بيـــــن الطب و جراحة الأسنان !!!!

[.زَيْنْ الْدِيِنْ.]

السلام عليكم و رحمة الله تعالى و بركاته
متـــــحصـــل على بكالوريا 2013 بمعدل 15.90 و الحمد لله
متردد بيــــن اختيار الطب أو جراحة الأسنان ؟؟ :sdf::sdf::sdf:
صـــرآآحة أميل لجراحة الأسنان أكثر لأن دراستها أكثر متعة '' من الجانب التطبيقي " و كذا حظوظ العمل بعد التخرج .... :19:
و متخوف من الطــــــب خصوصا ما سمعته من صعوبات حول امتحان Risidanat يعني خايف نقرا 7 سنوات و منقدرش نكمل :o:o:o
ممكـــــن معلومات عن التخصصين طب / جراحة الأسنان ...

على سنوآت الدرآسة !
على البرنآمج !
على مدى صعوبة التخصصين !
ثـآني على الحفآظة !
على المستقبل في التخصصين !

على أي حآجة أنتم أدرى ..

... مع العلم أني سأوجه لقسنطينة ان شاء الله
:19::19::19::19:

[hamzakus]

شكرا جزيلا اخي الكريم

[.زَيْنْ الْدِيِنْ.]

.............................................
^_^

[جزائرية اصيلة]

اختي تقري في الجامعة طب قالتلي درك ولا 8 سنوات حاشي 7
بالتوفيق خويا زينو

[madjedcons]

بالنسبة لسنوات الدراسة الطب 7 جراحة ألاسنان 6
برنامج الطب أوسع و أطول مقارنة بجراحة ألأسنان غير أن البرنامجين يتشابهان في السنوات الأولى
بالنسبة للصعوبة حسب رايي الطب أصعب
الحفاضة في زوج فيهم
عن المستقبل الطب بعد التخرج هناك فرص للعمل في المستشفيات و العيادات
و لكن جراحة الأسنان الفرص قليلة
ممكن تسلف من لونساج و تفك وحدك

[.زَيْنْ الْدِيِنْ.]

اختي تقري في الجامعة طب قالتلي درك ولا 8 سنوات حاشي 7
بالتوفيق خويا زينو

شكــــرا أخـــــت هالة على المعلومة :19::19:
وفقك الله لما يحب و يرضى
:34:

[.زَيْنْ الْدِيِنْ.]

بالنسبة لسنوات الدراسة الطب 7 جراحة ألاسنان 6
برنامج الطب أوسع و أطول مقارنة بجراحة ألأسنان غير أن البرنامجين يتشابهان في السنوات الأولى
بالنسبة للصعوبة حسب رايي الطب أصعب
الحفاضة في زوج فيهم
عن المستقبل الطب بعد التخرج هناك فرص للعمل في المستشفيات و العيادات
و لكن جراحة الأسنان الفرص قليلة
ممكن تسلف من لونساج و تفك وحدك

جوزيت خيرا أخي الكريم :mh31::mh31::mh31:
هل تعلم أين يدرس طلبة جراحة الأسنان في قسنطينة ؟ و الإقامة '' ذكور " أين ؟ و هل يدرسون مع طلبة الطب في السنة الأولى ؟
شكرا أخـــي ...

[madjedcons]

khoya normalement fi lakhroub w la cité normalement tem ba3d hata nzid nsaksi

[Flora Gucci]

