بين اهلي و زوجي

[narmine nor]

ارجو الافادة
انا متزوجة من 3 شهور
في البداية شرطنا انو الدراسة منوقفهاش شرط لازم قبل الزوج و اهلو لكن الان قالي مكانش دراسة و امو تبرات من الموضوع قالت بيناتهم
دخلو اهلي في الموضوع و صرات امور اكبر من لي تخيلتها زوجي محترمش امي و امي و امو كذلك روحت لدار بابا و الان زوجي شرط لا دراسة لا خروج لا هاتف و زيارة مرة وحدة في العام لدار اهلي
ما العمل بابا و ماما قالولي ترجعي نتبراو منك و هو قالي لازم ترجعي بهاد الشروط راني حايرة عاونوني ربي يخليكم منيش حابة نفقد اهلي و لا زوجي و زيد اخوه الكبير قالو طلقها و اتهنى رايح يبدا يجري اجراءات الطلاق و الحل كفاه

[بسمة تحدي]

الله المستعااان

معلش اختي انتي استخير ربي

اكثري من الدعاء والاستغفار وان شاء الله تفرج

متتسرعيش لطلاق

ربي يفرج عليك

[sabra2009]

ارجو الافادة
انا متزوجة من 3 شهور
في البداية شرطنا انو الدراسة منوقفهاش شرط لازم قبل الزوج و اهلو لكن الان قالي مكانش دراسة و امو تبرات من الموضوع قالت بيناتهم
دخلو اهلي في الموضوع و صرات امور اكبر من لي تخيلتها زوجي محترمش امي و امي و امو كذلك روحت لدار بابا و الان زوجي شرط لا دراسة لا خروج لا هاتف و زيارة مرة وحدة في العام لدار اهلي
ما العمل بابا و ماما قالولي ترجعي نتبراو منك و هو قالي لازم ترجعي بهاد الشروط راني حايرة عاونوني ربي يخليكم منيش حابة نفقد اهلي و لا زوجي و زيد اخوه الكبير قالو طلقها و اتهنى رايح يبدا يجري اجراءات الطلاق و الحل كفاه

حسبي الله ونعم الوكيل في ناس ما تخافش ربي..
أختي لكان زوجك مصلي ويخاف ربي أرجعي لدارك على الأقل هذا ماهوش إنسان طماع ... أنا قريت ودرت دراسات عليا في الأخير ماكانش خدمة... لكن لازم يحترم والديك... ربي إيفرج عليك ويرزقك من حيث لا تجتتسبين...

[madoucha]

اختي مادام تزوجتي وراكي تقراي ابلوكي العام وارجعي لدراك مع الوقت راجلك رايح يتبدل اعرفي برك كيفاش تمشي معاه ولا تصري على رايك
الدراسة كاهيش راحة تروح لكن لا تفرطي في زوجك

[narmine nor]

انا منيش حابة نطلق ابدا و خوه و اهلو يا ما جراو باش نقبل و في الاخير دارو عليا خايفة من حكاية ينحيلي الهاتف و مايخلينيش روح لدار اهلي فقط لكن انا ما شفت منو غير الخير لاخر دقيقة يقول منفرطش فيك لكن انا خرجت من الدار هو تبدل اخر حاجة توقعتها انو اخواتو قالولو راهي عندها صديق تخون فيك

[sabra2009]

انا منيش حابة نطلق ابدا و خوه و اهلو يا ما جراو باش نقبل و في الاخير دارو عليا خايفة من حكاية ينحيلي الهاتف و مايخلينيش روح لدار اهلي فقط لكن انا ما شفت منو غير الخير لاخر دقيقة يقول منفرطش فيك لكن انا خرجت من الدار هو تبدل اخر حاجة توقعتها انو اخواتو قالولو راهي عندها صديق تخون فيك

يا لطيف يا صاحب اللطف من هذو الناس وصلت للقذف.. صلي صلاة إستخارة ولكن تحتم الطلاق ما تندميش عليهم.. الله ييسر أمرك ويجعل لكي من كل مأزق مخرجا.

