ليحبني يدخل ولميحبنيش تاني يدخل

[SarSouRa28]

سلا حبيباتي
راني محتاجتكم تعيشوووووووووووا
سي راجلي عفوا بعلي لبارح راح لعرس مع صاحبوا لقاو وحد القراوش معرفتش كيفاه مخدومة
بعلي قال لصاحبوا هذي ليام تخدملك المدام ختها ونجيبهالك عمباتلوا انا قوقل تاع القاطو
جابيلي حبة وقالي روحي روحي اخدمي لصاحبي كاش 30 ولا 40 حبةhttp://www.arabiyat.com/forums/images/smilies/Hp7.gif
قتلوا اااااااااو واش عمباتلك photocopieuse:34:
bref لتقدر تعاوني تقولي كفاه متخلونيش نتبهدل معا سي خونا
شكرا مسبقا:19:
هاذي هي الحبة
https://fbcdn-sphotos-f-a.akamaihd.net/hphotos-ak-prn1/859099_453085884787418_1906715836_o.jpg
https://fbcdn-sphotos-e-a.akamaihd.net/hphotos-ak-prn1/1015020_453085904787416_1920957639_o.jpg
https://fbcdn-sphotos-c-a.akamaihd.net/hphotos-ak-ash4/1040642_453085941454079_316708158_o.jpg

[sofiane2075]

http://www.djelfa.info/vb/showthread.php?t=537538

اختي شوفي موضوع الاخت ام كوتر اكيد ينفعك بالتوفيق

[oum anas 69]

هههههههههههه و الله بعلك هذا معول عليك هههه هذا زهرك أصبري حنونة
أنا نحبك سرسورتي و هذا القاطوهو الحنيفيات راهم داروه بزاف هنا شوفي تاع أم كوثر ضرك نحوسلك عليه

[SarSouRa28]

http://www.djelfa.info/vb/showthread.php?t=537538

اختي شوفي موضوع الاخت ام كوتر اكيد ينفعك بالتوفيق
يعطيك الصحة حبيبتي تاع ام كوثر تاني الله يبارك بصح هذا راه فيه بزاف ملقيتش كفاه نفهمك بزاف خشين وطايب مليح من لداخل ويتقرمش وكشغل مولي في بعضاه يعطيك الصحة على المساعدة

[SarSouRa28]

هههههههههههه و الله بعلك هذا معول عليك هههه هذا زهرك أصبري حنونة
أنا نحبك سرسورتي و هذا القاطوهو الحنيفيات راهم داروه بزاف هنا شوفي تاع أم كوثر ضرك نحوسلك عليه
انا تاني نموت عليك يا لعمر وبعلي هذا يحوس يخرج فيا بعلة في رقبتي المهم حنونتي هذا محوش الحنيفيات نوغ اخر شوفي الصورة كفاه راه ملوي في بعضاه معرفتش كفاه

[oum anas 69]

http://www.djelfa.info/vb/showthread.php?t=1170931
و هذا ثاني لأم سامي

[SarSouRa28]

http://www.djelfa.info/vb/showthread.php?t=1170931
و هذا ثاني لأم سامي
يعطيك الصحة ختيتي بصح شوفي الصورة لدرتها الطبقات كفاه مدايرين و كفاه شكلها خشين والطبقة قدام ختها وتبان متلويا للداخل ولا لالا

[ساندي 28]

انا نحبك صرصورة بصح منعرفش هداك النوع بالذات جربي في قوقل اماج كاش مايخرجلك

[SarSouRa28]

يعطيك ماتتماي يا sofiane2075 (http://www.djelfa.info/vb/member.php?u=250514)

[SarSouRa28]

انا نحبك صرصورة بصح منعرفش هداك النوع بالذات جربي في قوقل اماج كاش مايخرجلك
انا تاني نحبك ونموت عليك حنونتي راني نقرعج في قوقل كشمل نلقى ربي يخليك ليا ويخليلك نجم يا ربي

[sofiane2075]

يعطيك ماتتماي يا sofiane2075 (http://www.djelfa.info/vb/member.php?u=250514)

شكرا اختي لدعائك و لك بالمتل ان شاء الله نتمنى نكون افدتك بالتوفيق ان شاء الله

[الماسة النادرة]

اولا والله غير نحبكككككككككك بزاااااااافففففف لكن هذه الحلوى والله غير انا تان شفتها ونزيدلك دارتها مرت خالي ماشي هك تقول عليها بابيون والله وكي اديت الدوزان باش تويلي امنيني اليوم الجمعة والله ماخرجتهالي كيما الي دارتها وبقات في قلبي لليوم وكيشفت ديالك تفكرت كيما يقول المصري قلبتيلي المواجع ههههههههههههههه

[SarSouRa28]

شكرا اختي لدعائك و لك بالمتل ان شاء الله نتمنى نكون افدتك بالتوفيق ان شاء الله
شكرا يالحبيبة تشبهلها فير الطبقات هذو رقاق بزاف ربي يحطيك الربح وينولك لفي بالك

[SarSouRa28]

