شاركينا سحورك لأول يوم مبارك -أعاده الله علينا- [الأرشيف] - منتديات الجلفة لكل الجزائريين و العرب

مشاهدة النسخة كاملة : شاركينا سحورك لأول يوم مبارك -أعاده الله علينا-

muslimone

2013-07-05, 23:43

السلام عليكم ورحمة الله

كيف أحوالكن حبيباتي في الله

حل شهر رمضان الكريم وحلت معه البركات والارزاق

:mh92:
فمبارك علينا الشهر الكريم
:mh92:
وعقبال لمئة سنة من الطاعة والرحمة والأمان

بدون إطالة حبيباتي نعلم فوائد السحور الجمة لما له
من تأثير على مقاومة الحر والعطش والجوع خصوصا وأننا
في فصل الصيف، وتشير الحكمة الإلهية إلى ضرورة
تسنين السحور وتأخيره وهذا لقوله
صلى الله عليه وسلم
http://gallery.moshax.com/data/media/30/a15417c1ebc3c4351b8e5db8f5148e68.jpg

وعليه يمكن ان ندرج أهم فوائد هذه الحكمة في النقاط التالية:

-المحافظة على التوازن الجسدي
-التوازن النفسي عبر الاستيقاظ لأداء صلاة الفجر
-التعود على النظام والانتظام في الحياة العامة والحياة الإسلامية خلال الشهر الفضيل.
-المحافظة على الصحة عبر الجمع بين الاستيقاظ المبكر واستنشاق الهواء الطل ، وتعويد الصحة على نمط خاص لمدة شهر زمني في السنة.
-الإحساس النفسي والاجتماعي والاقتصادي مع الفقراء والمحتاجين والمعوزين وتقديم ما يمكن لهم .
-التجمع الأسرى الاجتماعي في مكان محدد وزمان محدد.
-صلاة الله وملائكته على المتسحرين.

ما هي سفرتكم لأول يوم سحور أخواتي؟؟؟

كسكس

http://www.douniacuisine.com/image-recette/1314.jpg
وتمر ولبن

https://sphotos-a.xx.fbcdn.net/hphotos-prn1/p480x480/1011702_468687083217834_1991661611_n.jpg

أم قهوة وحليب وخبز ولا حلويات
http://img.aujourdhui.com/calorie/cafe-au-lait_250x175.jpg

http://img.tgareed.com/imgcache/334008.jpg

ولا توجدو طاجين ولا مرق

أكيد ماشي طاجين الحلو هذا فالليل

http://t2.gstatic.com/images?q=tbn:ANd9GcROinoStgmBU-RYRIJT9ohGISuNbFB8D20rVj3tzJxAkIq1qqcmxUS6_Jtg

ولا تتقلشو وتقلو اللحم والكبدة

http://im15.gulfup.com/2012-07-25/1343196843782.jpg

هيا كل وحدة تقولنا واش رايحة تدير
سفرة السحور لليوم الاول والايام الاخرى
وكيفاش هوما العوايد

مثلا حنا متعودين نديرو مسفوف (سفة)
وقهوة وحليب ونقليو الستاك ولا اللحم

وأنتم هيا بنا نتبادلو أفكار السحور

في الاخير نقولكم مبارك عليكم الشهر الفضيل

وفي السحور صحة وبركة
http://3.bp.blogspot.com/-h2YAZ48p4r0/UbYAXgO50SI/AAAAAAAAIJ0/M2RPkE-4sAg/s320/photos_ramadan_kareem_08.jpg

ام ضياءالدين

2013-07-06, 07:48

شكرا لك على الفكرة

انقولك اختي احنا نسحرو غير على الحليب مع معجون وفرماج ومع السخنة نحب حاجة باردة فلون ولا ياؤورت ولازم اكون المطلوع ولا لمسمنات

وصح رمضانكم

nona2008

2013-07-06, 10:00

[حنا كي نتساحروا بالبربوش مع الزبيب والتمر واللبن ساعات كي نشربوا كاس حليب مع الملتوت

muslimone

2013-07-06, 10:55

شكرا لك على الفكرة

انقولك اختي احنا نسحرو غير على الحليب مع معجون وفرماج ومع السخنة نحب حاجة باردة فلون ولا ياؤورت ولازم اكون المطلوع ولا لمسمنات

وصح رمضانكم

شكرا على الرد أختاه بصح أول مرة نسمع السحور بالمعجون والفرماج صح ما ديروش طاجين ولا مسفوف وربي يبلغنا رمضان

muslimone

2013-07-06, 10:56

[حنا كي نتساحروا بالبربوش مع الزبيب والتمر واللبن ساعات كي نشربوا كاس حليب مع الملتوت