[narmine nor]

شكرا اخواتي يعطيكم الصحة اخواتو غارو مني لاني منسلفش ملابسي و هوما كل مرة تجي وحدة تحب تسلف و انا نقول لالا و هوما مش قاريات ... لكن مفهمتش للان علاه تبدلو من جيهتي من يوم تزوجت نهار بنهار كي نوض مانلقا حتى واحد نولي نسيق و نطيب للسلافي الذكور و منسالش وين كنتو و كي مرضت ماعونتش 4 ايام دارو حالة

[بسمة تحدي]

انا منيش حابة نطلق ابدا و خوه و اهلو يا ما جراو باش نقبل و في الاخير دارو عليا خايفة من حكاية ينحيلي الهاتف و مايخلينيش روح لدار اهلي فقط لكن انا ما شفت منو غير الخير لاخر دقيقة يقول منفرطش فيك لكن انا خرجت من الدار هو تبدل اخر حاجة توقعتها انو اخواتو قالولو راهي عندها صديق تخون فيك

يا اختي معلش كوني رزينة وثقيلة

ماشي اي حاجة تسمعها تقوليها لدركم

اصبري يما شفت ناس تعفرو بصح مع الوقت تحلت

يمكن راجلك كش بيه ياريت يرقولو

وانتي شدي في ربي سبحانو هو القادر يخرجك من هذا الوضع

روحي صلي ركعتين ابكي وااحكي لربي سبحانو


اشكي لربي وحدوو متشتكيش لناس

واكثري الاستغفار وتصدقي بنية ربي يغفرلك وبش تتحل المشاكل


واحنا رنا معاك بالدعاااء

كوني قوية واحمدي ربي ع هذا الابتلااااء

ربي يفرج عليك قريبااااااااااااااا

[bibicha]

يا اختي انا نقولك حاجة وحدة صلي و استخيري برك و ربي يجيبلك الخير ان شاء الله و خمي مليح يدور الزمان و من غير والديك ما تلقاي حتى واحد اربحي الطرفين

[narmine nor]

الحمد لله على كل شيء يا رب فرج عليا يا رب و يسر امري

[amira19]

ahki m3a rajlek 3aytilou w tfehmou tetleguew barra b3id 3la darkoum w darhoum

w ahki m3ah bel hnena goulou twahechtek manakderch nfaret fik ,,,,,,,


goulou rdhaytek andi 9bal koulech


ma tokhdich ray weldik ki tetalgui yweliw ychoufou fik 3ela surtt la jew le3rayes


ekessbi rajlek w ti3ih houwa li ydoumlek

[madoucha]

ahki m3a rajlek 3aytilou w tfehmou tetleguew barra b3id 3la darkoum w darhoum

w ahki m3ah bel hnena goulou twahechtek manakderch nfaret fik ,,,,,,,


goulou rdhaytek andi 9bal koulech


ma tokhdich ray weldik ki tetalgui yweliw ychoufou fik 3ela surtt la jew le3rayes


ekessbi rajlek w ti3ih houwa li ydoumlek

يا عمري عليك يا اميرة ديما نصائحك في القمة و كلامك جواهر و لسانك حلو صحيتي على النصيحة ان شاء الله تتهنى الاخت و يحل ربي مشاكلها و تولي لدارها معززة مكرمة

[basma09]

انا رايي من راي الاخوة ما تتسرعيش وتتخذي قرار الطلاق ما تشوفيش عند رجلك برك شوفي للمستقبل كيما قالت الاخت قبلي بالاك تتهناي من مشكل تاعو تولي في مشاكل اخري اكبر لما تولي امراة مطلقة
انا نقلك يا اختي اكثري من صلاة الاستخارة و صلي قيام اللي و ادعي ربي ان شاء الله يستجيب لك ان شاء الله انا سمعت بانو الدعاء يغير القدر

[الباتنية 19]

لا طاعة لمخلوق في معصية الخالق اصبري يا اختاه وادعي ربي يفرج عليك وروحي رقي شوي بالاك ححسدوك ولاعاينوك مل زوجتي خاطر صديقة لي صرالها نفس المشكل وراجلها زعما دكتور في الجامعة ويقدر العلم بصح من بعد فرات ورجعت تقرا ربي يكون في عونك ومتخربيش دارك خاطر راجلك هو سندك ذرك ووالديك مدخليهمش في حياتك يكفي كبروك وتعبو عليك من صغرك خليهم يفرحو بيك وديجا راكي حواااااااااااااااااااااااء وانا في بالي ساهلة باه تليني الراجل والله اعلم

