تبارك الله اعليا اشكون تكون في شطارتي [الأرشيف] - منتديات الجلفة لكل الجزائريين و العرب

مشاهدة النسخة كاملة : تبارك الله اعليا اشكون تكون في شطارتي

محبة الكتاب

2013-07-03, 11:32

يا الهام تضحكي نقتلك قالك فحلت وقلت نجرب الخبز العربي وبديت نوجد في روحي باش نجري من الفرحة كيتتنفخلي المهم الاولى عملت فقاقيع ودورتها وماتنفختش الثانية نفس الشي الثالثة الله يبارك تنفخ الطرف اللي في الجنب منها والباقي لااااااااااااااااااااااااااااااااااا وجتني البكية انا نحب تفهوني لازمني نشري ايدين جدد والا كيفاش

رحمة من المولى

2013-07-03, 11:40

عادي زيدي جربي
انا اقترحت على المشرفات يديرونا قسم للأطباق الفاشلة و هكذا يساعدونا و يورونا المشكل وين راه خاصة من أصحاب الوصفات
ههه الطاهر مدوهاش فيا
العاقبة المرة الجاية و تنجحلك

أم ماجد

2013-07-03, 12:05

انا جربت تاع سمراء الدنيا جا هايل وروعة روعة
ممكن رققت بزاف العجين
نعرفك فحلة تبعيني كيما تبعتيني في الغريبية وتشوفي الفحولة اللي اطيح عليك
ههههههههههههه خليك من الهام تستعرف غير بالصور ههههههههههه باه تاكل

crystale49

2013-07-03, 13:27

معليهش المرة تنجح لك

FellaD

2013-07-03, 13:33

زيدي عاوديها او كي تبداي قولي يا انا يا نتيا هههههه

تطلع بلا متبدلي يديك.

الأمنيات

2013-07-03, 14:09

عاوديه راكي رققتي العجينه ما لقاش البلاص منين ينتفخ
عاودي وتنجحي ان شاء الله

إلهام07

2013-07-03, 14:12

:confused::confused::confused::confused: والله مالقيت مانقول شوفي كاينة أخت SOHA راهي حطت تطبيقها للخبز الع ربي مديتلها الرابط وصلحلها من أول مرة أنا مافهمت معاك والو :confused::confused::confused::confused:
شوفي أسرار الخبز العربي باختصار واش ممكن تكون أخطاءك :
1- كمية الخميرة ممكن تكون قليلة
2- ماخليتيش العجين يخمر مليح
3- لازم تعجنيه مليح مليح
4- لازم القرصة ماترققيهاش بزاف
5- لازم ماتعاوديش تقرصي القرصة قبل الطياب هزيها برفق وحطيها طيب في الفور
6- الفرن لازم يكون سخوووووووووون

والله هبطلي المورال وغضتيني هذي ثاني حاجة ماتصلحلكش ومانيش حاباتك تتعقدي وتيأسي
بليييز لاتشعري بالاحباط :sdf::sdf::sdf::sdf:

كنت طفلة

2013-07-03, 14:31

ههههههههههههههههههههههه
قتلتوني ضحك انا تاني فشلت لي وحد الوصفة بالصح راني حاشمة نحكي :o:o

محبة الكتاب

2013-07-03, 14:37

هههههههههه ربي ايخليك ليا حبيبتي الهام خلي نراجع الموديل اللي حطيتيه مليح ونعاودو ان شاء الله

محبة الكتاب

2013-07-03, 14:43

ياالهام انقولك على حاجة جربيها في الفرماج انتاع الاخت صفاء البحر ديري نص كاس لبن مع 2 مغارف لحضة تلقيه يطلعلك بسرعة ويجي بنين وايهبل وكان زدتيلو السكر يعطيك طعم البيتسويس وكان زيدتيلو الحامض والملح يعطيك طعم الفرماج
راني القيتك عاملة تطبيق لقريوش لسان الطير للوهرانية راهي قايلة قبل ماتقلوه افتحوه من وين نفتحه القيت بنات قالوا ماطلعلهومش مليح الشكل خفت منو

ام لمجد

2013-07-03, 20:22

بالتوفيق مرة اخرى

محبة الكتاب

2013-07-03, 22:22

ههههههههههههههههههههههه
قتلتوني ضحك انا تاني فشلت لي وحد الوصفة بالصح راني حاشمة نحكي :o:o
اعلاش تحشمي رانا اخواتات مع بعض انا العكس خدمت كثير وصفات من منتدانا الغالي وجوني روعة وماقلتش اعليهم بالصح اذا جتني حاجة مش مليحة نجري نكتبها باش يعاونوني لبنات ربي ايخليهم ليا وثاني باش يضحكوا شوي ( حصة ترفيهية)

naiilia

2013-07-05, 20:05

إلهام07

2013-07-06, 13:20

هههههههههه ربي ايخليك ليا حبيبتي الهام خلي نراجع الموديل اللي حطيتيه مليح ونعاودو ان شاء الله
أولا فهميني أي وصفة جربتي انا تعجبني هذي تبانلي مضمونة 100/100 للجميع كل من جربها نجحتلو :
http://www.djelfa.info/vb/showthread.php?t=1260215&highlight=%C7%E1%CE%C8%D2+%C7%E1%DA%D1%C8%ED

ياالهام انقولك على حاجة جربيها في الفرماج انتاع الاخت صفاء البحر ديري نص كاس لبن مع 2 مغارف لحضة تلقيه يطلعلك بسرعة ويجي بنين وايهبل وكان زدتيلو السكر يعطيك طعم البيتسويس وكان زيدتيلو الحامض والملح يعطيك طعم الفرماج
راني القيتك عاملة تطبيق لقريوش لسان الطير للوهرانية راهي قايلة قبل ماتقلوه افتحوه من وين نفتحه القيت بنات قالوا ماطلعلهومش مليح الشكل خفت منو
لالا الجبن نتاع فاء البحر أصلا حتى لو نجحلي ماعجبنيش الطعم نتاعو :rolleyes: شكرا على النصيحة بصح كون نعاودو ويصلح ماياكلوه أنا على بالي :rolleyes:
أما لسان الطير كي تقصي الحربوش ميلي مليح باش الحبات يجيو طوال ويتفتحو مليح ودخلي صبعك في وسط الحبة رايحة تفهمي ( يخرجو الطبقات هذوك ويتشكل عندك الشكل نتاع القريوش كيما الصور اللي في الوصفة مافيه والو تافه خلاص )، هو مايطلعش بزاف باش يجي مقرمش ، كل ماتحبيه يتنفخ أكثر ماترققيش العجين بزاف هذا ماكان بصح أنت راني وليت نخاف منك ماديريهش :sdf::sdf::sdf: هههههه