هل بامكاني وضع ملف مسابقة التعليم ي ولاية اخرى؟؟

[سحر الاخلاق]

السلام عليكم
قولولي خاوتي هل بامكاني نحط الملف الخاص بمسابقة التعليم في ولاية أخرى يعني انا من الجزائر و حابة نحط الملف في ولاية بومرداس؟؟؟
و في الملف طلب شهادة ميلاد هل يشترط شهادة ميلاد رقم 12 ام يمكن تقديم رقم 13 يقبلوها.

ارجوكم اجيبوني ربي يخليكم ..

[ASKme]

لازم شهادة اقامة

[سحر الاخلاق]

لازم شهادة اقامة

نعم لازم شهادة اقامة لكن هل يقبلو المترشحين خارج الولاية

[سحر الاخلاق]

أرجووووو الاجابة...بارك الله فيكم

[zinozino]

يمكنكي المشاركة بشرط ان تستخرجي من البلدية شهادة اقامة و ليس بطاقة اقامة يكون فيها العنوان متواجد بولاية بومرداس. لان بطاقة تعريفك الوطنية فيها عنوانك بالعاصمة و بالتالي بطاقة الاقامة لا تكفي و انما انت مطالبة باستخراج شهادة اقامة من بلدية ببومرداس. في هذه الحالة يمكنكي المشاركة. حظ موفق.

[zinozino]

و بالنسبة لشهادة الميلاد ففي الغالب لا اظن انهم يطلبون رقم 12 بالتحديد المهم هو استخراج شهادة ميلاد حتى و ان كانت رقم 13 و لكن يجب عليك قراءة الاعلان حين يصدر للتاكد ما اذا كانوا يريدون شهادة ميلاد فقط ام يشطرطون ان تكون رقم 12.

[ميمي 180]

chahadet el ikama nkharjouha rir lel carte d'indentité wela pasport ya jma3a malkoum

[سحر الاخلاق]

يمكنكي المشاركة بشرط ان تستخرجي من البلدية شهادة اقامة و ليس بطاقة اقامة يكون فيها العنوان متواجد بولاية بومرداس. لان بطاقة تعريفك الوطنية فيها عنوانك بالعاصمة و بالتالي بطاقة الاقامة لا تكفي و انما انت مطالبة باستخراج شهادة اقامة من بلدية ببومرداس. في هذه الحالة يمكنكي المشاركة. حظ موفق.
ربي يخليك خويا زينو..الف الف شكر على الاجابة
الان فقط عيطت لمديرية التربية لبومرداس و اخبرني بنفس كلامك
و هذا رقم المديرية لمن اراد الاستفسار عن امر ما 024817540

[سحر الاخلاق]

و بالنسبة لشهادة الميلاد ففي الغالب لا اظن انهم يطلبون رقم 12 بالتحديد المهم هو استخراج شهادة ميلاد حتى و ان كانت رقم 13 و لكن يجب عليك قراءة الاعلان حين يصدر للتاكد ما اذا كانوا يريدون شهادة ميلاد فقط ام يشطرطون ان تكون رقم 12.
بارك الله فيك با اخي و ربي يجازيك خيرا على الاجابة
ارجوا من الناس اللي دفعوا الملفات سابقا يجاوبوني لاني لازم نخرج شهادة ميلاد ان كانت رقم 12 من ولاية اخرى و هذا يستصعب عليا الان..فاتمنى ان تكون شهادة ميلاد رقم 13 فقط

[biologie2001]

انا وضعت الملف هدا الصباح و لم يطلب مني شهادة الميلاد مع اني سالته ان كانت موجودة ضمن الملف فقال لي لا

[ميمي 180]

svp kifech kharajtou chahadat el ikama
ana rani sakna fi adrar bessah rir kariya kifech ndir bech nkharajhaaaaa

[سحر الاخلاق]

انا وضعت الملف هدا الصباح و لم يطلب مني شهادة الميلاد مع اني سالته ان كانت موجودة ضمن الملف فقال لي لا
شكرا جزيلا لك أخي الكريم على الرد

[سحر الاخلاق]

svp kifech kharajtou chahadat el ikama
ana rani sakna fi adrar bessah rir kariya kifech ndir bech nkharajhaaaaa
اختي صونيا انا مازال مخرجتها لكن اظن تستخرج بالدفتر العائلي و بطاقة الناخب أو فاتورة الكهرباء بدل لاكارت تاع الفوط.

