مساعدة

[Hacker_Imed]

السلام عليكم

بخصوص جامعة الرياضيات و الاعلام الالي في ام البواقي

هي تاني مفصولة كيما تاع قسنطينة من العام الاول تخير رياضيات و لا اعلام الي؟

المستوى تاعها و يعترفو بيها و لا لالا ؟؟

اجابة في اسرع وقت من فظلكم

[Mounder Milanista]

ماهيش مفصولة قسنطينة برك مفصولة
المستوى تاع قسنطينة أفضل
العام لي فات أم البواقي معدلها كان 10.00 للعلميين !! فمابالك الرياضي والتقني
كون تلقى في قسنطينة خير والله أعلم

[Abe_Sparrow]

مالذي يميز قسمي الرياضيات والإعلام الآلي بجامعتي قسنطينة وهواري بومدين، باعتبار أن البرنامج الدراسي متكافئ مقارنة بالجامعات الأخرى؟

[Mounder Milanista]

مالذي يميز قسمي الرياضيات والإعلام الآلي بجامعتي قسنطينة وهواري بومدين، باعتبار أن البرنامج الدراسي متكافئ مقارنة بالجامعات الأخرى؟

الديبلوم أخي فالجامعات ذات التسجيل الوطني ذات دبلوم أفضل ومستوى التكوين فمثلا الذي يدرس epst و st ماش كيف كيف في المستوى رغم أنها نفس الاختصاصت تقريبا

[Abe_Sparrow]

إذن ماالذي يميز الكتوين بتلك الجامعات ذات التسجيل الوطني؟

[Mounder Milanista]

إذن ماالذي يميز الكتوين بتلك الجامعات ذات التسجيل الوطني؟

المستوى أخي مستوى التكوين أفضل تجد الطالب المتكون في باب الزوار أو قسنطينة مستواه أفضل من الجامعات الأخرى وهذا لعدة أسباب منها كفاءة الأساتذة وصعوبة الدراسة إلخ
نعرف واحد درس العام الأول في أم البواقي ونجح وعندو معريفة دار transfert هنا لقسنطينة لكن شرطوا عليه يعاود العام فقبل 3 سنوات وهو في السنة الأولى ولم ينجح لحد الآن تصور !!! لأنه لم يقدر على مستوى الدراسة في قسنطينة
و حاجة تاع 10 باينة مش كيف حاجة تاع 14 هدي حاجة باينة

[Abe_Sparrow]

بما أنك درست في قسنطينة ما هي الصعوبات التي واجهتك في العام الأول؟ وهل لديك نصائح للطلبة الجدد؟

[Mounder Milanista]

بما أنك درست في قسنطينة ما هي الصعوبات التي واجهتك في العام الأول؟ وهل لديك نصائح للطلبة الجدد؟

والله الدراسة عموما صعبة نوعا ما خاصة مواد الرياضيات التي هي مختلفة تماما عن الرياضيات التي درسناها في الثانوية رغم أن مستواي كان ممتاز في الثانوية في الرياضيات ولاأبالغ إن قلت هذا
الشيء الآخر هو الميكانيك والكهرباء صدقني ماعلاباليش علاواش يحكيو ديت فيهم 00/20 كليهما لولا أن استاذة الميكانيك زادت 5 نقاط للجميع و استاذ الكهرباء حطلي 2 في td
الحقيقة أنا ماقريتش خلاص كي نروح للدار مانزيدش نشوف الكراريس خلاص ماندخلش للـles cours كامل وأحيانا les td وماندخلهمش الحقية أثرت عليا الجامعة شويا :D قريت فقط la veille de controle ونجحت على الشعرة كيما يقولو
نصيحتي للطلبة هو أنهم يكونوا à jour ويحاولو يدخلو لكل المواد ويجتهدوا ولن يجدوا صعوبة بالغة بإذن الله هي صحيح شعبة ليست مثل الأخريات تحتاج لاجتهاد مثل عام البكالوريا لكن لاداعي للخوف فبالمثابرة كل شيء يهون وكل وقدراته فالبعض بقليل من الاجتهاد يمكنه الوصول والبعض الآخر يجب أن يجتهد أكثر
أرجو أن أكون قد أفدتك

[Hacker_Imed]

سؤال برك انا مالحقتنيش تاع قسنطينة (رياضيات+فيزياء/َ2 جاتني قل من 13) لوكان نروح لام البواقي نقرى عام و في العام التاني نخير اعلام الي و ندير ثرونسفار لقسنطينة يقبلوني ؟؟

[Mounder Milanista]

سؤال برك انا مالحقتنيش تاع قسنطينة (رياضيات+فيزياء/َ2 جاتني قل من 13) لوكان نروح لام البواقي نقرى عام و في العام التاني نخير اعلام الي و ندير ثرونسفار لقسنطينة يقبلوني ؟؟

والله لاعلم لي أظن لازملك معريفة صحيحة
أنا نعرف واحد علا حساب وش قالي قرا عام في أم البواقي ونجح ودار transfert بالمعريفة بصح قالولو لازم تعاود السنة الأولى لذلك أنصحك تسقسي مليح كاشما عندك معريفة قبل اتخاذ أي قرار

[Abe_Sparrow]

شكرًا لك على النافذة التي فتحتها لنا من خلال تجربتك الشخصية في السنة الأولى، أظن أنه سيكون من الجيد الاستعدادا من الآن.
تمنياتي لك بسنة ثانية مليئة بالمعرفة والتعلم والمتعة.

[مُسافر]

الاخ Mounder Milanista

اريد ان أسألك كيف هو الامر بعدما تم الفصل في قسنطينة ؟ يعني ماهي الدروس ومعاملات المواد في كلتا الشعبتين؟وهل تشبه دروس شعبة الرياضيات واعلام آلي(قبل الفصل) ؟

شكرا

[Mounder Milanista]

الاخ mounder milanista

اريد ان أسألك كيف هو الامر بعدما تم الفصل في قسنطينة ؟ يعني ماهي الدروس ومعاملات المواد في كلتا الشعبتين؟وهل تشبه دروس شعبة الرياضيات واعلام آلي ؟

شكرا

والله ياأخي لاعلم لي سألت أستاذ وقال هو الآخر أنه لايعلم وأن هذه أمور إدارية لكن رأيي الشخصي وماأتوقعه هو أن تكون نفس المواد مع انخفاض معاملات الرياضيات وكذلك الحجم الساعي لها أو ربما تتغير الدراسة تماما وتدخل مواد جديدة لمالا مثلا الالكترونيك الذي تمنيت دراسته شخصيا لكن بصراحة أتوقع الخيار الأول لأنه أصلا في الجذع المشترك ندرس مواد لامعنى لها لافي الرياضيات ولا في الإعلام (أقصد الميكانيك وأختها الكهرباء) والمشكل أنها مواد صعبة لذلك أتوقع أن لا يتغير البرنامج ولكن تتغير المعاملات والله أعلم
أي جديد سأخبركم به بإذن الله