[عبد الله 22]

السلام عليكم ، يبدو انه كان التسرع في فتح موضوع الدراسة أو حتي العمل ، أنت في السنة الاول زوج، وهي اخطر السنوات التي يرتفع فيه نسبة الطلاق ، كان من الافضل تاجيل الموضوع حتي تسيير السفينة العائلية، أن تحولي في السنة الاول و الثانية تأسيس و توطيد العلاقة بينك وبين زوجك وعائلته، القراية ليست هاربة، وحتى ولو قريتي دبلوم سلاح إستراتجي بصح ما يبنش عائلة النقطة مشكلة كانت بينك بين زوجك وطاعته فيما يرضي الله واجبة وفوق طاعة الولدين، اما الان مدام يوجد صدع حاول في الوقت الحالي ان تبعدي فكرة الطلاق الله يلطف بيك
القصة التي نشرتها مجلة اليمامة . « طبيبة تصرخ : خذوا شهاداتي وأعطوني زوجا ! .
في السابعة من صباح كل يوم وقت يستفزني ، يستمطر أدمعي ، أركب خلف السائق متوجهة صوب عيادتي بل مدفني ، بل زنزانتي وعندما أصل مثواي أجد النساء بأطفالهن ينتظرنني ، وينظرن إلى معطفي الأبيض ، وكأنه بردة حرير فارسية ، وهو في نظري لباس حداد لي !.
أدخل عيادتي ، ثم أتقلد سماعتي وكأنها حبل مشنقة يلتف حول عنقي ، العقد الثالث يستعد الآن لإكمال التفافه حول عنقي، والتشاؤم ينتابني على المستقبل .
خذوا شهاداتي ومعاطفي وكل مراجعي ، وجالب السعادة الزائفة [ تعني المال ] ، وأسمعوني كلمة : ( ماما ) !
ثم تقول هذه الأبيات :
لقـد كنت أرجــو أن يقال طبيبة
فقد قيل فمـا نــالني من مقالهــا
فقـل للتي كانت ترى في قــدوة
هي اليوم بين الناس يرثى لحالها
وكل منــاها بعض طفل تضمه
فهل ممكــن أن تشتريه بمالهــــا
التوقيع : دكتورة س . ع . غ . الرياض » .
أسال الله i أن ييسر لك الخير ، ويرزقك الستر والعفاف وراحة البال .
هذا ؛ وصلى الله على محمد ، والحمد لله رب العالمين
القصة منقولة ولا تعبر عن رأي

[amira19]

يا عمري عليك يا اميرة ديما نصائحك في القمة و كلامك جواهر و لسانك حلو صحيتي على النصيحة ان شاء الله تتهنى الاخت و يحل ربي مشاكلها و تولي لدارها معززة مكرمة






enti li 3ssel rabi yhenik medouchti w ysakherlek zawjek w ya3tik ma tetmeney

[imane bela]

يااااااااربي كيما درنا حرنا
مدامكم تقراو لاااااااازم تكونو ترافو حقوقكم
قانون الاسرة الجديد راهو يقول لااااااااازم تتافقو على الشروط الي تزيدوهم كيما القرايا و الخدمة.....لاااااااازم ينكتبو ماشي غير بالهدرة قادر اي واحد يرجع في كلمتو القانون مديور باش يحميكم كيفاش تتجاوزوه و تسمحوا في حقكم
وزيد ياك مزال باش تبدا القرايا حتى لسبتمبر امالا هدي اللعب شوية و خلي الامور تهدى و من بعد ربي يديرلها حل
ان شاء الله مايكون غير الخير

[maiar]

ارجو الافادة
انا متزوجة من 3 شهور
في البداية شرطنا انو الدراسة منوقفهاش شرط لازم قبل الزوج و اهلو لكن الان قالي مكانش دراسة و امو تبرات من الموضوع قالت بيناتهم
دخلو اهلي في الموضوع و صرات امور اكبر من لي تخيلتها زوجي محترمش امي و امي و امو كذلك روحت لدار بابا و الان زوجي شرط لا دراسة لا خروج لا هاتف و زيارة مرة وحدة في العام لدار اهلي
ما العمل بابا و ماما قالولي ترجعي نتبراو منك و هو قالي لازم ترجعي بهاد الشروط راني حايرة عاونوني ربي يخليكم منيش حابة نفقد اهلي و لا زوجي و زيد اخوه الكبير قالو طلقها و اتهنى رايح يبدا يجري اجراءات الطلاق و الحل كفاه