موفقة اختي

[RACHID12]

svp kifech kharajtou chahadat el ikama
ana rani sakna fi adrar bessah rir kariya kifech ndir bech nkharajhaaaaa

عادي هذا وين خرجتها ببطاقة الناخب--carte vote--

[ميمي 180]

bitakat nakhib andi bessah mach minscriya fi adrar w rani sakna fi adrar (kariya )

kifech dorka ?

[اميرة بلقيس]

شهادة اقامة ولا بطاقة ااقامة واش فرق بيناتهم

[ميمي 180]

j'ai la carte du vote mais ds une autre wilaya pff

weche lazem bech nkharaj chahadat el ikama svp repondez moi ???,

[سحر الاخلاق]

شهادة اقامة ولا بطاقة ااقامة واش فرق بيناتهم
بطاقة الاقامة تقدري تخرجيها من البلديات الملحقة بصح شهادة الاقامة تخرجيها فقط في البلدية الكبيرة و ليس من الملحقات
و اظن انه شهادة الاقامة لازم يمضيها المير شخصيا عليها يطلبها في المسابقات

[RACHID12]

bitakat nakhib andi bessah mach minscriya fi adrar w rani sakna fi adrar (kariya )

kifech dorka ?

weche lazem bech nkharaj chahadat el ikama svp repondez moi ???,

ننصحك اختي الكريمة تتوجهي للبلدية هوما يورولك وش اتديري:19: بالتوفيق:mh31:

[سحر الاخلاق]

bitakat nakhib andi bessah mach minscriya fi adrar w rani sakna fi adrar (kariya )

kifech dorka ?

Weche lazem bech nkharaj chahadat el ikama svp repondez moi ???,
ارجوا انك تلقاي الجواب اختي صونيا

[سحر الاخلاق]

صح ديري كيما قالك الاخ رشيد احسن حل في البلدية يفهمولك بالتفصيل اذا كان لازم ديري تحويل لبطاقة الناخب ديالك و تبدلي العنوان عليها لازم تزربي عموما انا درت ديجا تحويل لبطاقة الناخب و مطولوش داروهالي تم تم..بالتوفيق ليك اختي

[ميمي 180]

nchalah merci

[السيد قطب]

للاسف لالالالالالا

[سحر الاخلاق]

للاسف لالالالالالا
شكرا ليك خويا بشير :)
للاسف لا...رغم انه في بومرداس دارو 11 منصب في الاقتصاد
لكن في الجزائر شرق مكاش ولا منصب اما الجزائر وسط دارو منصب واحد
و هذا المنصب مانعرف ليمن يمدوه ديجا معارفهم و يحيرو لمن يمدوه ..ربي يفرج علينا و يكون معانا:mad:

[البريئة]

شكرا ليك خويا بشير :)
للاسف لا...رغم انه في بومرداس دارو 11 منصب في الاقتصاد
لكن في الجزائر شرق مكاش ولا منصب اما الجزائر وسط دارو منصب واحد
و هذا المنصب مانعرف ليمن يمدوه ديجا معارفهم و يحيرو لمن يمدوه ..ربي يفرج علينا و يكون معانا:mad:

الاخت سحر الاخلاق يمكن أم لا يمكن أنا أريد المشاركة في ولاية غير ولايتي ، يمكنني الحصول على شهادة الاقامة فيها

[سحر الاخلاق]

الاخت سحر الاخلاق يمكن أم لا يمكن أنا أريد المشاركة في ولاية غير ولايتي ، يمكنني الحصول على شهادة الاقامة فيها
بصح كيفاه ديري باه تتحصلي عليها اختي البريئة :confused:
انا مذابيا نتحصل عليها و الله راهي ذاقتلي بزاااااف كي مانشاركش في بومرداس خصوصا كي يدو 11 الواحد يقدر يتأمل شوية