أتمنى ان تأتي الاخت وردة لتجيبك على استفسارتك فيما يخص طب الاسنان ،
دفعة بكالوريا 2011 بمعدل 17 و هي الاولى على دفعتها في العاصمة ، مزيدا من التوفيق و النجاح لها
اخي كل ما اعرفه ان طب الاسنان تطبيقي اكثر منه نظري و التطبيقي يبدا من السنة الثانية ،
بالنسبة لفرص العمل ، امشي على المبدأ هذا " الرزق على ربي" انت اقرا و اجتهد و ربي ميخيبكش
عن جراحة الاسنان تقدر تخدم في القطاع العام ، مستشفيات او عند الخاص ls clinique و تقدر تحل كلينيك وحدك ، لكن تحتاج مصاريف بزاف ـ كاين حل دير قرض ولا تسلف عند لونساج و ممبعد ترجعلهم بصح تاع لونساج على حساب ما سمعت يخدمو بالربا و الله اعلم
لكن اغلب اطباء الاسنان يتجهون للقطاع العام او الخاص المهم من اجل اكتساب خبرة طبية و مهنية + يديرو دراهم باه يقدرو يحلو كلينيك
انا نعرف واحد تخرج من سطيف خدم عام و نص عند 2 كلينيك تاع 2 طبيبات اسنان ، اكتسب خبرة + دار دراهم و ضرك راه دار كلينيك تاعو و الحمد لله
عن الدراسة ممتعة جدا ، هكذا يقول طلبة طب الاسنان ، لانها تطبيقية اكثر
عن الطب دراسة معمقة اكثر بكثير عن طب الاسنان ، السنة الاولى مثلا طلبة الطب في الاناتومي يقراو الاطراف العلوية و السفلية بالتدقيق و في السنة الثانية يقراو الاجهزة
اما طب الاسنان سنة اولى فقط يقراو غير tete et cou الراس و الرقبة
الطب تعتممد على الحفظ الذكي و ليس الحفظ الببغائي طبعا لان المعلومات المخزنة ستكون الاساس في مشوارك الطبي
التطبيقي في الطب يبدا من السنة الرابعة للاسف ، 3 سنوات اولى في الطور ما قبل العيادي كلها نظري مع بعض التطبيقات الخفيفة
بينما طب الاسنان في السنة الثانية و هذا هو الجانب الممتع
ممممم ، ماذا ايضا
الفرنسية لست بعائق مطلقا في كلا الاختصاصين ، ستتعود عليها ، تعتمدون بالاساس على مصطلحات علمية
ماكانش صعوبة في حتى حاجة ، كي تحب حاجة تقراها و تحمل علاجالها كلشي ، دير القلب و توكل على ربي
7 سنوات = دوكتوراه في الطب العام
6 سنوت = دكتور في طب الاسنان (عام)
تقدر تجوز مسابقة ريزيدانا باه تدي تخصص ، لازم نكونو واقعيين ، للاسف التخصصات المميزة يدوها ولاد "المسؤولين" تبقى الاختصاصات "المحقورة" يمدوها للبقية اولاد "الشعب" و هذا غالبا ما يكون في الطب لانو فيه بززززاااف اختصاصات
عكس طب الاسنان فيه اختصاصات محدودة و تقريبا لا فرق اذاا معطاوكش التخصص الي بغيت على خاطر كامل ملاح

[.زَيْنْ الْدِيِنْ.]

أختي Flora Gucci (( وسيلة على ما أظن ;) )) جوزيت خيرا كثيـــــــــرا ربي يحفظك ،،، صراحة حبّبتيني فجراحة الاسنان أكثر ^_^
ماعلابالكش وين يقراو سنة أولى (( في قسنطينة )) ؟
و كيفاش نظام الدراسة فالجامعة ؟ و الامتحانات ؟ ماراني فاهم والوووو :p
- - - - - - -
شكرا مجددا ربي يوفقك لما يحب و يرضى

[السيف الصقيل]

دعك من جراحة الاسنان
أنت قادر قادر...
شوف لما بعد التخرج
جراحة الأسنان تقريبا حظوظ العمل شبه منعدمة...

[.زَيْنْ الْدِيِنْ.]

^_^
شكـــــــــــــــــــــرا أخــــ ــــ ــــــي

[.زَيْنْ الْدِيِنْ.]

...................
^_^

[أمينة1994]

السلام عليكم ورحمة الله تعالى وبركاته

ألف ألف مبروك عليك أخي ..إن شاء الله مزيدا من التفوق والنجاح.......

وفقك الله لاختيار ما يناسبك

يوجد الأخ listoma يدرس طب أسنان في قسنطينة .... أقصد انه أدرى بامور الإقامة والدراسة هناك فاسأله

سلام

[Catal0ni]

زينو ارسلي الفيسبوك ولا السكآيييييب تعك خويا .

[.زَيْنْ الْدِيِنْ.]

السلام عليكم ورحمة الله تعالى وبركاته

ألف ألف مبروك عليك أخي ..إن شاء الله مزيدا من التفوق والنجاح.......

وفقك الله لاختيار ما يناسبك

يوجد الأخ listoma يدرس طب أسنان في قسنطينة .... أقصد انه أدرى بامور الإقامة والدراسة هناك فاسأله

سلام

شكـــــــــــــــــــــــرا أخت أمينة ،،، جزاك الله خيرا
أين أنت يا أخـــ ــــ ــــــي listoma ؟؟ هههه
نحن بانتظارك
:mh31:

[أمينة1994]

ربي يوفقك ثاني باه تلقاه

إذا لمحته سأخبره

موفق

[أمينة1994]

زين الدين قد يفيدك هذا......

