كيفاه تحفظو وصفاتكم خبروني [الأرشيف] - منتديات الجلفة لكل الجزائريين و العرب

مشاهدة النسخة كاملة : كيفاه تحفظو وصفاتكم خبروني

sirina_angel

2013-07-06, 19:35

مساء الخير يا بنات
واش راكم لاباس
اليوم جيتكم و في راسي حاجة
قولولي كيفاه تحفظوروصفاتكم
يعني كي تعجبك وصفة تقرايها و تشديها في راسك و تبقاي شافية ..........حتى الحلويات ؟؟؟
و لا تكتبيها في كراس خاص بوصفاتك
و لا تطبعيها في ورقة ؟؟؟
و لا تحفظيها على جهاز الكمبيوتر ؟؟؟
راني نسقسي خاطر انا توخذت في وصفات كنت هازتهم في pc و كي فسد pc راح كلش
و الله وجعني قلبي تاع الصح
و كاين لي عاودت حوست عليهم و ما لقيتهمش

ام مريم اسراء

2013-07-06, 20:07

انا جد اسفة على ضياع وصفاتك انا صراتلي من قبل و ومن الخلعة هبطولي خطوط ماروكو .... و من يوومها اديتها كية و ليت نكتب كل الوصفات في كراس و نحط اسم صاحبتها و نرسم الشكل بالتقريب نتاع الحلوى و في نفس الوقت نحتفظ بيها في الميكرو راكي عارفة الصور ابلغ من الشرح و مع الوقت و تمرار الوصفة اكيد راح تحفظيها و الا خفتي تنساي اي عنصر ترجعي للكراس تتاكدي يعني الكتابة فيها فيها

*رتاج الكعبة*

2013-07-06, 20:56

السلام عليكم
انا كاتبة شويا فالكراس والوصفات اللي فيهم الخدمة في الخطوات جامعتهم في Document Word ومصغرة الصور ومعدلتهم وحاطتهم في الجهاز او تخلي نسخة في الجوال باش اذا انقطعت النت نصيبهم..

إلهام07

2013-07-06, 21:01

غزة في عيوني

2013-07-07, 10:37

انا نكتبهم في الكراس خاص بالطبخ انا ننسى الوصفات لازم نكتب وما نعرفش نديرهم في الوورد

amina bourennane

2013-07-07, 11:26

انا كي تعجبني وصفة نكوبيها في word ونحطها في الفلاش ديسك وفي الميكرو ونكتب في الكراس عندي تقريبا وحد 7 كراريس كل كراس قصماتو على 2 وكل قسم لحاجة exp قسم القراتان وقسم الكيك وقسم الحلويات للاعياد والمناسبات وقسم لكريمات وهكااا ومصورة في البورطابل اوسي

سامية حكيم

2013-07-07, 12:23

انا نكتب في الكراس كبير ومقسماتو الحلويات وحدها والاطباق الرئيسية وحدها مانخلي حتى حاجة في الميكرو كي يقعد زوجي الله يستر يقلبو راسا على عقب وانا تاني مانامنش ولادي يبربشو فيه ياسر

الأمنيات

2013-07-07, 12:28

انا نطلعهم في وورد من بعد ننسخهم ونطبعهم عامله كتاب من الوصفات حتى نعقل على صاحبة الوصفه

ورود الجزائرية

2013-07-07, 13:05

يقال العلم صيد والكتابة قيد

ماكانش قد الكراس...أنا بعد رمضان ان شاء الله راح نتزوج وكاين بزاف حوايج ننسى عليهم أمالا راني دايرة كراس تكتب فيه كلشي و نشرح ونكتب منين هزيت الوصفة و نرسم شكلها و هكذا كراسي يبقى ديما قدامي....مام كون يروح التريشيتي ولا نجي ندير حاجة نقول لعجوزتي اسمحيلي ظرك نرجع ونروح نسرق طلة على كراسي السحري باش يقولوا فخلة...ههههههههههههههه

sirina_angel

2013-07-07, 13:07

أنا عن نفسي : الوصفة اللي تعجبني ننسخها في word ونطبعها ونخبيها لاخاطر جمعت وصفاتي كامل في كلاسور ونظمت وصفات الحلويات وحدها المقبلات وحدها وهكذا
والملفات محتفظة بنسخة في الفلاش ديسك ونسخة في الميكرو باش إذا لاقدر الله راحو من الفلاش يبقاو في الميكرو

انا نطلعهم في وورد من بعد ننسخهم ونطبعهم عامله كتاب من الوصفات حتى نعقل على صاحبة الوصفه

حتى انا نخمم ندير كيفكم .................بارك الله فيكم

sellilou

2013-07-07, 14:28

انا ندي الوصفة ونديرها في word والصور نصعرهم وكل صنف وحده و خرجتهم صنعت زعما كراس ههه والله فكرة هايلة وتساعدك

ام ملاك.

2013-07-07, 18:14

والله راني كيفك راحولي قع الوصفات كنت مخبيتهم لرمضان والعيد ان شالله خسرلي الميكرو مالقيت وين نحوس عليهم وراني غير في دارنا درك نروح لداري نلقى روحي ندور بلا اي وصفة

amani asil

2013-07-07, 19:37

السلام عليكم انا حطتهم في googel drive تقدي توصليلهم حتى بدون انترنت

دمعة اسى

2013-07-10, 15:19

اسهل شي و مضمون بالنسبة ليا حى اذا خسر الميكرو راح تلقايهم بعد لي تصنعيه
الطريقة هي الفيس بوك نعم اكتبي الوصفة في الفيس بوك تحبي تبارتاجيهم لكامل ليزامي تحبي تبراتاجيهم برك ليك و يقعدولك وصفاتك كاملين كي تسحقي حوسي عليهم برك لازم يكون بالك طويل اذا كنت تبارتاجي بزاف خاطرش تبقاي غير تهبطي ههههههههه او تهبطي مباشرة للشهر اللي كتبتيها فيه تلقايها بسرعة

amouna18

2013-07-10, 15:28

أنا ثاني كيفكم يا البنات

ساعات نكتب و ساعات نخليهم document word

إن شاء الله ما يضيعولييش برك