من اختار المدرسة العليا للاساتدة بالقبة يتفضل [الأرشيف] - منتديات الجلفة لكل الجزائريين و العرب

مشاهدة النسخة كاملة : من اختار المدرسة العليا للاساتدة بالقبة يتفضل

لمياء 3

2013-07-08, 23:25

السلام عليكم ورمضان كريم

اولا اعرفكم بنفسي انا طالبة تحصلتت هاد العام على شهادة الباكالوريا كانحلمي صيدلة او تعليم
لكن وللاسف تحصلت على معدل 13.77 لم يسمح لي بدراسة الصيدلة بكيت حتى شبعت غاضتني عمري بزااااف الله غالب العلوم والفلسفة واش دارو فيا
لكن نقول الحمد لله

فاردت اختيار التعليم بالقبة
وليشوا دياولي درت الاولى استاد التعليم الثانوي علوم دقيقة بالقبة
حبيت نعرف شكون ختارها هكدا نتعرفوا فيما بيناتنا
والي قراوها هل هي صعبة مع العلم اني ممتازة في مادتي الرياضيات والفيزياء الحمد لله وميولي ومجبتي لهاتين المادتين كبير جدا
لكن قالولي القراية صعيبة اريد معلومات من فضلكم

مع العلم كنت في هدا المنتدى زائر وكنت اتابع كل جديد فيه حتى هناك بعض العضويات اتابع جديدهم لم اشارك من قبل لاني ادا شاركت ياخد من وقتي الكثير وانا مع الدراسة خاصة هاد العام

اادا انا الان اصبحت عضوة وجزء منه اتشرف لانضضمامي معكم

انا بانتظار ردودكم وفي الاخير كل الشكر لكم

سلامي

لمياء 3

2013-07-09, 23:14

اين انتم يا اعضاء

tebox

2013-07-09, 23:18

والله يا اختي غير اخطيك ... صعبة صعبة جدا .
انا ايضا تحصلت على 13.80 .. وانا خائف من ان لا يعطوني اعلام الي بالقبة .
على كل حال . نتلاقاو فما ان شاء الله :)

تمر الهنى

2013-07-09, 23:20

و عليكم السلام و رحمة الله و بركاته
مبروك النجاج و عاقبة ان شاء الله للمزيد من النجاحات
انا كذالك اخترت المدرسة العليا بالقبة لكن في اختصاص علوم طبيعة و حياة ثم اعلام الي و ان شاء الله يعطوني واحد منهم
و اريد بعض المعلومات عن هذا الاختصاص
و مدى الصعوبة و غيرها
فساعديني اذا امكن

hamza.cha6

2013-07-09, 23:22

هل ممكن قبولي اعلام ألي أستاذ التعليم المتوسط
معدل 13.25 شعبة علوم تجريبية

tebox

2013-07-09, 23:22

hamza.cha6

2013-07-09, 23:25

أنا أنتظر الاجابة

لمياء 3

2013-07-09, 23:25

بالنسبة ل tebox

انا ميولي اكثر للعلوم الدقيقة علىبالي بلي صعيبة بزااف مي انا نحب نقرا الرياضيات والفيزياء ميولي لها اكثر من العلوم الطبيعية

اما بالنسبة لتمر

علوم طبيعية سهلة جدا في دراستها قالولي فيها الحفيظة بزاف لكن علوم دقيقة صعبة خاصة لمن ليس له ميول في رياضيات والفيياء ان شاء الله يعطولك علوم

ان شاء الله يدونا واش رانا حابين ونتلاقاو لتم

لمياء 3

2013-07-09, 23:27

هل ممكن قبولي اعلام ألي أستاذ التعليم المتوسط
معدل 13.25 شعبة علوم تجريبية

نعم اكيد يختاروك بارسكو هبطو ل 12

لكن اخي انصحك باعلام الي تعليم ثانوي لانو هنا في الجزائر مايقراوش اعلام الي متوسط وراح يدوك ليها

لمياء 3

2013-07-09, 23:28

والله يا اختي غير اخطيك ... صعبة صعبة جدا .
انا ايضا تحصلت على 13.80 .. وانا خائف من ان لا يعطوني اعلام الي بالقبة .
على كل حال . نتلاقاو فما ان شاء الله :)

