كيفاش نتبل كبش للشوي [الأرشيف] - منتديات الجلفة لكل الجزائريين و العرب

ام اياد

2013-07-06, 10:15

سلام راجلي راح شرا كبش صغير لالصحابو في الحدمة و داه للكواش قالو لازم تبلو نتا و تجيبو نطيبولك . و انا جامي لا تبلت كبش كومبلي عاونوني وقولولي كيفاش راني مزروبة

muslimone

2013-07-06, 11:04

اسمحيلي اختي هذا وين دخلت

روحي دهني الكبش بالزبدة مليح مليح باش مين تفرغي التتبيلة تلصق، وديري في قصعة شوية زيت قد كاس تاع شاي ولا عينك ميزانك، فرغي الملح قد الكبش وفرغي شوي فلفل كحل، شوي فلفل حمر حلو وإذا تحبوه مثوم هرسي فصوص الثوم وديري شوي جوزة الطيب إذا عندك وإذا ماكانش معليش وديري شوي خل ما تكثريش لأنه يخلي اللحم يطلق العصارة تاعه وخلطي مليح، الىن روحي للحم عملي فيه ثقوب فالجزانب وفي كل مكان بعود تاع حديد ولا بسكين وبداي تحكي عليه فالتوابل وكاين لي يدير الزنجبيل ولكن أنا ما نحبوش لأن ذوقه شوي يزعجني، تبلي مليح من الخارج ومن الداخل لازم الصلصة تاع التوابل تكون كافية والأن ديريه في سنيوة وديه للكواش، وفي ذلك الوقت اقلي شوي بصل وقطعي معدنوس وليمون شرائح وإن أمكن وجدي حريرة ولا شربة وتاكلوه بالصحة والهناء