اختي شوفي مليح تظهرلي مشكلك اكبر من مشكل القراية قادر تبلوكي العام وبالشوية بالشوية دخليلو الحكاية في راسو تع تولي تقراي و اذا محبش بحر عليها طاعة زوجك اولى هو لي شايف مصلحتك بالرغم انك شرطتي عليه قبل الزواج ( و هنا هو لي غالط ) المشكل انو اخوه يدخل في حياتو و يمشيلو فيها:mad: و تقولي رايح يبدا يجري اجراءات الطلاق :mad::mad: و من جهة قالك ما نفرطش فيك اسمحيلي اخوه راهو يمشيلو في حياتوهذا و لي تحوسي على الحل تاعو

و راي من راي اميرة اهدري معاه بعيد على اهلك و اهلو و بالمفاهمة و الكلام الحلو تصلحي امورك ربي يقدملك لي فيه الخير

[Napia]

أسألي إمام خير يعطيك حكم شرعي أحسن

[Assouma 93]

ما عساي ان اقول سوى لا حول و لا قوة الا بالله العلي العظيم
فرج الله همك اختي

[حقائب فرح]

السلام عليكم ورحمة الله وبركاته
والله سبحان الله العظيم نصيحة لك في الحديث الصحيح : ( من لــزم الاستغفار جــعل الله لـه من كل هم فـرجا، ومن كل ضيق مخرجا، ورزقه من حيث لا يحتسب ).اعانك الله اختاه عليك بدعاء

[narmine nor]

شكرا اخواتي انا رحت رقيت مرتين مرة حسد و مرة يقولو سحر محبة و الله اعلم حابة نرجع لكن امي قالتلي لكان ندريك ترجعي نذبحك و الله حرت

[marwa hanona]

yakhti asali wa9ri lkoran wstaghfri wnchalah rabi gib lfiha lkhir+

[ميمي سمية]

علاه صايي زوجتو؟؟

حاولي تهدئي منو شوي

ولحد الان اقبلي بشروطو ومع اليامات اعرفي كيفاه تمشي معاه

لازم المراة تكون ذكية لخاطر قادرة تحكم الراجل بين يديها { مي غير في الخير يعني اذا حكمتيه بين يديك غير باه تزوري داركم وتخرجي تتنفسي شوي هواء}
وان شاء الله مايكون غير الخير

[amira19]

شكرا اخواتي انا رحت رقيت مرتين مرة حسد و مرة يقولو سحر محبة و الله اعلم حابة نرجع لكن امي قالتلي لكان ندريك ترجعي نذبحك و الله حرت




goulha khafi rabi w hed2i noufous l3am lewel tjrs s3ib chwi sabr W tadhhiya w houwa fayet


khafou rabi ya li rakoum thardhou f bnatkoum 3la azwejhoum


khafou rabi w .men ba3d ki tetalegue tofla tweliw tgoulou koun ghir tezewej lechta b nos rajel



pffffff krahna men lmentalité ta3 had la societé

[wafa16]

يا اختي و انت علاش تهدري دوك في هاد الموضوع ياك العام الدراسي مازال مابداش حتى سبتمبر والا اكتوبر
علاش عكرتي الجو
ولازم تعرفي تسيري مع راجلك و تاني مع اهل زوجك
حتى ادا كان راجلك يحبك ما تربحيلهمش العيب و تقربي منهم لانو كي توقع مشاكل بيناتكم كيما راه صاري درك يجو ضدك و ينتقمو منك
راكي تقولي راهم يكدبو عليك و نصحوه بالطلاق مع انهم كانو يجرو موراك باش تقبلي
يعني طريقة تعاملك معاهم كانت خاطئة و ما حوستيش تتفقي معاهم
لانو هاد الانقلاب المفاجئ مايجيش بين يوم و ليلة
انتي ارجعي دوك و بشويا حاولي تخليه يتراجع عنها لانو راه زعفان برك

[قاتلة الصهاينة]