ان شاء الله ونورمالمو يعطوهالك
لكن في اي جامعة

hamza.cha6

2013-07-09, 23:31

نعم اكيد يختاروك بارسكو هبطو ل 12

لكن اخي انصحك باعلام الي تعليم ثانوي لانو هنا في الجزائر مايقراوش اعلام الي متوسط وراح يدوك ليها
ياخوية متوسط و حبست لعام لي فات عند 14.35 و الثانوي فاتت 15 كيفاح راح يمدولي ثانوي
أنا أنتظر الاجابة
الله يحفضك

لمياء 3

2013-07-09, 23:37

خويا حمزة هاد العام قلتلك التعليم هبطوهل 12 يعني الي عندو فوق اثناش بالاك علوم طبيعية يعاود يطلع المعدل لكن العام الي لا اظن لانو مايدوموندوهش بزاف انت واش راك خاسر دير الاول اختيار اعلام الي ثانوي وثاني اختيار اعلام الي استاد تعليم متوسط

مارايك في رياضيات واعلام الي بباب الزوار

مادام راك حاب حاجة نتاع اعلام الي

اظن هدا احسن من استاد في متوسط اعلام الي

hamza.cha6

2013-07-09, 23:44

اعلام ألي باب الزوار مدرسة و لا lmd ولا هي نفسها mi فهميني الله يخليك

لمياء 3

2013-07-09, 23:51

هي نفسها mi انا الاول درت استادة تعليم ثانيو علوم دقيقة والثاني درت mi
صح لقراية شوية صعيبة مي والله غير هايلة تستحق الرياضيات بزاف
اما اعلام الي متوسط والله اخطيك منها يا خويا

hamza.cha6

2013-07-09, 23:54

بصح mi عندنا في جامعة الجلفة و لا ميش كيف كيف مع نتاع باب الزوار

لمياء 3

2013-07-09, 23:57

لالا دوكا على حساب وين تسكن ادا انت قريب للجلفة يبعثوك للجلفة شوف فالاختيارات وين دايرينك تقراها

تمر الهنى

2013-07-10, 11:49

شحال المعدل اختاه ؟؟

السلام عليكم و رحمة الله و بركاته
معدل 12.76 شعبة رياضيات

لمياء 3

2013-07-12, 15:04

ماشكيتش يقبلوك ابار ادا كان الطلب علىيها ماشي بزاف

hicham_boss13

2013-07-12, 18:57

اين انتم يا اعضاء

mazaléék sghirra w3lach tebki t9drii t3wdiih <w diri wach thabi

hicham_boss13

2013-07-12, 19:00

bouchra math

2013-07-13, 00:29

السلام عليكم المعدلات تكون أقل بالنسبة لشعبة الرياضيات وتقني رياضي العلوم دقيقة داوها العام لي فات ب 13 اما العلوم التجريبية كانت أكثر من 14.80 للتعليم المتوسط ممكن هاد العام يهبطو اما بالنسبة للعلوم المعدلات كل عام لا تقل عن 15 اما بالنسة لصعوبة تعد العلوم من أسهل المواد بالمدرسة على عكس العلوم دقيقة تعد صعبة للأغلبية خاصة طلبة العلوم التجريبية هي جد عادية فقط تحتاج الى مجهود أكبر ودراسة مكثفة

Wiya Miya

2013-07-13, 00:44

السلام عليكم
أنا درت علوم دقيقة وبعدها علوم طبيعية مي قالولي بلي مستحيل يمدوهالي فالثانوية :( لأنو معدلي دعيف و زيد علوم تجريبية
ربي يوفقكم

didou rakkaus

2013-07-13, 02:14

كيفذهي اقامةذبالنسبة للذكور و شعال من واحد في غرفة

eglisias

2013-07-13, 19:59

التعليم مضمون بعد التخرج من المدرسة باذن الله فلما تختارين شعبا قد تقطعين العشرات من الاحذية بعدهل من اجل الحصول على وظيفة
اتكلي على الله و صلي الاستخارة

لمياء 3

2013-07-16, 00:33

انا علوم دقيقة تعليم ثانوي نحبها بزاف وان شاء الله يدوني ليها

hadjer hadjora

2013-07-16, 01:03

ana tani jebt el bac mathélem 13.75 n7ab el math o physique ana dert prof lycée ta3 9oba fe sience exact mais maderthach la1ére
khti ana n9olek kol 7aja fiha 9raya o s3iba makach 7aja sahla ana n9olek dert mli7 ki kheyerti wech t7abi
o betawfi9 nchlh