الله يبارك ولكن واش هو الملتوت المسمن

حياتي نبع امل

2013-07-06, 12:14

الكسكس او فلان وفواكه صح رمضانكم

خربشة ناعمة

2013-07-06, 13:26

موضوع قيم
ان شاء الله نصوموه بالصحة والهنا
احنا عادتنا في السحور مانستغناوش عليها و في الوسط اغلب الناس محافظة عليها
اللي هي المسفوف بالزبيب و اللبن و بعدها فنجان قهيوة باش الواحد يحكم بها راسوا
لازم السحور يكون خفيف ... ..بصح راهي تختلف على حساب شهية كل واحد...
اللهم بلغنا رمضان

سهام الجلفاوية

2013-07-06, 14:01

حنا نديرو اول يوم رمضان كسكسي ولبن ورايب

marwa marama

2013-07-06, 14:04

حنا نسحرو بالحليب و البسيسة و الفلون و بابا و جدتي يسحرو بالبربوشة بالحليب و لا باللبن و ساعات لكان كاشما كاين ديسار نزيدو ناكلوه و صح سحورنا وسحوركم و صح رمضانكم

hadjerbb

2013-07-06, 15:16

مبارك عليكم الشهر

غيداق

2013-07-06, 15:49

رمضان كريم للجميع انا مائدتي نتاع السحور تقريبا في كامل ايام رمضان هي : فلان و فواكه بمختلف انواعها وزوجي يتسحر الحليب مع التمر وبس والحمد لله على النعم

wissem setifienne

2013-07-06, 16:26

حنا نصحرو حليب و زلابية و قاطو و انا صحوري دئما فلان و الفواكه ثاني

ام ضياءالدين

2013-07-06, 16:38

شكرا على الرد أختاه بصح أول مرة نسمع السحور بالمعجون والفرماج صح ما ديروش طاجين ولا مسفوف وربي يبلغنا رمضان

جاتك غريبة هذا هو سحورنا ونزدوش حتى حاجة لاطواج لاوالو صح رمضانك

TATA SOUSOU

2013-07-06, 17:39

حنا سحورنا في رمضان سفة بالرايب وكاس قهوة مع شامية والا كاين كاش فواكه نزيدوها

ام اجياد

2013-07-06, 17:43

سحوري دايما مناول يوم لاخريوم حليب وقهوةوفلون وديسار برك

loufa

2013-07-06, 18:10

فكرة مليحة نعرفو بيها واش يتسحروا ناس من مناطق مختلفة
أما عني نحب كاس حليب بالقهوة مع مطلوع أو بريوش وحبة فاكهة مع الحر هذا أو احينا مسفوف بالزبيب
صح رمضانكم

karimayuki

2013-07-06, 19:23

السلام عليكم أختي حنا نتسحرو بالقهوة و الحليب مع الفرماج أو المربى و الفلان

شكراااا على الموضوع الرائع

sirina_angel

2013-07-06, 19:29

الكسكس ب الرايب و لا نتقلشو و نقليو جاج ولا حاجة كيما قلتي ههههه

البوسعادية

2013-07-06, 19:32

شكرا لموضوعك اختي
اعاده الله علينا وعليكم يااااااااارب بالصحة والعافية
احنا في دارنا قبل منتزوج كنا نتصحروا حليب وبريوش فقط لا غير والماااااااااااااااااااااء
اما الان راه قالي راجلي راني نحب البربوشة (الكسكس) قلت نطيبلو ليه وحدوا وخلاص وانا نبقى محافظه على عادتي القديمة
صحيتوا

muslimone

2013-07-06, 20:28

السلام عليكم أختي حنا نتسحرو بالقهوة و الحليب مع الفرماج أو المربى و الفلان

شكراااا على الموضوع الرائع

شكرا حبيبتي ولكن أول مرة نسمع بلي كاين لي يتسحر بالمربى والفرماج من أي منطقة انت سبحان الله ربي يبلغنا رمضان وصحا رمضانكم

muslimone

2013-07-06, 20:29

الكسكس ب الرايب و لا نتقلشو و نقليو جاج ولا حاجة كيما قلتي ههههه

ههههه يعطيك الصحة ولكن أحيانا نتسحروا بواش بقا من الفطور مرقة ولا كسكس وفلان

أريج هبة الرحمن

2013-07-06, 20:34

سلااااااااااااااااااااام عليكم النهاااااااار الاول نديرو طعام بعدها يافلو يا قهوة

ام طيري الجنة

2013-07-06, 20:43

السلام عليكم
انا من اللي كنت صغيرة في دارنا والى حد الان في بيتي نتسحروا بالسفة وكمشروب معها الشاي او الحليب واللبن
رمضانكم كريم