اولا والله غير نحبكككككككككك بزاااااااافففففف لكن هذه الحلوى والله غير انا تان شفتها ونزيدلك دارتها مرت خالي ماشي هك تقول عليها بابيون والله وكي اديت الدوزان باش تويلي امنيني اليوم الجمعة والله ماخرجتهالي كيما الي دارتها وبقات في قلبي لليوم وكيشفت ديالك تفكرت كيما يقول المصري قلبتيلي المواجع ههههههههههههههه
اوووووووووه حبيبتي قلبتلك المواجع وانتي من قبل قلبك واجعك خسإت بصح راكي معترفتيليش بحبك من قبل خلاص انا قلبي الصغير لا يحتمل ضرك نجبد الطابي بأم سارة وسوسو وبيبيشة وسارة روزا وكامل الشلة تاعنا ونولي نعشق فيك غير انتي ونهربوا في القافلة ونعيشوا فيخيمتي راني بنيت دوزيام اطاج فيها وجبت بعير ونخلة اسمعي هذيك لجماعة مكاشها هنا خليها غير بيناتنا هههههه العشق الممنوع:1:

[naiilia]

ربي يدوم المحبة

باينة بلي راجل واثق منك ومن قدراتك مادام حط التحدي عارفك شاطرة انا جربت الحنيفيات انتاع ام كوثر ربي يحفظهالنا ولاكن مانجحتش كما هي انظن نقصت المايزينة مرة اخرى نجرب لا يأس مع الحياة ولا حياة مع اليأس اذا نجحتلك حنونتي خبرينا

[أم سراج الدين]

اختي صراحة الشكل تاعه ذوخني
تقولي من داخل ملوي بصح من برا قدقد كيفاه دارولو منعرف؟

حبيت نعاونك سع زدت عليك ههههه
اذا لقيتي العفسة لا تبخلي علينا انا ما فهمت فيها والو

[naiilia]

على فكرة حنونتي دمك خفيف وباينة تتحبي وشكون مايحبكش انا انحبك

[ام محمد و ملاك]

السلام عليكم انا بانتلي راهي مكثرة الطبقات بزاق و و قبل ما تقرصو تلهوثو و من بعد ترقق فيه

[قاتلة الصهاينة]

شوفي يا أختي هادو نفسهم الحنيفيات تاع أم كوثر بصح قبل ماتبداي ترققي الحبة خرجي الطبقات من الجانبين كيما نديرو في قريوش الفراشة برك وكثري الطبقات هذا ماكان مهيش معقدة خلاص

[تاج النور@]

أختي الا تبانلي بلي كثو في الطبقات وزيد جبدوها من زاويتين كما دارت ام كوثر
والله أعلم
وخبرينا واش درتي

[manou 25]

أختي متقلقيش روحك راهي ساهلة تبعي الطريقة الأولى اللي نعتوهالك احكمي طرحي عجينة على شكل مستطيل طويل و لفيه و من بعد قسيهم على شكل مقروضة و احكمي كل حبة و حاولي طوطيها شوية و احكمي جهة تاع القروضة و دخلي صبعك و حولي تهبطي الطبقات تحت بصح جهة فريدة يعني ماتحطيش صبعك فالنص حطيه في الجنب و باه يجيك طايب مليح و حمر حطيه في طاوة شوية غامقة و سخني الزيت مليح .
نتمنى نكون فدتك

[bichaz810]

http://www.djelfa.info/vb/showthread.php?t=1312819
بالاك الحنيفيات هادو يسلعدوك بكاشي فكرة

[moslihe29]

انا ماشى نحبك انا نعشق فيك وعلى جال العنوان دخلت هذو حنيفيات وعدد الليات بزاف ومقطوعين على شكل مربع وليس معين يخرج هكا شكلهم لانه اذا جربت الحنيفيات راح تفهمى كلامى عدد اللفات وطريقة تقطاع الحبه اذا كانت معينات اومربعات يخرج كل حبة ووحدها جربيها وراح تشوفى الاختلاف

[الماسة النادرة]

اوووووووووه حبيبتي قلبتلك المواجع وانتي من قبل قلبك واجعك خسإت بصح راكي معترفتيليش بحبك من قبل خلاص انا قلبي الصغير لا يحتمل ضرك نجبد الطابي بأم سارة وسوسو وبيبيشة وسارة روزا وكامل الشلة تاعنا ونولي نعشق فيك غير انتي ونهربوا في القافلة ونعيشوا فيخيمتي راني بنيت دوزيام اطاج فيها وجبت بعير ونخلة اسمعي هذيك لجماعة مكاشها هنا خليها غير بيناتنا هههههه العشق الممنوع:1:

هههههههههه تعرفي اختي والله وربي راه شاهد غير متمنية نشوفك ونتعرف عليك امنيني

[مباركة 1961]

سلام....ياغوغل نتاع راجلها....
كى تكملى التحدى ___وعلابالى باللى تربحيه_ابعثيلى حقى....
ربى يحفظك ياسرسورتى ويكملك بعقلك
كون جيت انا ....كون كليتها ومسحت شواربى ....وضربت عليه النح..................:d:d:d:d

[الأمنيات]

شوفي انا جربتهم مره ما صلحوش ليا بصح نقول لك كيما قالت الاخت مصلح29
اكثري الطيات اللف لفيهم بزاف والتقطيع هو الي يحدد شكل
اما الاخت الوهرانية راها دايره موضوع عليهم شوفيه

[إلهام07]

هههههههههههه ضحكتني أنا جخلت لاخاطر نحبك صرصورة
شوفي هاذو راهم حنيفيات بصح خادمبنهم خشان يعني مرولي بزاف ( حربوش عريض ) وكي تقصي الحبة ميلي مليح ومن بعد دخلي صبعك في وسطها رايحين يخرجو كيما الصورة هذا ماكان واقليها عادي فقط رققي العجين باش مايجيش معجن :mh31: