقالات لفيه باسكو درتهم مع استاذ خصوصي وكنا نسهرو فالليل روعة المقالات دوك نكتبهم ونحطهم هنا