لينا ب

2013-07-06, 21:42

احنا دائما نسحرو بالمسفوف واللبن والقهوة باش يفوت اليوم مليح
صح رمضانكم

قمر الماس

2013-07-06, 22:41

يعطيك الصحة على الموضوع....الوالد يسحر حليب و بريوش و فواكه....اما انا و اخي نسحرو 2eme plat تع الفطور و فواكه و قهوووووووووووة......امي الله يرحمها حليب و بريوش

asmaannaba

2013-07-07, 00:14

حنا نتسحروا كسكسي ولبن وديسار وليحب قهوة وقاطو ولا بريوش وكوم دوركاالحال سخون نزيد لاكرام وصح رمضانكم

muslimone

2013-07-07, 13:42

يعطيك الصحة على الموضوع....الوالد يسحر حليب و بريوش و فواكه....اما انا و اخي نسحرو 2eme plat تع الفطور و فواكه و قهوووووووووووة......امي الله يرحمها حليب و بريوش

ربي يرحم الوالدة وصحا رمضانكم وتسحرو ملييييييييييييييييييييح

رحيق الزهراء

2013-07-07, 15:31

اللهم بلغنا رمضان وادخله علينا بالخير والبركات
الحقيقة انا عادتي ما نتسحرش من وقت للي كنت في دارناوغيرالعام للي فات كنت ناكل كرام فراش صالي بالخبز وشوية فلون ولا لاكاش فاكهة وببس اما زوجي اول رمضان كان ياكل ما تبقى من الفطور بصح العام للي فات كان يدير كيفي ويشرب كاس قهوة وبس وهناني الحقيقة ههههههه
المهم صحى رمضانكم وربي يدخله عليه بالخير والمسرات والبشارات

Tayr E'chamal

2013-07-07, 16:33

salam 3likom
hna nessahro hlib w khobz fromage w confiture,w des fois beryouch fi blaset elkhobz,w sa3at okhrine ndir el mesfouf mais mich bezaf,w fawakih w flan w surtout elmaaaaaaaa

ناصرة

2013-07-07, 17:03

احنا نسحر و بالمسفوف واللبن

naiilia

2013-07-07, 17:16

صحوري دائما انا وعائلتي الطاجين الثاني سواء كان كراتان ولا طاجين جلبانه او او ماشتوا المهم مايكونش زيتون باش ما نقبوش وزيد الحلو يعطي طاقة اليوم كامل

يمر بلاما تحسي بالجوع معاهم الماء والقهوة واحيانا ديسير كل يوم كيفاه اهلي كل الليلة يديروا المسفوف والرايب

صح صيامكم وربي يبلغنا رمضان ان شاء الله

hanna25

2013-07-07, 17:43

الحقيقة أنا لا أتسحر
أما عائلتي يشربوا لحليب وبابا يزيد قهوة و يكلو معاه طرف بريوش يرك كأن فطور عادي

muslimone

2013-07-07, 18:19

يعطيك الصحة على الموضوع....الوالد يسحر حليب و بريوش و فواكه....اما انا و اخي نسحرو 2eme plat تع الفطور و فواكه و قهوووووووووووة......امي الله يرحمها حليب و بريوش

الحقيقة أنا لا أتسحر
أما عائلتي يشربوا لحليب وبابا يزيد قهوة و يكلو معاه طرف بريوش يرك كأن فطور عادي

حبيبتي راكي كيفي مين كنت مراهقة ماما تنوض وانا نتكسل جربي السحور بالاك تحسي روحك مليييييييييييحة وصحا رمضانك حبيبتي

نور الجنة س

2013-07-07, 18:24

ramadan mobarak w incha allah rabi y3ina 3ala hosn 3obadatih
am s7or 7na fi dar 9ahwa wa 7alwa m3aha

ريم ريحانة

2013-07-07, 20:00

اللهم بلغنا رمضان
بالنسبة لسحوري انا نديرالمسفوف بالزبيب واللبن والفلان ما نستغناش عليه
ربي يتقبل صيامنا ان شا]ء الله