‏عن النبي ‏ ‏صلى الله عليه وسلم ‏ ‏قال ‏ ‏أحق ما أوفيتم من الشروط أن توفوا به ما استحللتم به الفروج ‏
لازم يلتزم بشرطك معندوش الحق يدور عليك

[بسمة تحدي]

طمنيني عليك وش درتي فيها


وخليك ديما عى استغفار والله ربي راح يفرجها

[biti]

الهدرة ساهلة المشكل تاع الاخت ماشي في القراية راهو في اهلو حاسبينها ساهلة باه تكسب الراجل ولا اهلو الله يفرج عليك استخيري و دعي ربي

[narmine nor]

wallah ya banet ghir t3abt hdart m3a rajli w gali mst3ad nensa w narj3o mais lakraya ansayha ana golt lbaba w mama haba narja3 makhlawnich w rajli 3ayt lbaba galo nji nediha galo baba la goul li jaw khatbouha w mdinalhom houma li jiw netfahmo w baba kdheb 3liya gali ma3ytlouch w gali rah posa bik pleinte bli hrabti men dar wach ndir khamemt n3ayt lrajli ngolo arwah dini men zkak wach ndir ya hbabati t3abt men takhmem ngol narja3 lrajli w waldiya ki ychofoni mat'hanya yssamhoni w ngol natalk ana khasra rajli w hyati jawboni mama dharbatni w grib dhabhatni hmd hada rajli

[عبد الله 22]

السلام عليكم الله يهديهم عليك، صح في الاخير انت الخاسر الوحيد حولي دخل الامام أو أحد عاقل وتكلمي مع ولديك بالعقل- يبدو دخل فيها النيف والذي يستعمل بغير الحق- حولي دايما تيقي مع إتصال بزوجك سرا عن والديك لإرضاءه من جهة أخرى وعدم إغضاب والديك، اوقولي لوالديك يستفتوا الامام
ألحي عليهم بذالكـ لكي تقضي على عصابية النيف التي كثير ما تدي إلى الهاوية الله يكون في عونك هو إمتحان صعب لكن ان شاء الله تنجحي فيه المهم صدق النية ، بالتوفيق و الله المستعان

[narmine nor]

chokran ya akhi kayn imam w hkaw m3ah lakin rayhom matbedlch wach ndir homa waldiya w howa zawji

[narmine nor]

rani khayfa nakhsser waldiya

[narmine nor]

khamemt n3aytlo ydini hata men bara mama halfet ida rja3tlo nokhrej bwach rani labsa bark hata haja men kachi mandiha m3aya w tetbara meni

[narmine nor]

3awnouni ans'houni rani grib nmout

[narmine nor]

nkhamem fi hyati bla waldiya wela bla rajli

[narmine nor]

galbi rah yahbes manich kadra nkhamem logique haba narja3

[narmine nor]

slm win rakom 3awnouni lwajh allah

[سدرةالمنتهى]

wallah ya banet ghir t3abt hdart m3a rajli w gali mst3ad nensa w narj3o mais lakraya ansayha ana golt lbaba w mama haba narja3 makhlawnich w rajli 3ayt lbaba galo nji nediha galo baba la goul li jaw khatbouha w mdinalhom houma li jiw netfahmo w baba kdheb 3liya gali ma3ytlouch w gali rah posa bik pleinte bli hrabti men dar wach ndir khamemt n3ayt lrajli ngolo arwah dini men zkak wach ndir ya hbabati t3abt men takhmem ngol narja3 lrajli w waldiya ki ychofoni mat'hanya yssamhoni w ngol natalk ana khasra rajli w hyati jawboni mama dharbatni w grib dhabhatni hmd hada rajli