[saber1980dz]

كيف يمكن استخراج شهادة الإقامة لمن لا يسكن في المنطقة. أرجو التوضيح شخص من الجزائر يسكن في الجزائر يريد المشاركة في عنابة مثلا. هل يمكنه ذلك؟

[سحر الاخلاق]

كيف يمكن استخراج شهادة الإقامة لمن لا يسكن في المنطقة. أرجو التوضيح شخص من الجزائر يسكن في الجزائر يريد المشاركة في عنابة مثلا. هل يمكنه ذلك؟
هذا هو المشكل الذي واجهني اخي صابر لذا طرحت الاستفسارات لللاخوة و الاخوات معنا في المنتدى
و الاجابة هي ماتقدرش تدفع الملف في ولاية اخرى الا بشهادة الاقامة و كنت طرحت سؤال للاخت البريئة اللي قاتلي انجيبها لا ادري كيف؟ لكن اكيد فيها معريفة لانه انا ادري انا بطاقة الاقامة تقدر ديرها كاش واحد فاميلتك ياكد بلي راك تسكن عندو و ديرها لكن شهادة الاقامة صعبة :confused: صراحة لا ادري كيفاه يديروها:rolleyes:

[saber1980dz]

هذا هو المشكل الذي واجهني اخي صابر لذا طرحت الاستفسارات لللاخوة و الاخوات معنا في المنتدى
و الاجابة هي ماتقدرش تدفع الملف في ولاية اخرى الا بشهادة الاقامة و كنت طرحت سؤال للاخت البريئة اللي قاتلي انجيبها لا ادري كيف؟ لكن اكيد فيها معريفة لانه انا ادري انا بطاقة الاقامة تقدر ديرها كاش واحد فاميلتك ياكد بلي راك تسكن عندو و ديرها لكن شهادة الاقامة صعبة :confused: صراحة لا ادري كيفاه يديروها:rolleyes:


بارك الله فيك على الإجابة الأخت سحر الأخلاق. يعني فيها مشكل حتى لو اكتشف الأمر قد يعتبر تزوير...لكني لا أفهم لماذا تكرس الجهوية . في بلاذك و تحس روحك براني...الله يجيب الخير

[سحر الاخلاق]

و فيك بركة اخي صابر ..نعم هو تزوير و يقدرو يفيقو للتزوير فيما يخص شهادة الاقامة
اذا كاش واحد عندو حل باه نتحصلو على شهادة الاقامة بلا تزوير يفيدنا هههه

[سحر الاخلاق]

ربي يجيب الخير ..لانه رانا في زمن تاع المعريفة ...عندك المعريفة تجوز ماعندكش مكـــــــــــــاش للاسف...لكن ربي معانا فالله مع عباده و لا حول و لا قوة الا بالله

[JENJER]

oui takaderti mais lazmek ikama et la certificat médical aussi lazmek tkon dertiha fel la wilaya li rah tfawti fiha ana haka dert kima fawet fi annaba fi mai le concoure ta3 l’enseignement

[سحر الاخلاق]

oui takaderti mais lazmek ikama et la certificat médical aussi lazmek tkon dertiha fel la wilaya li rah tfawti fiha ana haka dert kima fawet fi annaba fi mai le concoure ta3 l’enseignement

نعم خويا لكن المشكل كيفاه نتحصل على شهادة الاقامة هنا المشكل يبقى مطروح؟؟؟:confused:
اما الشهادة الطبية عادي نقدر انديرها في بومرداس لا اشكال...
يعطيك الصحة خويا على الرد
لكن قولي انت كيفاه درت شهادة الاقامة؟؟

[البريئة]

بصح كيفاه ديري باه تتحصلي عليها اختي البريئة :confused:
انا مذابيا نتحصل عليها و الله راهي ذاقتلي بزاااااف كي مانشاركش في بومرداس خصوصا كي يدو 11 الواحد يقدر يتأمل شوية

حاوتي خرجوها من قبل من عند واحد فاميلتي و أنا راني معولة نخرجها تاني بنفس الطريقة
و كي نخرجها نردلك الخبر ماذا بينا لي يخرجها يقوللنا