السلامـ عليكـــــــمـ ... /
إقاامة الذكوور هي ... محمود منتوري ..... جايا كيما لافاكـ .. فوقها شوية ....
و تقراو في الفوبور .... جاية كيما السبيتار الكبير .... ( ابن سينا ) .. يعني في البلاد ....
بعيدة شوية ... سيرتو مع الكومبرومون ..... قادر تضرب 30 دقيقة .... قادر 20 .. قادر حتة 15 دقيقة تكون تما ...
بالتوفيق ...

[.زَيْنْ الْدِيِنْ.]

شكـــــــــــــ ــــــــــــــــ ــــــــــــــــرا أخت أمينة
^_^

[levante-king]

من رايي الطب خير بصح مادام رغبتك جراحة الأسنان و حابها من الأفضل تدير واش حاب
فكر برك مليح و خير اللي يناسبك

[Feriolla-cooper]

les deux mlaaah tanii dentiste ki tkamel la specialitees bezef fooort fiha bezzef draheeem w meme medcine le plus important cest detre un bon medecin ou un bon dentiste cest a dire tekraaa gelb w rebbb

[Flora Gucci]

أختي Flora Gucci (( وسيلة على ما أظن ;) )) جوزيت خيرا كثيـــــــــرا ربي يحفظك ،،، صراحة حبّبتيني فجراحة الاسنان أكثر ^_^
ماعلابالكش وين يقراو سنة أولى (( في قسنطينة )) ؟
و كيفاش نظام الدراسة فالجامعة ؟ و الامتحانات ؟ ماراني فاهم والوووو :p
- - - - - - -
شكرا مجددا ربي يوفقك لما يحب و يرضى

اهلا اخي زين الدين
نعم هي انا ، ممتاز ، عندك ذاكرة ما شاء الله ، يسمى تقدرلها بإذن الله سواءا الطب او طب الاسنان :1:
انا من باتنة اخي و لكن حسب معلوماتي في قسنطينة ميديروش اممتحانات بالسداسي كيما في باتنة par exemple يديرو سداسيين ، و على اساسها يحتسب معدل الانتقال معناها كاين 2 contrôles في العام
بينما في قسنطينة على ما اعتقد 3 contrôles في العام يعني كل ثلاثي يديرو اختبارات
اخي زين الدين عذرا ، نسيت ان ابارك لك المعدل الممتاز بارك الله فيك عقبال مزيد من النجاحات
انصحك اخي اولا و قبل كل شيء تستخير الله ، فالخيرة فيما يختاره عز و جلّ
عن البرنامج مشابه للسنة اولى طب الا في الاناتومي مثلما سبق و شرحت لك
لكن ابتداءا من السنة الثانية يختلف كلشي لان السنة الثانية يتعمقو طلبة طب الاسنان اكثر في تخصصهم
اطلع على موضوع للاخ اسامة ، فيه الكافي و الوافي :)
وفقك الله

[أمينة1994]

جزاك الله خيرا أختي وسيلة على الشرح الكافي والوافي ............ وفقك الله

زين الدين وفقك الله في الاختيار

إن شاء الله ينزل معدل القبول حتى يتم قبولنا نحن أيضا

[Flora Gucci]

جزاك الله خيرا أختي وسيلة على الشرح الكافي والوافي ............ وفقك الله

زين الدين وفقك الله في الاختيار

إن شاء الله ينزل معدل القبول حتى يتم قبولنا نحن أيضا

و جزاك خيرا اختي
آآآمين يا رب آآمين ، كلنا امل في دنو معدلات القبول باذن الله :)

[أمينة1994]

إن شاء الله يا أختي

والله مرات يروح الامل ومرات يرجع ....... وما بأيدينا سوى الدعاء والانتظار

[la_safa]

السلآم عليكم و رحمة الله ..

خويآ صرآحة أنآ نفضل طب الاسنآن على الطب ..
لكنني أفضل الصيدلة عليهمآ لأني سأدرسهآ باذن الله :19: ..
بخصوص التخصص الاصعب هو الطب لأنه أوسع و أشمل
الحفظ في التخصصين ، فابنة عمتي طبيبة أسنآن
و قآلت أن طب الاسنآن به الحفظ كمآ الطب ..

بخصوص مكآن الدرآسة و بمآ أني سأدرس بقسنطينة أيضآ
سمعت من يقول أن السنوآت الاولى و الثآنية لطب الاسنآن و الصيدلة
بحكم أنهمآ يدرسآن في نفس الجآمعة سيتم نقلهمآ من الفوبور
الى النوفآل و لآ السمآر الله أعلم زيد استفسر في هآذ الأمر
بالنسبة للاقآمة منتوري ..