السلام عليكم
اختي تبعت قصتك بلاك نلقاو معاك حل ما تقلقيش
بما انك حابة ترجعي لراجلك و هو ثاني حاب يرجع و ينسى كلش تبعي معايا
انت تفاهمي مع راجلك قلو اكذب على دارنا و اهدر معاهم بلسان الحلو قلهم راني تراجعت في قراري و ان شاء الله كي تلحق القرايه نخليها ترجع تقرا المهم خلوني نرجع مرتي و ماصرا والو ...........
و انت يا العاقلة ماشي اي حديث يدور بينك و بينو تقوليه لباباك و ماماك
انساي عقلية بابا و ماما هذاك كيما كنتي ترضعي في صبعي كنتي تبكي و ماتعرفيش تتخذي قرار على بيها
طيحي في حجر ماماك و تشكيلها
الان خلاص حاولي تكبري روحك عن طريق اتخاذ قراراتك وحدك و شوفي انت واش يخرج عليك ما شي واش يخرج على والديك
انساي ديري تبهديلة و تفاهمي معاه يديك من الزقاق حاولي تقنعيه يجي لداركم باللسان الحلو هكذا تبقى كرامتك عزيزة
خايفة نهار وحداخر ترجع تتناقشي معاه يرجع يقلك جبتك من الزقاق و انت رميتي روحك عليا اختي اسمحيلي على هذه العبارة بصح ديري حساب كل كلمة تقوليهالو من بعد كيفاش يردهالك
المهم مانطولش عليك بقاتلك غير اسلوب الحوار الهادئ و حفضيك كلمات محترمين حلوين يقولهم لباباك و ارجعي لدارك معززة مكرمة
يظهرلي سبب القراية في حقو يبقى بينك و بينو مايسمعو اهلك ما يسمعو اهلو و زيد خوه يقرر يطلقك اجري يامخلوقة شدي في راجلك ماتنفعك لا قراية لا الاهل
سلام

[narmine nor]

و الله قريب 3 اشهر و مازلت هنا في دار بابا اهلي ماحبوش يرجعوني زوجي قبل نكمل قرايتي و نسكن وحدي لكن اهلي قالو لالا لازم تطلقي و اانا نخمم يجي يديني من برا هدا هو الحل لانو كل مانجبد عليه يصراو مشاكل و نحاولي هاتفي باش منزيدش نحكي معاه و ضربني بابا باش نطلق كسرلي يدي و زرقني

[ايمان نور الجزائر]

يا اختي شوفي واحد كبير من العايلة يتدخل ويهدر مع باباك والا شوفي كاش واحد يبعث امام لباباك
باش يقنعو ويحكي معاه
وزيدي شوفي مع راجلك يشوفولو ناس كبار يهدرو معاه ويعقلوه ويقولو بلي تسكنو وحدكم وتكملي قرايتك
نظن باباك خايف تعاود تصرالك الحكاية
بالصح لازم يتدخلو ناس يحكو معاه

[أسومة المتفائلة]

ربي يصبرك اخيتى
ربي يهدي اهلك
المشكلة يلزمها واحد كبير يحكي مع باباك

[ام نسمة]

لا اله الا الله ولا حول ولا قوة الا بالله
يا اختي عيب عليهم خاصة خوه واش دخلو باش يقولو طلقها ولا رجعها ؟ انا عانيت كثير من هذا النوع من البشر
اعطيك نصيحة لا تتنازلي فتندمي طول حياتك بعد ان يصبح الندم لا ينفع ان لم تكوني حامل انفذي بجلدك صدقيني خسرانة جدا من تفضل رجل على والديها خصوصا ان كانو غير ظالمين يعني الرجال ما كملوش بصح والديك ما يتعوضوش
في انسانة ياريت لو خيروها والديها بينهم وبين زوجها لكانت الان في امان لكن خيروها قبل الزواج فا اختارته وهي منذ ذلك الوقت ولحد اليوم لا تزال تدفع ثمن سوء اختيارها
وهو ربي وكيلو على حياتك اللي خسرهالك وعد عليك زواج
بصح ماعليش مازال الحياة قدامك شدي في ربي وفي والديك ووالله والله والله ماتندمي

[عطر الجوري]

ياعمري والله قطعتيلي قلبي انا رايي ماتخسري لا راجلك لا والديك عيطيلو اتفاهمي معاه غير بالكلمة الحلوة و منبعد اطلبي منو يطلب السماح من يماك وانتي راضي يماه و افروها والقراية يجي وقتها والله انا قريت ودراسات عليا وكنت خداامة و استقلت وراني في داري نربي في ولدي الحمد لله ومانغيرش من الخدامات الي نهار كامل وهوما يجرو ويدو في اولادهم في الشتا والظلمة عند لانوريس وانا ولدي يصبح مدفي في الدار لا اختي راجعي نفسك ووالديك
حبيت نسقسيك وش تقراي واي سنة؟
وزيدي قولي لوالديك انو الشيطان يدخل بينالمرء وزوجه وووووالخ ربي يصلح حالك