[سحر الاخلاق]

اختي البريئة اظن اللي راكي تهدري عليها هي بطاقة الاقامة بحيث تقدري تخرجيها بحجة انك تسكنين عند فاميلتك مثلا...عادي
لكن شهادة الاقامة لا اظن لانك تخدميها بكارطة تاع الفوط و هي اكيد متكونش متوفرة عندك:confused:

[طهراوي ياسين]

بالتوفيق ان شاء الله

[cheraier]

هل حقا بدأو وضع الملفات على مستوى مديرية التربية ارجوكم بالنسبة للجزائر شرق و البويرة

[Tinda20]

يا جماعة علاش تصعبو فالأمور ؟ العام الماضي شاركت ببطاقة إقامة و في ولاية أخرى عادي جدا ؛ و كاين ناس شاركو ببطاقة إقامة في غير ولاياتهم و نجحو عادي

[Tinda20]

sonia13

______________________

لدي صديق شارك العام الماضي ببطاقة إقامة في ولاية أدرار و نجح

[Tinda20]

العام الماضي أيضا وقعت بلبلة كبيرة في المنتدى على شهادة أو بطاقة إقامة

[سحر الاخلاق]

هل حقا بدأو وضع الملفات على مستوى مديرية التربية ارجوكم بالنسبة للجزائر شرق و البويرة
حسب معلوماتي فقط بومرداس بدات باستقبال الملفات لانني اتصلت بالمديرية.
اما الجزائر شرق و البويرة فالله اعلم...اللي عندوا الجواب يرد عليك ان شاء الله

[سحر الاخلاق]

يا جماعة علاش تصعبو فالأمور ؟ العام الماضي شاركت ببطاقة إقامة و في ولاية أخرى عادي جدا ؛ و كاين ناس شاركو ببطاقة إقامة في غير ولاياتهم و نجحو عادي

و الله يا اخي هوما اللي راهم يصعبوا فيها هاذ العام ماشي احنا...:confused:
احنا مذابينا تكون غير ببطاقة الاقامة
شكرا على المرور اخي

ممكن اخوتي اللي علابالو هل تقبل بطاقة الاقامة في بومرداس يرد عليا من فضلكم..بوركتم

[سحر الاخلاق]

من وضع الملف هاذ العام و قبلولو بطاقة الاقااااامة؟؟؟؟؟؟؟؟؟؟؟؟؟

[alihref]

السنة الماضية بالنسبة للجزائر غرب طلبو شهادة اقامة وليس بطاقة اقامة.
فاصدقائي قامو باستخراج بطاقة ايواء بشهادة احد المقيمين ثم بهذه البطاقة استخرجو شهادة الاقامة (يعني بدون بطاقة الهوية ولا الناخب)

[سحر الاخلاق]

السنة الماضية بالنسبة للجزائر غرب طلبو شهادة اقامة وليس بطاقة اقامة.
فاصدقائي قامو باستخراج بطاقة ايواء بشهادة احد المقيمين ثم بهذه البطاقة استخرجو شهادة الاقامة (يعني بدون بطاقة الهوية ولا الناخب)
شكرا جزيلا لك على الرد

[مراد الأمل]

السلام عليكم،،
أظن لا داعي لكل هذه البلبلة حول هل شهادة إقامة أو بطاقة إقامة //
أنا العام الماضي شاركت في ولاية اخرى ببطاقة الإقامة عادي،،
ربي يوفق الجميع

[سحر الاخلاق]

السلام عليكم،،
أظن لا داعي لكل هذه البلبلة حول هل شهادة إقامة أو بطاقة إقامة //
أنا العام الماضي شاركت في ولاية اخرى ببطاقة الإقامة عادي،،
ربي يوفق الجميع


ربي يوفقك اخي و شكرا على المداخلة..
الاجراءات تختلف من سنة لاخرى و حتى من ولاية لاخرى هذا ما جعلني اتسائل لاجد الجواب فاعذر كل محتار يا اخي..قد تكون بلبلة بالنسبة لك لكن صدقني انها تهمني كثيرا و قد تهم غيري الذي بوضعي...شكرا لك مجددا