بالنسبة للمستقبل و العمل - الرزق بيد الله :mh31: -
فابنة عمتي درست جرآحة الاسنآن و لقآت خدمة في عآمهآ
و عندي قريب قرى طب و مآلقآش خدمة
ولى يخدم في صيدلة ..

بالتوفيق أخي :19: ~

[.زَيْنْ الْدِيِنْ.]

شكــــــــــــــــــرا لكُنّ اخواتي ،،، وفقنا الله و اياكم لاختيار التخصص المناسب لنا دينا و دنيا ،،،
بالمناسبة أخت صفاء ، ، ، هل أنــــــــــــ ـــــــــ ـــــــت صفاء التي أعرفها ؟ ههه عذرا على السؤال الغريب :p
^_^

[.زَيْنْ الْدِيِنْ.]

^^
......................................

[styliste]

علاه الاخ توما عين البيضاء يبعثوهم لقسنطينة!!!!!
بانتلي عنابة
nn!!!

[rimayeva]

انا نقرا في قسنطنة الفوبور كاش استفسار اخوتي ران هنا
نورمالمون العام لجاي يدونا للنوفال 1er et 2em anne جراحة اسنان صيدلو وطب

[.زَيْنْ الْدِيِنْ.]

علاه الاخ زَيْنْ الْدِيِنْ توما عين البيضاء يبعثوهم لقسنطينة!!!!!
بانتلي عنابة
nn!!!


نعم منذ الأزل و هوما يبعثونا لقسنطينة
:19::19::19:

[.زَيْنْ الْدِيِنْ.]

انا نقرا في قسنطنة الفوبور كاش استفسار اخوتي ران هنا
نورمالمون العام لجاي يدونا للنوفال 1er et 2em anne جراحة اسنان صيدلو وطب

و الاقامة في منتوري ؟ مليحة شوي ؟ شحال كاين فالغرفة الواحدة ؟و شحال بعيدة على الكلية ؟
ربي يخليك أخي ،،، شكرا
:mh31:

[la_safa]

شكــــــــــــــــــرا لكُنّ اخواتي ،،، وفقنا الله و اياكم لاختيار التخصص المناسب لنا دينا و دنيا ،،،
بالمناسبة أخت صفاء ، ، ، هل أنــــــــــــ ـــــــــ ـــــــت صفاء التي أعرفها ؟ ههه عذرا على السؤال الغريب :p
^_^

والله لآ أدري :1: هههه !!
و من هي صفآء التي تعرفهآ ، ربمآ لأفهم نفسي من :d !!

انا نقرا في قسنطنة الفوبور كاش استفسار اخوتي ران هنا
نورمالمون العام لجاي يدونا للنوفال 1er et 2em anne جراحة اسنان صيدلو وطب
اختي أنآ من تبسة و حآبة نقرى في قسنطينة بحكم أهلى ثمآ
يبعثوني ليهآ عآدي !!

[.زَيْنْ الْدِيِنْ.]

والله لآ أدري :1: هههه !!
و من هي صفآء التي تعرفهآ ، ربمآ لأفهم نفسي من :d !!


اختي أنآ من تبسة و حآبة نقرى في قسنطينة بحكم أهلى ثمآ
يبعثوني ليهآ عآدي !!


آآآآ صفآء اللي نعرفها 40 ههه من خنشلة :19::19:
متشرفين اخت صفاء 12 هههه :19:

[la_safa]

آآآآ صفآء اللي نعرفها 40 ههه من خنشلة :19::19:
متشرفين اخت صفاء 12 هههه :19:

ههه مآعليش :D ، متشرفين يآ خويآ :mh31: ..
حبيت برك نسقسيك انآ حآبة قسنطينة يبعثوني ليهآ زعمآ !

[levante-king]

بالنسبة للإقامة لم تعد في منتوري و إنما في المدينة الجامعية الجديدة و هي أكيد رائعة لأنها جديدة لكن الدراسة مازال غير مؤكد الانتقال للجامعة الجديدة

[levante-king]

ههه مآعليش :d ، متشرفين يآ خويآ :mh31: ..
حبيت برك نسقسيك انآ حآبة قسنطينة يبعثوني ليهآ زعمآ !


حسب دليل الناجح طلاب تبسة للطب هذه السنة إلى عنابة و ليس قسنطينة كالمعتاد أما الصيدلة و طب الأسنان قسنطينة كالعادة

[.زَيْنْ الْدِيِنْ.]

