من فضلكم...

[منال]

السلام عليكم ورحمة الله

عندي سؤال بخصوص حاملي شهادة ليسانس وماستر اعلام الي واش يعملو بيها مافهمتش
اي مسابقة تفتح مش مطلوبين
مفهمتش علاه قاعدين يقرو فيها في الجامعة والله حاجة تحير
الي عندو اي معلومة على التخصص اذا يفهمني بيسك قريتها وندمت

[ismaislim]

الله غالب اختي راكي في الجزائر مي حوسي علا مسابقات ادارية في بداية العام تبدا ومطلوبين جماعة اعلام الى

[منال]

صح الله غالب والله كرهونا في دزاير هادي

[Mima Imene]

بلاد ميكي هادي راني كيفك اختي و راني ماستر ندمت على النهار الي فكرت نقرا فيه هدا التخصص صحتي قاع راحت فيه و في تالي 000000000 حنا مادابينا التعليم مش حابة الادارة ربي يفرج علينا و الكرطونة تاعنا نشو بيها السخانة ما بين

[منال]

حتى انا حابة التعليم بيسك قبل كانو يقروه في الثانوية وحتى المتوسطة وبعديكا نحوه
حقنا منين حنجيبوه في بلادنا
حسبنا ربي

[nesta1998]

و الله اللي تقني سامي خير منا الى حد الساعة ماكانش كونكور فيه ليسانس اعلام آلي ؟

[mmm_555_111]

راهم رايحين يفتحولكم الدكتوراه شاركوا فيها خير خليكم من الخدمة .

[nesta1998]

حاب حاجة واحدة نخدم او نزوج او الدوكتوراه نسمح فيها 100 سنة

[Mima Imene]

حنا نقعدوا غي نقراو نقراو نقراو نقراو نقراو نقراو نقراو حتى تكمل القراية و تكرهنا هيا بزاف علينا على الاقل يعطونا امل شويا

[nesta1998]

آي حتا زواز ما عندي مانقول فيه ناعبوه ديبلوم

[منال]

بصح فهموني وعلاه غير الاعلام الي ماكانش
كرهت وانا نسقسي في هاذا السؤال

[منال]

راهم رايحين يفتحولكم الدكتوراه شاركوا فيها خير خليكم من الخدمة .

وينا دكتورا الي قاعد تحكي عليها
انا ماشفتش حتى شي
حتى اذا فتحوها وش حيدو ياخي زوز ولا ثلاثة وانا وين نروح

[منال]

و الله اللي تقني سامي خير منا الى حد الساعة ماكانش كونكور فيه ليسانس اعلام آلي ؟

تقني سامي دايمن يطلبو فيهم في المسابقات اما نحنا شكون حوس علينا
رانا نقرو للثقافة

[nesta1998]

المشكلة كي يخدمو les téchniciens يسلكوهم أقل من الليسانس وهذي فايدة على الخزينة العمومية هههههههه

[nesta1998]

وسميوها دولة القانون الرجل المناسب في المكان المناسب

[Mima Imene]

خاتش بلادنا الله يبارك يحبو صنعة اليدين ما يحبوش التطور يحبو اليدوي بزاف حنا بلاستنا مش هنا في الخارج هههههههههههههه نطلعو لمورال شويا لرواحنا

[mmm_555_111]

ربي يخلف عليكم و علينا ..."-"

[nesta1998]

خاتش بلادنا الله يبارك يحبو صنعة اليدين ما يحبوش التطور يحبو اليدوي بزاف حنا بلاستنا مش هنا في الخارج هههههههههههههه نطلعو لمورال شويا لرواحنا


هههههههههههههههههههههه:19::mh31:

[منال]

المشكلة كي يخدمو les téchniciens يسلكوهم أقل من الليسانس وهذي فايدة على الخزينة العمومية هههههههه
المهم يخدمو
يسموهم خدامين

[منال]

بصح اذوكا الي يقرو في المعهد تاع الاعلام الي كي يتخرجو واش يعملو
ولا يجو يقعدو معانا يطلعو نسبة البطالة

[mmm_555_111]

جل مناصب تخصص اعلام الي يكون في الادارات ... والمسابقات يكون مع بداية العام (سبتمبر) .

الالكترونيك وين يروحوا بخلاف الدكتوراه ..."-"

[nesta1998]

الدولة هذي : كيما يقولي واحد المهبول
اذا كان صحبك عسل سدو واستريح هههههههههههه

[nesta1998]

وانا نقولو باب الريح ما تلحسوش بكل او يفهمها كيما يحب

[منال]

جل مناصب تخصص اعلام الي يكون في الادارات ... والمسابقات يكون مع بداية العام (سبتمبر) .

الالكترونيك وين يروحوا بخلاف الدكتوراه ..."-"

ماشفتش حتى مسابقة
نزيد نسنى لسبتمبر ياسر

[منال]

بصح اذوكا الي يقرو في المعهد تاع الاعلام الي كي يتخرجو واش يعملو
ولا يجو يقعدو معانا يطلعو نسبة البطالة
والله صح واش يعملو

[Mima Imene]

بصح اذوكا الي يقرو في المعهد تاع الاعلام الي كي يتخرجو واش يعملو
ولا يجو يقعدو معانا يطلعو نسبة البطالة


والله غي هوما الي راهم شادين لي بوست و مرسمين خير منا حنا و زيد هدا الي خلا التخصص تاعنا ناقص بزاف ولا يقراوه في كل بلاصة معهد\ تكوين مهني يعني ولا متوفر بزاف بصح على الاقل جنس الدكر عندو حظوظ في الادارات اما حنا الي مربوطين ب التعليم تجينا في الصبر ان شاء الله

[منال]

لا نحكي على المدرسة الوطنية لاساتذة الاعلام الالي يعني سيرمو رايحين يقريو اعلام الي