KOUNBATA

2013-07-16, 08:06

مبروك عليك رياضيات القبة كنت ندرس فيها مدرسة رائعة جداااااااااااا

الوان الطيف

2013-07-16, 13:13

سلام
انا جبت معدل 12.74 علوم تجريبية ودرت في الاختيار الاول مرسة عليا لغة انجليزية ثانوي
زعمة يمودوهالي ؟؟؟؟

في انتضار الردود

لمياء 3

2013-07-20, 23:30

houda 93

2013-07-21, 16:51

مبروك عليك رياضيات القبة كنت ندرس فيها مدرسة رائعة جداااااااااااا

:sdf: رجاءا قولونا واش ممكن يكون كأسئلة في المقابلة ؟؟؟؟ شكراا

zozo08

2013-07-21, 17:05

السلامعليكم الي راه يسال على الرياضيات والاعلامالالي تاع باب الزوار تسجيل وطني ماشي حسب البلاصة وهي صعيييييييييييبة صعيبة بالزاف اكتر من الجامعات العاديةوالناس بالذراع ماتطلع والاغلبية تعاود
المهم الفرق بيناتهمانو شهادتها مليحة تاع باب الزوار واذا ماجوريت يدوك تدير كونكور في المدرسة العليا للاعلام الالي الي هي احسن مدرسة في الجزائر وهي عموما اذا كنت عبقري وعندك الكتاف غير دير تاع باب الزوار مع العلم العام الي فات معدلها لحق قريب 15
سلامي لكم
اختكم في الله

سر سعادتي..

2013-07-22, 12:17

السلام هليكم ورحمة الله تعالى وبركاته
مبارك نيلكم شهادة البكالوريا وربي يوفقكم في حياتكم العلمية والعملية
انا طالبة بالمدرسة العليا للأساتذة...تخصص علوم طبيعية...بصراحة هاذا التخصص رائع دراسته حلوة وممتعة....هذا لا يعني ان بقية التخصصات ليست جيدة ...لكن لكل واحد وميوله....
في السنة 1 بإذن الله ستدرسون فيزياء-رياضيات-كيمياء-جيولوجيا-إعلام آلي-مدخل إلى علم التربية-بيولوجيا عامة والتي تشمل -: علم الخلية-علم الأنسجة ..هذا في السداسي الأول
اما في السداسي الثاني فسيستبدل علم الخلية وعلم الأنسجة بعلم النبات وعلم الأجنة...
الأساتذة كلهم رائعون وكلهم في المستوى صراحة...
أي استفسار آخر أنا هنا بإذن الله وساحاول بقدر المستطاع إفادتكم
وفي الأخير...أقول لكم أحبتي في الله...الخيرة فيما إختارها الله...فوضوا امركم لله سبحانه وتعالى وتوكلوا عليه عز وجل....
سلالالالالالالالالام

zakyass

2013-07-22, 12:29

السلام عليكم ,,, اختي انا الباك تاعي تاع العام لي فات جبت كيفك نيشان المعدل ,,, العام لي فات مادارلي والو مي ان شاء هاذ العام يعطولك واش راكي حابة ,, و انا عاودت,, الباك على جال الطب مي ماجبتش حقها ,,, على هاذي اذا مازالت في قلبك ننصحك تعاودي الباك و لكن اقراي فالجامعة و اقراي للباك في زوج و تقدري,,, بالتوفيق سلاااام مع العلم انا تاني هاذ العام خيرت غير المدارس العليا

لمياء 3

2013-07-22, 16:43

شكرا على تدخلاتكم غدوا ان شاء الله قع نفرحو ويبعتولي ان شاء الله لخيار الاول يارب

نانوا

2013-07-22, 23:56

السلام عليكم ورحمة الله وبركاته
بخصوص الاخت لمياء ماتخلي حتى واحد اخسرلك النية تاعك حابة علوم دقيقة تحبي الرياضيات والفيزياء ربي يوفقك ديري ف بالك هاديك نتي لي راح تقرااي لي يقولك صعيب كل واحد و كيفاش ووين عطاهالوا ربيي اذن اتكلي على ربي وشدي ف الطموح التاعك وربي يكتبلك الخير
ثانيا معلش عندي استفسار حبة نعرف كيف يتم حساب معدل القبول
وشكرا