ههه مآعليش :d ، متشرفين يآ خويآ :mh31: ..
حبيت برك نسقسيك انآ حآبة قسنطينة يبعثوني ليهآ زعمآ !


عندي صحبي كمل سنة 6 طب و قاللي بلي يقراو معاهم ناس تبسة بزاف ،،، باذن الله يبعثوكم لقسنطينة لأنها الاقرب :19:

[la_safa]

حسب دليل الناجح طلاب تبسة للطب هذه السنة إلى عنابة و ليس قسنطينة كالمعتاد أما الصيدلة و طب الأسنان قسنطينة كالعادة
الحمد لله سأكون من طلآب الصيدلة :19: ، يعني أكيد يآ خويآ
لآخآطر خآيفة يبعثوني لعنآبة و نولي في سوفرونس تاع ترونسفآر :sdf: !

عندي صحبي كمل سنة 6 طب و قاللي بلي يقراو معاهم ناس تبسة بزاف ،،، باذن الله يبعثوكم لقسنطينة لأنها الاقرب :19:

ان شآء الله يآ ربي :19: ..
تعيش خويآ الله يحفظكـ و يوفقكـ :o ~

[.زَيْنْ الْدِيِنْ.]

^^
.................................

[.زَيْنْ الْدِيِنْ.]

لـــــــــــــــــــــــــــــــــم أفصل في أمري بعد
:'(

[hadjer.m]

معدلك ما شاء الله علاش ما خممتش في الصيدلة ؟؟ و لكن بين الطب و جراحة الاسنان انا عن نفسي ننصحك بجراحة الاسنان .. الطب العام .. شكون لي راه يروح لطبيب عام هاد الايام .. كما ان العمل في المستشفيات اولا متعب و ثانيا مرتبهم قليل مقارنة بالتعب تاع الطالب .. و باش تكمل تخصص اولا تحتاج الى 5 سنين اضافية يعني 12 و انت في الجامعة ثم انو الامر اصلا صعب .. و انا نفصل التخصص يكون في الخارج .. يعني هناك تحديات .. و لكن ابدا الامر ليس مستحيل ان كانت لديك رغبة.. جراحة الاسنان 6 سنوات فقط .. تقدر تخدم عامين للخبرة مبعد تدير قرض و تفتح عيادة

في النهاية نصيحتي الاخوية انو تدير حاجة حاب فعلا تقراها .. باش تقدر تكمل فيها مهما كانت التحديات
و بالتوفيق

[alli12]

نسب النجاح لكل الشعب:
تقني رياضي هندسة مدنية: 61.34%
الرياضيات: 58.65%
تقني رياضي هندسة كهربائية: 57.62%
لغات أجنبية: 56.30%
تسيير و اقتصاد: 51.21%
تقني رياضي هندسة ميكانيكية: 47.51%
تقني رياضي هندسة الطرائق: 46.35%
العلوم التجريبية: 45.35%
آداب و فلسفة: 31.50%

النسبة الإجمالية: 44,78%
rana nchoufou belli aghlab i naj7ou cho3ab math w math tecnique w les langues
c pour ça rah ykoun tanfos 3la medecine 9lil ay min 65% hta l 70% min naji7in b ta9dir fo9 14
w hna 3andna
men 18.00 hta l 19.99 l3adad : 5
men 16.00 hta l 17.99 l3ada :1241
men 14.00 hta 15.99 l3ada machi sure 100% mais fi had jwayeh :12000
w yla 9olna 70% menhom ydirou medecine rah ykoun 7awalay 10000
w l ma9a3ed li kaynin howa men 10000 hta 11000
ya3ni mo3adal medecine had l3am ra7 ykoun 14.10 hta l 14.30
w dontist 14.00 hta l 14.20
w paharmacie 14..80 hta l 15.00
w hydrocarbures men 15.00 hta l 15.20
w architecture ta3 alger 15.20 hta l 15.40
w madares l3oliya ta3 l asatida pour les langyes kima englais w français ... ra7 ykounou ga3 ma bin 15.50 7ta l 16.20
pétrochimie ta3 skikda et hydrocarbure ta3 ouargla ra7 ykounou ma bin 13.80 w momkin yatal3OU hta l 14.80
hadi i7saiyat dertha w je pense tkoun 9riba 80%

[boyka 1993]

طب اسنان حسب ميولي انا ولك الكلمة الاخيرة

[.زَيْنْ الْدِيِنْ.]

لا يزال الصراع قائما

[haidi18]

اخي انا طالبة في جراحة الاسنان راني سنة 5 في الجزائر
اي استفسار راني هنا

[.زَيْنْ الْدِيِنْ.]