ام رميساء

2013-07-07, 20:14

حنا بكري كنا كسكس و زبيب و لبن اما الان حاجة خفيفة قهوة حليب او محلبي و لا فلان مع بريوش و صح رمضانكم

hanane220

2013-07-07, 20:27

احنا عادة هي سفة بالزبيب و تمر و حليب و البن و قهوة ههههههههههههههه و ماء

muslimone

2013-07-07, 20:48

مبروك الشهر الفضيل وشكرا جميييييييييييييييييييييعا على ردودكن أخواتي تسحرو مليح راه النهار طويييييييييييل

yasmina mileuve

2013-07-08, 16:48

حنا نتسحرو بالمسفوف و اللبن في الاول وفي الايام الاخرى ساعات نديرو مسفوف و لا نتسحرو باللي يبقى من الفطور

nina**

2013-07-09, 17:34

حليب بريوش مسفوق لبن

ام لمجد

2013-07-09, 21:09

السلام عليكم و صح رمضانكم ان شاء الله تصوموا بالصحة.
انا شخصيا في دارنا قبل ما نتزوج مانتسحرش غير ماما لعزيزة ربي يخليها كانت تجيبلي الما للفاش نشربو مرات وانا قافلة عينييا
خويا قهوة وحليب اخواتي نص يسخنو دوزيم بلا
بابا فلون برك كل واحد كيفاش
اما اهل راجلي يديرو مسفوف بالحليب ولا اللبن.
وراجلي قهوة حليب مع قاطو ولا مسفوف و راني نخمم كيفاش ندير قالك لازم تولي تتسحري
لكن لي حبيت نهدر عليه اكتر هو تقاليد اهل منطقة تمنراست في الفطار وطريقتهم في تقسيم الوجبات بطريقة عجبتني مضرش الجهاز الهضمي وهي
1-مباشرة بعد الاذان تمر وحليب و "الحسا"وهو الفريك مطحون علي شكل بودرة يطيبوه في ماء ملح و توابل تاعهم خاصة بيه.
تم مايزيدوش ياكلو حت بعد الصلاة العشاء و لكن يشربو الشايوياكلو حاجة خفيفة.
اما وجبة العشاء فحتي منتصف الليل باه ياكلوها
كانت هاذي عادتهم في رمضان اما اكلاتهم فمازلت لااعرفها بحكم تواجدي هنا من مدة قصيرة

linatta

2013-07-09, 21:17

حنا نساحروا باللبن و التمر ,, ولا الفرمااج و الخبز السوري ,, و خاصة فرماج فريدو تاع الثوم واش بنيين ولا كيري ديليس ,, و نقطعوا الطماطم مع المايونييز ,, و =الزيتوون الاسود فكرة جمييلة للسحور :) ان شاء الله ليووم نشارككم بالصور

حسناء القمر

2013-07-09, 21:33

انا وجدت كسكسي كع الرايب والدلاع وصح سحوركم

amouna18

2013-07-09, 21:34

الله يباااااارك

أنا شخصيا رايحة نسحر فرماج و خبز ,,, منقدر ناكل والو ,,

إدعيولي معاكم بالشفاء

مبارك عليكم الشهر

ENGLISH1lover

2013-07-09, 21:42

صححححححححححححح رمضانكم و صح صحوركم احنا مسفوف و قهوة و ماء

muslimone

2013-07-09, 22:30

muslimone

2013-07-09, 22:33

ربي يبارك ويبلغكم رمضان يا الفحلات أنا اليوم وجدت السفة والدلاع والفلون والماء بارد هههههههههههه إن شاء الله يعود علينا بالصحة والخييييييييييييير مبروك رمضان

زنجبيل11

2013-07-09, 22:36

سحورنا
كسكس بالحليب والا الرائب او اللبن
و القهوة

أم عابد

2013-07-09, 23:11

اليوم السحور ان شاء الله ، فواكه ، و سلطة خضروات و في العادة ندير معجنات خفيفة( ميني بيتزا ، لي شوصون ...) و فلان
اللهم بلغنا رمضان و اعنا على صيامه وقيامه

samia keni

2013-07-09, 23:36

سلا م حنا سحورنا مسفوف بالزبيب و حليب او لبن و صح سحوركم

amel5

2013-07-09, 23:40

سحورنا ليوم ان شاء الله سفة بالزبيب و الحليب و لي يحب يشرب قهوة حليب
اما باقي الايام كل يوم كيفاش
رمضان كريم للجميع و كل عام و انتم بخير

ahlem73

2013-07-10, 08:40

بريوش وقهوة بالحليب
صح سحوركم

wassila sali

2013-07-10, 10:47

حنا سحرنا اليوم بالمسفوف و قهوة حليب مع المسمن و زيد الفلون

amina nourhanne

2013-07-10, 10:58

صباح النور خواتاتي هاهو سحوري لأول يوم رمضان : قهوة حليب+ قهوة سوداء + les sablées و flans و كأس ماء بارد
http://im39.gulfup.com/pZrqF.jpg (http://www.gulfup.com/?QWZ99j)

http://im39.gulfup.com/07XnC.jpg (http://www.gulfup.com/?Gne0dN)

123boutheina

2013-07-10, 12:29

كل عام وانتم بخير
بالنسبة لي أمس تسحرت ببيض مقلي +جبن