[مواطنة]

السلام عليكم
اختي قريت قصتك و نقولك الله يصبرك و يقويك و تنالي اجر الابتلاء
هذا هو الزواج بدايتو فرح و سرور و وسطه ابتلاءات و تدخلات و افراح خليط من كل شيء
اختي انت ماشي خيرتي بين اهلك و زوجك انا فهمت ان اهلك مانعينك منعا باتا الرجوع لزوجك بما ان مالقيتي ما ديري استخيري الله تعالى و ادعي في الثلث الاخير من الليل لزوجك و اهلك لان زوجك ان لم يغير اسلوبه مع اهلك فلن يقبلو به مجددا المشكل ماشي في القراية هذي سبة برك المشكل ان اهلك ماشي حابين يسوفوك مهيونة و تحت السيطرة عند ناس ماعرفوش قيمتك و هذي فقط تعتبر اهانة للوالد اذا ماعلابالكش .انت ما تقدريش تتصوري و تحسي بالضرر المعنوي الي يلحق باهلك عندما تكون لديك مشاكل و عندما يتلقون اهانة من طرف النسيب.انت لاتيا بمشاعرك الجميلة و تعلقك بزوجك و خوفك على فقدانه
في الاول قالولك ماترجعيش ابدا و الان دارو شرط العودة يخليك تقراي و الدار وحدك معناه بداو يرطابو
انا نقولك نصيحة حاولي تتكلمي مع راجلك بلي انت مازالك زوجته و بلي الشيطان دخل بيناتكم بلا ما تحصلو في اي طرف و اذا حابك تاع الصح ترجعي علاش ما يقبلش قرايتك من جهة و الدار وحدك مش المهم دار معليش بيت صغير باش تبعدو على المشاكل حاليا و زواجكم اهم من ان يهدم من اجل الدراسة اختي حاولي تفهميه بلطف ان يعيد التفكير مليا بالاقتراح بعيدا عن ردة فعل اهله واهلك يعني قوليلو يخمم فيكم انتو الاثنين فقط و يمنح فرصة لحياتكم وحبكم لبعض و ان الزواج اقوى من ان يوقف بسبب شروط ابيك وانت ماشي بيدك واش دار باباك وانما الله غالب قوليلو بلي الله برك عالم واش راه صاريلك باش ترجعي دون ذكر ما يحصل انشاء الله يكون ردو ايجابي
































علاش يلومك انت ولية و انت راكي تقاسي باش ترجعي.
حاولي معاه بلا ما تقولي لداركم و في نفس الوقت تكلمي مع مرشدة المسجد يمكن تعطيك حل .لكن لا تتسرعي للطلاق ابدا و ما تخليش يجي من عندك باش ما تندميش انت دايما بينيلهم بلي حابة ترجعي لكن دون مشاكل اختي ماديريش مشاكل مع داركم علاجالو و انما لازم حكم من اهله و حكما من اهلك هذا بعدما يرد عليك زوجك بقرارو
انشاء الله سحابة و تجوز ماكاش بيت مافيهش مشاكل و فيه مشاكل اكثر من ديالك و الزوجين رجعو افضل ملي كانو يعني فيه مشاكل تحتاج وقت وحكمة ناس ينصحو الطرفين ما تتقلقيش وانما حاولي تخلي مكوثك في بيت اهلك فترة نقاهه و عطلة مطولة ومرة اخرى لا تتسرعي في الخروج من بيت الزوج لان ذلك فيه نوع من التعدي على حق الزوج

[محبة عبد الرحمان]

يا عمري راني حاسة بيك لاني مريت بنفس الموقف الي مريتي بيه شوفي اذا انتي شايفة انو راجلك فيه الخير حاولي تقنعي والديك و خاصة امك انك ترجعي و تعطيه فرصة اخرى ربما والديك شايفين حوايج ماكيش شايفتها نتيا استخيري الله فهو الأعلم بعباده و الله غير نقرا في حكايتك و نبكي لنو ماهيش ساهلة بصح انا في الاخير تطلقت بطفل لنو راجلي ما فيهش الخير و ما سقساش عليا أصلا لكن بعد ما سقسيت عدة ائمة و هوما الي نصحوني باش ما نرجعش