اخي انا طالبة في جراحة الاسنان راني سنة 5 في الجزائر
اي استفسار راني هنا

شكـــــرا دكتورة ربي يحفظك
:19:
- - - - - - - - - - -
أميل لجراحة الأسنان أكثر لأن دراستها أكثر متعة '' من الجانب التطبيقي " و كذا حظوظ العمل بعد التخرج ....
و متخوف من الطــــــب خصوصا ما سمعته من صعوبات حول امتحان Risidanat يعني خايف نقرا 7 سنوات و منقدرش نكمل
ممكـــــن معلومات عن التخصصين طب / جراحة الأسنان ...

على سنوآت الدرآسة !
على البرنآمج !
على مدى صعوبة التخصصين !
ثـآني على الحفآظة !
على المستقبل في التخصصين !

على أي حآجة أنتم أدرى ..

[haidi18]

شوف اخي مدة الدراسة في الطب 7 سنوات و جراحة الاسنان 6 سنوات
هوما التخصصين ملاح والرزق على ربي مي نظن ان جراحة الاسنان فيها فرص عمل اكثر
و تانيك جراحة الاسنان تقدر تخدم و معندكش specialité عكس الطب لي لوكان متديرش التخصص كلي مادرت والو
في الطب حظوظ الفوز بresidanat اكثر من جراحة الاسنان لكثرة التخصصات في الطب و قلتها في جراحة الاسنان (فيها خمسة تخصصات فقط)
فيهم الحفظ فيهم الفهامة و صعاب الطب اصعب شوية في الدراسة و فيه في السنوات الاولى النظري اكثر من التطبيقي
لكن في pratique طب الاسنان اصعب و نبداو من السنة الثانية التطبيقي الى السنة الخامسة و السنة السادسة مافيهاش امتحانات و تقييمات فيها memoire de soutnance و stage
انا نحب الاختصاصين في زوج خيرت جراحة الاسنان لاني نحب التطبيق اكثر من الحفاظة
اي حاجة حا تسقسي عليها رامي هنا

[.زَيْنْ الْدِيِنْ.]

ربي يجازيك يا الطبيبة
قوليلي شحال نسبة الفهم بالنسبة للحفظ ؟ و هل لازم نحفظ حرفيا '' bettement " ؟
و التطبيقي صعيـــــب ؟
^_^

[haidi18]

ممممممم نسبة الفهم و الحفظ على حساب les modules كاين لي لازم الحفظ و لاوكان متحفظش متديش و كاين فهامة
و كاين كي تشوف التطبيق برك تفهم كلشي
التطيقي ماشي صعيب في البداية تخاف مي لازم التعود برك و كلشي يجي ساهل الاسف في قسنطينة معندكومش بزاف التطبيق
ماش كيما العاصمة فيها التطبيقات بزااااف

[.زَيْنْ الْدِيِنْ.]

ممممممم نسبة الفهم و الحفظ على حساب les modules كاين لي لازم الحفظ و لاوكان متحفظش متديش و كاين فهامة
و كاين كي تشوف التطبيق برك تفهم كلشي
التطيقي ماشي صعيب في البداية تخاف مي لازم التعود برك و كلشي يجي ساهل الاسف في قسنطينة معندكومش بزاف التطبيق
ماش كيما العاصمة فيها التطبيقات بزااااف
كثرت عليك دكتورة ،،، :1:
ممكن تزيدي تعطيني ls modules اللي نقراوهم '' و الشرح بالعربية ههه "
:19:
ربي يحفظك و ينور دربك

[haidi18]

حاب les modules النة الاولى ولا كل السنوات ????
في الطب للاسف نعرف غير تاع السنة الاولى
ماكنش مشكل اخي تعبك راحة حتى كنت حابة واحد يفهمني بكري :)

[.زَيْنْ الْدِيِنْ.]

حاب les modules النة الاولى ولا كل السنوات ????
في الطب للاسف نعرف غير تاع السنة الاولى
ماكنش مشكل اخي تعبك راحة حتى كنت حابة واحد يفهمني بكري :)

اعطيني تاع طب الأسنان برك ،،، كل السنوات ان امكن ههه :19:
ربي يكملك و تتخرجي و تفتحي عيادة كيما هاذيك اللي في توقيعك :19: ان شاء الله

[haidi18]

