-*-*-*-*-*-*-* مساعدة بارك الله فيكم-*-*-*-*-*-* مأساة عامل شاب في بلد مستقل

[anouar0771]

السلام عليكم

أنا أعمل في مؤسسة عمومية ذات طابع إقتصادي ( مؤسسة لتصدير الخشب )
أعمل بها بصفتي إطارا ماليا cadre financier وهذا عن طريق عقد يجدد كل 3 اشهر وانا الأن راني إنتهيت من العقد الثاني في 30 جوان الماضي ولكني بقيت أعمل رغم أن الظروف مملة جدا والمدير من النوع الحقار والغير متفهم حيث مللنا نمن التعسف والحقرة الخانقة

حدث لي مشكل معه يوم 02 جويلية الماضي وأقسمت أن لا اعود لمنصبي حيث كان قراري منذ مدة ولكن كنت مترددا وقد حانت الفرصة وبردت قلبي فيه وخرجت من الخدمة ولم أعد هاذه اليومين...

سؤالي : هل يجب أن أقدم إسقالة للمدير ليمنحني " شهادة عمل تثبت عملي بالمؤسسة لمدة 6 اشهر كاملة ؟
- بالنسبة للأجر فقد تحصلت عليه عن طريق تحويله إلى حسابي في البنك ....

- هل من فكرة لديكم حول ما قد ينجر عن قراري هذا وخاصة أنه بعد التخلي عن المنصب ليس لدي مورد أخر رغم أن الراتب جد ضعيف حيث يقدر الأجر القاعدي بـ 23000 د فقط !!!!!!!!!! تخيلوا معي .....

من يقول لي أطلب السماح من المدير وعد لعملك فاقول له نحن نعمل مع مستبد حقار لا يعطي قيمة للعلم والدين واللغة العربية.... حيث يقول عبارات غريبة في حق الوطن والعمال....الخ

كيف الحل ؟

[soriaalg]

السلام عليكم نستعرف بيك يا اخي الفقر ولا خبزة الذل والاهانة معليش يا اخي ربي راح يعوضك خير ان شاء الله اما سؤالك ليس لدي خبرة لاجيبك اصبر اكيد راح يجاوبوك او تصل بفرناس وهران الموسوعة ربي يبارك يحب يساعد الجميع ربي يجازيه كل خير وان شاء الله يفيدك هو او اي واحد هنا بالتوفيق في ايجاد عمل حلال ان شاء الله

[البريئة]

بردت قلبك حاجة مليحة أنا أستاذة مرسمة و الحمد الله و المدير تعامل معايا بطريقة ماتعجبش البارح تقول راني نخدم عندوا راني ندمانة أشد الندم لي ماقلتلوا والو و خليتها في قلبي تحرق أنت بردت قلبك و هذا يدل على أنك خرجت و راسك مرفوع
ماعليك الآن سوى أن تعرف الاجراءات القانونية و طبقها

[islammedia]

يــا أخـي إدا ترى في نفسك الخبرة والمقدرة علــى العمل كــإطار مالي إبحث على عمل في الشركات الخاصة سوف تجد بإدن الله المهم توفر الخبرة واللغة واتقان الحاسب الالــي ولاتيأس

[loulou02]

أنت لوكان قبل ما تبرد قلبك فيه و تعايره درت طلب تاع شهادة عمل ، يعني لوكان حتى قضيت صوالحك و عايرتة ، الآن متنجمش تعاود توليله .

[amine eco]

يا اخي مدراء يحقرو العاقلين ....انا مرة مدير بدا يتفرعن عليا ....قتلو والله نحرقلك مؤسسة نتاعك في اخير بدا يحلل فيا كي.......و بعد فترة غيرت المؤسسة قوتلو راهي لي كولها يا أمي ...

[yacine-08]

ان شاء الله اخي يفيدوك الاخوان .

ما عليك الا تقديم استقالة و من حقك الحصول على شهادة خبرة .

سبحان الله انت خدمت 6 اشهر يعني اطلب حقك لا اكتر لا اقل .

***----***

انا واش يضحكني في بعض المدراء كلما يجوا يبداو ينتاقدوا ويعلوا في صوتهم .

عمرهم ما جاو واهدروا بالعقلية زعما باش يفرضوا السلطة نتاعهم ههه

انا مانسمعش بيهم باسكو راني غي prè-emploi .. ادا بغا يقلعني غي يقلع .

بصح يغيضوني موظفين لي مرسمين و عندهم عايلة وما عليهم الا تقبل دلك الصراخ وطأطأة الراس والله غي تحيييير .

مع العلم تجدهم موظفيييين ملتزميييييييين الى ابعد حد .