هههههههههههه ان شاء اله يارب علاه لالا
بداو بالسنة الاولى les modules
anatomie هو علم التشريح تقراو على العضام و العضلات و الاوردة و الشرايين انا اعتبره اصعب module و الاختلاف مع الطب انهم يقراو كل الجسم و حنا الا الوجه و الرقبة
biochime هادا الموديل سامحني ما كونت نحبو ما قريتو مليح و نسيت واش يحكي ههههه
chimie organique نقاو على الكيمياء العضوية' ساهل و قرينا كيفو في السنة الثانية ثانوي, http://t3.gstatic.com/images?q=tbn:ANd9GcSzlIyNu4dyLd3REhcP92aH_pOM6iYBN 0PZMCZmfQUjMnuWfHCc كيما هادو ساهلييين بزاف
chimie نقراو على الذرات و تانيك حوابج قريناهم في السنة الثالثة الاحماض و الاسس و الاكسدة ارجاعية ماكانش حاجة زايدة
physiologie نقرو على حدوث السيالة العصبية و تكوين الماء في الجسم ساااهل و قريناهم قبل
histologie هادا module جديد نقراو على الانسجة كيما البشرة و النسيج الغروفي و الدموي ,,,,,,, الخ هو جديد لكن هاايل انا نحبو بزاااف
embryologie تكوي الجنين في رحم الام في الاسابيع الاربعة الاولى Module جديد و مليح مي شوية صعيب
biophysique صعيب شوية مي ادا تعرف الفيزياء يجيك ساهل يحكي على العين و العدسات و النووي لي قريناه في الباك
biostatistique الاحائيات و الاحتمالات كيما في الباك شوية زايدين برك
deontologie اخلاقبات الطبيب module اسهل من السهل و تدي 19 كي والو
informatique نقراو على مكونات الكمبيوتر و من بعد L algorithme منقدرش نفهمك مليح لازم قعدة طويلة هههه لكن ساهل خلاص
genetique علم الوراثة نممموت على هاد module قرينا في السنة الثانية و كابن حوايتج جداد
هادو السنة الاولى

[haidi18]

السنة الثانية
prothese تبدو التطبيق فيه تخدمو طقم الاسنان على دميات مع النظري تانيك حول التطبيقي سهل و
anatomie dentaire يتكلم عن تشريح السن لان كل سن او ضرس و شكله و حجمه وفي التطبيقي تنحتون الضرس او السن بالصابون هههه
مع النظري تانبك حول تشريح السن و لي شفتو و خدمتو في التطبيقي تلقاه في الدروس
oc هي odontomogie conservatrice يعني حفط الاسنان les soins تتعلمو على اسنان اصطناعية كيفاه تحفرو الاسنان و النظري واش كاين في التطبيقي
anatomie تشريح اللسان و ما بعد اللسان كالمجرى التنفسي و الهضمي نوعا ما صعيب
pathologie bucco dentaire كيف يتعامل الطبيب في العيادة و المستلزمات لقلع الاسنان و كيفية قلعها
physiologie سهل لكن نست واش يحكي اسفة لكن سهلل جدا
bacterilologie على البكتيريا في الفم و اللاجهزة انا جاني ماشي معمق
parasitologie علم الطفيليات فبه حفاظة بزاااف خاصة اسماء الطفيليات
immunologie علم المناعة سهل و ممتع انا نحبو بزاف و قرينا عليه في البكالوريا و في السنة الاولى
histologie كيف يتكون الفم و الاسنان و انسجة الفم
odf تكوين هيكل الوجه و اغلب التشوهات التي تحدث
parodontologie تكين ما حول السن يعني اللثة و ما جاورها ههه

[haidi18]

السنة الثالثة حنا في العاصمة نبداو نخدو على العباد لكن في قسنطينة لا
prothese نخدمو طقم الاسنان على العباد نخدمو ثلاثة اطقم في العام مع النظري نتعمقو اكثر و استجوابات
oc نديرو les soins simples على العبد تانيك لكن بسيطة جدا على شخص او اثنان مع النظري
odf نقراو على مختلف التشوهات و العلاج ناعها les appareils مع النظري
parodontomogie نديرو detartrage علي شخص او اثنان مع النظري
pathologie bucco dentaire نقلع ضرسين مع النظري لي صعيب بزااف تقرى و يا ربي اذا جبت, اصعب module
pharmaco واااااااع لازم تحفظ الادوية عن قلب ههههههههههه ,
radiologie كيفه نديرو الاشعة و تانيك حساب عمر الطفل على حساب الاسعة سههههل جداااا
anesthesiologie مخنلف les anesthesies لي نستعملوهم للتخدير سسههل جدااا
anatomie patholigique سهل جدا امراض الجسم بصفة عامة

[haidi18]

السنة الرابع
prothese كيما في السنة الثالثة مع النظري و لاستجوابات
oc نتعمقو في التطبيق نديرو حوايج جداد مع النظري و الاستجوابات
parodontologie نديرو detraretagE اشخاص 8 مع النظري
pathologie bucco dentaire نقلع 12 سن ما بين سن و ضرس
odf يجينا طفل نديرولو العلاج تاعو و نعاونو الاطباء في الخدمة تاع l'appareil مع النظري
anatomie pathologie كيما السنة الثالثة
pathologie medicale مختلف الامراض لي يقراو عبياهم الاطباء كالربو و الذبحة الصدرية
deontologie اخلاقيات طبيب الاسنان سااااهل
ops الاحصاء ,ساهل تانيك

[haidi18]

السنة الخامسة
pathologie bucco dentaire نقلعو بزاف الاضرس توصل حتى ل 40 ضرسة مع امتحان نظري واحد و مجموعة بحوث
parodontoogie نديرو detartrage ل 10 اشخاص مع memoire
oc نخدمو 7 cas بدون امتحان ولا اي شيء
odf كيما السنة الثالثة مع امتحان واحد فقط
prothese كيما السنة الرابعة و الثالثة مع امتحان واحد فقط و memoire
ops امتحانين و memoire انت تخرج و تعمل l'enquete تاعك و تدير الاحصائيات


التخصصات خمسة prothese ,OC ,ODF. parodontologie .pathologie bucco dentaire
في السنة السدسة كاين غير les stages w memoire de soutnance
ان شاء اله نكون فدتك و اي حاجة حاب تسقسي متحشمش هههه

[haidi18]

ان شاء الله نكون فدتك اخي

[.زَيْنْ الْدِيِنْ.]

آآآ الطبيبة والله غير حشمت منك ،،، تعبتك معايا
خــــــيرك ما ننساه
عجبني البرنامج بززااااااااااااااف والله
ربي يفرحك و يعطيك ما تتمناي
- - - - - - - -
وش معناه detartrage ؟
ربي يحفظك
;)

[.زَيْنْ الْدِيِنْ.]

.......................
....................
.................

[haidi18]

detartrage هو تنقية الاسنان يعني الاسنان الصفراء و التبييض ,,,,,,,,,,
معليش اخي من حقك تسقسي راني هنا

[.زَيْنْ الْدِيِنْ.]

detartrage هو تنقية الاسنان يعني الاسنان الصفراء و التبييض ,,,,,,,,,,
معليش اخي من حقك تسقسي راني هنا

ربي يخليك يا الطبيبة
خيرك ما يتنسى والله
:19:

[هسكضهم20]

انصحك بالطب فهي مهنة انسانية ودراستها ممتعة وسهلة وفيها فرص عمل في الداخل وا الخارج هي الافضل في الجزائر

[.زَيْنْ الْدِيِنْ.]

شكــــ ـــــــــ ــــــــــــرا أخي

[.زَيْنْ الْدِيِنْ.]

........................
.....................
.................
^_^

[نسرين سامي]

سلآآآم زين الدين
قررت ولا مزال ??? بالنسبة لي مازال الصراع قائما
ربي يوفق في اختيار التخصص المناسب

[.زَيْنْ الْدِيِنْ.]

سلآآآم زين الدين
قررت ولا مزال ??? بالنسبة لي مازال الصراع قائما
ربي يوفق في اختيار التخصص المناسب


لتوي أنهيت التسجيل
.
.
.
.
.
.
.
.
.
.
.
.
.
.
.
.
دكتور في طـــــــــــب الأسنان بعد صراع طويل
^_^

[سمير2008]

بالنسبة للإقامة في قسنطينة ستكون في المدينة الجديدة 100/100 سنة 1+2 ج/اسنان + طب+ صيدلة
أما مكان الدراسة قيل أنه في المدينة الجديدة سنة 1+2 لكن هناك من يقول أن الأشفال لم تنتهي
في المدينةالجديدة يدرس سنة 1+2و ربما 3 ثم تحول إلى الفوبور لجراحة الأسنان و الشالي للطب

من حيث الدراسة للسنة1 طب + جراحة أسنان تقريب نفس البرنامج
سنة 2 تدخل في التخصص تكون عندك حصص أعمال تطبيقية أكثر بالنسبة لجراحة الأسنان
في كلاهما تحتاج تحفظ و إذا حبيت تكون ماجور يلزملك تكون ببغاء
أما من حيث اللغة اذا كنت تعرفها مليح ما تعانيش و اذا كنت ناقص تعاني شوي ماشي حاجة